حتى وين دخلو عليهم خمسة رجال لابسين كلشي كحل غير عينيهم لي يبانو كانو مسلحين و رافدين سلاحهم نحو قمر و امين و الفرمليات لي كانو فلاشومبر ماقدرو يقولو ولا كلمة ... نفس ماقدرولوش حتى نطق واحد فيهم : هادي هي ؟ ولا لا؟ (قالها بالالمانية)
قمر (ضحكت باستهزاء): ايه انا ماعجبتكش واقيل؟( بالالمانية) ملامحها تبدلو ولات وجه آخر برود مخلط بالغضب، امين ضرب راسو بيدو و تبسم و قال مع روحو: وصاني و انا درت رايي باينة ماراحش نسلكو على خير . الفرمليات كانو ميتين بالخلعة اما قمر بالعكس عندها بزاف لادخلت فشجار كيما هاذا ابتسمت ابتسامة خفيفة مليئة بالخبث عينيها لمعو تحولو لنار واحد من رجال هادوك ماقدر يشوف فيها حتى تقرب واحد ليها جا يشدلها شعرها حكماتو من يدو و دوراتو 360° و هو من لوجع يعيط هكاك زادت ضرباتو بكوتبيي لكرشو مصارينو دارو ... اللول طاح... لمت شعيرات طاحو و شافت فيهم و قالت: من التالي ؟
هاد الخطرة تحامو زوج عليها حكمت اللول نحاتلو السلاح و ضرباتو بيه لوجهو لأول مرة حس بالبوزلزف كي يتشوط 🤣🤣💔 اما الزاوج بنفس السلاح ضرباتو سنيه طارو ( تاع ذهب 😥💔) قعد يسب خرج موس يلمع و راح لوجهتها يجري كي لمبول تجنباتو بكل سهولة و ضرباتو لصدرو برجلها طلعتلو راسو بالقوة و شافت فيه عينية تحرقو و قالت (بعياط): شطون بعتكم؟... قولوووو.... هو؟ ياك؟هو؟( بالالمانية)
امين كان ساكت عجبو الفيلم اما الفرمليات ماعرفو وش يديرو داوها غير عياط و بكا ...
رماتو فالارض بكل قوتها و حست بواحد الراحة هادي عام و ماجربتش هاد الشعور و زادت حست بواحد البرود و واحد الخزرة دور حواليها....
دارت و لقاتو بلحمو و شحمو ... بلبستو الكحلة و تسريحة شعرو الفوضوية ... برودو... هيبتو... نضراتو هادو كامل ميزات عندو كي شافت واحد من الرجال الطايحين فالارض مور الراجل تبسمت و بخبث قالت : ماكانش علابالي بلي وليت تحمي الضعاف(بالجزايرية)
جواد: هههه( باستفزاز) و نتي لي تخبيتي واحد ماسمع صوتك كيفاه؟ اا انتي اضعف منو!
قالت بغضب: ماتنساش وش درت و حتى اليوم مانسمحلكش... مي قررت يكون الانتقام لكاش نهار
و تبسمت على الجنب
و قال:....
اتفاعلو 💕
أنت تقرأ
معًا♡(باللهجة الجزائرية)💕💕
Aventuraاول كرونيك نديرها ❤☁️ تحكي على المشاعر المختلطة ... بين حب و كراهية و مصلحة ... لكن مع الوقت كلشي يزول بسبب خيانة الاخر و تدخل الشخص المناسب لإنقاذ البطلة نن الغرق في حزنها الذي تخفيه تحت قناع البرود و عدم الاهتمام ...💕 نتمنى تعجبكم ☺💕
