كابوس

                                              (2)

كانت بتتكلم بس فجأه انفتح الباب وخش عليهم
شباب لابسين عسكري وجهم عليه قناع اسود
العسكري:انتي الدكتوره اسراء عبدالوافي
هزت راسها وهيا مستغربه طلع السلاح وجها ع راسها:بتجي معانا وبتعلجي اللواء وكان صارتله حاجه اعتبري روحك ميته من توا
قعدت تشبحله وهيا مش قادره تفهم حاجه
العسكري سحب سلاحه:هياااا نوضي قوتلك
ناضت واقفت بخوف:تمام تمام هيا ارفعني ليه
لحقته وهيا تفكر زعمت وزير حقه ولا مجرم وخايفين منه
وقف العسكري واشر بعيونه بمعني هادي الغرفه
خشت الغرفه وهيا تشتم وتلعن ف هاليوم الاحرف والعسكري
سمعت صوته الرجولي اللي فيه الباحه :من انتي
رفعت عيونها ف ياللي راقد ع السرير زدت توسع عيونها وهيا تشوف ف كتلة الزين والجمال اللي مش لابس شي من فوق ورقد ع السرير بس معا هدا كله
تحس فيه صوته وشكله مش غريبه عليها زادت خافت وين سمعت صوته العالي:قولتلك من انتي باش تفهمي انتي
تنرفزت منه وقربت منه وبدت بالفحص ليه وهيا يشوفلها بنظرات بارده
أسراء:اني الدكتوره اسراء جيت عشان نعالجك وماتخافش اني مانكلش في الرجاله .
وجها راح احمر كانت تحاول تقوي روحها قدامه بس شبحته ليها خلتها ترتبك وكانها اول مره تشوف راجل مش لابس شي من فوق
ملامحه متغيرتش شخص بارده ولا كأنه ف جرح ف صدره عميق بالعكس كأنه خدش بسيط صوت انفاسه كان عالي وصدره كان يرقا وينزل
كملت من تضميد الجرح رفعت راسها وهيا تشوف لي عيونه السود اللي كيف الليل وكان ف سود بسيط تحت عيونه كان شفايفه فيهم سود بسيط
يبان عليه يدخن
قطعت الصمت اللي بينهم وقالت:تتوجع
تكلم بصوته الرجولي المبحوح:لا
استفزازها كيف رد ببرود:علاش تكابر انت تتوجع من صوت نفسك العالي وصدرك اللي يرقا وينزل هدا دليل كافي انك تتوجع علاش تكابر
نصدم من ردها الجرئ وكيف تكلم فيه قرب وجهه منها:هممم وانتي علاش تراقبي فيا ااه
اسراء وهيا تتكلم ف خاطره هدا شكله حمار اني نعالج فيه يعني طبيعي بنشبحله
قربت منه شوي بس خلت بينهم مسافه تكلمت وعيونها ف عيونه:اني دكتوره ونعرف شن ياللي يصير لي المريض كويس وبعدين من انت عشان نراقبك ريت هالجمال اللي بنشبحله
تغير ملامحه وبدي واضح عليه الأعصاب حواجبه اللي عقدهم وسنونه اللي ضغط عليهم ويده اللي امسكرها بقوه:لسانك راك ماتعرفيش معا من تدوي
مادورتش وقالت بهزوه:معا من ندوي متلآ رئيس ليبيا واني مانعرفش
زاد عصب هكي تجاوزت الحد معاه شد يدها لوها  وراء ضهرها بقوه :ردي بالك تتعدي حدودك معاي
يافرخه تسمعي فيا
حسيت بيدها وكانها راح يكسره بس مش راح تخاف من شخص هكي ضربته بيدها التانيه ع صدره وهيا تضغط ع مكان ف صدره شلت حركته وهوا نصدم منها
