كابوس

                                        (11)

"‏أخاف أن أمضي بقية حياتي منطفئاً، لا تستطيع مُواساتي كل إنارات هذا العال💙
"
.#كابوس
.
.#رواية_عويشه

طلعت جفتت شعري وخليته نزل ع ظهري  فتحت الدولاب وبديت نشوف شن راح نلبس اممم شم راح نلبس ايووه هدا طلعت قفطان كان كمامه دانتيل
وكان لونه اصفر لبسته ودرت مكياج خفيف وبخيت عطر ونزلت لوطه سلمت ع عميمه وبديت نساعد ف سوسن وفاء وبدي الحوش يزحم بشوي خالاتهم وعماتهم ونساوين عمامهم ونساوين خوالهم بعد فتره سوسن تعيط :وصلوووو
طلعوا كلهم يجروو طلعت اني ورااهم شوفت مالك نزل بهيبته من السياره كان لابس سروال جنز اكحل ومعاه تيشرت ابيض بارز عضلاته وسبيدرو ابيض ولابس نظرات كان طلعه يجنن اوووف اني هالكلام اللي نقول فيه تلفتت واني نشوف لي بنات عمامه كيف يشبحوله بنظرات اعجااب رفعت حاجبي حسيتهم استفزوني غيرت وجهي من عليهم واني نشوف في مالك يفتح ف شنطة السيارة وينزل ف كرسي استغربت لي من هدا فتح باب السياره وقرب الكرسي منه ودخل ايديه ف السياره وهوا يساعد ف شخص ينزل من السياره نصدمة كان شاب شكله ف العشرينات نزله من السياره كان تقلة كله ع مالك حطه ع الكرسي طلعت فتحية تجري:معتصم ولدددي
جاته تجري تحضن فيه وتبوس فيه وهوا نفس الشي معاها نزلت من السياره وشده ف حضنها بنت
فهمت انه ليلي لانه طلعوا كلهم يسلموا عليهم طلعت معاهم اني ونشبحلهم كيف يسلموا رفعت عيوني ف فتحية اللي بعدت من معتصم وحضنت ليلي وتبوس فيها هيا وبنتها شهقت واني نحس بي يد تشدني من ايدي وتسحبني وراها رفعت عيوني واني نشوف ف مالك شادني وهوا يخش داخل للحوش ورفعني للمطبخ داخلني داخل وطلق ايدي وسكر باب المطبخ وهوا يلف يشبحلي بنظرات تخاووف
اني شاده ف ايدي:علاش درت هكي اااه انت مهبول ولا شن تحس
قرب مني مالك وهوا يشدلي ف شعري بقوه لين شهقت رفعت ايدي حطيته ع ايده نحاول نخليه يطلق شعري قرب وجهه من وجهي وهوا يتكلم بعصبيه ويضغط ع اسنونه:انتي كيف تطلعي هكي من دون ماتحطي وشااح شعررك اااه
ذكرت انه راسمي اني طالعه بلا وشاح
اسراء:اءءءءء اااه تي اطلق ايدي
مالك:توا تمشي تقلبي وجهك وتحطي نمم الوشاح ع شعرك تسمعي فياا
دفيته عني بقوه وتكلمت ودموعي ينزلوا:انسيت انحطه الوشاح كنت تقدر تقولي وشاحك وين بدون ماتمد يدك وبعدين مافي حد براني هدا خووك مش غريب
قرب عليااا بسرعه وخنقني من رقبتي :شن هياا ماافيش حد براني اااه نقتلك يااسراء اقسم بالله ندفنك في مكانك تسمعي فيااا انتي جربي بس تخلي حد يشوف شعررك نذبحك
قعدت دموعي ينزلوا واني مش قادره نتنفس طلق رقبتي طحت ع الارض واني شاده رقبتي ونبكي
مالك وهوا يأشر بصبعه عليا:نوضي ارقي فوق وحطي ام الوشاح ع شعررك وهدا اللي املبزه وجهك بيه تنحيه فهمتي
اني ساكته ونبكي وحط ايدي رقبتي انفجعت لما سمعت صوته العالي والمعصب:فهمتييييي
