ريم عصبت :- اسمعني زين لا انت ولا غييرك بيتحكم ف حيااتي تفهم
محمد :- وريني شو بتسوين طيب
ريم تمشي بس وقف قدامها :- وخر
محمد :- ماني موخر
ريم :- اهاا طيب و رجعت شوي ورى و دقت ع السريع ع حارسها و بدون ماتتكلم تسكر الخط عشان مايلاحض محمد
محمد :- ماراح تطلعين الا معاي و شركتج ب تبيعينها او تعطين يدي اما انج تديرينها لا مستحيل
ريم :- تحلممم
محمد بصرااخ :- سمعي الكلام
ساره تطلع بسرعة من الغرفه بعد ماسمعت صراخة :- شو صاير محمد
محمد :- امي قولي حق بنتج تقعد و ماتسوي مشاكل
ساره بغضب :- اسكت يامحمد شو قله الادب هاي اختك الكبيره
محمد :- ماتربت زين هاي الي تقوليلها اختي الكبيره انا بربيها
طرااااخ ( صفعه من ساره لولدها )
محمد :- تضربيني عشانها امي
ساره ب اعصاب :- و اكسر راسك بعد
ريم بهدوء :- امي هدي ماله داعي كل ها
ساره :- لين متى ياريم بتتحملين خلاص خليه علي
ريم تبوس راس امها و يدها :- مشكوره بس خليج مرتاحة يلا انا رايحة
محمد :- مابتروحين
ريم تطالع الحارس الي ورى محمد بدون مايدري :- امسكة يوم اروح فكه
الحارس يمسك محمد
محمد :- فكني فكني يا ،،،،، فكني اقولك ماتفهم
الحارس ماسكة بدون ولا صوت
ريم
طلعت من المزرعه و توجهت للبيت طبعا معاي حارسين و الدريول و مرافقه خاصه و قلتله يتوجهه للبيت بعد كم ساعه وصلت البيت سرت غرفتي و تسبحت و نمت على طوول
نوره
اخخ راسي يعورني شوو ها الالم كل شوي يزيد
نوره :- راااسي يعورنيي
الممرضه بسرعه تعطيها مهدئ و تنام نوره
اليد حمد
امم خليفه نحن بنتم هني يوم زياده يعني باجر مابنرد الي عقبه ان شاءالله
خليفه :- ليش يا ابوي
اليد حمد :- عشان نوره تعبانه ف خليها تريح اليوم وباجر و الي عقبه حركنا
خليفه :- ان شاءالله امم خبرت عبدالله
اليد حمد :- هيه خبرته
اليوم الي بعده عند ريم
قمت من النوم و بسرعه تجهزت و رحت للمكان الي دايما اتكلم فيه مع الشخص الي يساعدني
ريم :- هلا سوري تأخرت
،،،،،:- هههه لا حبيبتي عادي حتى انا توني وصلت
ريم :- هههه زين الحمدالله
،،،،،،:- اخبار الشركة
ريم :- زينه الحمدالله اخر فتره دخلت تحدي مع شركة ثانيه و ربحنا بفضل الله
،،،،،،:- بيستانس كثيير ب ها الخبر
ريم :- هيه لازم يعرف
في المزرعه
اليد حمد ( فالميلس )
كل عيالي و احفادي موجودين عندي غير اثنين
راشد الله يرحمة و ريم
اليد حمد :- حمدان اختك وين راحت
حمدان :- مدري وين سارت
اليد حمد :- كيف ماتدري وانت يامحمد
محمد :- لحد يكلمني عنهاا
اليد حمد :- شو الي لحد يكلمني عنها اختك وينها
محمد :- مدري قالت عندها شغل و طلعت
اليد حمد :- حمدان سير نادي امك
بعد كم دقيقه
ام محمد ( ساره ) :- هلا عمي
اليد حمد :- اذا اتصلت بنتج قوليلها يوم نرجع خليها تي عندي
ساره ب استغراب :- ليش
اليد حمد :- بيني وبينها
ساره :- اوك
ف المسبح عند البنات
سلامه :- نوره حبيبتي روحي ريحي
نوره :- لا عادي مافيني شي
سلامه :- بس راسج اكيد يعورج
نوره :- لا راح اللام الحمدالله بس في خفييف
سلامه :- انا بسير اسبح
نوره :- وانا بعد
سلامه :- لا لا مافيني ريم تعصب علي
نوره :- تعصب عليج ليش
سلامه :- انتي ماتعرفين شقد ريم تحبج و تخاف عليكم اكثر من نفسها
نوره :- لا ما اذكر شي تعرفين اني نسيت كل شي بس احس انه ريم تخبي علي شي
سلامة ب استغراب :- تخبي عليج ! مثل شو يعني
نوره :- خبريني شو استوي فيني هل انا صدق طحت من الدري على راسي ولا صار شي ثاني
سلامه فهمت انه ريم قالتلها كذي ف ماحبت تقول غير ها :- اممم ايوا ( شذى يت وسمعت كلام نوره )
شذى بضحكة :- مين الي اللف هاي القصه هههههه في اثنين يو و ضربوج
سلامه تقاطعها :- انتي شو يابج روحي سبحي بس
نوره تمسك شذى :- كملي شو صار
شذى تطالع سلامه ب استغراب :- ماتعرفين
نوره :- اذا اعرف بسئل يعني ! يلا كملي شو صار
سلامه تسحب شذى :- شذى تأخرنا ع البنات يلا و انتي نوره تعالي و يلسي جوفينا بس مب تسبحين
