كابوس

                                          (15)
______________
"كل شيء بهت واسود في عيني لم يعد هناك ما يبهرني گأنني
نتهيت" #كابوس
^^^^^^^^💔 #رواية_عويشه
"عتمه سوداء مُميته،هدُوء كالمقابِر،أنفاس تتصاعَد،جسدٌ مُنهك،وأفكَار تقُود للجحِيم."
^^^^^^^^^💔
"متعبه هامده ، حزينه ، اتلاشى ، ك جثه في احد الحروب🙇🏼‍♀🖤"
///////////////
""لقد بدأت العزله تحيطني حتى أصبحت مخيلتي تجبرني على الأبتعاد""
ماا _اصعب___الفرق__يااا_____💔
____________________
#كابوس
____
غيرت احوايجي وطلعت ارقيت فوق لدار الحوش كله كان هدوء مافيش ولا صوت خشيت للحمام واني نبكي فتحت الميه وخليتها تنزل ع جسمي كله
كنت كيف المذبوحه ضميت رجليا لصدري واني نبكي ع حالتي ونفكر ف سفيان راح يرضه بحالتي هادي ولا لا كملت دوش لابست روب الحمام وطلعت
شوفته راقد ع السرير وأيده تحت رأسه ويدخن
حسيت بخوف منه بس ضغط ع روحي وحاولت نتصنع القوه فتحت الدرج طلعت من الاسعافات
فتحته وخديت المعقم بديت نعقم ف الجروح اللي ف وجهي بدون مانحس فك القطنه من ايدي
وشد ايدي وسحبني ورااه حط ايديه ع كتوفي وخلني نقعمز ع السرير وعيوني معلقه فيه قعمز قدامي وخدي القطنه والمعقم كمل يعقم ف جرحي لين بدي يعقم ف جرح شفتي  عقدة حواجبي بالم
نزلت عيوني ف ايده اللي تنزف والدم ينزل ع سرواله انتبه لجرح اللي في ايدي عقم جرح ايده ول فاش عليه صكر الإسعافات وحطهم ببرود وناض اوقف :خودي مسكن بش تقدري ترقدي .كمل كلامه وطلع برااا
خلني ف صدمه من حركاته كان مش نفس الشخص اللي اغتصبني رقدت ع السرير وامشيت فيهاا نومه من التعب........
..............
في مكان تاني
مقعمز وجهه كله دم مش قادر يحرك ايديه كان مربوط رفع عيوني فوق وهوا يحاول يشبح بس الدار كانت كلها ظلام سمع صوت باب حديد نفتح
معاا ضي اللي سطع ع وجهه غمض عيونه ورجع فتحهم بشوي ونصدم بالواقف قدامه ويضحك
سمعه يتكلم:تي وين يا سفيااان لينا هلبااا ع بعض
سفيان:انت شن تبي مني
ضحك وخدي كرسي وقعمز قدامه رجل ع رجل وأيده ع لحيته يحرك فيها:انت قربت من حاجه تخصني اني وبس
سفيان بخوووف ويرعش:انيييييييي مااااقربت من حد
ولع دخان وحطه في فمه وشفط منه ونفخ ف الهوا :واسراء
سفيان بخوف:من اسراء اني منعرفش حد بأهل الاسم
ناض مالك أوقف وقرب منه وبسرعه ضربه بوكس ع وجهه لين طاح هوا والكرسي لوطه حط مالك رجله ع بطن سفيان وضغط عليها بقوه سفياان قعد يتوجع تكلم مالك:انت اصبر اعليااا شويه بس وتوا تعرف اني شن بنديرلك
