كابوس

🪐 (8)🪐🌘
تسريع الأحداث 🌗🌘
.
.
.
اسبوع العرس
واقفه ع المرايه وهيا تشوف لي روحها لابسه البودري كانوا عيونها منفوخات من البكي وخدودها حمر
....... وأخيرا كملت ضفيرة شعرك
.......حتي كملت الجيهه هادي شعرك حلوه وطويل لكن متعب
...........وووك توا بتزوج كيف بتتصرف معااه شعرها لو كان شعري اني كنت قصيته خليته تحت وذاني بشوي
.........ضحكت حبيبتي سريوه شعرها ناعم مش كيف شعرك نفس عباد الشمس
ضربتها ع ايدها وضحكت:ههههه اتفوو ياكلبه يا سندس
سندس وهيا تركز ع أسراء اللي سارحه رجعت شبحت لي أميرة اللي حتي هيا مركزه عليها
سندس:سريوه حبيبتي
اسراء ساكته
حطت أميرة ايدها ع كتف اسراء:اسررررراء
شهقت سراء وشبحتلها:هااااا نعم
سندس:وين سارحه
اسراء:ما في شي بس كنت نتمنه انه عيلتي اتكون معاي
أميرة حضنتها من تالي وقالت:واحني شن اصلا اني فرحانه انه ساحرة الجنوب خلتنا نجوا نحضرو عرسك
ضحكت سراء:اصلا مستحيل بندير عرس من غيركم لأنكم من ريحة ماما لو تعرفوا قداش مستاحشتهم .نزلوا دموعها
سندس قربت حضنتها:ياعمري ادعي ربي يرحمهم واكيد هيا فرحانه انك بتتزوجي وبتفتكي من هالسجن
اسراء وهيا تبكي:صح بنتزوج بس مش من الشخص اللي حبيته مش معا الشخص اللي كنت مستاعده نعطيه روحي عشان يوم واحد بس معاها
اميرة:تفكيتي من وجهه سفيان هوا عمره ماحبك
كان لاصق فيك عشان فلوسك باللهي عمره جبلك هديه ولاطولتي ف خدمتك ونشغل عليك وتصل بيك
ولا حتي يوم تجي ترقدي ف حوش خوالي كان يتصل بيك اااه قولي اسراء
سكتت اسراء وهياا تذكر (والدليل يوم روحت متاخر
ماسالهش حتي وين كنتي)
سندس:خلاص اسراء انتي اليوم بيقروا فاتحتك ع شخص تاني عيب تبدي تفكري ف سفيان وانتي ع ذمة غيره
اسراء هزت راسها وتمسح ف دموعها انفتح عليهم الباب وخشت تزغرط وتحضن ف اسراء وتبكي
نعيمه:الحمدلله اللي ربي كتب هاليوم وخلني نشوفك احلا عروسه
اسراء تحضن فيها بقوه وتبكي:خوووويله نعيمه جيتي
نعيمه:لا بالك عرسك وماتبيش نجي وبعدين علاش الدموع أمسحي دموعك اليوم نبيك تضحكي بس
السنين اللي فاتوا كلهم تبكي خلاص توا افرحي بتطلعي من تحت ايدين هالسحاره
اسراء:اسسس خويله عيب توا تسمعك
نعيمه :وكان سمعتني نقوله ف وجهها شن خايفه منها
زكية وهيا واقفه ف الباب :هيا اسراء الكسوه قريب توصل
نعيمه:اذكر السحار ايجيك يبخر
زكية:ع من قصدك انتي
نعيمه:ع الشيطان علاش انتي شيطان
زكية:عليك مرض أمته بيتم العرس ونتفكه من وجهك انتي وهلك وبنت اختك
نعيمه:بالك تسحبي انه عجبني وجهك لا والله عشان بنت اختي ولا مانجي نشوف وجهك اللي تقول امعيطه غوله فيه وبعدين اخطيني ولا واللهي توا
