كابوس

                                            (6)

توقفوا بالتظاهر  بأنكم تخاوف علينا 🤚
وانتم في الحقيقة لاتحبون الخير لنا💣
.
.#كابوس
.

ف الليل ف حوش مالك✌🇱🇾
تنهد وهوا واقف يستناه رفع يده شاف الساعه:هيااااا يااام سااااعه ساعه
نزلت فتحية من الدروج:تي باهي يولدي الناس كلهم سمعوك
مالك بعصبيه:معقوله ساعه كامله
فتحية وهيا تسكر ف عبايتها:اهوا نزلت
مالك شاف لي سوسن اللي لابسه عبايتها ونزله حتي هيا  رفع يده واشر عليها:وين ع خير
سوسن:بنمشي معاكم
مالك:امشي ارقي فوق
سوسن:لا باللهي عليك وراسك نبي نمشي حرام عليك ليا فتره معادش طلعت من الحوش وبعدين نبي نمشي نشوف خطيبتك
كان مالك بتكلم بس حس بي يد فتحية اللي ع كتفه:خلاص ياولدي خليها تمشي عشان خاطري هالمره وبعدين طولنا هلبااا ع الناس
اتنهد مالك وقال:تعرفي نسمع صوتك امقيله هكي ولا هكي ندفنك ف مكانك
حطت ايدها ع فمها سوسن :وحق ربي نسكت
طلع مالك وفتحية شدت سوسن من يدها:سمعتي شن قال مايبيش يسمعك متكلمه هكي ولا هكي وبدت عند الناس احمدي ربي خليك عشان اني قولتله واللهي كان هدا تحلمي
ابتسمت سوسن وباست امها:ربي يخليك ليا يا احلا
ماما ف العالم
نخلعوا لما سمعوا صوت مالك:هياااااااااااا اطلعوا
طلعن يجرن خايفة ركبن ف سياره ولع السياره وطلع بيهم وكان وراه علي ومعاه شباب بسيارة جيش
.
.
.
سفيان:ها ردي بالك ياام راهو ناس معروفه هكي ولا هكي رقبتي اطير
زكية:تي باهي فهمت وانت من الصبح تعاود ف نفس
الكلام
سفيان:شن البرنسيسه موتيه روحها
زكية:غصب عنها توتي روحها
سفيان:غريبه سمعت كلامك
ضحكت زكية:الفرخات اللي زيها يمشوا بالعين الحمراء وبالعصا
سفيان شهق:ضربتيها ياام
زكية:لين شبعت منها حرت سنين طلعتها كلها ليوم
سفيان:اح ماحرتها ياريت لو قولتيلي كنت بردت ع كبدي معاك
زكية:لا لا خلاص انت فوتها اني توا نعرف كيف نتفهم معاها
سمعوا صوت سياره قدام الحوش ناض أوقف سفيان:شكلهم وصلوا اني ف المربوعه
زكية هزت راسها وخشت تجري داخل للحوش
..............
نزلت فتحية من السياره هيا وسوسن وقفوا قدام باب الجنان نزل مالك من سيارته وجي وقف جنبهم
خبط ع باب جنان طلع سفيان وهوا خايفه يجري فتح باب الحوش اللقي قدامه مالك قعد يرعش:اووو نسيب تفضل.كمل كلامه وعيونه ف سوسن
ركز عليه مالك خبطه ع كتفه بقووه:افتح الطريق يا مستر كان تفهم
هز راسه سفيان بخوف وهوا يغير ف وجهه ويمشي يجري للمربوعه سكر عليه
مالك :هيا خشو داخل
خشت فتحية وسوسن داخل وقفوا جنب الباب خبطوا استقبالتهم زكية داخل وقعمزو
اما مالك ف أشر لي علي بمعني نزل بدي علي والشباب ينزلوا ف الحاجات من السياره كان جيبلهم السوق كله كان سفيان يرقب فيهم من الروشن وقت شافهم ينزلوا طلع يجري وقف عليهم وهوا يضحك
.
.
.