بعدت عنها وهيا أدلك ف يدها وتشبحله بحقد وغيظ
أسراء:ياحيوان ع شوي خلعت ايدي اتفو عليك كلب
قربت منه وهيا تعدل ف رقدت ع السرير كان يشبحلها ببرود استغربت منه قربت من وجهه وهيا مركزه عليه
اسراء:هيي انت ياحيوان مت ولا شن صار فيك علاش تشبحلي هكي
كانت تشبحله بطفوله وهيا فاتحه عيونها ع كبرهم
قعد يحاول يسيطر ع روحه مايضحكش
تكلم بهزوه:ماعلمتكش امك انه عيب الصغار يرفعو صوتهم ع الكبار
حست بي وجع ف قلبها وهيا تذكر امها الميته
تكلمت بحزن:مادخلكش فياا حمار متوحش
حس انه من نبرة صوتها امها فيها شي تكلم :قصدك انتي مش خايف من واحد قاتل
استغربت كلامه وهيا تفكر ف خاطرها :من القاتل اكيد  غير ايخاوف فيا
حست بي نظرات راحت مرعبه قعد يخاوف وكانه شيطان تكلم:اللي قدامك هوا اللي قاتل وشخص فاسد تاريخ حياته ازفت من الزفت كله اسود ويحب ريحت الدم وكان تبي تعرفي من ضحيته الجديده ف هيا انتي
بعدت عنه بخوف ولحظت رقبته من تالي اللي كان عليها  وشم لفعه كبيره خافت منه بس حاولت تغطي ع خوفها:يعني شن بديرلي بتخطفني بتقتلني بتاخد اعضائي وتبيعها وباقي جسمي تلوحه للكلاب متلآ
تكلم بخبت:لا ماكنت راح ندير هكي
تنهدت براحه وكمل كلامه هوا:بس عطيتيني فكره حلوه واكيد راح نطبقه عليك بالحرف شن رايك
بدي الخوف يبان ع وجها وهيا تشوفله كيف يبشحلها ومرسومه ع فمه ضحكت خبت
حاولت تبان انها قويه:ههه انت مش راح تخوفني بكلامك التافه هدا
زادت ابتسامته :هدا واضح يا بيبي
طلعت من الغرفه بس رجعت دخلت راسها تشبحله:اني مش بيبي تسمع فيا وحاجه تانيه بعد خمس دقايق تقدر تتحرك
قعد يضحك عليها ع تصرفاتها الغبيه وحركاتها اللي زي البيبي همس وقال:اللي درتيه يادكتوره غلط وغلط كبير واكيد راح تحسابي
.
.
.
خشت لي مكتبها والندم ياكل فيها علاش درت هكي مفروض سكت كله من اللساني اللي مش امريحني بكل ااه يا اسراء راحت عليك اكيد راح يقتلني شكلي قربت اللحظه اللي بنجتمع فيها اني وعيلتي
ع الاقل راح نموت ع يد قاتل ..مغامره جديده بنحصلها زعما كيف بيقتلني قعمزت ع الكرسي وهيا تغمض ف عيونها خلاص اني عيت من يوم النحس هدا
رن تيلفونها ابتسمت وقت شافت المتصل :حبيبي
......عيون حبيبك اني لوطه هيا انزلي
ضحك:يلا نزله ..خدت شنطتها ونزلت تجري من الفرحه شافت سيارته طلعت تجري ركبت ف جنبه وهيا تشبحله ببتسامه ولع السياره وامشي قعد ساكت تحاولت ابتسامتها وهيا تشوفله:سفيان حبيبي خيرك
سفيان:خيرني ما فيا شي
اسراء:متأكد
سفيان بصوت عالي :ايح علينا يا اسراء نفختي امها راك
نصدمت اسراء منه سكتت وقعدت تشبح لي الروشن وهيا ساكته
ضرب سفيان ع الدركسيون بعصبيه:يا أسراء اني معصب وانتي تزيدي فيا
