باولو :وش راك نلعبو لعبة صغيرة ... ماراحش يفيق...
قبل مايكمل هدرتو و تعطيه قمر بضربة لبلاصة🙂...وي هاديك لي راكم تخموا فيها
امبعد زدم اليخاندرو و قعد يضرب فيه يفرغ كامل زعافو ... و قمر لي كانت مشوكية لتم ... مكانتش متوقعة انو راح يكون هنا و يعرف بنواياه ... حتى عنقاتو و هي تبعد فيه و تقول
قمر:صاي ...دك تتباصا...خلينا منو
اليخاندرو بالعياط:تكملي شغلك و نروحو منا!و زربي!
خرجت بعدها قمر متجاهلة داك البركان و قعدت مع مارك ... حتى قال مارك
مارك:وش رايك قمر نجيرلك جولة فالدار تاعي ...
تبسمت قمر ابتسامة صفرا كونها عرفت نيتو ...
قمر:اوكي ... دقيقة نروح نجيب صوالحي
ولات لطابلة لي كانت قاعدة فيها لقات واحد الطفلة قاعدة مع اليخاندرو تهدر معاه و تتعوج و شادة يدو ...
قمر:ايا نتي نوضي !
الطفلة:واش راحلك نتي
جبدتها قمر من شعرها و قالت بنبرة غاضبة :هذا راجلي ...روحي تلعبي بعيد
راحت بعدها و اليخاندرو لي كان يشوف فيها ...دارتلو قمر براسها تاع وشنو؟
قمر:ني نحمي فالصفقة! كاين صحفيين هنا كون يشوفو طفلة شادة يد تاع اليخاندرو ملك الاقتصاد ماراحش يرقدو حتى يهدرو عليها ...
ضحك اليخاندرو بسخرية على واش كان يخمم ... تحبو ؟
راحت بعدها قمر و غمزت لاليخاندرو بمعنى انها رلح تبدا تطبق فخطتها ... و شوية هك لحقلو ميساج فيه شرح مفصل ...على واش صرا وواش راح يصرى ...
راحت قمر مع مارك و ديك المصفارة ... ولا يوريلها الشنابر و لي سوييت ... حتى نطقت
قمر :بما أنك وريتلي دار تاعك ... وش رايك نوريلك لعشية داري؟
ابتسم مارك بكل تشيطيين ... بصح تفكر انو الدولة تحوس عليه ...
مارك:مانقدر... راح نجي بعد الحفلة بيانسور
ابتسمت قمر وولاو للاصال ... و راحت قعدت مع اليخاندرو ...
قمر:بدلت الخطة! ... راح يجي العشية للداري
اليخاندرو:راح نكون معاك لايديرلك كش حاجة ...
كانوا يهدرو فيما بيناتهم ... حتى تخيلت قمر مارك و المصفارة تاعو جايين ليهم ... تنهدت وقالت
قمر:مي هادو لصقة؟
دار اليخاندرو و شافهم ... تنهد وقال : راح يصعبو عليك الامور شوية
لحق مارك ليهم و بابتسامة و قال : ياك معليشنقعدو
اليخاندرو :اقعد تفضل ...
شاف مارك لاليخاندرو و انصدم ... اليخاندرو مع قمر؟ بصح خبا الصدمة مي كان روتار... قمر و الخياندرو فاقو بواش راه يدور فراسو
مارك:اليخاندرو ! شرف ليا كي شفتك !
اليخاندرو : 🙄
مارك: سمعت عليك بزااف ...ملك الاقتصاد و المافيا الاطالية !
سقد اليخاندرو قعدتو و قال:ايه ... ماشي كيما شي ناس هارب من الدولة ...
تنارفا لوخر ... بصح خباها بضحكة و ضرب كتف اليخاندرو ببطء
مارك:نكتة شابة
المصفارة : جامي كان علابالي بلي حانقابل رجل اعمال معروف فالعالم😍
تديرونجات قمر منها بصح قعدت ساكتة ...شاف مارك فقمر و قال
مارك:كيفاه حتى تعرفتي عليه ؟
ضحكت قمر ... و شدت يد اليخاندرو و قالت:فلايروبور تعرفنا ... و رانا متزوجين دك
لوخر حل عينيه و قرب منها وقال :علابالك وش يخدم؟
قمر:وي باينة ... حبي مايخبي عليا والو 🥰
وشافت فاليخاندرو و اليخاندرو شاف فيها بابتسامة خلات المصفارة تذوب من جمالو و تحقد على قمر كي دات واحد شباب ...
توشات قمر كرشها وقالت بابتسامة دافئة: و نشاله راح تجي ثمرة حبنا
اليخاندرو مكنش متوقع هدرتها... كاس الما لي كان حايشربو قريب طاح ... و مارك لي يدو زلقت من الطابلة 😂... اما الاخرى مانحكوش عليها
أنت تقرأ
معًا♡(باللهجة الجزائرية)💕💕
Adventureاول كرونيك نديرها ❤☁️ تحكي على المشاعر المختلطة ... بين حب و كراهية و مصلحة ... لكن مع الوقت كلشي يزول بسبب خيانة الاخر و تدخل الشخص المناسب لإنقاذ البطلة نن الغرق في حزنها الذي تخفيه تحت قناع البرود و عدم الاهتمام ...💕 نتمنى تعجبكم ☺💕
