معًا♡(باللهجة الجزائرية)💕💕

♡partie 25♡

و راحت للسبيطار لي راح تخدم فيه ... في طريقها عيطولها ... حكات فالتليفون جتى وين لقات روحها لحقت...يعني مشي اليوم لي تبدا فيه الخدمة ... اليوم غير تطمل الكواغط و تشوف الحطة

قمر (مع روحها): واااااو ... هاد السبيطار دوبل على لي كنت نخدم فيه... يليق ياخذو مني نظرة مليحة😌

دخلت و قابلها مدير المستشفى... رحب بيها و داها للبيرو تاعو ...حكاو على امور الخدمة و كواغطها...و القوانين ...امبعد خرجت تشوف السبسطار كيفاش داير ...كانت تتمشا تتمشا و تزدم في حيط ...  بعدت و طلعت و جهها و الصدمة... انه جواد

جواد: شاراكي تديري هنا !؟
قمر(شافت فالطابلية لي كان لابسها):تسما راك طبيب فهاد السبيطار...
جواد:واش ماعجبكش الحال !؟
قمر:لا ... مادريتش كيفاه تقتل و تذبح و تداوي من جهة اخرى
جواد: هههه نسيتي روحك
جواد: اييه و ش راكي تديري هنا
قمر: امممم والو نتجول بش غدوة نبدا الخدمة
جواد:امممم تسما نتي لي راهي جاية و عندها مهارات قوية😶
قمر: بلحمها و شحمها😌
جواد:هيا بعدسنس درك نفوت ماشي وقت التقصار

كل واحد راح فطريقو ... جواد كان يخمم فقمر ... راح يولي يشوفها كل يوم ...و قمر ماخخمتش فيه اصلا😂...كملت قمر تحواسها و راحت تفطر فالكافيتيرية تاه السبيطار ... تلاقات التم جميع الاطباء المعروفين ... قرات كتبهم كامل ... راحت جابت ماكلة و قعدت في طابلة وحدها و تاكل...مافاتش بزاف وقت و جا واحد و قال: معليش نقعد؟
قمر: جزايري😶
الراجل: وي😅
قمر: اقعد اقعد
قعد و بداو يتعارفو
الراجل :انا محمد عمري 26سنة ...  طبيب الاعصاب...عندي واحد 3سنين و انا نخدم هنا و نتي
قمر: قمر 23سنة و هاد العام 24😅...طبيبة ... غدوة نبدا نخدم
بداو يحكو و يقصرو ... لقات راحتو معاه ... و فس نفس الوقت دخل جواد للكافيتيرية و شافها مع راجل ... دمو و لا بيض من الزعاف ... رفد طبسي تاعو و راح لجيهتهم
جواد: اوووخويا محمد ...
محمد: اهلا جواد
جواد: معليش نقعد
محمد: قمر معليش؟
قمر: امممم ...
قعد جواد قدام قمر ... و قعد يقسر مع محمد ... روماركاه يشوف بزاف لقمر و هلد الشي ديرونجاه ... كملو فطورهم و كل واحد ناض...قمر راحت للمطار تتلاقا بياسمين صحبتها
To be continued💓