طلع مالك وخله سفيان طايح لوطه ويتوجع وجهه كله دم
_____________
فتحت عيوني بإنزعاج ياربي جسمي يوجع فيا نحس في روحي متخدره وكانه طحت من مكان عالي  الساعه 10 الصبح رقدت هلباا حتي مالك مش في جنبي احسن شي نوضت قعمزت اني لازم ندوش لانه نحس في ريحت مالك قاعده عالقه فياا
بعدت شعري عن عيوني ونزلت رجليا من ع السرير
أوقفت ع رجليا دوخت حطيت يدي ع راسي وايدي التانيه ع الحيط نحاول نتوازن واقفت ناخد ف نفس
بعدين كملت للحمام دوشت وطلعت لابسه روب الحمام وقفت نشبح ف المرايه لي وجهي ورقبتي اللي كلها مجروحه غيرت وجهي بسرعه من ع ألمرايه
بديت نخاف نشبح لي وجهي كرهت جسمي هدا كله منه فتحت دولاب خديت قفطان كان كمامه طايحه وكتفي كان عريان وكلن من لوطه طويل  لبسته وخليت شعري مفتوح بدون تجفيف قعمزت ع السرير واني نشبح ف المرايه سمعت باب الدار نفتح وريحته اللي فاحت ف كل الدار وقف قدامي قعدت نشبح لي رجليه كان لابس سرواله العسكري قعدت منزله عيوني لوطه نزلت قعمز ع ركبته قداامي رفعت عيوني فيه كان ع وجهه البرود يشبحلي وكانه يتفحص فيا بنظرات مقدرتش نفهم قعد نشبحله باستحقار رفع ايده اني خوفت منه بس قعدت نحاول نبان قويه حط ايده ع شعري من فوق
نزل ايده من ع شعري وحطه ع كتفي اني نشبحله ببرود وساكته رفع ايده من ع كتفي حطه ع خدي ويحرك ف ايده نزل ايده حطه ع فمي رفعت ايدي ونزلت ايده بقوه تغيرو ملامحه وبدي وضح عليه معصب بس تكلم بستفزاز وقالي:حبيني
رفعت حاجبي واني مستغربه كلامه:نعم
حط ايديه ف ايديا وشدهم:اسراء حبيني نفس ماتحبيه
اسراء:ملاك انت مستوعب الكلام اللي تقول فيه
طلق ايديا ونزل راسه ع رجليه وهوا يحط ف راسه ع رجليا  وايديه لفهم ع رجليا يحضن فيهم اني نصدمت من تصرفاته
مالك بصوت وكانه بيبكي:اسراء اني مانقدرش نعيش من غيرك حتي لو ضربتك حتي لو كنت قاسي معااك بس وربي شاهد علياا نحبببببببك انتي النفس اللي اني نتنفسه صحه ضروف اللي عرفتيني فيها هي اللي خلتك تكرهيني بس عطيني فرصه وعد راح نتغير معااك .
صدمني كلام مالك وتصرفاته يمكن لو قال هالكلام قبل يغتصبني كنت راح نعطيه فرصه بس بعد اللي داره وخصوصا انه هوا قاتل ولده ومراته مستحيل نفكر
رفع راسه وهوا يشبحلي :اسراء ماتحرمينيش منك عطيني فرصه انك تتعرفي عليااا يمكن تغيري رايك فياا
اسراء:مستحيل يتغير رأيي فيك ياامالك انت مجرررم
مالك نصدم تغيرو ملامحه قعمز ع الارض وهوا يبعد عني ويهز ف راسه:اني مش مجررم اني مش مجررررم اني  ماقتلت حد
مش اني اللي قتلتهم.