هزيت راسي واني ساكته فتح الباب مالك وطلع واني قاعده ع الارض نبكي مسحت دموعي ونضت اوقفت طلعت من المطبخ واني نشوف للحوش كويس كان فاضي كلهم برا امشيت بسرعه نرقاا من الدروج خشيت للحوش نبكي ونسند ف راسي ع الباب هدا شن نوعه من راجل هدا مريض نفسي
ياربي فكني منه اني لازم نطلق منه مستحيل راح نقدر نكمل معااه.نوضت غسلت وجهي ولبست وشاح ونزلت لوطه كانوا مقعمزين ف الصالة خشيت عليهم سلمت ع ليلي اللي اول ماشفتني قربت بسرعه وحضنتني وهيا تزغرط ابتسمت مجامله ليها
ليلي:مشااااءالله ع هالجمال والله يامالك تعرف تختار وعندك دوق ف البنات
مالك ساكت عيونه ف تيلفونه بس
فتحية:تعالي يااسراء سلمي ع معتصم ولدي
جيت لي معتصم سلمت عليه رفعت عيوني فيه كان
فيه شبه كبير من مالك بس كان معتصم ع الأشقر عكس مالك
معتصم:ااهللن بي كنتنا وأخيرا مالك دارها وتزوج
ابتسمت:اهلين بيك وحمدلله ع السلامه
معتصم ابتسم:الله يسلمك ومبروك عليكم وبجوده بيك يادكتورتنا توا عاد مش ضروري تجيبوا ممرضه للحوش عندنا دكتوره قد الدنيا
اسراء ابتسمت:الله يبارك فيك والفال ليك وأمته ماتبي حد يساعدك اني موجوده
ضحك معتصم:صحيتي وهااا من توا دار معااك مالك هكي ولا هكي قوليلي بس اني موجود نعرف نتصرف معااه معاا انه عنيف شووي بس عادي البوكس عشان ماافيشي بأس
ابتسمت ع كلامه فهمت قصده ان مايقدرش مالك
بس شن قصده بي عنيف يعني معاهم كلهم يضرب مش اني بس رفعت عيوني فيه اللي كان يشبحلي بنظرت 💥💥خوفت منه قعمزت ف جنب سوسن
سمعنا صوت الباب يخبط ناضت سوسن بتفتح بس وقفت بخوف  لما سمعت صوته:قعمززززي
رجعت قعمزت سوسن جنبي وهيا خايفه اني استغربت منه ناض أوقف هوا وامشي بيفتح الباب
اني شبحت لسوسن:علاش قالك قعمزي
سوسن بخوف:لانه اكيد واحد من ولاد خوالي ولا عمامي
اسراء:باهي وكان فتحتي شن بيصير هادوم مش من عيله
شبحتلي بخوف:لا ياسراء ممنوع انه نطلع نسلم عليهم ولا نقعمز ونهدرز معاهم
أسراء:وعلاش
سوسن:مالك هكي عنده ممنوع تصدقي معادش شوفني من لما نقرأ صف تالت
اسراء:اووف من صف تالت بااهي علاش هوا يقعمز معا بنات العيله
سوسن:لانه بنات العيله هما اللي يتلصقوو فيه وهوا يتحشم يهزبهم بس مستحيل يهدرز معاهم ولا يشبحلهم دايما عيونه لوطه
خش مالك لصاله وجي لي معتصم :هيا تعالا اولاد العيله برا يبوا يسلموا عليك
هز معتصم راسه وبدي مالك يمشي بالكرسي طلع برا
شبحت لي سوسن من جديد:خوك من الدوعش
ضحكت سوسن وقالت:لالا تي دوعش شني اللي تحكي عليهم مالك شخص عادي بس متعقد شوي
هزيت راسي وسكت لما قربت ليلي منه :شن تفتفتي
انتي ويااها بصوت واطي
ضحكنا عليها قالتلها سوسن:نحكي لي اسراء ع مالك وقوعده المفروضه عليناا
شهقت ليلي:احسن اسراء انتي لازم تعرفي كل شي ع مالك زي اللي يعجب مالك واللي لا واللي يعصبه معاا انه ماننصاحش انك تخليه يعصب منك بكل
اني استغربت:علاش وكان عصب