قعدت ساكته أسراء دموعها ينزلوا عرف انها تبكي حط يده ع وجها وخلها تشبح فيه مسح دموعها بي خده:اني اسف ياروحي بس هالفتره مضغوط شوي
ف الخدمه ونفكر ف مية حاجه
شدت يده وقالت :من شني مضغوط حبيبي احكيلي
سفيان:مادوري شي اهم حاجه انتي امورك كويسه
اسراء:سفيان انت محتاج فلوس
سفيان:مش محتاج شي
اسراء ضغطت ع ايده:احني مش قولنا مش راح ندسو شي ع بعض اي حد محتاج حاجه يقول لي تاني صح ولا لا
سفيان:صح
أسراء:قداش المبلغ
سفيان:5000
اسراء:اووف مبلغ كبير
سفيان:ها شوفتي قولتلك اسكتي
اسراء:ساهل حبيبي ساهل اني عندي ف المصرف 7000  خودهم كنت امخليتهم لي عرسنا
سفيان ابتسم بأس يدها:ياعمري راح نعوضك صدقيني
ابتسمت أسراء:اهم شي انت ماتزعلش
سفيان:طول ما انتي معاي مش راح نزعل
اسراء:امتا راح تكلم عمتي ع موضوعنا سفيان
سفيان ارتبك:اووف ياسراء ضروري ماتنكدي عليناا
اسراء:لي امتا بنقعدو هكي لينا 4سنين علاقه وكل مره تقولي بنكلمها بنكلمها ومايصيرش لي أمته يعني
سفيان:خلاص وعد راح نكلمها بس اصبري عليا اني حتي حوش ماعندي وين تبي تسكني ااه فهميني
اسراء:عادي ناجرو اجار المهم راحتنا
سفيان:اجار ومن بيخلص اني حتي مرتب خدمتي  نصرف فيه ع امي
اسراء:عادي اني ندفع
سفيان:تبي نرضا نسكن ف حوش انتي تخلصي ف حقه يكفي انك تصرفي عليا اني وامي واختي
أسراء:انتم عيلتي التانيه اكيد راح نصرف عليكم
وبعدين لو كنت انت ف مكاني اكيد راح ادير نفسي صح
سفيان:ااااااءءء صح صح ياعمري
اسراء:خلاص معناها انت قول لي عمتي ع موضوعنا
سفيان:حاضر ياعيوني حاضر شن رايك نسمعك اغنيه ع دوقي الحلو😉😉
اسراء:ههههه اطربني
وفتح اغنية🎵🎵(كوكب:رحمة رياض)❤
خلي احكي لك اشواقي، واشوافك حبك اش سؤي
كل ماطالت المده احسه بادي هس توه
خلي احكي لك اشواقي،واشوافك حبك اش سؤي
كل ماطالت المده احسه بادي هس توه
..........................
سفيان :يام نبي نكلمك
زكية:خيرك شن تبي
سفيان:الفرخه اسراء شده فيا تبي نفتح موضوع الزواج معاك
زكية:شن هياااا وانت شن قولت
سفيان:حاولت اكتر من مره نهرب منها بس من دون فايده معادش عرفت شن بنقول
زكية:فوتها مدورهش خودها بالكلام ياحبيبتي ياعمري ومن هالكلام زواج لا هادي خليها كيف بطاقة المصرف علينا خصوصآ انها دكتوره ومراتبه كويس وبعدين شن صار ف الدين اللي عليك
سفيان:لا معادش في دين توا بديرلي شيك
زكيه:علاش قداش عندها هياا
سفيان:قالت 7000
زكية:حي من وين حصلتهم
سفيان:امخليتهم لي عرسنا ع اساس
زكية:ف أحلامها المهم توا انت خود 5000 وأعطيني 2000
سفيان:شن بديري بيهم
زكية:بنشري حاجات ليا ولي اختك 
سفيان:باهي توا نعطيهلك
زكية:خلاص معناها
.
.
.
.