نصدمت ف مالك وكلامه
حط ايديه ع راسه ويقول :مش اني مش اني
نزلت من ع السرير وقعمزت لوطه  وقربت منه وشديت ايديه اللي ع راسه كان مالك يهز ف راسه
وجسمه
اسراء:مالك أوقف خلاص فهمني شن اللي صار
زاد مالك يهز ف راسه وجسمه:مش اني مش اني
قربت منه حضنته وهوا قاعد يهز:مااالك احكيلي شن اللي صار ف يومها يوم الحادت احكيلي مالك
مالك:ماحد صدقني ماااحد صدقني كلهم وقفوا ضدي
اسراء:انت احكيلي اني معاااك بس فهمني من قتل مرتك ولدك انت قتلتهم
فجاااه مالك دفني بقوه تغير من مالك اللي نفس الطفل لي مالك القوي والبرود طاغي ع وجهه
ناض وقف واشر بصبعه علياا:انتي مدخلك ف شي يخصني تسمعي فياااااا انتي صدقتي روحك شن كنتي متوقعه انك لو كنتي مرتي خلاص معناها بتعرفي كل شي عني ههه انتي تحلمي هلبااا
طلع برا وخلني ف صدمتي  انه  شخص مريض نفسي قعدت نفكر ف مالك وكيف لازم نتصرف معه بدون مانخليه يعصب مني
________________
ف مكان مااا ف عروس بحرنا الحبيبة
ف مكتب ما لشخص ما
الشخص/هدا يبيجبلنا وجع راس هلباااا
الشخص2/اللعب معااه مش ساهل حتي الشاب اللي بعته عبدالكريم انشد وانكشف امرره واكيد توا قرو  الفاتحه ع روحه
الشخص/باهي هدا كيف بنتصرفوا معااه
الشخص2/ماافيش حل غير انه يموت
الشخص/وكيف بنقتلوه
الشخص2/كيف ممات بوه
الشخص/ياودي هدا صعب عكس بووه
الشخص2/انت خليها عليااا واني نتصرف
هز راسه وسكت
______________
في #كابوس شخص ماااا ""
نجري ومنعرفش وين بنمشي والظلام في كل مكان
في  ممر طويل نجري حافية الرجلين بدون مانشوف شن وراي نجري بس وشاده ف ايدي كشاف مانعرفش من وين حصلته وصلت في نهاية الممر اوقفت شوفت دار بابها مفتوح شويه ويطلع صوت عياط خوفت منه مديت يدي بنفتح الباب
بنشوف شن في داخل دفيت الباب دار صوت مزعج
خشيت داخل الظلام ف كل مكان حسيت انه نمشي ع حاجه دافئه نزلت الضي لوطه نبي نشوفه
شن هوا فجأه نفتح ضي قوي لدرجة انه يخلي النظر
يتشوش حطت يدي ع عيوني سكرتهم بعد مده فتحت بشوي انصدمت انه غرفة العمليات نفس الغرفه اللي مات فيها الدكتور قيس نزلت راسي لوطه اللقيت روحي واقفه ع بحر من الدم ورجليه تلطخت رفعت عيوني بصدمه نشوف ف دكتور قيس قداامي وهوا يعيط واتآر الطلقة اللي ف راسه واضحه شبحلي وبدي يقولي كله منك انتي السبب
انتي المنبه فجااه راسه تفجر بالدم طاح لوطه ودمه تتناثر ع وجهي وجسمي امشيت نجري ليه قعمزت جنبه واني نبكي حطيت ايدي ع وجهه ونهز فيه
بديت نبكي ونتأسف منه فجااه سمعت صوت قوي
لين اوذاني وجعوني حسبت بي حاجه تنزل منهم رفعت ايدي مسيته اللقيته دم عيط بصوت عالي وغمظت عيوني فجااه تغير المكان اللقيت روحي ف نص البحر لابسه قفطان ابيض مافي شي غير الميه
ف كل مكان ونسيم الهوا حلو يضرب في  وجهي  وشعري يطير والبحر هادي لمحت شي يتحرك ف البحر مر من جنبي طلع دكتور قيس يغرق مشي من جنبي رجلي نحنيت بسرعه بنشده بس ماقدرتش
