اول كرونيك نديرها ❤☁️
تحكي على المشاعر المختلطة ... بين حب و كراهية و مصلحة ... لكن مع الوقت كلشي يزول بسبب خيانة الاخر و تدخل الشخص المناسب لإنقاذ البطلة نن الغرق في حزنها الذي تخفيه تحت قناع البرود و عدم الاهتمام ...💕 نتمنى تعجبكم ☺💕
قعدت قمر و دارت لاسانتور تاعها و مدورة وجهها على جواد ... قعدت تشوف كن التاقة و كارهة حياتها صح ... بدات مشاعر الكره تظهر ... قلعت الطيارة و دارت قمر كيتمان و قعدت تسمع فالغنا حتى وين داتها عينها و رقدت...
سقمت قمر روحها و بدات تاكل ... و جواد كان يخدم بالبيسي بورتابل تاعو ... كملت قمر الماكلة خرجت كتاب حول دماغ الانسان ( الطب) 🤝
After hours:
لحقو لألمانيا الحبيبة و هبطو ... راحو جبدو لي فاليز تاوعهم و افتارقو ... و بيانسور بدون اي محادثات و لا مصارعات ... كانت كاينة حاجة مديرونجية كل طرف ... انها المشاعر يا إخوان🤡 راح جواد لدارو ... دخل و مزال ماتبدل فيها والو ... نفس البرودة ... الظلام... حس بشعور الوحدة ... عكس كي كان فدار قمر ... دارها منورة ... و لومبيونس يامحاينكم🙂... اما عند قمر راحت للأوتال و ديراكت للسرير ... كانت عيانة و غاصت في عالم الاحلام ...
ناضت قمر بعد ساعات من النوم ... راحت عيطت للاريسيبسيون باه يجيبولها ماكلة ... و هي راحت تدوش ... خدات وقتها فالتدواش لأنها كانت متضايقة صح ... كارهة كلش ... نحات ديك الطاقة السلبية... غير خرجت و تقابلها الماكلة من كل نوع ( كوموندات كلش هههه🤣) طلعلها المورال جواد و مايهبطهولهاش 🤣...
قمر: بسم الله !
كلات قمر و حمدت ربي سبحانو ... جات تنوض و يصوني تيليفونها
