ريم تقاطعها :- نحن بنسوي الحركات الي نبيها لا تقولين شي بس صوري
المصوره بملل من وضعيات ريم الغبيه :- اوك
بعد ماخلصوا اندق الباب
ريم :- ميين
شيخه :- انا
ريم تكلم سالم :- يلا سالم اطلع من الباب الثاني البنات بيدخلون
سالم :- دايما يخربون اللحضات الحلوه
ريم ف قلبها ( هه لحضات حلوه قال )
المصوره تفتح الباب حق البنات
شيخه :- يمههه منجج ماشاءالله شو ها الحلا كله اذا انا بنت و انعجبت فييج كيف سالم مسكيين
ريم :- تعالوا تعالوا نتصور
المصوره خذت لهم كم صوره غصب لانه مفروض المصوره الثانيه الي تاخض حق العايله و البنات اما هاي حق البوم العرايس بس
حمده و شذى و سلامه يدخلون
سلامه :- يالخونه تروحون عند ريم وماتعزموني
شيخه :- هههههه مانريد ازعاج
حمده :- انتي بكبرج ازعاااج
ريم تضحك ومستانسه معاهم
شذى ترفع فونها و تصور سناب :- يلا بناات صوره للستوري
ريم ترفع يدها على شكل حبتين
و الي تتمايع ب الصور و الي ماده البوز شبرين
و قعدوا شوي سوالف لين مادخلت ام سالم
وام ريم
ساره :- يلا بنات كلكم طلعوا وجهزوا كل شي الحين وقت الزفه
ريم تقوم تبوس راس امها و راس عمتها
ام سالم :- جاهزه
ريم :- هيه يلا
في القاعه الليتات كلها مسكره غير الاضواء الي موجهه للباب شوي وينفتح الباب و يطلع من الجهتين دخان ابيض يلمع و حركات و ورود بيضه تنزل من فوق مع الزفه الهاديه تدخل العروس ريم كانها ملاك نازل من السما تمشي برزانهه واثقه ب ابتسامه خفيفه مرسومه على ويها و كل الانضاار متوجهه لها ( الف الصلاه والسلام عليك يا حبييب الله محمد )
بعد مادارت كم دوره على الكوشه يلست ف الكرسي مالها شوي و تسمع صوت مب غريب عليها
أبكي وعيني تسهر الليل يـا ريـم
مدري بلاها الشوق والا الظليمـه
يا ريم دمع العين مدري على الريم
والا على قلبن تواكـل صميمـه
تقول لاطمني علـى نونهـا سيـم
أبكي وعندي لأزرق الدمع قيمـه
ريم عيونها امتلت دموع محمد وحمدان يلقون الشعر و متوجهين لها
نوره يمب ريم تبتسم :- تدرين متى خططوا لهاي المفاجئه
ريم بدون ماتلف عيونها عن اخوانها :- متى
نوره :- يوم طردتينا من غرفتج
ريم ابتسمت :- مب هينين
وصلوا محمد وحمدان عند ريم
محمد :- توني اعرف انه اختي قمر كنت احسبج شينه
حمدان يبوس راس اخته :- مبروك يا احلى اخت الله لاايحرمنا منج ومن شوفتج
ريم :- الله يبارك فيكم عقبالكم
محمد :- اميييين
نوره تضحك :- هههههه وده يتزوج الكلب هههه المهم انا بلبس عبايتي سالم واعمامي ويدي بيدخلون
شوي ويدخل سالم بالبشت الاسود و يمبه ابوه و يده و وراهم خليفه
ريم وقفت تطالعهم و تفكر في ابوها ياريتك انت يا ابوي الي تزفني في عرسي مع اخواني كان صدق اكتملت فرحتي
المهم انه سلموا على ريم ورقصوا كلهم مع بعض وطلعوا و بقت ريم وسالم عشان ينزلون ويمشون مع بعض خلاص
سالم ماسك مسكة ريم ويساعدها عشان تمشي :- انتي كيف مستحمله ها الفستان الثقيل
ريم :- ششش الناس بيسمعونك
سالم يريد يسولف :- عادي خليهم يسمعون شو يعني
حمده بصراخ :- ساالم رييم شوفوا هنييي
سالم وريم شكلهم بالصوره منصدمين
سالم :- حمده اقيين صوره ثانيه
حمده تضحك :- هههههه اوك يلا اشوف ريم
ريم منحرجهه من الناس وفي قلبها تتوعد حمده
بعد ماطلعوا كل حد راح سيارته وطبعا ريم مع سالم محمد يكلم سالم قبل مايروح :- هالله هالله ف اختي هاا
حمدان :- انتبه لها ياويلك اذا زعلتها او صارلها شي
سالم بضحكة :- اخاف هي الي تكفخني مب انا ههههه
محمد يضحك :- يكون احسن هههههه ريم طلعي حرتج فيه
ريم تبتسم بدون نفس :- لاتوصي حريص
سالم :- بل بل شف الكلاب قلبتوها ضدي يلا مناك بس
ركب سالم السياره متوجهه للفندق
هدوووء من الطرفين
ريم مالها نفس تتكلم
سالم ماعنده سالفه و ينتضرها تبدا
لين وصلوا الفندق
سالم ينزل ويساعدها لين يدخلون شقتهم
ريم دخلت وعلى طول خذتلها بيجامه حرير ودخلت تبدل اول ماخلصت على طول طبت فوق الفراش ونامت
سالم دخل الاغراض الباقيه وسكر الباب لف يدورها ماحصلها دخل غرفه النوم شافها نايمه
سالم :- ماتبين عشا
ريم بدون صوت
سالم :- اوك براحتج
طلعت وتعشيت ودخلت مره ثانيه الغرفه بنام تعبانين و ورانا سفر
اليوم الثاني
قمنا الصبح وعلى طول على المطار لاننا تاخرنا يوم قمنا وماكان في وقت للفطور
أنت تقرأ
سأنتقم 💔
De Todoروايتي خياليه لكن مافيها اي من الاحداث الخارقه للطبيعه ك شخص يطير او له قوه وجي روايتي تتكلم ب اختصار عن بنت اماراتيه عايشه و يا خواتها وامها في بيت قريب من بيت يدها ( ريم ) هي بطله روايتي اهم شي عندها اهلها و اخوانها بس هدفها ف الحقيقه هو الانتقام...
