طلعت من بيت ام رامس مسكينه قلبي يتقطع عليهاا ماتعرف ولدها شو سوى من جرايم اختطاف وغيره يمكن اساعدها مو عشان رامس لا عشان امه واخته المساكين بس رديت بيتنا العصر
و استقبلتني امي عند الباب
ساره :- تاخرتي
ريم :- شغلل و الطريق كان زحمة
ساره :- المهم يلا دخلي تجهزي وروحي الميلس سالم يترياج هناك
ريم مستغربه :- شو يبا
ساره :- ماعرف روحي تجهزي
ريم يوم امي راحت رحت انا الميلس على طول ودخلت :- السلام عليكم
سالم يشوفني من فوق لتحت :- توج يايه من برع روحي بدلي وتعالي
ريم :- ليش مضايقتك العبايه بشي
سالم :- كني مب محرم لج وانتي لابسه عبايه
ريم تتأفف :- اوك شو تبا شو صاير
سالم :- اول شي يوم تطلعين ثاني مره تخبريني و ثاني شي لازم نخطط وين نسافر شهر العسل بسرعة عشان احجز
ريم :- انا مخططة من زمان وين ابا اسير
سالم :- ويين
ريم :- ايطاليا
سالم :- عشرين اللف مره رحتيهاا
ريم :- تدري شركتي الثانيه هناك ومره وحده استكشف كم شي
سالم :- مثل
ريم :- ابا اسئل وااحد كم سؤال
سالم :- من هوو
ريم :- عقب بتعرف
سالم :- اوك بس تبين ايطاليا
ريم :- السعوديه بعد نعتمر
سالم :- اوك كم يوم
ريم :- شهر ايطاليا اسبوع السعوديه و عقب نرد ( وقمت ) يلا انا تعبانه تبي شي
سالم يقوم :- سلامتج ويطلع
طلعت من الميلس وسرت غرفتي و اتصلت ب الممرضه مالت هنري
ريم :- الوو وينج
الممرضه :- بنسافر عقب شوي ايطاليا
ريم :- كم بتمون هناك
الممرضه :- شهرين
ريم :- حلوو وانا بيي بعد وابا اقابلج هناك
الممرضه :- خيير ان شاءالله
سكرت منها و طرشت حق سالم مسج ( ابا اسافر ايطاليا الحين قبل باجر )
سالم :- ( خليها عقب العرس ليش مستعجله )
افف الحين ابا اروح وافتك ( طيب شو رايك نقدم العرس ونخليه عقب يومين و اليوم الثالث فالطياره )
سالم استانس ( اوك انا ببدا ارتب كل التجهيزات وبخبر الاهل )
ريم ( اوك )
نوره
طلعت من غرفتي و سرت عند امي
نوره :- امي ماريد اكمل دراسه
ساره :- انتي تعرفين شو تقولين
نوره :- هيه اعرف اذا طلعت اقدر اشتغل في شركة ريم
ساره :- واذا شركة ريم افلست و عقب تسكرت مين بيقبلج انتي
نوره :- عادي مب لازم اشتغل بتزوج و بتم فالبيت
ريم وهي نازله سمعت كل شي :- اول شي مستحيل ادخلج شركتي بدون شهاده ثاني شي مستحيل ولا تحطين فكره انج ماتكملين فبالج ماتعرفين شو يصير يمكن تطلقين و ماعندج شهاده و حياتج تنقلب لاااازم شهاده تكون فيدج
نوره :- افف تعبتت
ساره :- توها بدت المدرسه صارلج كم يوم بس
ريم تكلم امها :- امي عرسي بعد كم حددناه
ساره تقوم :- بسم الله ليش بسرعة يلا على السوق انتوا الاثنين يلا
رحت مع امي ونوره المول نتشرى و هناك شفت عمتي عليا وحمده و عمتي سلمى و شيخة وشذى سلمنا عليهم و عقب البنات راحوا بروحهم و الحريم بروحهم
عند البنات
شيخة :- مين يصدق انج صرتي عرووس
ريم :- شي طبيعي
حمده :- ريم انتي تحبين اخوي
ريم تلف صوبها ب سرعه :- مين قاال
حمده وشيخه يضحكون :- هههههه كشفنااج
نوره :- هههههه ماعرفتج اختي
ريم تغير السالفه :- بنات مب كأنه حد ناقصنا
حمده :- صححح سلامة
ريم تمسك فونها :- بدقلها
بعد رنه
ريم :- الوو
سلامه :- هلا ريم
ريم بدون مقدمات :- سمعي نحن و البنات فالمول تعالي
سلامه :- يالخونه كيف تطلعون بدوني
ريم :- صدفه محد حسب حسابها
سلامه :- طيب مع مين اي
ريم :- شوفي دريولنا او دريول حد من اخوانج او دريولكم او حد من الشباب
سلامه :- اوك
سكرت وكملنا نتشرى اغراض و فساتين وحركات
شذى :- بناااات
شيخة حمده :- هااا
شذى :- شوفوا نعومي هناك بنشتري لريم ( وتضحك )
حمده :- صح كلامج يلا ريم
ريم ويها احمر :- ماريد مب كيفكم