الي ف المسبح
شيخة و حمده و شذى و سلامه و نوره يالسه ع الكرسي تجوفهم
حمده :- بس ناقصنا ريم
شيخة :- هيه صح امم شو رايكم نسوي مسابقه
حمده :- شو هي
شيخة :- مين يتحداني ف السباحة
حمده :- امم يلا انا و شذى و سلامه كلنا بنتسابق
شذى :- لا انا بشجعكم و بدا السبااق
الاولى كانت حمده عقب سلامه وحمده راها ، شوي ويجوفون حد يطب فالمسبح وياهم و يشاركهم السباق
سلامه ب ابتسامه توقف شوي :- لاااا بتسبقنااا يلاا بناات بسرعه و تكمل تسبح
عند ريم
بعد ماخلصت من الشخص الي يساعدني رحت البيت خذيت كم شي احتاجة و توجهت للمزرعه
و سمعت اصوات البنات من المسبح ف تحمست و بدلت ملابسي و ركضت عندهم و جفتهم يتسابقون فدخلت معاهم
شذى :- قربتي قربتي شيخة اسبقيهم يلا
نوره :- بتكونين الثانيه حمده هههه
سلامه وقفت بعد ما ريم سبقتها :- ههههه بتسبقكم ريم
ريم /شيخة /حمده / سلامه : ترتيبهم من 4/1
نوره :- كفوو اختي فزتي
ريم ب ابتسامه :- كفو من رباج
شيخة :- لاااا ريم خربتي عليي كنت بفووز
ريم :- ههههه عشان تعرفين اني احسن عنج
شيخة ب استهبال :- واايد واثقه من نفسج هههه
ريم :- اكيد
سلمى ام حمده تروح عندهم :- اووه ريم انتي هني
ريم :- هلا عمتي هيه قبل شوي ييت
سلمى :- يدج كان يبيج
ريم :- اوه اوك الحين بروح له ( طلعت من المسبح و بدلت و توجهت للميلس
ريم تدق الباب
حمدان :- مين
ريم :- انا انا ريم
اليد حمد بعد ماسمع صوتها :- دخلي يابنتي مافي حد غريب
ريم تدخل :- السلام عليكم امم سمعت انك تناديني
اليد حمد :- هيه ناديتج تعالي يلسي يمبي
ريم :- حاضر
اليد حمد :- ليش رحتي بدون ماتخبريني
ريم :- لني مشغوله
اليد حمد :- بس اذا صارلج شي مين بيكون المسؤل انا صح مو انا ولي امرج
ريم ب استفزاز :- ليش يعني اونك مهتم
كل الي فالميلس يسمعون نقاشهم ( عبدالله و خليفه اعمامها و عيالهم سالم و بدر و سيف و خالد و اخوانها محمد و حمدان )
اليد حمد :- طبعا اكيد بكون مهتم مب انتي بنت الغالي الله يرحمة
ريم بنضره قويه :- وااضح انك تحب ابوي حتى من كثر ماتحبه رحت و قتلته
الكل منصدم و اليد معاهم
ريم :- ليش منصدم مب هاي الحقيقه
اليد يقوم ويصفع ريم كف و يقول ب ارتجاف:- كييف تتجرئين و تقولين جي اناا قتلت راشد مين الي قالج من وين سمعتي
ريم بصوت عالي و قوي ولا كنها هي الي انضربت توها :- هييه انت الي قتلته انا اصلا من يوم ما مات ابوي واناا اكرهكك و اتمنى لك الموت اليوم قبل باجر
خليفه بحزن و ب صرااخ :- اسكتي يعل لسانج القص اسكتي
عبدالله معصب :- اطلعي يابنت الكلب ماريد اجوفج مره ثانيه
محمد يطالع اخته منصدم هو وحمدان
اليد حمد :- كلكم اسكتووا ااا من وين سمعتي ها الكلام
ريم :- سمعته و انتهى
اليد حمد :- و صدقتي يعني بدون دليل
ريم :- كل الادله عندي
اليد حمد :- عطيني اياها ابي اجوف
ريم عصبت :- ما اريد ( وتلف صوب محمد عقب حمدان )
اسمعوا انتو و كل الي فالميلس انا من اليوم وراايح مب وحده منكم و لا تعتبروني من عائلتكم يوم ها الي قدامي يموت عقب يمكن افكر ارد ( تقصد على اليد حمد ) و يلا باي و تبي تطلع بس يمسكها سالم
سالم :- ريم خيير على وين
ريم تبعد يده بقوه :- وخرر عني كم مره لازم اقولك تبعد كم مره
سالم :- يدي شو الحل وياها
اليد حمد :- امم سالم شو رايك تتزوجها
سالم و ريم :- شووو
اليد حمد :- هيه تزوجها عشان تتم وياك وانت يا عبدالله شو رايك
عبدالله يطالع ريم ب غضب :- مع اني ما اتشرف ازوج ولدي وحده ماعندها احترام و لا اي ذره من الاخلاق بس عشانك يا ابوي انا موافق و ف المستقبل بخلي سالم يتزوج عليها تستاهل
أنت تقرأ
سأنتقم 💔
عشوائيروايتي خياليه لكن مافيها اي من الاحداث الخارقه للطبيعه ك شخص يطير او له قوه وجي روايتي تتكلم ب اختصار عن بنت اماراتيه عايشه و يا خواتها وامها في بيت قريب من بيت يدها ( ريم ) هي بطله روايتي اهم شي عندها اهلها و اخوانها بس هدفها ف الحقيقه هو الانتقام...
