دخلت للاشومبر كانت واسعة وكبيرة كلشي فيها بيض ... قعدت فواحد الكرسي مقابل التاقة و تنهدت ... غاست فافكارها وواش راح يصرالها فالمستقبل ...
=========After 10 min=========
فيقها صوت الباب ... راحت حلت ولقات غار دكور تاعها ...
قمر: قارع هناك نجي
غلقت الباب و راحت للدوش تسقم روحها لاخر مرة و قعدت تخاطب روحها: قمر ...يا قمر... كوني قوية ... ماتخليهمش يستهزاو بيك ....
خرجت و كانت تتمشا بخطوات موزونة وراسها مرفوع ماكانت تشوففي حتى واحد من غير طريقها حتى لحقت للقاعة ... كانو كامل لتم ...قاعدين و مائدة كبيرة وطويلة تتوسطهم ... معمرة مواكل ... نقطة ضعف قمر هههه ...بلاصتها كانت مقابلتهم كامل ... و كامل كانو يشوفو فيها... كملت المشي و قعدت و هوما ماقدروش يوخرو عينيهم عليها ... من جمالها... هيبتها... و زيد تشبه بزاااف لباباها...كان جواد يشوف فيها و باين منارفي... كان حايطرطق ... مي مصبر روحو ... دارت قمر رجل على رجل و شافت فيهم بالواحد و قالت: سلام عليكم ... انا قمر بنت سي***** انا ليوم لي راح نترأس هاد المنصب ونحكم فيكم (وشافت لجواد) ...اليوم لي راح يكون عندي الحق باش ننتقم ...
كانو كامل يشوفو في جرأتها و قوتها ... مش مصدقين و جواد حايطرطق حتى خبط الطابلة بقوة وقال
جواد: كيفاه؟؟ مرا؟ مرا تحك... مرا تدي منصب مهم كيما هادا؟هادا راه عيب !!
قمر: ااااوووو عندنا معارض... سي جواد ... نتا لي كنت حاب تقتلني باه تدي المنصب هادا ! و دكا راك معارضني ...باينة راك حاب تقتلني وتشرب من دمي تاني(بصوت مستفز)
جواد: ايه معارض هاد الشي ماتستاهليش هاد المنصب ... نتي مجرد طفلة ...تتفرج فليميكي و دير كيكينات... نتي ضعيفة و مكيش قد هاد الشغل ... شوفو ياناس انا!؟...انا لي خدمت ليل ونهار !... انا لي نستاهل هاد المنصب مشي وحدة كيما نتي !
#####:سي جواد ماتنساش هادي راهي بنت البوس
قمر: خلاصت الهدرة كولو تفضلو ... و سي جواد ... ولا نقولو جواد هاد الهدرة ماتعاودهاش ماتنساش شكون انا ... خدمت ولا ماخدمتش ماتحكيليش حياتك ... تقدر تتفضل وتاكل.
كان حاكم الفرشيطة بقوة قريب يكسرها و النار باينة من عينيه ... والباقي كانو يهدرو مع بعضاهم و خافتين صوتهم
قمر: تقدرو تحكو بصوت عالي ... ماراحش ناكلكم
&&&&&:بوس ... وحد من القوانين لي دارهم البوس الله يرحمو هو انو كي ناكلو مانديروجوهش ... يعني نحكو بلاعقل ... و قوانين اخرى صارمة
نطق جواد ظنا انو لقا ثغرة: قتلك ماتستاهليش المنصب ... حتى القوانين و ماتعرفيهمش
قمر:هههه نعرفهم خير منك ... مثال : لي يحكي مع البوس بطريقة مستفزة ولا خالية من الاحترام... و يكون معارضو فحاجة ... مصيرو ...القتل بعد التعذيب المتواصل ل48 ساعة ... وكون تزيد غير شوييييييييية راح نطبقها عليك امون اموغ😃
جواد تبكم غلباتو فالهدرة للمرة الزاوجة ... ماغرفش وش يدير بصح حالف انو راح يندمها ... انو راح نهاية حياتها تكون بين يديه ...
كملو يحكو بصوت عادي كاشي كيما مقبيل حتى روماركات قمر الشخص لي رافقها عند الباب وقاتلو
قمر: معليش نعرف اسمك
وسيم: وسيم ...
قمر: متشرفين
وسيم : ليا الشرف بوس
قمر: ناه عيطلي قمر
وسيم : صحا ...
قمر : وش تكون ؟ رئيس؟ عميل؟
وسيم:ههه لا خاطيني....
=====================
أنت تقرأ
معًا♡(باللهجة الجزائرية)💕💕
مغامرةاول كرونيك نديرها ❤☁️ تحكي على المشاعر المختلطة ... بين حب و كراهية و مصلحة ... لكن مع الوقت كلشي يزول بسبب خيانة الاخر و تدخل الشخص المناسب لإنقاذ البطلة نن الغرق في حزنها الذي تخفيه تحت قناع البرود و عدم الاهتمام ...💕 نتمنى تعجبكم ☺💕
