الحلقه 7
معلش بقا البارت صغير شويه بس حقيقى معرفتش اكمل ومش شايفه بعينيا خااااالص😂
شعرت بشئ فى ظهرها وأخرى تهتف : ارفعى ايديكى لفوق
توقفت فاطمه ورفعت يدها خلف رأسها وهى تبتسم بخبث وفى لحظه لفت وأخذت السلاح من ماريا التى كانت تتابعهم خطوه بخطوه
أمسكت فاطمه السلاح النارى ودفعت ماريا ناحية إبراهام وهتفت : الله شكلكوا حلو اوى ما جمع الا ما وفق .
ماريا بصراخ : مفكره هيك اضحكتى علينا ههههههه
انتى مجنونه هلا بيمسكوكى وبتكون نهايتك .
فاطمه : يا مرحب بيهم
مش هسيبهم غير لما أنتقم منهم حتى لو كانت آخر دقيقه فى عمرى .
ماريا : بتقولى فيها هيك يا إللى راح يصير يا جدبه وراح تموتى موته كتير كتير بشعه
فاطمه : لو انا مت هموت شهيده ، بطله انما انتوا هتموتوا كل*اب
ماريا : مو مصدقه حالى كيف انضحك على فيكى
غمزت لها فاطمه بسخريه : يابت أنا مصريه عندى حضاره واحنا اللى اخترعنا البيضه والحجر عشان نلاعب بيها شوية قرود زيكوا .
كان يتابعها فى صمت لا يصدق أنها هى تلك الفتاه الهادئه التى تخاف كل شئ ، لتلك الدرجه اتقنت التمثيل عليه أم أنه هو الغبي الذي صدقها واعطاها المساحه فى مسرح حياته لتمثل وتتقن تمثيلها .
فاطمه: بتبصلى كدا ليه هاااا مش مصدق صح ؟
انا انا فاطمه الهبله الضعيفه اللى كنت عايز تضحك عليها زى ما ضحكت على غيرها .
ثم أكملت بأسف : إنت الشخص الوحيد إللى كنت بحاول معاه إنه يرجع عن غلطه ويراجع اخطاءه بس للأسف انت معجون بماية الصه* اينه .
ضحكوا عليك وفهموك ان المصريين قتله و ظلمه
ضحكوا عليك وفهموك ان هما صح واحنا غلط
ضحكوا عليك وفهموك اننا شوية بنات هبل هنسلم نفسنا لواحد عشان وسيم ولا مشهور .
ضحكوا عليك وفهموك انك بقيت لا تصلح انك تكون انسان .
ضحكوا عليك وفهموك ان المصريين هما اللى عذبوها .
وأخيرا هههههههه ضحكوا عليك وفهموك انها ماتت.
ألقت قنبلتها فى وجهه واتجهت إلى سيارة ماريا وانطلقت بها بسرعة البرق فى لحظات كانت قد إختفت عن انظارهما .
صرخت ماريا وهتفت: هالملعونه ما راح اتركها
هاديك البنت طلعت وياهم ومنا بنت عاديه هاديك البنت ظابط وهاداك الضابط أدهم كمان طلع وياهم واحنا بس إللى طلعنا بالاخير أغبيه ،و كنت عم تقلى شو ؟!
قال بتحبا من بين كل هالدنى ما تحب الا هاديك الجاسوسه الخاينه
إبراهام : انتى عرفتى كل دا منين وإمتى ؟
ماريا : إجانى اتصال من ديفيد وخبرنى بكل شي وصل للماما فيديو للبنت مع الضابط أدهم من المسجد وكانوا بيلاقوا الأنبله ولهيك إجيت وراكن انا لحتى ما تضحك عليك بيكفينا هيك لعب .
يلا بينا وراها لازم إقتلها ، انت ليش صافن هيك قوم يلا وراها .
لم ينطق باى كلمه وظل يفكر فى حديثها وآخر ما نطقت به فاطمه .