بعد تلات اسابيع 🕥🌘
معادش شافته من لما عالجته بس اتحس بي حاجات غريبه كانت كل يوم تروح فيه من الخدمه تحس بي حد يراقب فيها حاولت تعرف مني بس ماقدرتش وكان كل مره يجيها رقم غريب ماتردش يعود يتصل ماتردش بس ارجع اتصل مره تانيه
ردت ف اخر لحظه:الووو مني
سمعت صوته اللي فيه الباحه:علاش ماترديش ع تيلفونك
أسراء:من انت شكلك غالط ف الرقم سلام
كانت بتسكر التيلفون بس وقفها :انتي سكري وكان ماقطعت صوبعك ودرتهم سلسله ف رقبتي
اسراء:وانت شن دخلك انرد ولا نسكر وبعدين انت من اعطك رقمي
......ااه حاجه ساهله لي شخص يده طايله ف البلاد
يا بيبي
اسراء:مش بيبي وبعدين هدا الطول هدا كله وتقولي بيبي معليشي بس شكله عندك ضعف نظر انت لازمك نظارات
..... هههههه بجديااات لا يا سمحتي انتي حتي صدري ماتوصليش ف نصه وتقولي طويله يا دريه
اسراء بعصبيه:باااهي علاش متصل شن تبي
ببرود..نبيك اتجي تعالجيني
اسراء مستغربه:شن تعبر انت شن قصدك انجي نعالجك
رد بهزوه:انتي هكي خدمتك صح يادكتوره ولا لا
أسراء:صح
...اني تصاوبت نبيك تجي تعالجيني
اسراء:وتعالا انت شن بيصيرلك يعني
....مانيش جاي نبعتلك سياره شويه وتوصلك تعالي فيها لو تبي تقعدي  ف خدمتك
صكر التيلفون وخلها ف صدمتها
اسراء:هالحقير سكر ف وجهي اااااه توا شن بندير
اني لازم نمشي لانه لو نرفض خايفه يديرلي شي  وننفصل من خدمتي بس المصيبه علاش ماطلبش ممرضه متصل بيااا
خدت شنطتها الطبيه وطلعت برا المستشفى تستنى ف السياره اتنهدت:ياربي سفيان راح يقتلني لو يسمع بيا امشيت لحوش حد مانعرفش بس الله غالب خايفه منه.فجاه وقفو تلات سيارة جيش مظلمه نزل منها شاب لابس عسكري:تفضلي اركبي
اسراء بخوف :وين بنركب
الشاب:اللواء يستني فيك اركبي لو سمحتي
هزيت راسي بخوف ركبت السياره من تالي وركب الشاب ولع السياره وبدي يسوق وكانت السياره اطير مش تمشي اني من الخوف بديت نقرأ ف القرآن ونستودع ف نفسي
بعد 25 دقيقه من الجري والحاله وقفت السياره حمدت ربي اللي وصلت سالمه فتح باب السياره وجي فتح بابي انزلت من السياره واني مصدومه
كانت فيلا ملكيه كبيره كانت عندهم حديقه وفيا نافورة
العسكري:اتفضلي معااي
مشي قدامي واني لحقته لين اوصلنا لي الباب خبط ع الباب انفتح الباب وكانت شغاله سمراء
العسكري:وصليها لي اللواء
هزت راسها الخدمه واشرت بيدها بمعني اللحقيني
امشيت وراها واني نشوف بصدمه ومتفاجئه من الفيلا من داخل كانت احلا بي مية مره من برا كانت ديكورها مليكي ارقينا من دروج ومشينا وكانت الدور التاني اخلا من الأرضي الله ياربي ف هالفيلا كل ماتشوفي حاجه تنسي الاوله من حلوتها
وقفت الشغاله قدام دار واشرت ع الباب
الشغاله:تفضلي ماما .وهزت راسها وامشت
اضحكت عليها وهزيت راسي واني نقلد فيها:تفضلي ماما ياربي صبرني ع هاليوم وخليه يمشي ونروح بي سلام