بديت نضرب ف الميه نبي نشده شوفت جنبي
بس اختفي معادش في اتأر ليه سمعت أصوات هدرز وضحك سفيان وزكية وغاليه كانت معاهم بنت صغيره لابسه نفس القفطان الابيض اللي اني لابسته كانوا يشبحولها ويضحكوا عليها سمعت صوت البنت تبكي لما قربت منها انصدمت انها اني لما ماتت عيلتي وامشيت لي حوش عمي كانوا يضحكوا عليا ويضربوا فياا فجااه البنت طاحت لوطه كنت راح نجياااها بس فجأه بدت البنت تغرق ف الميه حاولت نقرب منها بننقذها بس البنت اختفت تغير لون الميه
لي دم  حتي القفطان اللي لابسته نصبغ لونه لي دم  
قعدت نشبح ونفكر شن هدا اللي يصير بدي ضحك سفيان يزيد يعلا التفتت بخوف شوفت دكتور قيس
من جديد وكله دم غطس ف البحر شوفت مالك واقف من بعيد ناديت عليه بس ماسمعنيش فجأه تكونت فوقه موجه كبيره من الدم طاحت عليه كأنها  بتغرقه لما طاحت عليه مالك خش ف الميه
راحت الموجه عاليه والسماء تغيرت لي اللون الاسود
حجبت ضوء الشمس وأصبحت السماء كلها غيوم
تغير جو وأصبح صوت الرعد قوي يهز المكان
رغم قوة الميه قعدت نسبح بسرعه لي مالك اللي يطوف ع الميه علي وجه داخل،قعدت نحاول نوصل فيه وصلت فيه انحنيت وشديته لفيت جسمه ليا
فجااه الظلام ف كل مكان دنيا كلها سوده حتي الميه
بديت نحرك ف مالك لكن بلا فايده بدي صوت سفيان يزيد يعلا وهوا يقول علياا ف نفس الكلام اللي قاله عليااا لما قالي انه يكذب عليااا وانه مايحبنيش زدت قعدت نبكي ونهز ف مالك
اسراء:مااالك نوض ياامالك استقظ هياا خلينا نطلعوا توا بنغرقوا اني وياااك هيااا نوض.
تشكلت موجه عاليا سوده قريب توصل لي السماء
شبحتلها او اني مصدومه من ياللي نشوف فيه
قعدت نحاول نسحب في  جسم مالك الضخم بس مش قادره فجااه الموجه قربت منه وكانت راح تنزل علينا وصوت سفياان بدي يزيد يريح قوي قربت من مالك وحضنته نزلت علينا الموجه بقوووه خشيت داخل الميه بدي نحرك ف ايديا بعشوائيه ونعيط وندور في مالك بس ماللقيتش حسيت بي حاجه
تسحبني لوطه بقوه علاش مش قادره نطلع صوتي
حتي نعيط ماافيش صوت يطلع نسحب لوطه تحت الميه توقعت بنطيح ع شي بس لا ننزل لوطه بس تسحب فيا لوطه تحت الميه نسمع ف حد ينادي فيااا
هدا صوت مالك ينادي في اسمي نبي نشد بي حاجه
باش نوقف نحس بضغط ع راسي حسيت بيدي تهتز بقوه وعنف واني شده فيها  كأنها الحياة ليا قعدت نعيط ونقول (لا)واخيرا صوتي طلع زدت نعيط بصوت عالي نبي حد ينقذني نعيط باسم مالك
نسمع ف صوت مالك ينادي باسمي ويتكلم وهزني بعنف عيط بقوه ونضت قعمزت واني نكح شبحت بضياع شده بايدين ملتفت ع خصري بقوه شبحت جنبي تنفس براحه شوفت مالك ف جنبي كان عريان من فوق مش لابس تيشيرت كانوا عضلاته برزه والوشم اللي ف جسمه واضح كان ملامحه واضح عليهم انه خايف عليااا اتنفست براحه طلع #كابوس زدت ضغط ع ايد مالك بقوه واتنهدت واني نقرب ندفن ف روحي ف حضنه صح يمكن تقولوا عن مهبوله او بلا عقل بس هوا كان توق النجات الوحيد ليااا صح يمكن مجرم وقاتل وشيطان بس يكفي انه الحضن الوحيد اللي نلجلا بعد هال #كابوس
