لحقو للوتال... و هبطو البنات ...بعدما ودعو اليخاندرو و سميث ...
للمعلومة :اليخاندرو من ام جزائرية و اب ايطالي 😅
دخلو للوتالو راحو للاريسيبسيون ...فراو كواغطهم ...وطلعو للطابق لي فيهم لي شومبر تاوعهم...
فالطريق لليشومبر:
ياسمين: علاش درتي شنابر متفرقات؟
قمر:زعما مانعرفكش؟ قشك كامل تريميه فجيهة و ماننساوش السهران تاعك ! و توسخيلي الدنيا قاع
ياسمين:اسمحيلي يامهووسة النظافة و الرقاد😤
قمر:وزيد راني متاكدة بلي رجال جواد راهم هنا يعسو فينا تسما من الافضل نتقتل انا !
ياسمين:والله و نحكم جواد! غير نخرمطلو وجهو! جرجرك تجريجير جامي شفتو في حياتي !
قمر:صاي بلعيه دك! نتي نسيتي روحك واقيل!؟ اميين صاحبو هاداك مسح بيك الكوكب !😂💔
ياسمين:صاااي بلعيه😤
قمر:تشفاااي؟؟؟😂💔
ياسمين:اووووف صاي 😤💔
كملو طريقهم و كل واحد راح للاشومبر تاعو... تمدت قمر تحط لي شومبر فنفسالايطاج بصح بعاد على بعضاهم و تاني خلات متعقب في رقبتها باش اداكش ماصرا تقدر تلقاها ... يقدر جواد يهددها بيها بصفتها الصديقة الوحيدة لدى قمر ... دخلت قمر للاشومبر حطت صوالحها و رمات روحها فالسرير مرفقة بتنهيدة طويييلة و شافت فالسقف و قالت مع روحها * وقتاه يخلاص هاد المسلسل *
ناضت امبعد فاتت على كامل الشمبرة ... تفيريفيي مور لي فييوز و السرير... و كانت تلقا اداة تصنت و كاميرا ... هادا وش خلاها تتاكد بلي جواد. راه غير قريب ... خرجت ديراكت بعدما رفدت تيليفونها تعيد لاليخاندرو بعد مامدلها نيميرو تاعها
قمر:راهم هنا !
اليخاندرو: راكي روتار ! راه عندي هنا لي حط كاميرات فشمبرتكم
قمر :احكمو عندك نروح لعند ياسمين و نجي !
كوبات و راحت تجري للاشومبر ... و هنا طاح قلبها بعد ماشافت الباب محلول ...دخلت. و تلقا الدنيا مقلبة ...و هنا عرفت بلي اختوطفت... خرجت ديراكت من لوتال و تلقا سميث لي كان يقارع فيها بعد ماامرو اليخاندر.
قمر :اديني عند ال**** لي دار الكميرات عندي هدرة و حدوخرى معاه
سميث:ايه صحا بووس 🙄...ياسمين وين راهي
قمر : داووها !
بعد هاد الكلمة فرينا ديرااكت
سميث:كفاه؟😳
قمر:داو...
صونا تيليفون تاع قمر ... و النيمرو هادا تعرفو مليح ...رفدت و ذارت مكبر الصوت باش يسمع سميث و يسجل المكالمة
قمر:وي جواد
جواد:اييي قمر ... توحشت صوتك
قمر :وين راهي ياسمين !؟
قالتها بنبرة حادة !
جواد:بلاعقل بلاعقل ... راهي هنا عندي ...
قمر :شوف جواد ! العب بواش تحب غير ياسمين !
جواد:نتي لي لحقتيها لهنا ! يليق نتوشي الوتر الحساس باش تمديلي لي نبغيه
قمر : تفووو
و كوبات عليه جيراكت و ابتسامة شيطانية تبان في وجهها
سميث:هي نورمالمو نورمالمو ! الخاطف هو لي يكوبي اللول ...
عم الصمت فالطونوبيل ... سميث لي كان يسوق و بسرعة بعد ما امراتو قمر ... و قمر لي كانت تخرب فتيليفونها ...
لحقو لمكان مهجوور ... هبكت قمر ديراكت و تبعت سميث حتى لحقو لواحد الشمبرة لي كانو حيوطها مقشرين و كحلين ... اضافة الى الشبكات تاع العنكبوت لي تبين قجم المكان
اليخاندرو :العسلامة بضيوفنا !
تجاهلاتو قمر و راحت ديراكت لهاداك لي كان مربوط فالكرسي و تعطيه بدبزة للوجه
قمر : وين راهي ؟
قالت بصوت خلا الباب يدير صوت مزعج من قوة الصوت ...و بعينيها لي تحوولو لأحمر
اليخاندرو:ستهزيت بزاف بهاد القطة 🤦♀️
المجهول: ما علاباليش...
to be continued !
أنت تقرأ
معًا♡(باللهجة الجزائرية)💕💕
مغامرةاول كرونيك نديرها ❤☁️ تحكي على المشاعر المختلطة ... بين حب و كراهية و مصلحة ... لكن مع الوقت كلشي يزول بسبب خيانة الاخر و تدخل الشخص المناسب لإنقاذ البطلة نن الغرق في حزنها الذي تخفيه تحت قناع البرود و عدم الاهتمام ...💕 نتمنى تعجبكم ☺💕
