كانو عينين قمر فالطبسي تاعها و نطقت بكل برودة
قمر :ماعندي مادخلني انا ... هو لي جا عندي
جواد: تتمسخري بجدي نتي ؟ ماكونتيش قادرة تبدلي بلاصة ؟
قمر: هادي بلاصتي ... و هو جا ضيف...تسما كييما جا يروح
جواد:ربي يعطيلي الصبر !
قمر : اميين ...و ماكالاه تخطفوه امبعد و تعذبو فالقبو تاعك ماخصناش مشاكل !
جواد :؟؟
قمر : علابالي! بلي اي واحد يحكي معايا ولا يتقرب مني ... تتدخل و تهددو ... حاجة ماتغيب عليا ... بلا ماننساو كنت داير عسة عليا هادي عوام
طلعت قمر راسها ليه وكملت
قمر:علابالك بلي حاجة ماتروحلي😁
جواد:ايه...على هادي المجموعة تاعك اقوى من اي مجموعة وحدوخرى...ثقتك فالنفس...ذكائك...فطنتك...والقوة تاعك...خلاو كامل يخافو من اسمك😏
قمر:علابالي بيها بلا ماتقولهالي😌
جواد:قمر!
شاف فيها وقالها بجدية تامة
قمر:ازرع
بادلاتو النبرة تاعو...و هي تقارع فيه ينطق
جواد:ني حاب نصلح علاقتنا... و نكونو زوجين طبيعيين ...و ننساو الماضي...
قمر : بما انو جبدت هاد الموضوع ... تبانلي مالحقاتكش طلب الطلاق
جواد كان منصدم من لي يسمعو...لكن سرعان ماتحولت ملامح الصدمة الى غضب...عروق رقبتو بانو...وعينيه لي حمارو و عيونو الحادة بلا ماننساو حواجبو...
جواد:قمر! متضنيش انو كي ضحكت معاك معنتها كلمتك تعفس عليا
كان يهدر بهدوء مرعب...خلا الريسطو باارد...وزادت قمر شعلت النار بهدرتها بعدما جطت رجل على رجل و ربعت يديها و قدمت ليه و تشوف فيه بنظرات تحدي وابتسامة ساخرة تبان في وجهها
قمر:ماتنساش وش نكون...نقدر نمحيك كي نتا كي رجال غير لزوج كلمات... و ماتنساش روحك واش درتلي نتا و عمك!
ناضت بعدها بخطوات واثقة...كانت تزرعها فالارض....و جواد لي كان يشوف فيها بنظرات قاتلة... شاد قبضتو باش يفرغ زعافو...
قمر تحكي:
قررت ندير هاد الشي ...قلبي مات ...ماعادش ينبض ليه ولا لأي عبد آخر...كلما نتفكر لي دارهولي نتفكر قلبي لي خانني...و تاني على الكلمات هادوك تاع الحب واعترافو البارح ...كان جزء من خطتو للقضاء عليا...حسيت بخيبة امل منو و مني...يستغل عواطفي باش يتراس المنصب العال...لهذا قررت نمحيه ...زدت انكسرت اكثر...لهذا قررت نبدل بلاصتي...ماجا علا بالي غير ايطاليا...بلد المافيا...لتم لي راح نعيش وسط الاجواء لي والفتها و نبغيها
to be continued !
هاي عليكم نتمنا تكونو بخير! دونك جاتني فكرة على الحكاية ! كنت حانكملها بتجمع جواد و قمر ... مي خممت انو ماجاياش 😆لهذا قررت ندخل شخصية لي راح يكون البطل و يخلص قمر من معاناتها مع جواد😅
هكدا راح تكون القصة عادلة ... و تاني احداثها شابين 😅
ارائكم!😁🤍
أنت تقرأ
معًا♡(باللهجة الجزائرية)💕💕
Adventureاول كرونيك نديرها ❤☁️ تحكي على المشاعر المختلطة ... بين حب و كراهية و مصلحة ... لكن مع الوقت كلشي يزول بسبب خيانة الاخر و تدخل الشخص المناسب لإنقاذ البطلة نن الغرق في حزنها الذي تخفيه تحت قناع البرود و عدم الاهتمام ...💕 نتمنى تعجبكم ☺💕