زكية:والله الحوش نوار
فتحية:تسلمي الحوش منور بصحابه
زكية:كيف حالكم شن اخباركم نشاءالله كويسين
فتحية:الحمدلله انتم كيف حالكم
زكية وعيونها ف الذهب اللي لابسته فتحية:الحمدلله ربي يبارك
فتحية:نعم
زكية ارتبكت:قصدي ربي بارك بحوشنا بي خشتكم المباركه ليه
فتحية وهيا مش متريحه ليها:تسلمي الا وين العروسه
طلعت غالية تجري تسلم عليهم فتحية وسوسن اعيونهم بيطلعوا كانت لابسه قفظان اقصير وفاتحه شعرها ومكياج تقول عروس
فتحية بتقزز:هادي العروسه
زكية ابتسمت:لا قريب نشاءالله هههههه
سوسن بصوت واطي:الحمدلله وهيا تقول معايط كلب ف وجها
فتحية:ياريت لو تناذي العروسه نشوفها
زكية:حاضر من عيوني وناضت طلعت وخلت غالية اللي تشبح ليهم وتبتسم
فتحية وسوسن:😒
......................
مقعمزه قدام المرايه وشده ايدي ونبكي ع روحي طلعت طول هالسنين لعبة يلعب بيها 🪞
فتحت الباب:هيا نوضي
اسراء:مانيش طالعه حرام عليكم مانبيش نتزوج مش غصب
جت وقفت جنبي وشدتني من شعري بقوه :شكلك تبي طريحه تانيه
أسراء:اءءءءء اه اه حرام عليك
زكية:بتنوضي ولا واللهي يا سراء الليله نومتك تكون برا ف جنان وانتي تعرفي ليل وظلام وانتي بروحك عندك حاله نفسيه منه أي احسن تطلعي برا وتقعمزي جنبهم ولا ترقدي ف جنان والحشرات تاكلك ماكله
اسراء ودموع ينزلوا:انتي شن نوعك من انسانه حراام ربي بيحسابكم ع ياللي اديرو فيه
زكية:مافيش حد بيهرب من يوم حسابه هيا نوضي أوقفي
شدتني من ايدي وخلتني نوقف شبحت لي وجهي :ديري مكياج لوجهك وانتي تقول ماشيه لي عزاي
اسراء:🥺😥
زكية:اني توا بنطلع وشويه وتلحقيني وحاجه تانيه.
قربت وفتحت شعري كان طويل لنهاية ظهري كان لونه اسود
زكية:هكي احسن هياا بسرعه ماطوليش. طلعت
رجعت شبحت لروحي ف المرايه مسحت دموعي
وفتحت الدرج طلعت منه كريم اساس من
. ( Fita me)
درت شوي منه لبشرتي وحطيت كونسيرال  لي تحت عيوني  حتي هوا من نفس ماركت الكريم ل.كانوا عيوني  منفوخات من البكي ولونهم احمر
مسكاره بسيطه وروج💄 هادي معا بلاش بسيط لخدودي خديت العطر (برفان) وبخيت منه واتنهدت وطلعت
.
.
.
فتحية:العروسه مطوله شكلها
زكية:لا لا شويه وتجي اهيااا سريوه بنتي جت
خشيت عليهم كنت لابسه قفظان طويل وكان ضبط ع جسم وكمامه طويله وعليه حزام ولونه ابيض نحاول نتصنع الابتسامه
فتحية ضحكت وناضت اتزغرط وقربت حظنتني:احسن ماختر والله انه عرف يختارر وليدي
اسراء ف خاطري:شن تخرف هدا ولدها من وين يعرفني
بعدت عني وشبحت لبنت اللي ف جنبها:تعالي سلمي ع مرت خوك
قربت البنت وحضنت وهيا تضحك:واحلا مرت خوه
اسراء ف خاطري:بي هالسرعه بديت مرت ولدهم شكلها زكية واقفت وتم الكلام
بعدتت عني واني نسمع ف زكية:سريوه هادي بنتي التانيه تعالي قعمزي ف جنبي
فتحية وهيا شاده ف يدي:لا والله ماتقعمز كان ف جنبي نبي نشبع منها مرت ولدي الغالي
قعمزت ف جنبها وحطت يدها ع شعري تمسح عليه:مشاءالله تبارك الله كامله والكامل لله
اتنهدت مانعرفش علاش بس حسيت طيبه وحنونه
فتحية:كيف حالك ياسراء
اسراء بتصنع ابتسامه:الحمدلله انتي كيف حالك
فتحية:والله بشوفتك الحمدلله قلبي اتريح يابنتي يشهد علياا ربي انه قلبي ارتحلك
زكية:والله حتي احني قلوبنا رتحتلكم
بدت فتحية تهدرز هيا وزكيه وكانت سوسن مره مره تتكلم وكنت اني ساكته ونهز بي راسي بس
.
.
.
