عند قمر لي راحت للاشومبر تاع اليخاندرو باش تمدلو حقو تاع الكراب ...طبطبت وبعد ما خلاها تدخل دخلت ... وجهت نظرها للاشومبر كانت بزاااف شابة ...كان كلشي فالكحل ...السرير...الغطاوات...الموبل...البيرو ...التابيات...كلشي بالكحل ...كان الخاندرو داير نواظر و قاعد فالبيرو تاعو و عيينيه فالورق
اليخاندرو :وي قمر؟
قمر:احم...جبتلك كراب كولها...
اليخاندرو:لا مكالاه...اديعا منين جبتيها
خرجت قمر بكل برود بلا ماتقول حاجة ...اما اليخاندرو لي كان يشوف فالباب ويقارع فيها تعاود تدخل تحيل عليه ياكلها ...كيما يديرو بزاف بنات
اليخاندرو مع روحو:منيتها؟ماتعرفش تحلل؟
هبطت قمر للكوزينة و حطت الكراب فالفريجيدار و قعدت تشوف فالفارغ و هي كتكية على البوطاجين ...كانت فراسها غير هدرة ياسمين ...حتى حست بوجود شخص ...طلعت راسها و تلقاه اليخاندرو بهيبتو
راح اليخاندرو لجيهة الفريجيدار قال و عينيه فالفريجيدار:وش من بوابير غرقولك ؟
قمر :بابور الحياة ...
اليخاندرو :يليق تمدي لروحك فرصة
قمر:مديتها و خسرتها ...مانستاهلش فرصة
بعد هذا خرجت ديراكت تتجه لشمبرتها لي وجدوهالها الخدامين ...اما اليخاندرو لي فالكوزينة خرج الكراب و قعد ياكل فيها و يبنن حتى تعاود تدخل عليه قمر ... و هو فاللقطة ديك ...قمر بلقت عينيها عليه و اليخاندرو لي حصلتلو اللقمة من الموقف لي ولا فيه
ضحكت قمر عليه وقالت:بصحتك...جيت ندي الدوا تاعي...دك نخرج و كمل ماكلتك😂
اليخاندرو مع روحو:دوا؟كش مابيها هادي ؟
حمحم...و قال:اصلا راني خارج
خرج و تبعتو لوخرة و هي مزالها تضحك عليه ...دخل لشومبرتو وقارع شويا حتى عاود خرج بخطوات ما تتسمعش و رجع للكوزينة ...رفد الطبسي و كمل طريقو للشومبر و هو ياكل
اليخاندرو مع روحو: ماكلتها بنينة يااه!😋
دخلت قمر لشمبرتها ... شربت دواها ... بعدها راحت بدلت قشها ...و عمرت البينوار باش تعوم ...غطست راسها للداخل باش تقدر تصفي مخها ...
بعد ساعة :
خرجت قمر و هي دايرة غير سرفبتة على روحها و كانت تنشف شعرها ...بدلت لبست تريكو و شورت ...و رمات روحها فالسرير تشوف فالفراغ ... حتى داتها عينها
عند ياسمين:
ياسمين:زعما ماتكونش مانرفيا مني ؟ مابانتش من صبح
سميث:قتلك باينة راحت ترقد ! فاتت على بزاف اليوم
ياسمين: لا ماتعرفهاش! فاتت على اكثر و ماترقدش...تقعد تخدم
تنهد سميث و راح قعد قدامها و قال :نقولو تنارفات على الهدرة ...ولا اذا صح التعبير جرحتها الهدرة ...يليقلها وقت مع روحها باش تصفي ذهنها ...
حركت ياسمين راسها بالموافقة ... وقالت بنبرة تاع توتر :علابالك ...احم ...قمر ...قمر ...ولات تشرب دواوي باش ماتتأثرش كثر فالحادثة لي صراتلها
انصدم الاخر وقال:تاع جواد؟
حركت راسها بنعم ... وكملت قالت: مكانش علابالي...حتى شفتها تشرب فيهم و كي سقسيتها قالت انها علاجال الرقاد...علاهادي راني خايفة عليها و على الهدرة لي قلتهالها
سكت لوخر ماعرفش وش يقول ...
عند اليخاندر:
قعد فالبيرو تاعو يخدم كي العادة ...حتى تفكر امر الزواج تسما راح لعند قمر باش يخبرها انو خلاص عقدو و راهم متزوجين طبطبو ماجهش جواد تسما دخل ...ليقابلو جسمها لي طان فللفراش قرب شوية منها ...حتى يلمح صاشي فطابل دونوي تاعها ...حلها ...و يلقا كل الدواوي تاع اكتئاب و الحوالات نفسية كيما هاذو ... شاف فيها و بحواجب معقودين ... يعني صح تأثرت بجواد لديك الدرجة؟ و تبين انها مليحة ؟
حط ليفري دفامي... و دا الشكارة وغطا قمر و خرج ... فيدو ديك الصاشي ...حتى يقابلو سميث
سميث:قمر !
اليخاندرو : صاي عرفت
to be continuedd !
أنت تقرأ
معًا♡(باللهجة الجزائرية)💕💕
Aventuraاول كرونيك نديرها ❤☁️ تحكي على المشاعر المختلطة ... بين حب و كراهية و مصلحة ... لكن مع الوقت كلشي يزول بسبب خيانة الاخر و تدخل الشخص المناسب لإنقاذ البطلة نن الغرق في حزنها الذي تخفيه تحت قناع البرود و عدم الاهتمام ...💕 نتمنى تعجبكم ☺💕