خبطت ع الباب مافيش صوت خبطت الباب من جديد مافيش صوت زعما نفتح الباب لالا خليني انخبط من جديد خبطت من جديد بس مافيش رد
بنفتح الباب واللي بيصير خله يصير فتحت الباب وخشيت داخل وانصدمت انه طلع جناح خاص او تقدري تقولي شقة كانت كبيره كانت عالم تاني تحسي روحك ف جنه من اتاتها وتفاصيل ديكورها  اسراء:ياربي هدوم خانبين مصرف ولا شن قصتهم اووف توا وينه هدا 😑
شوفت باب دار مفتوحه وكانت شكلها دار نوم اكيد فيها امشيتلها وخشيت داخل لدار كانت احلا من الفيلا كلها كان فيها سرير كبير يرقدو فيه عشره شخاص😁 وكانت اتاتها كامل وحلو هلباااا وكان فيها زوز بلكونات كانت كبيره واني نتفرج ع الدار ومصدومه ومش ملحظه اللي طلع من الحمام لف ع خصره منشف بس ومن فوق مش لابس حاجه كان واقف ويشبحلي حسيت بي حاجه وراي لفيت وشوفته واقف يشبحلي قعد نشبح لي عيونه بعدها نزلت عيوني بشوي واني نشوف لي جسمه اللي كان فيها وشم بس مش هلبااا بس انصدمت واني ركز انه قاعد بي منشف بس لفيت بسرعه وعطيته بظهري وجهي وله احمر :معليشي بس خبطت عليك
هلبااا ومردتيتش عشان هكي فتحت الباب وخشيت
ماردش عليااا بس سمعت صوت الدولاب ينفتح فهمت انه ياخد ف حوايجه
......كملت تقدري تشبحي
لفيت واني نشبحله كان لابس تيشيرت اكحل ومعاها سروال توته اكحل قربت منه واني نحاول نطلع الكلام الصح : جبتني هني عشان نعالجك وين الجرح
رفع تيشرته وهوا يأشر بصبعه ع جانبه كان فيه جرح بس مش عميق
اسراء:ياريت لو ترقد ع السرير عشان نعالجك
مشي قدامي واني كنت مركزه ع شخصيته الطويله والعريضه اللي اني ولا شي قدامها نفس النمله اتنهدت واني نشوف فيه يرقد ع السرير
رفع تيشرته وقعمزت ف جنبه وبديت نداوي ف الجرح وبديت نخيط فيه واني متجاهله نظراته ليااا
اللي كانت بتاكلني كملت واخيرآ
اسراء:كملت ماتتحركش هلباا عشان الجرح ماينفتحش فهمت
......ايه .رد عليها ببرود لين استفزازها
اسراء:تمام اني كملت شغلي ياريت لو معادش تتصل بيا مره تانيه كلم اي ممرضه تجيك هيا سلام
لفيت وكنت راح نمشي بس وقفت وين شد ايدي
وضغط عليها:وين ماشيه
اسراء:لي وين يعني لي المستشفي بنكمل دوامي
..... مافيش طلوع
ضربت ايده اللي شدني بيها: نحي ايدك وبعدين من انت باش تقولي نطلع ولا لا
......اممم شكلك ماتجيش بالاسلوب
سحبني من ايدي بقوه لين طحت ع السرير وهوا فوقي عيوني زدت فتحتهم من الخوف بديت ندف فيه ونضرب فيه ع صدره بس هوا كان اقوه مني
تكلم بصوت هادي:أوقفي  معادش تتحركي اسراء
اني مش راح نضرك
مادورتش كلامه قعدت نتحرك بقوه وندف فيه:حاول عني ياكلب
خلاص طفح الكيل معادش قدر يتحمل تكلم عيط عليا بصوت عالي:يافراررررخه اوقفييييي
خوفت من صوت معادش تحركت رفعت عيوني فيه وتكلمت بخوف:اننننت شن تبي مني
......اني نبيك انتي نبي كل شي فيك .همس بي هالكلام ورفع يده فك الوشاح ونزل باسني ع رقبتي اني مش قادره نتنفس من جرئته اما هو فهم انه اللي ماتحركتش عجبني الجو تعمق ف البوسه وقعد ينزل بشوي من رقبتي .ف لحظه فهمت هوا شن يبي