تغير لون وجهه سوسن وليلي وبأن الخوف عليهم
ليلي:اءءءءءء لانه لانه
سوسن بسرعه:انتي بس تجاهلي انك تعصبيه بس
استغربت من كلامهم ونظرتهم لبعض كيف تغيرو
وبديت نفكر شن بيصير لو عصب مالك نعرف انه يقتل ونعرف انه يضرب بس في شي اني مانعرفش
بديت نفكر امشي اليوم عادي والعيله روحت حتي ليلي روحت هيا وراجلها والصغار خش معتصم وهوا يحرك ف كرسيه بالبطمه سألته عميمه ع مالك قال إنه طلع واحتمال مايروحش الليله بعدها  خش لداره بيرقد
نضت حتي اني ارقيت فوق وخشيت للحمام  دوشت ولبست قفطان كان تحت الركبه بشوي ومن فوق كت خليت شعري مبلول نازل ع وجهي رقدت ع السرير خليت الضي مفتوح وغمظت عيوني ومشيت فيها نوووم
.
.
.
.
نزل الطاسه من ايده وهوا يحط ف دخان ف فمه شفط منه ونزل الدخان من فمه وهوا يطلع ف الدخان من خشمه وفمه:أمته بتبدأ ف التنفيذ
جااه سفيان يجري قعمز جنب رجليه لوطه:انت قول واني نبدأ ف التنفيد
عبدالكريم ضحك:معناها ابدا ف اسرع وقت
سفيان:تم اعتبره صار بس في حاجه صغيرونه
عبدالكريم:ماتخافش انت جيبلي اللي نبيه تحصل افلوسك كامله وحبة المسك فوقهم
سفيان ضحك وقرب بأس راس عبدالكريم:واللهي انك اصلي واللي تبيه اني فيه
سكت عبدالكريم وهوا يرجع يشرب من طاسة الوسكي
.
.
.
ف مكان تاني ف كابوس شخص مااا
كانت تجررري مش عارفه وين تمشي كان ف متاهه
وصلت لي باب فتحت الباب وخشت كانت تشوف ف شخص واقف قدامها كان ظهره كله داام كان ايديه مربوطه بسلاسل حديد طويله كان رجليه ع الارض كان واضح التعب ع شكله قربت منه تبي تشوف وجعه بس فجااه سمعت صوت كلاب لفيت شوفت  مجموعة كلاب واقفين وفتحين فمهم وسنونهم واضحه كان لونهم اسود بدو يقربوا مني
اني خوفت بديت نوخر ع تالي فجااة الكلاب بدت تجري جيهتي اني عيط وطحت ع الارض
اسراء:لاااااااااااااااااا
نوضت مفجوعه وجهي كله عرق شعري لصق في وجهي من الميااه حسيت بي يدين ع خصري تحرك بسرعه بس قربني ليه وهوا يرقدني ع جنبي ويحط ف راسي ع ايده ويقرب فياا اكتر
مالك:اشششش #كابوس  متخافيش اني معاك
اني بديت نبكي وزدت دفنت راسي في صدره ونشد ف تيشرته ونقرب فيه اكتر لياااا
(اسراء مانعرفش أمته وكيف هوا رقد ف جنبي بس رغم خوفي منه وكرهي ليه بس حسيته توا امان ليا)
مالك:خلاص معادش تبكي كان مجرد #كابوس اني نعرفك اقوه من انك تخافي منه
اسراء:كان يخاوف
زاد قربني منه اكتر خلني فوقه وهوا تحتي غطاني ولف ايديه ع خصري حطيت راسي ع صدره
مالك:غمظي عيونك وارقدي اني معااك
اتنهد غمظت عيوني حسين بي ايده ع شعري تتحرك
حسيت بي حنان ف لامساته وامشيت فيهاا نومه من جديد
_______________________
غالية:ماما سفيان وين معادش يروح للحوش
زكية تاكل ف سمينسه:واني وين نعرف وبعدين انتي تعرفي خوك وين بيكون يعني  صايع ف مكان دعاره
غالية :يستر ربي منه ولدك هدا شن بيدير من مصيبه
زكية:خله ايدير رايه
.