نشادك نغلفك ونبعتك لي الدواعش هديه
زكية شبحت ف نعيمه من فوق لوطه وامشت
ضحكوا البنات عليهم
اسراء:اول مره نشوف حد يقدر ع لسان زكيه
نعيمه:اني موجوده حبيبتي
ضحكت وقربت حضنتها بدوا دموعها ينزلوا وهيا تسمع ف صوت تبيب السياره والزكره اللي جايه معهم
نعيمه :علاش تبكي
سندس:هادي من امبكري هكي
نعيمه تمسح دموع اسراء:خلاص فال مش كويس العروسه تبكي هياا بش نطلعوا
طلعت من الدار واني مش شايفه حاجه قدامي كانوا مغطين عيوني وشده ف ايدي خالتي كنت نمشي ودموعي ينزلوا صوت الغني قوي كانوا اهل العريس يغنوا ع ولدهم وأهلي يغنوا علياااا كان بينهم كيف تحدي🎵🎵 قعمزت وبديت نسمع فيهم🎵
(اهل مالك)
ياشورك ع الصلايه ديما .............حصلتيه سمح التبسيمه 🙌
(اهل اسراء)
كأس ذهب واطرافه فضة ............ياسعد اللي جيتي حظه 🪐
(اهل مالك)
يامبروك عليك خديتي ............... صقر يربي فيه كويتي 🦅
(اهل اسراء)
الحوت الحوت علي ابنيتنا ........... والشينه ماهي صنعتنا🤞
سوسن:هدا عرس اوخيي البي .............. من المطار يبان الضي 💥
اميرة:هي زينه والزين لهلها...................مبروك يوم اللي حصله
.
.
.
قعدو يغنوا عليا وحنوني واني نبكي والعبره خنقتني
ياريت لو ماما وخواتي معااي ياريت لو بابا وخوتي هما اللي يستقبلوا ف الناس مش الحقير سفيان اللي
خلني نصدق ونتخيل انه راح يتزوجني وانه يحبني لكن طلع كله كذب بس مش راح ننسى اللي دروه فيه كلهم ليهم يوم حسبي الله ونعم الوكيل فيهم
.
.
.
مد يده يسلم ع صحابه وجيرانه والناس اللي جايه ع الفاتحه كان الزبون زايد عطيه هيبته كان الزبون ع الاكحل ولابس معاه نظرات شمسيه
علي قرب منه وهوا يحضن فيه:واخيرا ربي كتب هاليوم اللي نشوفك فيه عريس من جديد
ضحك مالك:ههههههه اتقول امي واقفه قدامي
ضحك علي وقال:تي ياراجل مش منه بالك المراه اديرلك عقل وترزن وتقعد فحوشك
خبطه ع ظهره :علاش ياكلب من قالك ماعنديش عقل وبعدين بنقعد ع قلبك ماعندك وين تهرب مني
علي:هههههههه ايح علينا واني ناوي اني والكتيبة نطلعوا عكسه ف الاستراحه
مالك:ف عينك مش استراحه عندنا خدمه غير خلي العرس يتم بس وبعدين هادوم اللي قلبين الدنيا تفريغ وسلاح تقيل قوللهم ايوقفو الناس كلهم خايفين ع اروحهم
علي:تي خلها تربخ اليوووم ومازال غدوه توا تشوف شن بنديرولك
مالك فنص:شن بديرو
علي بعد عنه وهوا يفتح ف ايديه :اطلع منها انت هيا تعالوا يشباب اربخوها
اتخش الزكرة ومعاها الكتيبة وقلبين الدنيا تفريغ واللي يرقص واللي يضرب ف الألعاب الناريه والناس كلهم مصدمين من هالمهبولين
.
.
.
