اول كرونيك نديرها ❤☁️
تحكي على المشاعر المختلطة ... بين حب و كراهية و مصلحة ... لكن مع الوقت كلشي يزول بسبب خيانة الاخر و تدخل الشخص المناسب لإنقاذ البطلة نن الغرق في حزنها الذي تخفيه تحت قناع البرود و عدم الاهتمام ...💕 نتمنى تعجبكم ☺💕
ناضت قمر غسلت و هبطت للكوزينة توجد الماكلة ...حتى حست بواحد معنقها ... عرفاتو شكون ... جواد باينة🌚... كان يطبع بوسات خفاف فرقبتها و شعرها ...
قمر: احم احم ... بعد شوية يرحم الوالدين 🍅🙂
جوااد: اممم ... لا 😌.... شحال و انا بعيد عليك ...
دورها باش تولي مقابلاتو ... و وجوهم كانو قرلاب لبعضاهم حتى اختلطت انفاسهم ... جواد كان يقرب ...يقرب ...يقرب... حتى صونا تيليفون 😂
جوااد: *&!؟&*!؟)كلام فاحش(
راح رفد على التيليفون ... و قمر كانت تبرد في روحها ... كيفاه استسلمت ليه ؟ هي الوحيدة لي الجميع يهابها ... و البرود يكسو وجهها ... بلا ماننساو شراستها مع اعداء تاوعها ... كانت شخص مختلف ... حطت الفطور فالطابلة و بدات تاكل ... حتى جا جواد قعد مقابلها
جواااد: اوو مرتي طيبتلي اليوم ! 😍
قمر: هادا غير حليب و كراب و صوالح وحدوخرين 🙄
كلاو فطورهم ... لمت قمر الماعن و يجي جواد يهرب حتى تشدو قمر ...
خلات قمر جواد يغسل الماعن و هي راحت تلبس قشها... دوشت و لبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دوشت بريحتها ... للمعلومة جواد لي شرالها القش و الصوالح😅...
شوية هك طلع جواد بطابليي تاع كوزينة😂 ... دوش و بدل قشو ... و خرجو مع بعض... لخدمة ...فالطرق قمر كانت لاتية مع كواغط و لي دوسيي تاع المرضى تاوعها ... اما ج اد قريب ينطرطق في وجهها ... في عوض تقعد تحكي معاه راهي لاتية بخدمتها
جواد: قمر !
قمر : اممم
جواد: قمررررر!
قمر : اممم
جواد : 😤😤
...
غطست قمر مجددا فالورق هادوك حتى لقات روحها عند باب تاع السبيطار ...
قمر:صحيت جوادو !
هبطت و هي مزالها تثرا لي دوسيي ... دخلت لبست طابليتها و بدات خدمتها... ماحست بالوقت حتى لقاتها الطناش ... و هبطت للريسطو تاكل ...جابت ماكلتها و قعدت فطابلة ... ماطولش و جا واحد طوييييل و شعرو صفر و عينيه خضرين ... اسمو زاك
زاك : مغليش نقعد ؟ )باونجلي(
قمر: وي بيانسور !
زاك: راكي جديدة هنا لا؟
قمر: ههه واه ...
قعدوا يتبادلو اطراف الحديث ... بصح ماكانش علابالهم بلي واحد راه يرسللهم نظرات قاتلة من بعيد ... و كان حالف فداك الحبة قارص ... تمشا لجيهتهم بكل ثقة و برود كلي مكانش جواد تاع صباح و قعد ...روماركا زاك هاد الشي و قال
زاك:اي نتا وش راك تدير ؟
جواد:واش مانقعدش مع مرتي ؟
قمر كانت تاكل براحتها ... و مخليتهم يشعلو النار ...اصلا روماركات بلي زاك كان يحاول ياقرب منها و بنية شيئة ! هي تقدر تعرف وش يخبي الخص غير من نضرة
زاك :صح وش راه يقول ؟ 😳
قمر : اممم
زاك: 😳
ناض ديراكت بدل البلاصة ... و قعد جواد مقابل قمر بنظرات قريب ياكلوها