ضربته برجلي  بقوه ع رجله بعد عني وهوا يتوجع
ساويت الوشاح واني دهشه:ياكلب علاش ادير هكي
رد بالك تفكر تمسني
كنت راح نوض بس شدني من جديد ورجع هوا فوقي ويشبحلي ف نظرات مش مفهومه
اسراء:انت علاش متفهمش حول عني ماتمسنيش
ياربي اني شن اللي جبني بس😰😥
.........اشششش اهدي اهدي اني مش راح نغلط معاك اني نحبك مش حب عادي نعشقك عشق
انصدمت من كلامه هدا شن يخرف بس لحظه لحظه
اسراء:انت شكلك تخرف حول عني اني نبي نروح اني اصلا نكرهك تعرف شن يعني نكرهك
عصب من كلامي وشد يدي بقوه بس تكلم وهوا يتصنع ف البرود: حتي وكان تكرهيني مش هامني انتي بتقعدي ليا ان كان برضك ولا غصب عنك
اسراء بهزوه:في أحلامك اصلا اني نقعد ليك
.... واللهي بس تعرفي حاجه يا دكتوره اني أحلامي بسرعه تتحقق
اسراء بتحدي:اني مستحيل نحبك واصلا اني مستحيل نحب واحد مجرم وقاتل زيك
بدو شبحته تخاوف:اطلعي برا
اسراء:نعم
......بعياط:اطلعي مش تبي تروحي اقلبي وجهك برا
بعد عني وقعد مقعمز ع السرير وصدره يرقا وينزل كان ايخاوف شكله نضت بسرعه خديت شنطتي وطلعت نجري. ناض أوقف وبدي يكسر ف كل شي قدامه :هيااا ماتبينيش اني مجرم اني نقتل وهياا العكس .......
طلعت نجري برا جنان الفيلا كانت ع الرئيسي أشرت ع تاكسي أوقف ركبت فيه وامشي روحت للحوش
اكيد مش راح نمشي للمستشفى
فتحت باب الحوش وخشيت داخل شوفت مرت عمي وبنتها مقعمزات
اسراء:السلام عليكم
زكية:وعليكم السلام امروحه بكري خيرك شن في
اسراء:لا شي بس معادش ف حالات قولت انروح نرتاح
زكية:ااه بااهي حقه بنقولك غالية اليوووم بيجوها ناس خطابه باش اتوتي الماعين والحاجات اللي بنقدمهم
اسراء:حاضر توا نوتي الماعين وبالنسبه للحاجات سفيان وين عشان يشريهم
زكية:سفيان وليدي ياحسره من وين الفلوس وهوا معندش حتي مرتب وفلوس خدمته تمشي ع نوقص الحوش
أسراء:اني اعطيته شيك بي 7000 وين امشو
زكية:توا ع اساس ماتعرفيش الدين اللي عليه
اسراء:نعرف دين اللي عليه 5000 و2000 وينهم قال بنصرف فيهم ع حوش
زكية:ياحسرة عندي نوقص اني وعليا بنتي خدينهم شرينه بيهم حوايج
اسراء بصدمه:حوايج بي 2000
غاليه:ايه 2000 علاش ماتبيش نشرو احمدي ربي قاعده عندنا انتي ف الحوش وساكتين
اسراء:حبيبتي سلم افلوسي اللي خلوك بنادمه
غالية:صكري فمك ياحقيره
اسراء:انتي الحقيره
وكيف كنت اني ويااها بنتعاركو خش سفيان :اسكتي انتي ويااااها اصوتكم ف الشارع
غالية:هيااا اللي بدت
اسراء:كذابه
زكية:اااايه اسراء احترمي نفسك غالية اكبر منك
اسراء:واضح اصلا من كلامها وشكله عزوزه وفاشله
غالية:اني عزوزه وفاشله .وقربت ضربتني كف 👋
اني ايدي ع وجهي وقربت شدتها من شعرها بس بعدونا من بعض زكية وسفيان
سفيان:خلاص يافرخه انتي وياااه اسراء امشي لدارك
اسراء:انت ماتعرفش شن قالتتتتت.....