فى مكالمه هامه
اللواء كمال: ايوه يا خالد
خالد : يافندم العميل بتاعنا انكشف
اللواء كمال: إزاى انكشف ؟
خالد : ظهر فى الكاميرات وهو بيحاول مع أدهم انهم يوصلوا لمكان المتفجرات ويبطلوها ، وللأسف قدروا يوصلوا للفيديو دا قبلنا يا فندم
و حصل بينها وبين الطرف التانى مشاده يا فندم بسبب انه حاول يتهجم عليها
اللواء كمال بقلق : وبعدين حصل ايه ؟
خالد : متقلقش يا فندم قدرت تتعامل معاهم
امسك الآخر الهاتف من اللواء بعد استئذانه وهتف : معاك اللواء فهد العدنان يا خالد
خالد بنبرة ترحاب : اهلا يا فندم
فهد : نور كويسه يا خالد ؟
خالد: صدقنى نور باشا بخير يا فندم ، الشبح ميتخافش عليه يا باشا .
أومأ فهد وهتف بنبرة وجع : وزينه يا خالد ؟
خالد بأسف : إحنا آسفين يا باشا بس دى كانت أوامر نور باشا اننا منتعرضش للعربيه بالضرب
إبتسم فهد إبتسامه خفيفه وهتف : يعنى دى كانت أوامر نور
خالد: أيوه يافندم
فهد: منتظر مكالمه تانيه أسمع منك أخبار كويسه يا خالد .
خالد: إن شاء الله يافندم .
فهد: معاك اللوا كمال
اللواء كمال: خلاص يا خالد منتظر مكالمه باى جديد
خالد: تمام يافندم
أغلق اللواء كمال المكالمه مع خالد وهتف لفهد قائلا: إهدى بقا يا فهد الموضوع ان شاءالله بسيط
فهد: بناتى يا كمال ، لو على نور فانا اتعودت على كدا معاها وحقيقى مقدرتش ألين دماغها انها تبعد عن المجال دا ولا حتى قدرت أكسر طموحها ووطنيتها ماهو أكيد لو كل أب منع بناته يحققوا طموحهم مين اللى هيحمى البلد دى ويرفعها
اللواء كمال : انت فعلا مقدرتش انك تكسر طموحها وتخليها تتنازل عن أحلامها وهى فى المقابل بتنجح يافهد وبتمشي على كل القواعد والخطوات اللى اتعلمتها منك ، يعنى مثلا لما منعتهم انهم يتدخلوا فى خطف زينه انا عارف ان دى خطوه صح عشان تقدر تحمى زينه وتوصل لهدفها ممكن الضرب والمشاده فى الوقت دا كانت خلتهم أنهوا حياة زينه بسرعه لكن هى إدت لنفسها مهله توصل فيها لزينه .
فهد: انا خايف جدا على زينه ، زينه طيبه جدا ومش فى جرأة نور
اللواء كمال: بالعكس يا فهد يمكن الشخص الطيب دا بيكون جواه جرأه أكبر بكتير مبتستهلكش غير فى وقتها
يعنى سفر زينه تحت الضغط والظروف دى وإنها تبقى على علم تام انهم ناويين يقتلوها وتقبل وتسافر دا فى حد ذاته أكبر دليل على ثقتها فى نفسها وجرأتها
يمكن بالعكس نور من الاول عارفه هى راحه فين وهيحصل ايه ومتدربه على دا كويس جدا ومش أول مره تعمله ، عايزك تهدى كدا وتشيل حتة سفرك ليهم دى من دماغك خالص عشان دا ممكن يئذيهم أكتر وان شاء الله خير .
فهد: إن شاء الله يا كمال
أنت تقرأ
أعادت لى هويتى
Actionالدنيا ليست بغابه ..... وان كانت لكم هكذا فما أنتم إلا قرود .. لا ترفعون رؤوسكم طالما للغابة أسود سنأخذ علم من كل دولة عربيه لنضعه فوق رأس العدو ونخطوا بثقه وصمود .. إنتظرونى فى رواية أعادت لى هويتى لنعيد فى اذهاننا بناء وطننا العربي كما يجب...
