معًا♡(باللهجة الجزائرية)💕💕

♡partie 05♡

و قال: مزال ماتبدلتي قعدتي نتي مزال عندك بلاصة كبيرة فالعالم تاعنا هكداك و دخلتي لهاد العالم لي الشهرة طغات عليه من قاتلة و مجرمة لطبيبة ههه

Flash back...

قاعدة فالبيرو تاعها تتفرج فالمنظر الممطر من التاقة واحد البرد فلاشومبر.خلا الجليد يتكون فالزوايا و ريحة الدم قاوية و قالت بكل برودة:  قتلك راح تخلصها غالية... ماخممتش فالعواقب قبل ماتقتل يما... راك خلصتها يا سي مراد غالية و دكا راح نروح كلي ماصرا والو كلي ما قتلت يما ... و ما زوجتني لوليد خوك علاجال الدراهم ... (وتبسمت من فوق قلبها)

•شكون هادا؟هادا واحد من صحاب اب تاع قمر بيسك دارو بزاف صفقات اذا وحدة من هذه الصفقات يتزوجو فرد من العائلة للوخر و زهر قمر الشباب زوجوها غصبا
ولانقولو زواج مصلحة... و كيما كان الحال قتل يماها

العودة
تفكرت قمر هاد العجب و شافت فيه بتعابير فارغة حتى وين حست بيد جبدتها... جبدتها  و داها قاعد يتمشا هي موراه ماعرفتش واش دير استسلمت ...
قعدو يتمشو السبيطار فارغ قط مكنشو حتى
نطق: سبيطار هادا مهجور؟
قمر : بيزار مكنشهم...
جواد: قتلوهم...
قمر قعدت تشوف فيه مشوكية و تتمشى موراه ، حبست و قالت: كيفاه تقتلو مدنيين لا ذنب لهم ؟ كيفاه؟ كيفاههه!!!؟
ماشافش فيها اصلا كمل يمشي وهو يعس من كل الجوانب الا ان خرجو و نطق : وراهي طونوبيلتك و اكتيفي روحك
قمر فهمت انو حاجة راهي تصرا مافهمتش وش هو مي طلعت لطونوبيل و طلع معاها جواد من القدام و قال: تسوقي طيارة؟
ضحكت و قالت: هادا وش راك حاب؟
قال: وريلنا شطارتك ايمالا 
شعلت طونوبيل اول حاجة دارتها هي دخلت على الطونوبيل لي كانت اونفاص ليها و تبسمت و قالت بصوت ملئ بالفخر: تحشوهاليش

(كان كاين قناص يقارع فقمر باه يتيري عليها )

راحت فالطريق طيارة و بدلت الطريق و تتبسم حاسة بواحد الانتصار و قطعها: ماتفرحيش بزاف وين نروحو دك ؟ راهم يتبعو فينا معولين مايخلوناش
نطقت: ايه ايه حاضر سيدي اصبر عليا
قاتت على واحد الزنق و الطرقان غير هي لي تعرفهم كان يحس بالافتخار مرتو تعرف هاد الشي قاع لحقو للدار هي جراتو ديراكت للداخل غلقت الباب بالمفتاح و الكادنا كأنها كانت متأهبة لهاد الشي و راحت غلقت كامل التيقان و غطاتهم ... رفدت تيليكوموند و قاعدة تحسب 6...7...8...9... بووووم طرطقت الطونوبيل و طرطقو كامل معاها .
تعجب على ذكائها و حيلتها و كيفاه تخرج من المواقف الصعبة قعد غايس فيها حتى نوضاتو : اي...ااااااييي وين راه عقلك قريب نموتو
.....
تفاعلوو💕