سفيان بصوت عالي:امشيييي لدارك
امشيت واني نبكي وجعني حالي من يوم جيت وقعدت عندهم وهما معاملته معاي زفته خشيت لدار ارقدت ع السرير واني نبكي :يارررربي علاش ماخليتني نموت معاهم علاش هما ماتو واني لا يعني لو مساعدني العسكري وطلعني من الحوش كنت توا ميته ومتريحه ....
................Falsh Back ....... 
واقفه وراه الباب تسمع فيهم يتكلموا
زكية:اني قولت لا تبي تخليها ف حوشي هدا مناقص
عبدالله:غير وسعي بالك يامراه اهدي وافهمي
زكية:مانبي نفهم شي جايب هالمصبيه اللي برا  عمرها 15سنه تقولي بتسكن عندي شن بنفهم مازال
عبدالله:تي غير افهمي بنحصلوا من وراها فلوس
زكية:هادي اللي بوها حتي سياره ماعنده باش يطلع فيها كان عنده راهو مصار هاللي صار
عبدالله:ماهو عشان هكي بنخلوها عندنا بيديرولها تعويض عشان حوشهم لا وبيديرولها مرتب عشان يتيمه بي 1000 دينار ف شهري يعني شوفي معا التعويض ومعا المرتب اللي خاطرك فيه كله نجيبهولك
زكية:احلف يعني فلوس كاااش
عبدالله:تي ايه بتبدي تلبسي ف أحسن الدبش وبنديرلك الذهب وكل حاجه خاطرك فيها
زكية:خلاص خلها تقعد لكن ماتوقعش نعملها نفس اصغاري
عبدالله :هادي زكية اللي تفهم يودي عملها كيف تبي
مسحت دموعها وهيا تسمع ف عمها اللي طامع فيهاا
Falsh Back now     ...............
اتنهدت وهيا تبكي بعبرتها لين خدها النووم ورقدت😴.........  ...
قعمز ع الكرسي وهوا شاد ملف ف يده
.....باااه قولتلي ساكنه ف حوش عمها
علي:ايه قعده عندهم من 10 سنين من يوم وفاة أهلها
....... الله ع السنين وين شديتها بين ايديا كانت صغيره وجها كله متشوه سبحان الله كيف كبرت وتغيرت
علي:الدنيا دوره خلتك تنقدها وهيا صغيره ولما كبرت هيا انقدتك
مالك:معاااك الحق عمها حي
علي:لا ميت
مالك:من قاعد معاها
علي:مرات عمها وبنت عمها ولد عمها
مالك لوح الملف ع الطاوله:كيف قولتلي ولد عمها
علي بخاوف:ااايه
مالك:قداش عمره
علي:29 سنه اموقف اقريه من الثانوي ويخدم ف محل بس فلوسه تمشي....
مالك:وين تمشي كمل
علي:من لاخير فرخ مش مزبوط امتاع سكير وحشيش وابتاع استراحت بنات
مالك خبط يده بقوه ع الطاوله:وقاعده معا ف الحوش .سكت شوي وبعدين كمل :اني نبيها ياعلي
نبيها حط دوريه اتراقب ولد عمها
علي:تبي نجيبهولك
مالك:لا خليه لامته مانقولك وتوا تقدر تطلع
شد الملف ف يده وابتسم بخبت:توا نشوفوا  يادكتوره حلم مني بيتحقق و #كابوس مني بيصير
.......................................
نشاءالله تعجبكم الحلقة والرواية حاجه جديده
#كابوس، #الكاتبة_عويشه،
❤🖤💚