معًا♡(باللهجة الجزائرية)💕💕

🤍 partie 39 🤍

قمر :اقعدي ريحي هنا ... نروح نطيبلك ماكلتك لي تحبيها 

ياسمين : كراب !!😁

قمر : واااه😌

ياسمين : كثريلها الشيكولا 🥺

دورت قمر عينيها وقالت :باينة مول الدار ماعندوش شيكولا... تلقايه يدهن خبزو باالاقلاص 

اليخاندرو: نن كاين راهو لتحت 

دارت قمر ليه ... لقاتو قاعد عند الباب و كان يشوف فيها بابتسامة ... خلات قمر تطيح فيه حمحمت ياسمين باش تصحا المطلقة 😂

ياسمين: روحي يالمطلقة طيبيلي ... ماشي وقت تكحالك ! 

قمر: شكون ؟ انا !؟ انا نكحل؟ لا ... 

خرجت وهي تعاود نفس الجملة اما اليخاندرو لي ماقدرش يشد ضحكتو اكثر...رغح كمل للشومبرتو ...

عند قمر : 

هبطت للكوزينة تطيب للياسمين ... حتى سمعت صوت ميزاتو 

سميث: قوليلي ياسمين ناضت؟ 

قمر :وي ناضت قبيلة شوية 

سميث :ي راهي ؟ ماحكمتهاش كش كريز ياك؟ 

قمر: اممم ... لا ... بكات شوية و تخلعت كي لقات روحها في بلاصة ماتعرفهاش ... روح تشوفها ... باينة راهي حابة تشوفك 

عقد الاخر حواجبو ... و كملت 

قمر : ماكلتها المفضلة هوما لي كراب !و راني نطيب فيهم 

سميث : مليييح😍...(بعدما فاق على روحو) وانا علاه ؟ 

قالت قمر بكل برود: امم.. والو ني حابة نقرب العصافير فيما بيناتهم ...

تبانيكا سميث و قال : لا ... انا تاني نبغي لي كراب ... هادا مكان 

قمر: اممم ... امنتك 

خرج سميث من الكوزينة و راح باش يتطمن عليها 

طبطب ... و دخل 

سميث:ياسمين !كي راكي ؟ راكي مليحة ؟ حاجة ماتوجعك؟ كش مادارلك الكلب تاع لوخر؟ 

ياسمين :اووو. اتنفس شويا ! راني مليحة ... راسي برك راه يوجعني شويا و خدي تاني ... و الكلب لي راك تحكي عليه صفعني صفعة مخي ولا يشطح قبايلي 🙄

قرب منها سميث و قعد فالسرير و توشا خدها ... 

سميث: والله صح ! انا ومانضربش هك 

ياسمين:نورمال زيت زيتون يدير خدمتو 😅

بصح لوهلة استوعبت لوخرى انو سي خوانا راه يتوشي فخدها ... قريب من شواربها ... ابتعدت و دخلت فالغطا مليح وقالت و وجهها طوماطيشة 

ياسمين : ني حابة نرقد ...

سميث : اممم براحتك 😊...

عاودت ناضت ياسمين وقالت :ايي بصح هادي شمبرتك ... يليق نخرج نرقد فالصالون ولا فأي بلاصة ... ولا...ولا نروح مع قمر 

جات تنوض ردها سميث وقال : ماعندك وين تروحي مع قمر ... حتى هي راح تبقا هنا عندنا...تزوجت هي و الخاندرو ويليق يقعدو يخدمو لسوايع ...

حلت لوخرة فمها و عينيها قريب يطيحو من البومبا لي طرطقت عليها وقالت 

ياسمين: قمر صاحبتي ؟ 

سميث:وي 🌚

فداك الوقت نفسو دخلت قمر و معاها طباسا تاع كراب 

قمر : راني جبتلكم ...

ماكملتش هدرتها و تزدم عليها ياسمين

ياسمين : يالبقرة ... يالحمارة ... تتزوجي و ماتخبريش صاحبتك !؟

قمر : كيفاه ؟ كيفاه هادي تزوجت؟ وقتاه صرات؟ 

سمييث: علاه ماهدرلكش الخاندرو عن الاتفاق ؟ 

قمر:لا قالي ... بصح مزال العقد! 

جبد سميث الكارني وقال : لا ... راكم مزوجين ! 

قمر ببرود:ماراحش نستغرب 🙄...

ياسمين: وش من اتفاق ؟ 

قمر : باش نلقاك و نقدر نحطم  جواد ... قبل اليخاندرو باش يعاونني بصح نتزوج بيه ... و كنت معاه لأن هذا راح يزيد من قوة المافيا 

ياسمين:ربحت ! زواج مصلحة هذا ! انا لي طمعت بلي البقرة تاع قمر تتزوج عن حب ... تزوجتلي علاجال السلاح 

تنهدت قمر و حطتلها الكراب تاوعها ... و مدت لسميث تاني وقالت 

قمر : كون مادرتش هكاك كون راكي بين يديه تتعذبي... و انا راني نتعذب كل نهار ...الفكرة انو مزال ماخذيت انتقامي توجعني ... يما ماتت علاجال هاد المهزلة ...الزواج ...زواج مصلحة ..على الاقل هاد الخطرة الفايدة راح تكون ليا 

خرجت بعدها و ياسمين تكالمات ... شافت روحها غلطت كي تأثرت فمسألة الزواج صح ... فقمر مازادتش تأمن بحاجة اسمها الحب 

كون جا صح يكزيزتي كون راجل يماها ماقتلش يماها ... كون جواد ماعذبهاش سنين ... كون ماختطفتش اول ماسمعت بخبر الزواج 

كون ماغدرهاش بكلمة "نحبك " غير باش يدي المنصب...كون ... كون بزاف صوالح 

غمضت ياسمين عينيها بحزن على اختها و صاحبتها... 

سميث: ماتتقلقيش ... ماراحش تتنارفا عليك ... والله 😃

ياسمين: امممم ☹

سميث : هيا كولي لا ناكلهم ! 😁

...