معًا♡(باللهجة الجزائرية)💕💕

🤍 partie 37 🤍

كان جواد حايتيري على قمرو الخيندرو ...حتى نطقت قمر 

قمر : راك هنا وحدك ! تتيري عليا يتيرو عليك ! 

هبط لوخر سلاحو ... عندنا الحق الرجال رجالها و مام هاداك العمللق بي كان قدامها ... وش رده منارفي و نطق 

جواد:شكون هادا ؟ 

اليخاندرو : راجلها علاش ؟ 🙄

قمر كانت تفك على ياسمين حتى سمعت جملة اليخاندرو و تخنقت ... ماعرفت وين تحط وجهها 😂💔

جواد:فات غير نهار على طلاقنا و بدلتيني ديجا؟ 😳

تبدلت قمر و شافت فيه و كانت فيها نظرات حزن ... 

قمر: مكانش حتى زواج!كان مجرد خطوة باش تدي المنصب ...

جا ينطق جواد حتى شد اليخاندرو يد قمر و جرها و هو موجه السلاح لجواد وقال 

الخاندرو: حل الكادو  من عندي يا اكس مرتي 

 خرجو من ديك الدار و الرجال كانوا مصطفين ... قدمت لهم قمر التعليمات قبل ماتجي ... كانوا يقارعو منها كلمة بضح راحت ديراكت و هي بملامح جديدة جامي شافوها عليها...ملامح الحزن وانكسار... و اليخاندرو لي كان يجرها من يدها... حطو باسمين فطونوبيل تات سميث باش يدوها للطبيب و لوخرين كانو رايحين للبيرو تاعهم يبدو بخطتهم للإطاحة بكلا من جواد و ليوون

عند جواد : 

جواد: كادو ؟ 

بدا يقرب منو بلاعقل... حتى لحقلو و حلو ... و الصدمة عينيه يلقا البومبا لي زرعها في دار تاع هاداك قدامو ... و الاسوء هو انها راح تتطرطق بعد 3 ثوان 

3

2

1

جواد كان غالق عينيه ماقدرش يدير اي خطوة لأن حتى يخرج ماراح يستافد ... لكن ماطرطقتش 

حل عينيه بلاعقل باش يلقا ميساج من تيليفونو مكتوب 

*الخطرة الجاية راح تتطرطق لصح ... بعد من مرتي و صاحبتها*

عض على شفتيه... و رما التيليفون بقوة و راح غرس خطوتو بقوة حتى تكسرت الارضية ... و حصل داخلها😂... و لنستمع الى شتائم جواد😂💔

عند قمر : 

كانت فالطونوبيل ...جسد بلا روح تشوف فالفارغ اما الخاندرو لي كان يشوف فيها و يقول مع روحو 

*هادي هي لي كانت تضرب هاداك بكل قوة ؟ هادي لي خرجت شحال من روح؟*

الخاندرو : لحقنا ...

صحات قمر من شرودها ... و هبطت ... كانت بناية كبييرة و  طويييلة ... دخلت مع جواد بتلك الخطوات الواثقة ... كانو في زوج يزرغو الرعب ببن الناس

اليخاندرو :هادي شركة تاعي ...

قمر : اممممم. استنتجت هاد الشي

اليخاندرو :ماشي قبيلة كنتي رايحة تبكي ؟ دكا  راكي تتمشي تقولي شركة تاعك ؟

تجاهلاتو قمر مرة و حدوخرة ... ملي خلى لوخر يشد قبضة يدو باش مايديرش كش مجزرة ...دخلو للاسونسور و طلعو لأعلى طابق ... وين كاين البيرو تاع الخاندرو ... عند الباب تاع البيرو تاعو كاينة السكرتيرة تاعو ... لي كانت لبستها ماتتسماش لبسة بل كتانة 🌚💔... و الاهم وجهها كي شافت قمر داخلة مع اليخاندرو ...

دخلو للبيرو و قعدو ... شوية هك جات السكرتيرة لي كانت تتعوج و حدها و تلحن فصوتها باش يشوف فيها صاحبنا اليخاندرو 

اليخاندرو : جيبيلي قهوة ... و نتي وش تشربي ؟ 

قمر: في قلبي كاس حليب بارد 

اليخاندرو :🤨🤨

قمر : ولا خلي معليش...

اليخاندرو : جيبيلي قهوة قاسحة و كاس حليب بااارد

عقدت لوخرة حواجبها ... يغات تنطف حتى قال بنبرة حادة خلاتها تطير 

اليخاندرو :مزالكي هنا ؟ 

خرجت السكريتيرة و قعدو ... باش يناقشو خطتهم 

اليخاندرو:شوفي لبلون تاع لوزين هادا ...

قعد قدامها حتى يتناقشو المخطط ... كانو متقاربين لدرجة وين اكتافهم كانو متلاسقين ...حتى اللحظة لي تقابلو وجوههم ومع ذلك القرب ... تجمد الوقت و حتى ابطالنا...قعدو فهاد القرب لمدة ... اليخاندرو لي كان يشوف ملامحها ... و ريحتها لي سلبت عقلو ...اما الاخرى ... لي تولدت مشاعرها من جديد ... تلك المشاعر لي كانت تحلف باش ماتزيدش تخليهم يخرجو ...قالت في روحها *الحب*حتى يقاطعهم اللحظة الجميلة تلك السكريتيرة المصفارة بكاس حليب و قهوة 

to be continued!