واقف يدخن ومتكي ع السياره وعيونه ع سفيان اللي يجري بين الحوايج ويشوف فيهم :علاش تعبت روحك وكلفت ع عمرك
مالك وهوا ينفخ ف الدوخان:ومن قالك هدا ليك اصلا
وقف سفيان مصدوم وهوا يرعش كمل مالك كلامه:هدا للعروسه مش ليكم واسمعني كويس رد بالك بعد يطلعوا العويله يروحوا ترد علينا برد مايعجبنيش لانه بعدها لا راح تحصل فلوس ولا راح تشوف فلوس طول عمرك وانت فاهم قصدي
سفيان يهز براسه ويحرك ف ايديه:لالالالالالالالا ماتسمع كان اللي يعجبك اصلا احني وين نحلصوا نسيب زيك
مالك:ايوه رد بالك وبعدين ماانبيش نطول فترة العرس اسبوع الجاي لا اسبوع اللي بعده
سفيان بصوت واطي:علاش مستعجل هدا تقول بتهرب أسراء
مالك بصوته الرجولي:قولت حاجه
سفيان:قولت من توا لو تبي تقدر ترفع بي حوايجه اللي عليها
قرب منه مالك وشده من تيشرته:اني نبيها بالحلال مش زيك ولد حرام وماتعرف كان الحرام
هز راسه سفيان بخوف وهوا ساكت
بعد عنه مالك وهوا يطلع ف تيلفونه ويتصل بي امه:هاا ياام كملتي
فتحية:ايه كملت
مالك:هيا اطلعي اني برا
فتحية:باااهي
مالك شبح سفيان:امشي سكر عليك المربوعه ماتطلعش لين انروح تسمع فيااا
هز راسه وامشي يجري زي الشطور 🏃‍♂️🏃‍♂️🏃‍♂️
.
.
.
فتحية :هيا نشاءالله معرفت خير
ناضت وقفت هيا وسوسن وقفت حتي اني
زكية:نشاءالله
فتحية:ياريت لو تردو علينا بسرعه
زكية:موافقين موافقين من توا نقولهلك
شبحت لي زكية بصدمه نزلت دمعه من عيني
فتحية ضحكت وبدت تزغرط وتحضن فيا :الحمدلله الحمدلله ربي يهنيكم معا بعض وانشاءالله تكونوا وجه خير ع بعضكم
زكية:نشاءالله
رفعتلي وجهي وهيا تمسح ف دموعي:علاش الدموع يابنتي
اني سكت بس عجبتني كلمت بنتي من لما ماما ماتت ماحد قالي هالكلامه
زكية:من الفرحه من الفرحه
فتحية:بس هادوم مش دموع فرحه هادوم دموع حزن خيرك يابنيتي
اسراء:ذكرت عيلتي ياريت لو كانت ماما امعاي
زكية:اني امك ياسريوه
اني سكت لو كان ف ايدي الموت كنت طلقتها عليه
فتحية:نشاءالله ربي يقدرني نكون امك التانيه وبإذن الله كأنك سوسن ولا ليله
ابتسمتلها وهيا قربت حضنتني ااه قداش اتريحت ف حضنها بعدت عني وقالت :هيا تصبحوا على خير
وانشاءالله بينا اتصال
زكية :نشاءالله
طلعت فتحية وسوسن وراها زكية وغاليه واني
قعمزت ع الصالون سمعت صوت سفيان وزكيه نوضت وقفت من بعيد نشوف فيهم يدخلوا ف الاحوايج والهداية غالية مقعمزه تفتح فيهم وتلبس:الله شوفي ياماما محلاها الساعه ماركه
ضحكت عليها ع اساس تعرفها هيا الماركه امشيت عنهم وخشيت  لي داري رقدت ع السرير واني نبكي بالعبره لين رقدت
.
.
.
ف السياره 🚘
فتحية :جمال يامالك جمال واخلاق اتهبل تهبل عجبتني خشت قلبي
سوسن:والله حتي اني حبيتها عكس بنت عمها تخاوف
فتحية:ووووك عليااا تعرف وين خشت عليا بنت عمها بي مكياجه وقفطانها تقول مراء عندها 10صغار
قريب نجلطت لكن وين خشت عليا اسراء كيف هاديه وكيف تتكلم والله مشاءالله عليها
ابتسم مالك وهوا فرحان انه عجبتهم اسراء
وكملت فتحيةكلام ع اسراء وجمالها وهوا ساكت ومبتسم وعاجبه كلام امه
.
.
.