يوم الخميس 🌗
واقفه ع المرايه تشوف لروحه كانت طالعه نفس الملكة
الكوافيرة وهيا تبت ف الطرحه ع شعري:مشاءالله تعرفي طالعه خيال تهبلي وبدأت معا شعرك الطويل ولونه الاكحل الطبيعي خلك اتجنني
ابتسمت والدموع يلمعوا ف عيوني :تسلمي هدا من دوقك
الكوافيرة:ولوو وبعدين نصيحه مني انسي كل شي عيشي هاللحظه لأنها مره ف هالعمر
هزيت راسي واني ساكته لفيت شبحت لي خالتي نعيمه وسندس واميرة يزغرطو قربت منهم نحضن فيهم ودموعي نزلوا
نعيمه وهيا تبكي:اااه ياوخيتي كان تشوفي بنتك كيف طالعه بس
زدت نبكي وبدي صوت شهقاتي يقوي بعدتني أميرة وقالت:خلاص عاد مش وقت نكد انتي عروسه يعني لازم تفرحي وبعدين تبي المكياج يخرب ويقولوا عليك جت ساحرة الجنوب
ضحكت عليها واني نمسح في دموعي:خله بالك العريس يهرب
سندس:واللهي انتي المفروض تفرحي انك بتطلعي
من الجبانه اللي ساكنه فيها وبعدين اذكري حاجه وحده انه ماحد يحبك من عيت عمك وهما توا فرحانين اللي بتطلعي من الحوش
نزلت راسي واني نذكر ف سفيان واللي داره فيا
اميرة:بعدين شوفي عيلة راجلك شكلهم كويسين
ويدفنوني بفلوسهم وبعدين شكلهم عندهم دوق شوفي الفيلو قداش يهبلللللل🥺
رجعت نشوف للمراية ركزت ع الفيلوو اللي كان ملكي بالتاج وبالطرحه الطويله
سندس:غالية منقهاره منك خصوصآ بعد هما اللي حجزو الفيلوو والكوفيره والصالة كل ع حسابهم
أميرة:خلها نشاءالله تموت
نعيمة:هيااا يابنت ايمن برا
لبسوا عبايتهم وساعدو اسراء تلبس الكاب وهيا خايفة ترعش طلعوها برا ركبت فالسيارة بصعوبه بسبب انه الفيلوا كبير ركبن ف جنبها سندس واميرة
ومن قدام نعيمة
ايمن ولع السياره وامشي:هيا بنات خلي نقيموها با سريوتنا
سندس وأميرة:ايه هيااا
فتح الاغاني وبدو يغنوا ويصفقوا ونعيمة تزغرط
ايمن مطلع ايده من الروشن يضرب ف طبوا الألعاب الناريه
اما إسراء فكانت:😭
.
.
.
ف صالة العرس
زكية تشبح لصاله من فوق لي للوطه طبعا كان فندق
حجزه مالك عشان العرس كان الديكور ملكي
غالية وقفت جنب زكية وهيا تضرب ف رجلها ع الارض:توا هيا بش خير مني مش كان احسن لو تزوجني خير من هالفقري اللي بنتزوجه
زكية وهيا تضرب ف خدوها:خيرا هوا جاك واحني قولنا لا ياطيح سعدك يازكية وخلاص هالفرخه اسراء حظها زي امها حتي امها زمان كلهم يحبوها واني يكرهوني حتي الشكيره دايما يشكرو فيها فالحه وسمحه وطيبه واني مافيش حد شكرني
غالية:انشاءالله ماتتهني هيا ويااه نشاءالله أيامهم كلها سود
زكية:امالا تسحابي اني بنخليها تتهني اني ماخليت امها بنخليها هيا
غالية:حي ياماما شن بديري
زكية:اللي درته ف امها زمان
غالية:حي شن درتيلها
زكية:مش هنايا الهدرزه توا نقولك بعدين
نزلت من الدروج وكانت الناس كلها تشوفلي كانت
أميرة وسندس فوقفات اوراي شادتلي الفيلوو كنت ننزل بدرجه الوحده كنت خايفه كانوا دموعي ينزلوا
