(17)
والقلب لايميل إلا لمن يجعله يُزهر ."
////////////////////////
فكيف أتوُب عن عينّيكَ عشقاً .. وربُك فِي غرامك قد بلاني .. ♥️
////////////////////////
ثم قالت :يحتلني بلا رحمة، حب رجل لا قلب له.
#كابوس ^ #رواية_عويشه
_____________________
فتحت عيوني بشوي واني نشبح لي مالك اللي ابتسم وقرب باسني من خدي وبعد وأيده ع شعري يلعب بيه ضحكت وتكلمت واني نتكسل
اسراء:صباح الخير 😊
ضحك مالك وقرب حضني بقوه :صباح النور لقلبك ،صباح الدفء ليديك التي سرقتني ،صباح حبك العظيم الذي أعادني لروحي صباح
الحياة بك ومنك وإليك .
ضحكت وشبحتله واني مركزه ع ابتسامته الحلوه :محلاك
مالك:أحلفي بش نصدقك
اسراء:مالك عادي نسألك سوأل
مالك :اكيد
اسراء:هوا بصراحه هما اتنين مش واحد
ابتسم مالك:يااهمي اسألي
اسراء:علاش امس طلعت انت وسارة معا بعض معآ انك من يوم تزوجنه عمرك ماطلعتني معااك
ضحك ماالك:وانتي من قالك انه طلعته
اسراء:اني سألت قبل انت جاوب
زادت ابتسمت مالك:اني ماطلعتهش
اسراء:كيف ماطلعتهش امس طلعت انتي وياااها
مالك:انتي فاهمه غلط اني روحت بيهم لحوشهم هيا وامها لانه خالي مش فاضي يروح بيهم هدا علاش
اسراء:يعني مطلعتش انت ويااها بروحكم
مالك:وعلاش بنطلع معاااها ااه
اسراء:مانعرفش بس امس من تصرفاتكم حسيتكم قريبين من بعضكم هلبااا
مالك:زمان لما كنا صغار بس لما تزوجت هياا سافرت ومعادش روحت لي ليبيا هادي اولها مره تروح وتصرفتنا هي بالنسبه ليا نفس اختي سوسن وليلي وعمرها ما رح تكون اكتر من هكي .
ابتسمت حسيت براحه من كلام مالك
مالك لحظ ابتسامتي شبحلي وهوا رفع حاجبه:لو اني مش غالط بس نشم ف ريحت غيره ف الموضوع
اسراء:غيرت شني ومن مني من هادي مستحيل
ضحك مالك بصوت عالي ركزت ع ضحكته محلاهاااا اتنهد واني نشبحله :مااالك
سكت مالك وهوا يشبحلي:عيونه
بلعت ريقي وتكلمت:انت قاعد تحبها
سكت مالك وهوا يركز في عيوني فهم من قصدي تكلم وقال:علاش تسألي
اسراء:جاوبني مالك انت قاعد تحبهااا
مالك تنهد وقال:ايه
نصدمت من كلامه :شني
مالك:ايه نحبها نكذب عليك لو قولتلك لا
زادت صدمتي من كلامه ومن صراحته نوضت قعمز وعيون مالك مركزه عليه خديت الشرشف لفيت جسمي بيه ونزلت من ع السرير وخشيت للحمام وسكرته علياااا دموعي نزلوا معقوله لتو مش قادر ينساها واني شني علاش تزوجني علاش قرب مني وهوا قاعد يحبها علاش خلني نتعلق بيه بشوي وهوا في قلبه شخص تاني مسحت دموعي ودوشت وفرشيت سنوني ولابست روب الحمام
وطلعت كانت الدار فاضيه اتنهدت شوفت تيشرت لي مالك ع الكنبه جيت خديته ولبسته شبحت لي شكلي ف المرايه كان حلو كيف التيشرت كبير عليا خليت شعري مفتوح بدون تجفيف طلعت من الدار واني جيعاانه بنموت مش واكله من امس بديت نشم ف ريحت حاجه فايده استغربت امشيت لمطبخ نصدمت نشوف مالك
