خرجن ياسمين من الطونوبيل و رفدت صوالحهاو خرجت ... اما قمر ... كانت فالمطار بين هادوك الناس تعس فالرجال هادوك... ماطولتش و تشوف رجال اخرين لابسين نورمال... مي كانو يشوفو فكامل المطار... كيشغل راهم يحوسو على حاجة ... كملت تتمشا بين الناس ... حتى لحقت للسانيتار ... دخلت غلقت الباب و قابلت المراية ... تحوس على خطة ... فاقت على صوت الباب يتفتح ... كانت مرا شعرها صفر ... لابسة سروال كحل مع ترو بيض و طالون ... شعرها كانت دايراتو كوتشوفال... شافت فقمر ... تمحاو ملامحها و ظهرت ملامح الغضب... جات تضربها ... قمر تصداتها ... و جات تضربها لكرشها برجلها ... سبقتها ديك المرا ... ناضت قمر و بدلت وضعيتها ... تجي تمدلها بوكس تتصداها لوخرة ... حتى وين خرجت ديك المرا ابرة ... جات تغرسها فيد قمر ... حكمتها قمر و عوجتلها يدها للور ... ديك المرا ماستسلمتش...رجعت للور بكل قوة حتى لسقت قمر للحيط مي هكاك و ماطلقتهاش...بصح الكرا ديك هبطت راسها و طلعاتو بقوة ... قمر ضربت راسها للحيط و تغاشات
*****:ارواحو تدوها ... راهي فسانيتار... صعيبة المرا دي ... يدي تعوجت
After 2h
حست بما بارد ضرب في وجهها ... ناضت بلاعقل ... عينيها حمرين من الزعاف... ماشي تعبير مجازي... قمر كي تتنارفا عينيها يولو حمر... شافت فلي تفق عليها الما ...طلق البيدون من الخوف ... شافت فالكرسي ... راجل ... لابس كوستيم باج ... دار و كان حاكم قارو و نطق
كارلوس: هادي هي؟
الراجل: وي هادي هي
كارلوس :علابالك شكون انا ؟
قمر: نتا هو الجايح تاع كارلوس لي يبعث رجالو يديرو حاجة
بعد الجملة هادي تجيها بوكس ... الدم خرج من فمها ... كانت من عند ديك المرا ...
تسنيم: ياويلك تهدري هكا على البوس
قمر: خاينة !تفوو
دفلت هاداك الدم على وجهها ...جاها بوكس وحدوخر مي قمر هاد الخطرة وجهها ماتحركش ...قاطعهم كارلوس
كارلوس: نكمل هدرتي و ديري فيها لي تحبي...جبتك رهينة لا اكثر ... اما للتسنيم هدف... عيطت لراجلك .. يايجيبلي سلعة تاعي ولا تروحي في ذمة الله
قمر: ههه تضحكو ... خلي احلامك ... اقتلني و نتهناو ... ماراحش يجيبلك السلعة تاعك
كارلوس :شكون قال؟ راح يجي ليوم يجيبهالي... ماتعرفيش كي قتلو عليك كي رجع! باين يحبك😏
قمر:😳😳
تسنيم ماحملتش الهدرة ... و تجي لقمر صفعة هاد الخطرة شافت النجوم ... و خرجت تسنيم ديراكت ...خرج كارلوس و رجالو ... و قعدت قمر مع افكارها ... صح؟ راه جاي يعاوني؟ قلبي... قلبي علاش راه يضرب؟ لا لا لا مانحبوش ! خلاص ... خلاص ! باينة ... راه يكذب ! مايحبنيش ...
فاقت من الافكار ... بعد ماتحل الباب ... كانت نسنيم رافدة باطة ... و عينيها معمرين دموع ... حطتهم فالطابلة المقابلة قمر ... عرفت قمر وش راح يصرا مي مادارت اي حركة ... كانت تفك الحبل لي مدور على يديها ...
تسنيم:من النهار ضهرتي لحياتو ... كرهتك... تمنيت نلحق لهاد النهار... نهار لي شتكم بايتين مع بعض ... عرفت بلي كاين حاجة... خرجتي مرتو ... و مور ظهري ؟ بدون علمي ... سنين و انا معاه! كان يهترف باسمك ! و كي نسقسيه مايجاوبنيش... دكا ظهرتي ق*** كي نتي !من نهار سمعت اسمك من فمو كرهتك ... كل مايشوف القمر يبتسم ... ديتي البلاصة لي كان لازم نديها انا .
كانت قمر تشوف فيها ... عينيها حمر ... وش خلا تسنيم تحس بخوف ...دارت حلت الباطة و خرجت موس تاع الجراحة ... جابت كرسي و قعدت ... قربت لقمر ...
تسنيم: اممم نبدا بالرقبة هادي
مررت تسنيم الموس على رقبة قمر ... تجرحت شوية ... بصح قبل ماتخليها تغرسو ... طلقت يديها ... و جبدتهم و خنقت تسنيم ... دمرتها للطابلة ... تسنيم الموس طاحلها ... جبدت قمر الموس و قطهت الحبل المدور على رجليها ...فنفس الوقت جبدت تسنيم موس🐸... جات بجيهة قمر ... ماحست غير بضربة لي جاتها فوجهها ... و وحدوخرة فكرشها... طاحت ... حكمت قمر شعر تسنيم و طلعت وجهها
قمر: شوفي ماعلاباليش ادا لي تحكي عليه صح ولا نو... بصح مانخليكش توشي شعرة مني ولا منو !
أنت تقرأ
معًا♡(باللهجة الجزائرية)💕💕
Adventureاول كرونيك نديرها ❤☁️ تحكي على المشاعر المختلطة ... بين حب و كراهية و مصلحة ... لكن مع الوقت كلشي يزول بسبب خيانة الاخر و تدخل الشخص المناسب لإنقاذ البطلة نن الغرق في حزنها الذي تخفيه تحت قناع البرود و عدم الاهتمام ...💕 نتمنى تعجبكم ☺💕