كانوا فاتحين اسماءالله الحسني طبعآ هدا كان طلب من فتحية ام العريس حسيت بخوف من نظرات الناس لياا تمنيت بجدياات ماما واخواتي معااي يمكن كانوا سند ليا في هل يوم بس توا اني حسه بالوحده ياربي هالدروج معادش تم هل هوا طويل ولا اني هكي حسه اوصلت واخيرا نزلت منه كانت خالتي نعيمه واقفه هيا وخالاتي كانوا كلهم يبكوا قربوا حضنوني واني انهرت معهم بديت نبكي بعدتني مرات خالي وشدتني من ايدي وخلتني ندرج ونمشي قدام الناس المصدومه ف شكلي وفي الفيلوو الكبير والفخام صح ماكنتش هكي أحلامي
كنت نحلم بعرس بسيط ف صالة بسيطه فيلو بسيط معا ميك اب بسيط وكنت نبي نحط ورد طبيعي ع شعري وباقة ورد طبعي حتي هيا ولازم تكون لونها أحمر قولت انه مش راح نطلع اني وسفيان لين نرقصوا معا بعض نبيه يطلع بيا من صالة وهوا رفعني ف حضنه كانت هكي احلام بس مافيش ولا حلم منهم تحقق لا عرس بسيط ولا فيلو بسيط ولا حتي سفيان💔
اوصلت للكوشه اللقيت فتحيه واقف تستنى فيااا
قربت بنسلم عليها بس هيا قربت وحضنتني ياالله ع حضنها قداش دافي وكانه حضن ماما اتنهد وزدت ضغط ع ظهرها بيديا ودموعي ينزلوا لما سمعت كلامها
فتحية:يابنتي ربي يقدرني انه نولي امك التانيه ونقدر نعوضك عنها انتي مرات الغالي يعني صارت غلاوتك من غلاوته .بعدت عني وهيا تمسح ف دموعي:أمسحي دمعتك راهي غالية عندي احني توا عيلتك التانيه يا اسراء
ابتسمت حسيت بحنان الام لي اول مره من بعد وفاة ماما قربت منها بوست يدها وراسها ساعدتني نقعمز ع الكوشه جتني سوسن سلمت عليا وحضنتني
وهدرزت وضحكت معااي بجد حسيت انها غيرت جوي بدوا كل المعازيم يرقصوا معا فاطمه الحمصه اللي قالبه الدنيااا🎵💥💥💥
أميرة وسندس ومعاهم باقي بنات خوالي وخالاتي يصورو فياا طبعآ من ناحية زكية وبنتها كان كيف الضيوف مقعمزين ع الطاوله ياكلوا وخلاص وجعني خاطري منهم خصوصآ انه من اهل بابا ماعندي حد غيرهم لانه بابا عنده عمي عبدالله وعمتي بس مسافره ليها سنين
جتني فتحية وقفت ف جنبي وهيا شاده في يدها
هدايه مغلفه :هادي هديتي ليك يا سراء وانشاءالله تعجبك
فتحته وكان طاقم دهب كبير .اني نصدمت فيه
اسراء:عمتي هدا غالي علاش تعبتي روحك وبعدين....
فتحية:انتي مرات الغالي يشهد عليا ربي انك خشيتي قلبي وبعدين هادي هديتي ليك يعني متقدريش ترديها
اسراء:صحيتي عميمه .قربت بوست راسها وابتسمت
ابتسمت فتحية وشبحت لي سوسن:ياسوسن خودي هداية مرات خوك ردي بالك عليها لين تحطيها ف دار خوك
سوسن خدته منها :حاضر ماما
فتحية:اتصلتي بخوك بش يجي يطلع عروسته
سوسن:لا توا نتصل .امشت سوسن واني قعد الخوف واضح ع وجهي خلاص بدي العد التنازلي توا بيرفعني معاها شن راح يصير شن راح يدير فيااا ياربي اني خايفه
جت سوسن وجها متغير زعما خيرها شن قاللها
قربت من امها وشوشت ف وذنها تغير وجها حتي فتحية قربت منهم خالتي نعيمه وهيا تسأل :خيركم شن في نشاءالله خير