امجهز طاولة الفطور لا اني اكيد نحلم، حط مالك العصير ع طاوله ورفع عيونه شبحلي وابتسم وقوف وهوا يفصل فيا من فوق لي لوطه اني تحشمت من نظراته ليا:علاش تشبحلي هكي
ضحك مالك وجي قرب مني وهوا يلف ف ايديه ع خصري وعيونه ف عيون:اممم تعرفي شكلي بنخليك تلبسي احوايجي كلهم
نزلت عيوني واني نشبح لي شكلي وبعدين شبحتله من جديد:وعلاش وبعدين اني كنت راح نغير احوايج بس اللقيت تيشرتك قولت خلي نلبسه ونفطر بعدين نغيره
قرصني مالك من خدي:انتي طالعه بي احوايجي احلا وسمح واغراء بي مية مره من احوايجك هياا تعالي ياملاكي نفطرو شوفي
راجلك الفالح شن امديرلك
شدني من ايدي وامشي قدامي واني نشبح لظهره والوشم اللي عليه وقف جنب الطاوله وسحب الكرسي تالي
مالك:تفضلي senorita
ضحكت عليه قعمزت ع الكرسي وامشي قعمزي قدامي شبحت لي السفره كانت فطور بسيط بس ترتيبه خيالي
مالك:معليشي هدا الموجود ف التالجه نشاءالله بعدين نطلع ونجيب الناقص لانه بعد اليوم معادش في ماكله معاا العيله انتي طيبي واني ناكل
ضحكت عليه وقولت:الله ع الرومانسية ههههه
مالك:بش تعرفي بس توا مدي ايدك وكولي
بدينا نفطرو كملنا فطور نوضت وقفت بنلم السفره ناض مالك أوقف بدي يلم معاي حطهم ع الرخامة أوقفت ع الحوض وكنت راح نغسل شبحت لي مالك اللي وقف جنبي استغربت منه
أسراء:اكيد انت مش مفكر تغسل الاماعين
مالك:لا مش بروحي معااك ويعدين بش خير مني اللي يغسل ف الاماعين
اني فنصت فيه عيوني من الصدمه:مالك انت واخد حاجه ماخليتك تفقد واعيك
ابتسم مالك وقال:ايه واخد حبة الفيل الأزرق
اني شهقت ضحك مالك وكمل كلامه:استغفر الله توا صح اني يبان عليه من جسمي ومن شكلي اني واحد تافه وصايع ومن الشباب اللي تحشش وتسكر لكن وربي شاهد عمري ماحطيت حاجه حرام ف فمي لاني نخاف ربي ....
اتنهد ع كلامه واني نحس براحه
مالك:خلاص خلي نغسلو الاماعين ونغيرو حوايجنا وننزلو لوطه لانه امبارح الكل سألني عليك
أسراء:وانت شن قولت
مالك :قولت انك مريضه شوي امي كانت بترقا تشوفك بس اني قولتلها اكيد راقده
اسراء:ااه باهي
بدينا غسل الاماعين وصدمني مالك كان يعرف كل شي توقعته مايعرفش بس طلع العكس كملنا وخشيت غيرت اني حوايجي ومالك حتي هوا درت عطر وخديت الوشاح حطيته ع شعري وشبحت لي مالك اللي طلع من الحمام كان لابس عربي كان طالع عليه خيال وقف جنبي وخدي العطر يبخ فيه ع رقبته اتنهد وغمضت عيوني من قوة رايحته اللي دخت منها ابتسم مالك وهوا يشبحلي فتحت اعيوني اللقيته يشبحلي بابتسامه تحشمت منه فجاه قرب مني مالك وباس خدي وبخ عطره عليه شهقت اني
اسراء:لالااااااا مالك توا مش بيعرفوا انها ريحتك
مالك:ولو عرفوا انتي كلك ع بعضك ليااا وريحتك بتقعد عليك لو شن ماديرري بتقعد عليك
ابتسمت ع تفكيره بعد عني وهوا يرفع ف ايديه ويساوي ف وشاحي :خليه هكي اني مانبي حد يشوف شعرك اني بس نشوفه
اسراء بهزوه:حتي عميمه وسوسن
مالك:كلهمممم
اسراء:ربي يهديك
ضحك مالك:ههههههه اجمعين
