سأنتقم 💔

البارت 26

في مكتب الاجتماعات
ريم :- اعتقد انه كلكم دريتو انه طلعولنا منافسين جدد يشكلون خطر على شركتنا
الموضف 1:- هيه درينا ونحن نحاول نبذل كل جهدنا
ريم:- وهذا الي ابيه منكم حتى لو شو ماصار لا تتراخون ف شغلكم
الموضف 1 :- ان شاءالله
ريم :- حسن شو هي المعلومات الي جمعتها عن المنافسين
حسن :- الضاهر انه صاحب الشركة تقريبا عمره 25 و اجنبي مب مواطن و السكرتير ماله مواطن اسمه عبدالله شركتهم مجالها نفسنا بكل شي تاسست شركتهم قبل كم شهر و حاليا وصلو عندنا هذا اذا ماتعدونا
ريم :- لا مارح يتعدونا انتو اشتغلو زين وبس
محمد :- كلمت السكرتير  ويقول بيحاول يحدد يوم على اساس انه مشغول و اسلوبه ابدا ماعيبني
ريم :- خليك من اسلوبه الحين اول مايقولك متى خبرني
حسن :- تدرين انه في واايد اشياء ف شركتهم تشبهنا حتى تقريبا مخططاتنا الي كنا بنسويها سبقونا و سووها
ريم مستغربه :- شلون
حسن :- مدري يمكن في عندنا جواسيس و جي
ريم تفكر :- هيه صح انا اخر فتره ماراقبت الشركة زين بس بشوف كيف ،، في شي ثاني تقولونه في شي مضايقكم او رواتبكم ماتكفي او شي
موضف 3 :- لا الرواتب زينه الحمدالله بس تعرفين لازم يكون في زياده ف الراتب كل فتره اقصد ترقيه
ريم :- امم اوك بفكر ف ها الموضوع وانتو تستاهلون كل خير و خلاص الاجتماع انتهى

طلعت من مكتب و رحت مكتبي
دخلت شوق
شوق :- ريم شو تبين تقولين حق مديرهم
ريم :- قصدج الشركة الثانيه
شوق :- هيه
ريم :- ماعرف والله
شوق بصوت عالي :- هاا شلون ماتعرفين تستهبلين صح
ريم :- خفي صوتج وبعدين عادي اريد اشوف شكلة و تصرفاته واعرف كيف طبايعه
شوق :- اووله تتغزلين فيه
ريم :- وععع شو الي اتعزل فيه انتي بعد فهمي زين
شوق :- انتي قلتي اريد اشوف شكلة و
ريم :- هيه بس مب اتغزل فيه خير
شوق :- انا اروايج بخبر سالم عليج
ريم تطالعها بحقد :- شجاب طاريه هذا
مهره :- خطيبج
ريم :- وجععع مب خطيبي

عند سالم
سالم :- ها ابوي كلمتو امها
عبدالله :- هيه كلمناها
سالم :- شو ردهم امي
عليا :- ساره تقول بتشوف اذا ريم موافقه ولا
عبدالله :- مب كيفهاا ليش تشاورها
عليا :- انت شفيك معصب بنشوف بتوافق  ولا لا وبعدين مابتلاقي مثل ولدي اصلا
سالم يقوم :- اوك يوم ترد لكم عمتي ساره قوليلي يلا عن اذنكم انا طالع