فتحية:خير نشاءالله بس ولدي مش راح يطلع اسراء
سامحيني بس هوا يتحشم هدا علاش
نعيمه اتنهدت وهيا مرتاحه:الحمدلله نسحابه صاير شي خلاص عادي مافيش مشكله توا احني نطلعوا اسراء
فتحية:ايه هيااا نطلعوها
اني ارتحت انه مش هوا اللي بيطلعني قربت من خالتي نعيمه وعمتي فتحية وسوسن واميرة وسندس وبدوا يساعدو فيا ف الفيلوا لين طلعت من الصالة اللبست الكاب فوق الفيلوو وطلعت من باب الفندق وهما قاعدين يساعدوا فيااا رفعتي عيوني نشوف ف سيارة عالية مزينه واقفه قدامي وفاتحين الباب من تالي ساعدوني ركبت قربت من خالتي نعيمه وباست ع راسي وخدودي وشادت ف ايدي وهيا تبكي:ربي يهينك ويساعدك انتي وشريك حياتك وانشاءالله معااا اتعيشي ايام احلا من ياللي عشتيهم قبل ياسريوتي
اني دموعي ينزلوا:ن___نشاءالله
نعيمه:ردي بالك ع روحك وماديريش المشاكل واذكري حاجه وحده المراه ماعندها حوش غير حوش راجلهاااا
هزيت راسي واني نبكي وشهقات بدوا يطلعوا بصوت عالي فكت خالتي ايدها من ايدي واني قاعد نحاول نشد يدها بعدت واميرة وسندس يبكوا وياشر بيدهم بمعني باي رفعت ايدي ودرتلهم باي وصكرت نعيمه الباب فتحت عمتي فتحية الباب من قدام وركبت استغربت فيها اني بس فهمت اول ماتكلمت:ياسراء هدا السواق يابنتي عريسك ف الحوش يستنى فيك
اتنهدت واني فكر ف خاطري :علاش مش هوا اللي جي رفعني مفروض هوا مش باعت السواق بس احسن مانبيش نشوف وجهه
بعد وقت مش طويل واني ع اعصابي اوصلنا كنت مش قادره نشوف شي لانه وجهي مغطي فتحت الباب عمتي فتحية وبدت تساعد فياا نزلت من السياره وجتها معها سوسن وزوز بنات يساعدو فيا خشيت داخل مش شايفه شي بدوا يساعدو فيا واقفو ضغطوا ع بطمة سمعت صوت فهمت انه الاسانسير لهدرجة حوشهم كبير زعما ع قداش دور
انفتح الباب طلعنا منه وهما يساعدو فيه فتحت الباب فتحية ودخلتني داخل وبديت نمشي واني شده في يدها ومش شايفه حاجه لين سمعتها قالت:قعمزي اسراء ع السرير شويه ويجيك عريسك
اتنهدت وقعمزت واني خايفه شن راح يصير فيا قلبي بيوقف من الخوف
قربت مني سوسن وهيا تضحك وتنحي ف الكاب وتساوي ف الفيلو ع السرير :مبروك عليك سريوه نورتي حوشك ياسمحه
ابتسمت :تسلمي والفال ليك ياررب
سوسن رفعت ايديها فوق :نشاااءالله يااارب ويكون اللي ف بالي
ضحكت عليها فهمت من كلامها انه ف شخص ف حياتها بس نشاءالله يطلع احسن من سفيان ويكون راجل قد كلامه
سمعناا صوت الباب اتصكر شهقت سوسن وقالت:حي العريس جي شكله يلا بالتوفيق
كملت كلامها وضحكت وطلعت تجري
حسيت الخوف زاد لما طلعت حطيت ايديا ف بعض واني نحرك فيهم بخوف صوت باب الدار انفتح حسيت بيه يتحرك ف الدار قرب مني وقعمز ف جنبي ضغط ع ايدي بقوه ودموعي ينزلوا قرب مني وبدي يرفع ف الطرحه اني غمظت عيوني لين قام الطرحه كلها حسيت بيده ع وجهي يحرك فيهااا
مالك:افتحي عيونك اسراء خليني نشبع منهم