.
.
.
فتحت عيوني واني نشوف لسقف اذكرت انه اني ف حضنه نضت بسرعه شوفت لسرير اتنهدت كان فاضي نضت قعمزت واني نحك ف شعري نزلت من ع السرير خشيت للحمام دوشت وفرشيت سنوني
وطلعت بي روب الحمام فتحت الدولاب خديت احوايج لبستهم وخشيت لمطبخ خديت افطرت ودرت نسكافي وقعمزت ع الطاوله ونشرب فيه
بعد فتره غسلت الطاسه وطلعت خديت وشاح ونزلت لوطه اللقيت عميمه فتحية معتصم يفطرو
اني:صباح الخير
فتحية &معتصم:صباح النور
فتحية:تعالي يابنيتي افطري
أسراء:لا صحيتي عميمه اني فطرت
معتصم:باهي تعالي اشربي قهوه
أسراء:لا صحه مانبيش
فتحية:معناها براحتك
اسراء:عميمه وين سوسن
فتحية:المهبوله هادي شوفيها ف دار معتصم اضم
اسراء:معناها بنمشي نساعدها
فتحية:بااهي امشي
امشت اسراء جيهة دار معتصم
معتصم لف شبح لي فتحية:اسراء تعرف كل شي عن مالك
فتحية بتوتر:ايه تعرف
معتصم:متأكده تعرف كل شي عن مالك
فتحية :معتصم مالك خلاص تجوز واسراء بنيه كويسه انسى كل شي قعد من الماضي
معتصم:حرررام عليكم البنت لازم تعرف كل شي
فتحية:رد بالك ياولدي تقول هكي ولا هكي لي اسراء
انت تعرف مالك كويس شن بيدير فينااا لو هالقصه طلعت
معتصم وهوا ينزل ف راسه لوطه ويفكر
.
.
.
أسراء:تعرفي اول مره نخش لي هالجناح
ابتسمت سوسن وهوا تلمع ف الروشن:لانه هدا الجناح لي معتصم
أسراء:تعرفي شكلها جديده كأنها اول مره يرقد فيها
سوسن:فعلآ لانه هادي اول مره يرقد فيها
اسراء :علاش هادي اول مره يروح لي ليبيا
سوسن:لا مش اول مره ف ليبيا اول مره ف الحوش
اسراء:علاش الحوش جديد
سوسن:لا مش جديد هدا حوش مالك
اسراء،:قصدك انه هذا لي مالك توقعته ليكم
سوسن هزت راسها وجت قعمزت ف جنبي:لا هدا حوش مالك احني حوش ضربوه بقذيفه طاح عشان هكي جينا اهني
اسراء :من زمان ولا توا
سوسن:في 2013 صار هجوم ع حوشنا كان ف الحوش معتصم بس لما ضربوا الحوش بالقديفة طاح سقف ع ضهره قعدت ف الحوش لين مالك والتوار جوا ساعدوه احني كنا ف حوش خالتي كانت دكتوره وهيا اللي تضرب ف اليبره كانت ماما تعلق ف تغدية لما خبرنا مالك حكالنا شن صار معا معتصم وخبرنا انه لازم انطلعوه برا ليبيا عشان العلاج وانه احني لازم نطلعوا معاه عشان الوضع مش امان  ماما انهرت من الخبر خصوصآ انه بابا ليه شهر بس متوفي رفضت ماما ف البدايه السفر بس مالك غصبها تسافر سافرنا برا وبدينا ف علاج معتصم بس بعده بي فتره ماما حتي هيا مرضت وطلع عندها القلب ولازمها عملية زرع قعدناا سنين واحني بين  علاج ماما ومعتصم ماما تحسنت ونجحت عمليتها بس معتصم قالوا انه مفقود منه الأمل انه يرجع يمشي نفس قبل ازعل ودمرت نفسيتها بس مالك قاعد عنده امل كل سنه يبعته لي دوله جديد يتعالج فيها تحسنت ماما واصرت انها تروح لي ليبيا عشان مالك وفعلا روحنا وهادي هيا القصه .