اسراء بصوت بكي:مااالك
حسيت بيدين مالك اللي ألتفت ع ضهري وهوا يحضن فياا:اششششش خلاص #كابوس وانتهي
اسراء وتبكي:اني مليت منه هال #كابوس وهوا مرفقدني اني تعبت ياا مالك اتعبت خلاص معادش نقدر نتحمل اكتر من هكي نبي يوم واحد نرقد فيه متريحه
مالك وهوا يرفع ف ايديه ع شعري يمسح عليه:اشششش خلاص معادش تخافي اني معاااك توا راح ترقدي وانتي مرتاح
شبحتله وشعري نزل ع وجهي ودموعي ع خدودي :كيف
مالك ابتسم:راح نقولك
زاد حضني وهوا ينزل يمتد ع السرير واني فوقه وهوا يحرك ف ايده ع شعري نزل عيونه وشبحلي :هيا غمضي عيونك
اسراء:اني مانقدرش اخاف نغمض عيوني
ابتسم مالك:امممم بااهي شن الحل
رفعت اكتوفي الاتنين:مانعرفش
حط مالك راسه ع راسي وهوا يزيد يضغط ع حضنه ليه :شن رايك ياملاكي نحكيلك قصة
رفعت راسي ليه واني نشبحله بصدمه :انت بتحكيلي
هز راسه وابتسم :ايه اني علاش استغربتي
هزيت راسي:لا شي بس انت تعرف حكايه
اتنهد مالك :اني اللي نعرف الحكايات تبي الحكايات  وحده منهم
هزيت راسي وابتسمت مانعرفش علاش لما يكون هادي تحسي بحنان ف كلامه وقداش يكون شخص حلو ف كلامه لا شكلي اني بديت نهلوس
مالك:في شاب زمان كان عايش حياته بطول والعرض كان ايدير اللي يبيه كان عنده الفلوس وعنده القوه والسلطه بس هالشاب جبره القدر انه يتغير ويبدأ من مستهتر لي شخص واطني وقلبه ع بلاده❤🖤💚 كان مش مفكر ف زواج بكل كان مسكره هالموضوع بس عشان عيلته وامه انجبر انه يتزوج وفعلا تزوج من البنت اللي امه تبيها صح كان مايحبهش بس معا الوقت هالبنت فرضت حبها عليه خلته يحبها ويرضه بالعيشه معااها هالشاب ناده وطنه وصار لازم انه يوهب روحه لي حماية وطنه خش لجبهات وانصاب ورجع لجبهه ونصاب ورجع من جديد لين سمع بخبر انه مرته ولدت رجه لي مرته شاف ولده وفاتت فتره معاهم ورجع من جديد لي جبهه كانت آخر جبهه ف ليبيا كان يوم من الايام اللي صعب ينساهم
كان الضرب ف كل مكان والجرحه والشهداء والصواريخ اللي طيح ف كل مكان لعند ماسمعو نداء لي إنقاذ عيله طاح عليهم صاروخ ف حوشهم لما وصلوا غادي كان حالة الحوش ماساويه كانت العيله كلها ميته الا بنت وحده كانت هالبنت ف العمر صغيره كانت حالة شبه ميته إنقاذها هالشخص ورفعها للاسعاف ورفعها لي المستشفي وطلبوا عليها دم وتبرع بدم ليها وجاه إتصال من عيلته انه لازم يرجع ارجع هالشخص بعد مطمئن ع البنت معا عمها وصل لي طرابلس وشاف عيلته ولده وفاتت فتره طويله ونصدم هالشخص بخبر وفاة بوه كانت أكبر صدمة حياته ليه ولي عيلته بي شني سبب الموت اغتيال هالشخص تغير هلبااا عن قبل صار قاسي معاا عيلته هما الوحيد انه ينتقم وفعلا قدر انه ينتقم منهم كلهم بعد فتره
