ناضت صباح و حست بواحد الدفئ تبسمت و تكسلت مليح و زادت عنقت مصدر الدفئ ... شوي هاك تفكرت و جات تساؤلات لمخها ( شكون هادا ... المخدة ماتدفيش لهاد الحد ...) حلت عينيها و الصدمة جواد كان معاها راقد جات تبعد حكمها وقال بصوت عيان: تتحركي نقطعك لأطراف
قمر: الناس تقول صباح الخير 🙄
هكداك و بعدت ناض و هو عاقد حواجبو راسها اليابس كش نهار يكسرهولها حتى نطقت : شكون قالك ارقد معايا؟
جواد : قاتي راح تجيبيلي الفراش و نسيتي حتى انا نسيت و جيت نرقد مع مرتي ( و تبسم بخبث)
قمر: اووووف مع صباح ربي نوض نوض من الفراش راهي سبعة و زيد باينة مكنش خدمة اليوم باينة آبري وش صرا البارح
جواد : هيليك البلاصة السرير كبير مشي لازم حتى ننوض باه ترقدي
كيما كان الحال جبدت روحها لجيهة و غرقت فنومها ...
جواد كان راجع للرقاد حتى حس بضربة جاتو لكرشو ( آااو رجلها لحقت لعندي ؟ ) بعدها و دور حتى يحس يد صفعاتو ( اوووف هادي راهي تدابز في مناماتها؟ )
شوي برك حسها قربت ليه كثر نفسها كان يضرب على ظهرو ... دار لعندها و هبط باه وجهها يقابل وجهو و نحا الشعيرات لي يغطو وجهها و قال : وش درتي فيا فالمدة لي تفارقنا فيه ... جامي ايماجينيت عدوتي تسكن قلبي ... و باسها في خدها و رقدو
حتى ناضو على صوت طبطيب...
أنت تقرأ
معًا♡(باللهجة الجزائرية)💕💕
Adventureاول كرونيك نديرها ❤☁️ تحكي على المشاعر المختلطة ... بين حب و كراهية و مصلحة ... لكن مع الوقت كلشي يزول بسبب خيانة الاخر و تدخل الشخص المناسب لإنقاذ البطلة نن الغرق في حزنها الذي تخفيه تحت قناع البرود و عدم الاهتمام ...💕 نتمنى تعجبكم ☺💕
