المجهول ماعلاباليش😨
و تجيه ضربة و حدوخرة ... مما خلاو سنانو يطيرو فالسما ... و الدم لي كان يسيل من نيفو من قوة اللكمة
قمر : تسما نتا ماتهدرش حتى نكسرلك سنانك قاع ؟
المجهول : مانقدرش نقول ... راه جواد مهددني ... راه حاط بومبا ... كون نهدر مرتي وولادي يموتو ...
قمر : ربحت ! الخراي تاع جواد تحلب و ولا يخدم بالبومبات لي منعتهم عليهم
قعدت تدور و تلف على روحها... حتى جهاز التعقب و راح...فاقو بيه
اليخاندرو : حبسي قريب تتشعل النار فرجليك ... عندي الحل بصح بشرط
دارت ليه قمر ديراكت بلا ماتطول و شافت فيه باش يكمل الهدرة
...
جواد : دك تجي صاحبتك ... و تمدلي لي نبغيه
ياسمين:تفووو يالكلب ياليماتسواش
و صفعععععععع🌚💔
تجيها صفعة حارة من عند جواد ...
كانت ياسمين في بلاصة مهجورة ... مربوطة من رطليها و من يديها على الكرسي...فشومبرة حيطانها مدودين و كحلين و ماننساوش شبكات تاع العنكبوت لي مزقين الدنيا ... اما عنالارضية تعفس عليها تلقاروحك فالاستينوسفير... اللوح هاداك تآكل لدرجةكي تتمشا يليق دير بالكلايتكسر و تطير رجلك...
...
قمر : راني قابلة ! مالغري عندنا اقل من يومين كي تعرفنا...
اليخاندرو:راح يكون سامبل... العقد و سلام عليكم ... نضن علابالك وش هو الهدف تاعي من هادا !
قمر : ايه باش يتاحدو المافياتين و تولي اقوى... امبعد تدي الانتقام تاعك ...
اليخاندرو: وبعد هادا كل واحد يروح في طريقو
تنهدت قمر من هدرتو و قالت
قمر: راح ندخل فموسوعة غينيس... كأكثر وحدة تطلقت في حياتها و تجرجرت😑
اليخاندرو : الصح فالشهرة😂
كان اليخاندرو يحاول يكتم ضحكتو بسبة هدرة قمر... بصح مايليقش يفقد السيريو تاعو ...
طلعو للطونوبيل و الحمدالله قمر حطت شوية من رجالها فالطليان باش يستكشفو المكان ... و تاني جواد المبوقل نسا بلي المجموعة تاعو تابعة لقمر ... تسما كاين رجالها لتم و لي راح يبيعوه
كانت قمر مع اليخاندرو فالطونوبيل ... قمر لي كانت توجد فسلاحها ... و الخياندرو لي كان عندوو حاطو مور ظهرو ... كانو يحطو الخطة ... و كل واحد وش هو المهمة تاعو ... قمر لي راح تدخل اللولة و تيري على اي واحد يتجرأ يعترضها من غير رجالها و مجموعتها ... الظاهر انوجواد دار علاقات و دخل وحدوخرين بتخبية على قمر ... بصح حاجة ماتفوت عليها ... لحقو لديك البلاصة و الخاندرو لي راح يحمي قمر ... اما سميث لي راح يكون برا ادا كش ماكاين راح يتدخل هو و رجال الخياندرو ...
لحقو للموقع... وهبطو ... قمر بي كانت الشرارة بين عينيها ...و صدرها لي يطلع و يهبط اما للخاندرو والله ماعلابالو ... تقول راه رايح يتفرج ماتش
دخلو لجيك الدار و فاقو بسوء الارضية و علاهاجيك كانو يتمشو بحذر تااام ... خرجلها واحد باش يهجم عليها ... و تحكملو يدو و تدورهالو على ظهرو و ترميه فالرض بعد ماتضربو فرقبتو ... اماالمجموعة تاعها ماعندهمش الجرأة يقربولها ... كملت تتمشا بين انظار الرجال و هوما مهبطين راسو ... ولاحد منهم برك يجي يهدر معاها ... حتى لحقو لواحد الباب تاع حديد مغلوقة ... و فيها تاق صغيرة كيما تاع الحباس ... شافت فيها قمر و تتصنملتم لمشهد صاحبتها الراقدة فالرض و خدها الزرق... جدت سلاحها لي دارتلو كاتم الصوت و تضربو لجيهة الباب ... اما قبل ماتدخل شافت فكر ارجاء الغرفة باش تتأكد بلي مكنش افخاخ ... دخلت رفدت ياسمين و اليخاندرو موراها ... و يجيها صوته العذب الجميل
جواد: اووو ني نشوف بلي لحقتو! باعني و نسا عايلتو
قمر : وي هاديك هي... 😏
flash back
اليخاندرو : سميث روح ل ******* و ادي الفرقة الثانية معاك بلاش تبطلو البومبا لي راهي لتم !
سميث : اوك
...
سميث : صاي البومباىراهي عندنا وش نديرولها ؟
اليخاندرو : غلفهالي كادو ...😈
end flash back
to be continued !
أنت تقرأ
معًا♡(باللهجة الجزائرية)💕💕
Adventureاول كرونيك نديرها ❤☁️ تحكي على المشاعر المختلطة ... بين حب و كراهية و مصلحة ... لكن مع الوقت كلشي يزول بسبب خيانة الاخر و تدخل الشخص المناسب لإنقاذ البطلة نن الغرق في حزنها الذي تخفيه تحت قناع البرود و عدم الاهتمام ...💕 نتمنى تعجبكم ☺💕