مش طويله يغتال خوه ويطيح حوش عيلته ع خوه ويسبب ف شلل نصفي يعني معادش يقدر يمشي ع رجليه طبعآ هنا ف ليبيا ماافيش علاج طبيعي لازم يسافر وفعلا ساافر برا ليبيا قعد غادي بعد فتره حتي ام هالشخص تعبت سفرها هيا واخته برا بس عشان يحفظ ع سلامتهم لانه لو صار شي كان ضميره رآح يانبه بعد فتره
بعد تغير هلبا عن زوجته وصار بارد معا ولده وزوجته بدي يصير مشاكل بينهم والمشاكل هادي بدت تكبر لعند يوم من الايام كترة هلبااا معااه ف الكلام لين فقد اعصابه وضربها وطلع عنها وخلها
هالشخص حس انه الدنيا ضاقت بيه لف لف مخله مكان ممشي ليه
بس بعدها اللقي روحه قدام حوشه نزل وفتح باب حوشه وخش داخل والصدمه كانت يشوف مرته ولده غرقين ف دمهم قداامه
معادش عرف شن ايدير قرب منهم قعمز ف جنبهم بس ينصدم انه بوها كان واقف وراه ومصدوم قرب منه وبدي يضرب فيه ويقوله قتلت  بنتي انت قاتل انت قاتل وهوا مقدرش حتي يدفع عن نفسه من الصدمه لين فقد الوعي بين ايديه بعد فتره عيلت مرته يقولو انه هوا اللي قاتل بنتنا وعيلته مش مصدقين بس عيونهم تقول شي تاني اناا هوا فقد عايش بالمهديئات قعد عايش حياته كلهااا ف جيش والحرب والضرب لحد مصار شخص ليه قيمته ف هالدوله ومحد يقدر ينعته بصبع وسكتتتتتت..................
نزل عيونه فيااا شاف دموعي ع خدي نبكي بس من دون صوت
رفع ايده ومسح الدموع اللي ع خدها :لهدرجه الحكاية حزينه.
شديت ايده بي ايدي :مالك هادي قصتك انت صح
مالك:☹
نوضت قعمزت بعد مالك ايده اللي ع خصري وهوا يشبحلي قربت منه وحضنته بقوه واني نبكي ونتكلم:انت اللي انقذتني يوم الحادت صح انتي اللي تبرعت بدمك لياا  انت من اول يوم شوفتني عرفتني بس اني ماعرفتكش هدا كله صارلك يااامااالك انت من اول شوفتني كنت خااايف عليااا حتي زواجك مني لأنك خااايف عليااا
مالك:😶
بعدت عنه واني نشبحله وعيوني ف عيونه:اني اسفه مالك لاني قولت عليك قات____حط يده ع فمي
مالك:اششش اسراء لو في تعزيني حتي شوي باللهي عليك هالكلمه معادش تقوليها
هزيت راسي وسكت ابتسم مالك ورفع ايديه يمسح ف دموعي اللي ع خدودي ابتسمت ع حبه ليا اللي واضح بعيونه
مالك ردلي نفس الابتسامه:مازال مش مفكره ترقدي
ضحكت وهزيت راسي سحبني ليه مالك ورجع حضني:خلاص خلينا نرقدو ومعادش تفكري ف شي انتي معاااي توا
ابتسمت ع كلام واخيرآ حسيت بالأمان معاا شخص بعد عيلتي
عمري ماحسيت بي راحه زي معا مالك حتي سفيان قبل كنت نحس بالخوف منه وانه ف اي لحظه يتخله عني ويسيبني بروحي بس هالشعور معاا مالك عمري ماحسيت بيه بالعكس نحس فيه مستحيل
يخليني ف حالي
حسيت بي مالك وهوا ياخد ف شرشف يغطي فيا اني وياااه زدت ذفنت راسي ف صدره .........................في الحلقة القادمة
_______________________
نشاءالله تعجبكم الحلقة معليشي هالحلقه ليها فتره جاهزه بس محصلتش وقت فاضي
ياريت لو تدعوا لي ماما بالرحمه💙💛❤🖤🤲
#كابوس ' #رواية_عويشه '#الكاتبة_عويشه