وسيم : لا خاطيني ميكانيسيان معروف ... موالف نخدم ل سي **** طونوبيلاتو
قمر: اك مليح انا بنتو
وسيم: ايه عرفت غير كي شفتك ههههه...
هكا قعدو يتبادلو اطراف الحديث و جواد كان يتبع فيهم بالثانية عينيه ماحركهمش على قمر ... ماعرف ادا يكرهها ويقتلها ولا يحبها ويحميها من اي خطر... كان صراع كبير داخل قلبو ... هدفو الوحيد داتو قمر ... الطفلة لي حبها و هي صغيرة البراءة تحكي في وجهها ...
After a moment....
تقدمت قمر للمنصة باه تعلن رسميا على البوس الكبير للمافيا ... و حطت خطاب كانت تأمر فيه: عندكم مهام وليهم
-مانسحقش واحد فيكم يقتل شخص برئ... ولا يتاجر بالنساء... ولا يتجرأ و يعدي حدودو مع مدني ... والباقي راه مسموح ...
كملت الخطاب تاعها و اعلنت رسميا ...
قمر كانت تشوف فسي مراد ليكان باين على وجهو الخوف و الستراس ... حتى راحت لعندو
قمر: اوووو سي مراد هادي غيبة
مراد: ااا...ب...بوس ... اهلي...اهلين...
قمر: نتمنى راك لاباس؟
مراد: حم...حمدالله ...
قمر: دوم (و ابتسمت ديك الابتسامة مشي مفهومة )
خرجت قمر و قالت للغارد كور باه يعيط لمراد للبيرو تاعها ....و ركبت فطونوبيل وقلعت لقصرها
After a moment...
لحقت ...هبطت و طلعت لبيروتاعها... ماطولش ولحق مراد ... كي اذنتلو يدخل ... دخل و وجهو صفر باينة عليه
قمر:اقعد سي مراد اقعد
مراد: ايه ... بوس كشما سحقيتي ...
دورت قمر الكرسي للتاقة و قالت (بخبث): والو توحشتك ...
مراد(بتوتر):ااا ... يت...يتوحشك الخير
قمر: امممم ... حتى للجنازة و ماحضرتش
مراد هما عرف وش يقارع فيه ...
مراد: اسمحيلي... كانت عندي ميسيون ...
دارت ليه و قالت: سماح...
وتيرات عليه وحدة فيدو... ولوخرة فيد اخرى... وهو يعيط مز الالم ويقول: اسمحيلي ... اسمحيلي... كان ... كان
متخلاتوش ينطق و كملت عليه بثالثة ورابعة فقلبو ... و كانت تحكي بحزن و كره و تضحك كيشغل بسيكوبات ... (وتعرفو الباقي) و هنا قمر خرجت وامرت لي غارد كور ياخذوه و ينظفو المكان ... بصح مافاتتش غير دقائق و تغاشات من الافكار المشوشة و واحد لي جاست يخوفو
After 25min...
لقات روحها فالسبيطار و قدامها وسيم ...
وسيم:نضتي!كي راكي!وش راه يوجع فيك !؟ مزالكي دايخة؟!
قمر:بلاعقل !!وش بلعت كاسيطة... وش صرا علاش راني هنا؟
وسيم: تغاشيتي ...
قاطعها صوت الباب كان جواد و طبيبة ... جواد عينو على وسيم ... و طبيبة اتجهت نحو قمر
الطبيبة: حالتك راهي حالة ... يليقلك راحة ... و يليق ماتحزنيش ... وماتخميش بزاف ... ماعللباليش على واش فوتي ... مي علابالي بلي صعيب تتحملي وحدك و هادا وش وصلك لهنا(باونجلي)
هبطت قمر عينيها و الحزن بتين في وجهها... تقدم لعندها جواد و فيدو صاشي ... مد يدو لي فيها صاشي و دور راسو ...
جواد:هاكي ... كولي...
قمر: اااووو مون عدو زارني
جواد: كولي!
قمر: حطه ...ممكن مسموم !
جواد: ناناك ...
حله و كلا منو وقال: دكا؟
قمر: هات هات ...
وسيم كان يضحك عليهم و شافو فيه في زوج (قمر و جواد ):وشبيك تضحك؟
وسيم :ههههه والو والو كملو
كلات و خرج جواد بقى غير وسيم وقمر
وسيم: احكي وش لي وصلك لهنا
قمر:شوف الدصارة... عندي ميمبا ساعة كي عرفتك
وسيم: ماشي مليح تخبي في قلبك...
وبدات قمر تحكي.و تحكي وتحكي كثر ملي تنفست ... ولاول مرة حست براحة...عندو الحق ااههه
وهكذا تم القضاء على مراد ... وهكذا ولا عندها مرض و كون تتنارفا و تحزن تولي بسيكوبات ويليق تشرب دواها
===End flash back💕======
================
من كثرة ماطولت فالفلاش نسيت وش كنت نحكي 😂🤦♀️دونك يليق نقرا قبل الفلاش وننظم افكاري ...❤
أنت تقرأ
معًا♡(باللهجة الجزائرية)💕💕
Przygodoweاول كرونيك نديرها ❤☁️ تحكي على المشاعر المختلطة ... بين حب و كراهية و مصلحة ... لكن مع الوقت كلشي يزول بسبب خيانة الاخر و تدخل الشخص المناسب لإنقاذ البطلة نن الغرق في حزنها الذي تخفيه تحت قناع البرود و عدم الاهتمام ...💕 نتمنى تعجبكم ☺💕