شهقت وضربته ع ايده :شن قصدك اني مهبوله
مالك:انتي قولتيها مش اني
كنت بنتكلم بس خلني نسكت لما قرب وباسني بعد عني تحشمت
ضحك وشد ايدي وهوا يمشي قدامي واني وراه ننزلنا لوطه
اوصلنا لدور الاول مالك اطلق ايدي شبحتله بس هوا قعد يشبح لقدمه امشي واني لحقته اللقينا عميمه امقعمزه ف الصاله ومعاها معتصم يشرب ف قهوه
إسراء ومالك:السلام عليكم
فتحية ومعتصم:وعليكم السلام
فتحيه :كيف حالك ياسراء اليوم
اسراء:الحمدلله كيف حالك يا معتصم
معتصم:الحمدلله بخير انتي كيف حالك
اسراء بخير الحمدلله
قعمز مالك وجيت قعمزت ف جنبه
معتصم:سمعت باللي صاير ف البلاد
مالك:ايه سمعت الكلاب يوم عن يوم ينشرو ف الفساد فيها
معتصم:بس هالمره اللي يجرو عليه كبير وفيه خطر ع المواطنين
مالك:هادوم مش هامهم لا مواطنين ولا البلاد اهم حاجه عندهم الحكم
معتصم :لو قعدو ع هالحاله طرابلس بتدمر
مالك:بأذن الله مش راح نخلوهم
معتصم:لتكون مفكر حتي ف الحرب هادي بتخش
مالك:اكيد امالا تبيني نقعمز و بلادي حرب والكلاب يقتلوا ف المواطنين واني تحت المكيف.
اني نشبحله ومصدومه هدا يتكلم من جده معقوله بيمشي للحرب واني من بياا بيخليني
فتحية:مالك انت مازال تفكر ف الجبهات والحرب
خلاااااااص ياولدي ارحمنا احني و مرتك من بينا حرام عليك
مالك:ياام اني منقدرش نقعد هكي ونخلي بلادي تدمر قدام عيوني وبعدين خلاص ياام اني قرارت
فتحية بصوت عالي :تي كيف قرارت ااه واني شني عندك رجل كرسي ف هالحوش
معتصم:يااام خلاص عاد مالك عنده الحق اني واحد لولا هالكرسي لكنت حتي اني امشيت معاااه بس الله غالب القدر اقوه مني
ملامحه معتصم كان واضح عليهم الحزن سكتت فتحيه
مالك:اصلا حتي لو كنت تقدر توقف كنت مش راح نخليك تمشي لانه الحوش يبي راجل يقعد فيه وفي غيابي اني انت راجل الحوش
حسيت بي نقصه ف قلبي من كلام مالك نوضت طلعت من جنبهم وعيون مالك امرفقتني يشبحلي تنهد مالك
___________
اني خاايفه ع مالك شن بيصير فيه لو يمشي لجبهه من جديد
سوسن:مالك من يومه هكي ماحد يقدر يمنعه يدير حاجه هوا يبيها
اسراء :بس قبل يفرق عن توا ؛ توا هوا متزوجيني يعني لازم يفكر فيا قبل لا يمشي
سوسن :صدقيني فاهمتك بس مالك هوا مالك مستحيل يتغير بسسسسس
شبحتله واني مركزه ف كلامها:بسسس شني
سوسن:في حل واحد لو اديريه راح يخلي مالك يقعد
اسراء:واللي هوا
سوسن :انك تكوني حامل
اسراء:نعمممم
سوسن :اللي سمعتيه
اسراء:بس اني مش حامل
سوسن:واللهي هادي حاجه انتي شغلي عقلك فيها وفكري شن بديري والاهمم انك تتقربي من مالك
اسراء:كيف راح نتقرب منه
سوسن :مانعرفش انتي فكري كيف
كنت راح نتكلم بس شفت مالك خش من باب المطبخ
سكت واني نفص ف سوسن اللس هزت راسه بمعني شني
مالك:سوسن ارفعي لي يام دوها وانتي اسراء
اسراء بخوف:نعمممم
مالك:ارقي اللبسي عبايتك وانزلي
اسراء:علاش وين بنمشي