نوره وشيخة :- يسحبونها و قبل مايدخلون عند الباب
سلامه من بعيد شوي :- بناات
البنات يلفون
ريم :- اوه وصلت بسرعة
حمده :- مب كانه الي معاها سالم
ريم :- فشله الله يفشلكم شوفوا نحن وين واقفين وهو ياي عندنا
البنات :- ههههههههه
سالم :- السلام عليكم
البنات :- وعليكم السلام
سالم :- شعندكم كلكم فالمول ( يرفع راسه يشوف لافته نعومي و الملابس الي ورى )
البنات :- نشتري للعرس
سالم :- اهاا حق عروستي
ريم :- يلا بنات تاخرنا
حمده تبتسم عرفت انه ريم ماتباه يشوفها او يكلمها :- سالم تعال معاي شوي
خذته وراحت تكلمه شوي و يشوفونه رايح وحمده راده عند البنات
شيخة :- شو قلتيله
حمده :- ولاشي صرفته عشان ريم
ريم تطب تحضن حمده :- فديييتج احبججج
حمده :- مصلحةة
البنات :- ههههههه
المهم اننا درنا لين تكسرت ضهورنا عقب رحنا يلسنا ف كوفي و طلبنا كيك لريم حفله صغيره بينا وهي ماكانت تعرف
ريم انصدمت يوم شافت الموضفين يو ويصارخون ويغنون صوبنا
ريم :- شو السالفه بناات
سلامه :- حفله توديع عزوبيه ههههه
ريم انحرجت :- بنااات شو هاي الحركاات
نوره تقوم :- الحين بي
ريم :- وين بتروح
حمده :- مادري
عند نوره
رحت اشتري باسكن روبنز شوكليت كوب كبير لريم من زمان ماكلته وانا فطريقي شافني
عند سيف
طلعت المول مع ربعي و واحد فيهم قال :- شو رايكم نروح باسكن
سيف :- اوك يلا
اول ماوصلنا باسكن ****:- يعياال شوفوا هاي البنتت تجنن ****:- هيه والله تعال نلعب معاها شوي ****:- وااضح من شكلهاا انها بنت عزز
لفيت ويهي والا شوف انها نوره عصبت وانا اشوفها بروحها بالمول :- يعيال روحوا مكان ثاني بسرعة ****:- شوو ياخوي نبا نرقم البنت
سيف عصب :- اقولكم روحوا بسرعة ****:- شفيك معصب ليكون خقيت عليها تراك خاطب
سيف :- اييه خااطب وهااي خطيبتي يلاا انقلعوا بسرعه ****:- اف اف هااي هيي ****:- ههههههه وانا اقوول ليش معصب اسفين اسفين
بعد ماراحوا الشباب رحت عندها شفتها طالعه من باسكن متاكد انها شافتني قبل شوي عيني يت فعينهاا المهم اني وقفتها
سيف :- شو تسويين هنيي
نوره :- وعليكم السلام
سيف :- مع مين ييتي
نوره :- مع امي و البنات
سيف :- وليش ماخبرتيني
نوره تشوف الاسكريم الي فيدها :- كنت مستعجله المهم باي الايس كريم بيذوب
سيف :- تريي بروح وياج بوصلج عندهم بس سعمي ماريدج تتمشين بروحج مره ثانيه
نوره مالها خلق مشاكل :- ان شاءالله
سيف :- كيف المدرسه وياج
نوره :- خايسه
سيف :- ليش شصاير
نوره :- ولا شي
سيف :- ليش تتكلمين ب اختصاار فيج شي
نوره:- لا ابدا
عند البنات
شيخة :- اما بنااات شوفوا شوفوا نوره
حمده بدون ماتلتفت لنوره :- مافيها شي شو فيها بعد
شيخة :- ياغبيه شوفي الي معاها سيف اخوي
حمده :- حركااات راحت تكلمه بعد
شذى :- اكيد عزمته على كوفي
ريم :- لا شوفوا الي في يدها ايس كريم باسكن راحت هناك بس ما اعتقد انها نادت سيف يمكن صدفه
عند نوره
نوره :- ها وصلنا تقدر تروح
سيف يشوف البنات :- اوك يلا باي
رحت عندهم
شيخة :- قوليلنا شو صاار من الالف للياء يلا
نوره :- يبت لكم ايس كريم و اكبر واحد شوكليت حق ريم
ريم :- مشكووره من زماان خاطري فييه
حمده :- لاوالله شو يعني ريم كبير وانا صغير
ريم :- لاني انا غييير
نوره :- يب ريم محد مثلها
شيخة :- اوك يلا قولي شو صار
نوره :- فضوووول
أنت تقرأ
سأنتقم 💔
Randomروايتي خياليه لكن مافيها اي من الاحداث الخارقه للطبيعه ك شخص يطير او له قوه وجي روايتي تتكلم ب اختصار عن بنت اماراتيه عايشه و يا خواتها وامها في بيت قريب من بيت يدها ( ريم ) هي بطله روايتي اهم شي عندها اهلها و اخوانها بس هدفها ف الحقيقه هو الانتقام...