ف منتصف الليل 🌃
بعد رقدت زكية وبنتها طلعت من داري وامشيت لدار
سفيان فتحت الباب وشوفته راقد ع السريرش والتيلفون ف يده ويضحك رفع عيونه فياا نفخ :ايح علينااا خيرك شن تبي
اسراء والدموع ينزلوا:سفيان علاش تكلم فياا هكي
سفيان لوح تيلفون ع السرير وناض قعمز:وكيف تبيني نشاءالله نكلمك
جيت قعمزت جنب رجليه وشديت ايديه:معقوله انت راضي انه اني نتزوج شخص غيرك
سفيان ضحك بهزوه:اكيد راضي
اسراء من العبره والبكي مش قادره تتكلم:مممعقوله ____عندك عادي وين كلامك يوم تقولي بتتزوجني اااه لهدرجه طلعت انت كذاب معقوله عمرك  ماحبيتني
هز راسه بمعني ايه:ولا عمري فكرت انحبك اصلا انتي كنتي بطاقة مصرف ليااا بس بعني مصروف ليااا الللي نبيه نشريه بيه
اسراء اتهز ف راسها بهستريااا:لالاالالالا مستحيل انت تحبني اني نعرف انك تحبني
رفعت ايديا وحطيتهم ع وجهه:قول الحق عمتي هياا اللي غصبتك صح ولا لالا اكيد صاير معااك شي انت مستحيل ادير هكي الا لو كان صاير معاك شي
حاول ايديا عنه بقوه:ايديك معادش تمسيني بيهم ياوسخه انتي شكلك ماتفهميش
ناض أوقف سفيان بيطلع شديت رجله بي ايدي واني نبكي:لا باللهي سفيان اني مانقدرش نعيش من غيرك نموت صدقني نموت
سفيان نزل شدني من شعري بقوه:تتعودي ماتخافيش الصايعه اللي نفسك تتعود ع كل شي
قعدت مصدومه من كلامه سحبني من شعري لي برا الدار واني نبكي دفني لين طحت ع الارض رفع صبعه واشر عليا :احسن ليك انك تخطيني ومعادش نشوف وجهك بكل لانه بعدين حتي المكياج مش راح يستر اللي بنديره فيك تسمعي فياا اخطي امي
حتي تشوفيني قدامك ماتعرفينيش تمام اخطيني بس هوا سبوع وبديري وبتتزوجي وبتمشي لي حوش راجلك وبنفتك من وجهك
كمل  كلامه وخش لدار سكر الباب بقوه اني قعدت نبكي غطيت وجهي بيديا واني نبكي ع روحي نبكي ع الشخص اللي كنت رسمه حياتي معااه طلع كله كذب طلع كله خداع طلع كمية الحقد اللي ف قلبه عليا اكتر حتي من حبه
.
.
الخساره الحقيقية هي عندما تحب شخصآ اكتر مما
تحب نفسك .🥀💔
.
خش لداره رمي تيشرته ورقد ع السرير  ابتسم وهوا يفكر:سبوع بس وراح تكوني ليا اني وبس
غمض عيونه وهوا يذكر ف ملامحه وعيونها.........
.
.
.
ف الصبح 🌅
زكية:خيرك شن تبي
اسراء:اني مانبيش نتزوج
زكية ضحكت:ومن قال نسأل فيك
اسراء بعصبيه وصوت عالي:اني اللي بنتزوج ولا انتي انتي تتحكمي ف صغارك بس اني ماليكش داخل فياا
غالية:هي انتي نقصي صواتك احسن مانوضلك
اسراء:تعالي خليني نربيك من جديد
زكية:لا انتي صدقتي روحك رااك انسيتي ف حوش من قاعده احمدي ربي امخليتك هني
أسراء:سلم فلوسي اللي تصرفي بيها لولا فلوسي كنتي ف شارع انتي وصغارك ولا نذكرك الحوش هدا بفلوس مني
زكية:حبيبتي وفي الورق مسجل بي اسمي انتي شن عندك ااه مسكينه عقاب وحده يتيمه بلا بو وأم وجايه تتكلم لكن الحق مش عليك الحق ع امك اللي ماتعرفش تربي
اسراء:سكري فمك ماما ربتني احسن تربيه ع الاقل احسن من ربيتك اللي ولد طلع يسكر وحشيش ودعاره وبنتك اللي حتي ولاد الجيران ماسلموا منها
زكية وقفت وجتني تجري ضربتني كف:لا انتي لسانك طاول ويبي قص واني نعرف شن ندير فيك