ف اللحظه اني نعرف هالصوت مش غريب عليااا فتحت عيوني وكانت الصدمه انه نشوف ف نفس الشخص قدامي اللي هربت منه اللي توقعت انه الزواج من سفيان حل ايفكني منه بس صدمت عمري انه هوا راجلي قعدت نشبحل اني مصدومه تكلمت بصوت ناقص هلبااا :اا__انت__شن ادير اهني
ضحك وقرب بأس خدي ونزل وجهه ف رقبتي وهوا يتنفس ويشم فيها :قولتلك مش راح ياخدك غيري انتي ليا اني وبس
قعدت نحس بنفسه الساخن ع رقبتي ف هالحظه كأنه كنت ف غيبوبه ونضت دفيته عني بقوه ونضت اوقفت:انت شن تبي مني واصلا من قال اني نبي نتزوجك اااه فهمني لهدرجه انت واحد حقير ومتفهمش
قعدت نشبحله واني معصبه وكنت متوقعه يدير شي بس كانت رد فعله البرود حط يده ع لحيته وهوا يحرك فيها:بس انتي خلاص توا مرتي يعني لو تبي ولا لا اللي صار صار واني توا راجلك يعني احسن ليك يا اسراء انك تتقبلي الوضع ضحكت بهزوه:هههه ف أحلامك وبعدين ماتتوقعش انه تكون بيني وبينك حياة زوجية اصلا اني بنطلق منك مش قاعده معااك تسمع فياااا
ف هاللحظه فقد سيطرته مالك وضربني كف قوي لين طحت ع الارض حسيت بي فكي انكسر من قوة ايده شد وجهي وخله قريب من وجهه:تعرفي مازال تعلي صوتك عليااا اللسانك نقطعه وفكرت انك تطلقي مني انسيها تسمعي فيااا وديري عقل وفكري في مصلحتك زين احسن ماتندمي ع اليوم اللي شوفتيني فيه
اسراء:من قالك مش نادمه ياريتني موت قبل لا نخش ونعالجك
مالك ضربني كف تاني :لا انتي هكي لازم تربيه من جديد
قرب مني بيضربني من جديد بس اني قعد نوخر لاوره بخوف منه وحطه ايدي ع وجهي وقف مالك
يشبحلي بعدين غير وجهه وضرب ايده ع الحيط وطلع حطيت راسي ع السرير وبديت نبكي نبكي نحس ف وجع قوي ف وجهي بعدها نوضت نبي الحمام نشوف ف باب ف الدار امشيت فتحته طلع الحمام وكان كبير هلبااا كان فيه جاكوزي وفيه دوش عادي ادوشي وانتي واقفه وقفت ع المرايه شوفت وجهي اللي كان حاله كان الروج ملخبط وجهي كله اتنهدت وقعدت نشوف لي روحي بي الفيلوو وكيف بنرميه بديت نحاول نفتحه من تالي
ماقدرتش اتنهدت وخبطت ايدي ع دولاب الحمام فتحته شوفت مقص فيه خطرت ف بالي فكره هوا الفيلوو ع حسابه صح توا يشوف شت بندير فيه خديت المقص وبديت نمزق ف الفيلوو كله ونبكي ونعيط لين انفتح الفيلووو وطاح ع الارض رفعت ايدي نحيت التأج ونزلت الطرحه وشديتها ف ايدي واني نشبحلها بغل مزقتها كلهااا طيحت المقص من ايدي وامشيت رقدت ف الجاكوزي وفتحت عليا الميه ودموعي ينزلوا معاها دخلت وجهي تحت الميه
وبديت نفكر لو نموت مش احسن من هالحياة اللي يجي يضربني واللي يجي يهيني ع الاقل لو نموت
راح نرتاح كنت نقول انه يمكن بعد زواج راح نرتاح يمكن يطلع ولد حلال ويخليني ننسى سفيان بس طلع العكس بديت نحس ف النفس ينقص مش قادره نتنفس الموت احسن ليااا .
.
.
.
نشاءالله تعجبكم الحلقة والرواية حاجه جديده 🌗🪐
#كابوس ❤#الكاتبة_عويشه 🌗#رواية_عويشه