مالك وهوا يطلع ف الدخان من جيبه وفتح الباكو وطلع طرف وحطه ف فمه:بنطلعوا نتعشو برا
اني نصدمت ونفجعت من سوسن اللي شهقت وطاحت الطاسه من ايدها
شبحلها مالك برفعت حاجب خافت سوسن وتكلمت :اااء اسفه مش بقصدي . خدت كيس الدواء وطلعت تجري اني نصدمت منها
شبحلي مالك بنظرات حنان وحب:هيا اسراء
اسراء:مالك بجدياات بنطلعوا
مالك ضحك :اسراء هيا ارقي اللبسي عبايتك
اسراء:باهي خلي انلم الشيش
مالك:توا تجي وفاء هيا اني نستنى فيك ف السياره
طلع مالك وامشيت نجري ارقيت فوق اللبست عبايه
ونزلت بسرعه وصلت ف باب الحوش هادي اول مره نطلع منه من يوم تزوجت واني مسجونه ف هالحوش بس توا تغير كل شي حبي لي مالك غيرني
اتنهد فتحت الباب وطلعت لجنان شوفت سيارة مدرسه بس مش نفس سيارة مالك قعدت نشبح لجنان واني ندور ف سيارة مالك بس مش موجود كنت راح نمشي بس نزل الروشن وشبحلي مطوله تنهدت وجيت فتحت الباب وقعمزت وسكرت الباب
امشي مالك بالسياره وهوا يطلع من الباب الحديد
جنان اني مش قادره نعطي فرحتي لي حد واخيرآ
طلعت من الحوش شبحت لروشن واني نتفرج ع
طريق وع السيارات وع ناس حسيت بيد مالك تشدلي ف ايدي تلفتت شبحتله واني مركزه ع نظراته الحلوه ليا خدي ايدي وقربها من فمه وباسها
اني ابتسمت ع حركته
مالك:شن رايك نتعشو ف السياره
اسراء:براحتك وين ماتحب
وقف مالك السياره وهوا يشبحلي وأيدي قريبه من فمه :اني اي مكان انتي فيه اني نحبه
زدت ابتسمت ع كلامه قرب وباس ايدي من جديد:شن رايك نفتحلك اغنيه
ضحكت:نشاءالله غير مش اغاني التورة
مالك ضحك:لا ياهمي اغنية تانيه نحب نسمعها
ابتسمت :قصدك تسمع ف الاغاني عادي
ضحك مالك بهزوه:علاش من قالك اني داعش
تنهد وتكلمت:ماحد بس اخر مره ركبت معاك حسيت روحي ف مسيره
ضحك مالك بصوت عالي لين شردت ف ضحكته:ههههههههههههههه لا عاد مش لهدرجه
اسراء:لا اكتر
مالك وهوا يقوي ف صوت الاغنيه وبدي مالك يغني معاها وهوا شد ايديوالايد التانيه يسوق بيها:🎚🎵🎵🎵📻📻
"مكتوبتلك تبقي إليا....... ومقسومتلك تبقي حبيبي
"نص التاني وتوأم روحي....اني مريضك وانت طبيبي
"لأخر يوم بهاي الدنيا......احتاجك ما اشبع منك
انت مفصل اليا ياحبيبي....طعم الدنيا ألقيته بحضنك
قافل على حبك صدق قافل...اعشقنك عشق جاهل
وأريدك بس ليا💏
وحدك تبقي بالقلب...وحدك روحي وما احب بقدك ...
وأريدك بس ليا💏
"الك وحشه الك وحشه ....افكر بيك للغبشه
ياروحي شلون امل وانساك ...شايف جفن مل رمشة
بالدم اكتب كلمة احبك .... تبقي انت النسخةالأصلية
البيني وبينك تدري شكبره....اكبر من هالكره الارضيه
❤❤❤❤❤
____________________
أنت تقرأ
كابوس
Actionمن مايعرفش كابوس"شخص بلا قلب بلا احساس الناس تخاف لما تسمع اسمه "الحرب خدت منه كل شخص يحبه دكتورة تساعد في الناس خسرت هلبا اشخص من الحرب بس مساعده وحده قلبت حياتها كلها "اني كابوسك الحقيقي.....قداش متحاولي تهربي مني راح تلقيني قدامك 🔞 #الكاتبة_ع...