بدت تضرب فيا وتخبش في وجهي وتقطع ف شعري حاولت اندفع عن نفسي بس كانت اقوه مني
قعدت ع الارض ملوحه خشمي دم وجهي وجسمي فاشل مش قادره نتحرك بعدت عني وامشت لمطبخ
قعدت شوي وطلعت جتني وكانت شاده شوكه ولعه
ف ايديها ولعتها وبدت تسخن ف الموس قعدت نحاول نبعد عنها
زكية:غالية تعالي شديها
غالية جتني تبتتني:أوقفي يافرخه معادش تتحركي
اني نشهق من البكي:لا __لا باللهي عليك لا
زكية قربت مني ورفعت كم الفانليه وحطت الشوكه ع يدي حرقتني قعدت انعيط ونحرك ف رجليه بس ماقدرتش من غالية اللي شادتني وتضحك بعدت الشوكه اني قعدت نتكلم بصوت شبه مسموع ليهم:حسبي___ الله ___ونعم الوكيل ____فيك___ انتي__وصغارك
زكية:لا انتي مازال تبي شكلك
ولعت الولعه وحطتها ف نفس المكان بدت النار تحرقني فيني والوجع ايزيد بديت نعايط بصوت عالي صوتي كان يتردد ف الحوش كله
طلع سفيان يجري من داره وهوا يشوفه فيهم
جي يجري وبعد امه عني وقعد شادها:تي شن اديري يااام
زكية وهيا تحاول ترجعلي:تي نحي خلي نربيها هالفرخه
سفيان وهوا شاد ايدين امه:معقوله يااام تحرقيها تي هياا بتتزوج السبوع الجاي شن بيدير فينا بيقتلنا تي هوا واحد مهبول معقوله اديري هكي
زكية هدت وقالت:السبوع الجاي
سفيان:ايه السبوع الجاي وقال يوم الفاتحه بيعطينا الفلوس تنوضي ديري هكي
تلفتت شافني مغمه عليااا وجهي كله دم ويدي محروقه لين الجلده متنحيه
سفيان خبط وجهه:تي شن درتي ياام تمت عليك ياسفيان بيقتلني بيقتلني. لف شبح لي زكية:هكي تبي يااام يقتلوا ولدك
زكية:توا يتحاول ماتخافش توا ندورو كذبه نكذبوها وبعدين خلها باش تحترمني
سفيان وهوا يشبحلي:توا شن بنديرولها توا ااه وبعدين انتي ياغاليه مفروض ماخليتيش امي ادير هكي مش تشدي رجلين سراء
غالية:خلها تستاهل ياريتها ماتت
خبطها ع كتفها:تبي10الف اطير وطير رقبتي معاهم .نزل وطبني فوق ورفعني حطني ع سريري
وطلع قال لي زكية:اني بنمشي نجيب دواء انتن اغسلن وجها تمام
زكية:مانقص
سفيان:10الف يااام
زكية:اوووف باااهي حرام فياااا لكن هاااا
امشت لدار ولحقتها غالية وطلع سفيان.
.
.
.
فتحية تشهق:معقوله مالك تبي تتزوج السبوع الجاي
مالك وعيونه ف تيلفونه:ايه علاش التأخير
فتحية:ياولدي ماجهزت شي لعرس ف هلبا  حاجات
نقصه
مالك:ساهل اللي تبيه اكتبيه ف ورقه توا نعطي علي ايجيبه وبعدين ياام اني مانبيش ندير عرس نبي نقرأ فاتحه ونجيبها
فتحية:لا والله بدير العرس زيك زي جيلك
مالك:يااام اني كبرت مش صغير اليوم عمري 35 سنه وبعدين اني درت قبل عرس وانتي تعرفي
كمل كلامه وملامح الحزن واضحه ع وجهه لحظته فتحية :اولا انت قاعد صغير وبعدين وكان درت عرس انت قبل بنت الناس هدا اول عرس ليها ويتيمه تبي تحرمها من فرحت العرس والفيلو
هوا يوم ف العمر وانت تبي تحرمها منه حررام عليك
اتنهد مالك وقال:كلمه هيااا ياام عرس لا
وخدي دخان والمفاتيح وطلع
فتحية:نشاءالله ربي يهديك ياوليدي ويفتحه عليك وين مامشيت
.
.
.
..........................
نشاءالله تعجبكم الحلقة والرواية حاجه جديده ومختلفه
اسفه ع الأخطاء الإملائية بس واللهي من الكيبورد 🤞
#كابوس،  #الكاتبة_عويشه