كملت سوسن وملامح الحزن واضحه عليها حكتلي عليهم بس مالك ماحكت ولا شي عليه
اسراء "ومالك من كان معاه اهني
توتر سوسن:ببروحه من بيكون معااه
اسراء:وشن صار معااه اهني
سوسن ناضت وقفت :خلاص عاد انتي اتلهي فياا هيا نوضي ساعديني
ابتسمت مجامله ونضت انساعد فيها واني نحس انه ف شي ناقص بعد فتره كملنا الدار وطلعنا منه
وطلعنا لي الجنان قعمزنا فيه نهدرزو ونضحكوا ليل بعدها رن تيلفونها شافت مني وخدته وخشت تجري تنهدت فهمت من حركاته انه تكلم ف حبيبها واني منسجمه نتفرج ع النجوم حسيت بي ايد ألتفت ع فمي والايد التانيه رفعتني من خصري فوق وامشي يجري بيه لجنان من تالي اني نخبط فيه بايديا بقوه
لين نزلني وزاد ضغط ع فهمي بديت نحاول نعيط نتكلم بس فجااه نصدمة لما سمعت صوته اللي عرفته مني
سفيان :اسراء اني سفيان
اني قعدت نشبحله بصدمه كان قريب وجهه مني
سفيان:بنزل ايدي من ع فمك لكن ماطلعيش صوت
نزل ايده تكلمت بسرعه:انت شن ادير اهني وشن تبي مني
سفيان:اسراء اني استاحشتك
ضحكت بهزوه ع كلامه جتني هستيريا من الضحك
بعدها تكلمت:شن هياااهههههههههه استاااههههههههههه
سفيان:ايه اني مانقدرش نعيش من غيرك
اسراء :احلف باش نصدقك
سفيان:واللهي الله
ضربته كف بقوه ع وجهه شبحلي وهوا مستغرب
أسراء:انت اكيد زارط حاجه وجاي صح مستحيل تكون بوعيك انت تسمع ف روحك شن تقوول اني توا متزوجه جايني توا بعد تزوجت وع ذمت شخص
توا تقولي استاحشتني وينك قبل العرس وين نترجى فيك اااه وينك توا اذكرتني ولا الفلوس كملوا
سفيان:انتي من جدك مصدقه اني نحبك عشان فلوسك انتي مصدقه اني ندير هكي
اسراء :ايه نصدق لانه تخليت عني والدليل اني متزوجه توا من غيرك
سفيان وهوا يحط ف ايديه ع خدودي :اني كنت مغصوب كان يهدد فياا بيقتل امي واختي ياسراء والا وربي يشهد ماحد راح يتزوجك غيري.
كنت نشبحله بصدمه بس بعدها ضربته ع صدره واني نبعد فيه عني بس زاد قرب مني
أسراء:اني معادش يمشي عليا كذبك
سفيان:________ في الحلقة القادمة
___________________
رواية #كابوس، #الكاتبة_عويشه
نشاءالله تعجبكم الحلقة والرواية حاجه جديده ومختلفه
2022•6•22