عند ساره

واقفه وادور ف البيت متوتره يالسه اتريا ريم توصل تأخرت كم مره طلعت الحوش اشوف اذا يت ولا لا وهاي المره الي طلعت فيها شفت سياره سيف نزل ودخل
سيف :- هلا عمتي اخبارج ( ويزورها)
ساره :- تمام اخبارك انت تفضل
سييف :- الحمدالله تمام ييت اكلم نوره شوي
ساره :- هيه اوك انت ادخل وتقهوه ونوره بتنزلك
خليته ف الميلس و رحت انادي نوره
ساره :- نوره يمه ريلج ف الميلس
نوره :- غريبه يا اوك الحين نازله
ساره :- اوك تجهزي ونزلي
نوره :- اتجهز ليش رايحه حفله انا الا هو سيف عادي
ساره :- خلي عنج الحركات وتجهزي
نزلت ويلست عند سيف لين ما نوره يت وخليتهم بروحهم
نوره
نزلت بعد مالبست طبعا غصب من امي ودخلت الميلس عنده عطاني نضرات ولف
مدري شو قصده بس مع نفسه مايهمني
نوره :- السلام عليكم
سيف :- وعليكم السلام
نوره :- شوف انا يبتك هني عشان نحدد وقت العرس
سيف :- هاا
نوره :- هيه عندك مشكله
سيف منصدم :- لاا بسس انتي شوو ااا
نوره تمسك ضحكتها :- عربي مافي معلوم ، تكلم زين مافهمتك
سيف :- ااااا
نوره :- شووو
سيف يرد لوعيه :- اوك متى تبينه يكون
نوره :- بعد شهرين
سيف :- اي يوم حددي
نوره :- 3/3 رقم مميز
سيف :- اوك شي ثاني
نوره :- بعدك تكلمها
سيف يقوم :- مالج دخل ( ويطلع )
عند ريم
طلعت من الشركة ووصلت البيت وانا نازله شفت سيف يطلع من بيتنا ووقفته
ريم :- السلام عليكم
سيف :- وعليكم السلام
ريم :- بعدها تكلمك
سيف شك بالموضوع :- لا اتصل فيها ماترد انتي قايله لها شي
ريم :- هيه
سيف عصب :- انتي متى تفهمين ان مالج دخل في حياتي
ريم :- انا ما ابي اتدخل في حياتك بس حبيت اسمعك هذا الصوت صبر ( و فتحت التسجيل من الفون )
عند سيف
كل ها يطلع من مهره طلعت تلعب عليي بنتت تعلب علي انا سيف ال*** عشان شو عشان فلووس
ريم :- ها قد سمعت كل شي و الحين انت برايك و على فكره يمكن ماردت عليك لانها ماتبي تواجهك ف خليها برايها هاذي اخره الي يكلمونن ( خليته ودخلت البيت )
عند ريم
اول مادخلت مسكتني امي
ساره :- وينج ليش طالعه من الصبح وبدون ماتخبريني
ريم :- كنتي نايمه وانا كان عندي شغل ضروري
ساره :- شو هو
ريم :- شغل ف الشركة
ساره :- امم اوك بدلي وتعالي عندي موضوع مهم معاج

سرت فوق بدلت و خذيتلي سبحه ع السريع ونزلت غريبه امي شو تبا لايكون الي فبالي
ريم :- هلا امي امري
ساره :- شوفي حبيبتي انا بدخل ب الموضوع على طول
ريم :- هيه ها الي ابيه
ساره :- كلمتني عمتج عليا و تبيج حق ولدها سالم وانا موافقه وابيج له و مابتلاقين  من يصونج كثره
ريم استحت من امها مع انها تدري :- امي عطيني وقت افكرر
ساره :- اوك فكري ورديلي خبر بس هاا لاتطولين
ريم :- ان شاءالله
وانا يالسه مع امي دق فوني برقم قريب فالبدايه طنشت بس ازعجني ف رديت
ريم :- الو هااا
هنري بضحكة :- مرحباا مابك
ريم عرفت صوته :- اووه هنري اهلا اهلا كيف حالك
هنري:- بخير وانتي ماهي احوالك
ريم :- الحمدالله
هنري :- سمعت انك تواجهي صعوبه ف الشركة هذه الفتره هل تريدي بعض المساعده انني جاهز
ريم :- لا شكرا لك اذا لم استطع حلها سأخبرك نحن فالبدايه الان
هنري :- حسنا تشجعي ، اوه كدت انسى لقد اتيت لزيارتك اريد مقابلتك غدا هل تستطيعين
ريم تحسب فعقلها اذا عندها شغل ولا لا :- حسنا اين تود مقابلتي
هنري :- امام البحر ك العاده
ريم :- حسنا
بعد ماخلصت من هنري يلست مع امي شوي عقب رحت غرفتي و طرشتله مسج (( واااايد استعجلت )) و سكرت فوني ونمت
عند سالم
بعد ماطلعت من البيت سرت عند بدر و العيال ( عيال اعمامي )
سالم :- السلام عليكم
بدر ' محمد ' سيف ' خالد ' حمدان :- وعليكم السلام
سالم :- ها شو يديدكم
سيف يقوم :- عندي شغله ضروريه وراد ها لاحد يروح بنلعب سوني يوم ارد
خالد :- متفيقين لك نحن بنلعب وانت بسرعة رد
سيف :- لحد يطلعع ( طلع سيف وقفل على الشباب من برع )) :- شباب مابتئخر ها
خالد :- حمدان يلا تعال بنلعب فورت نايت
محمد :- لاا شو فورت نايت مال اطفال
خالد :-شتبي انت
محمد:- ابي كوره
خالد :- ياغبي اقصد مالك دخلل
محمد :- كوره يلا بدر و سالم
خالد :- وبعد يعزمهم ها الي ناقص
بدر يضحك:- ارتااح مااريد اللعب
سالم :- ولا انا
محمد :- نفسيااات
خالد :- يلا فورت نايت حمدان
حمدان يقوم ويلعب و محمد فالح يخرب عليهم بس
بدر :- ها شصار
سالم :- ابد امي عطتهم خبر اني بتقدملها
بدر :- وافقت
سالم :- هيه
بدر :- غريبه
سالم :- حاولت معاها عقب غيرت رايها فجئه وطلع انها تبيني عسب اساعدها
بدر :- في شو
سالم :- انتقامها