كابوس

                                     (13)

"إذا لَم تَنَجَّح هَذِهِ الْخُطَّةِ غَيْر الْخُطَّة وَلَكِن أبداً لَا تُغَيِّرُ الهَدَف "

#كابوس
#رواية_عويشه ❤🧡💚💙💜
______________
طلعت للجنان واني نشوف فيه فاضي شوفت الجيهه اللي شوفت فيها سفيان امشيتلها واني نشوف لو فيها حد واني متوقعه نلقاه اهني
بس اتنهد لما اللقيته فاضي لفيت كنت راح نمشي بس حسيت بي يد شدتني..
شهقت لما شوفت سفيان واقف قدامي
سفيان:تي وينك يا اسراء سبوع كامل واني انجي اهني نبي نشوفك وانتي ماتطلعيش
أسراء:سفيان انت كيف تقدر تخش اهني
سفيان:مافي شي صعب علياااا المهم شن صار فكرتي ف ياللي قولتلك عليه
أسراء:اني مش قادره نوتق فيك مجديد
سفيان وهوا يقرب يشد ف كف يدي بيديه:انتي قلبي يا اسراء صدقيني كان غصب علياا انه نبعد عنه كله من راجلك المجرم هدا مفروض انكون اني وانتي متزوجين منه بس هوا اللي خش بينا وغصبني نبعد عنك
نشبحله واني محتره منعرفش شن راح نقول هالنصدقه ولا لا
سفيان وهوا يضغط ع ايدي بقوه:باللهي عليك وافقي يا اسراء خلي نرجعوا لبعض لو كان مازال عندي حتي شوية حب ف قلبك فكررري أسراء
رفعت عيوني في اعيوني وزدت ضغط ع ايده:موافقه يا سفيان
سفيان:مووووافقه ااااء
هزت راسها اسراء :ايه موافقه
اضحك سفيان وقرب باس ايد اسراء
سفيان:ياعمري صدقيني مش راح تندمي
أسراء:بس كيف راح نطلق منه هدا مستحيل يوافق ايطلقني
سفيان:ساهله هادي
أسراء:كيف ساهله
سفيان :في حل واحد
اسراء:شن هوا
سفيان:___________
//////////////////////////////////////////
نزل من سيارته بهيبته وخش للمعسكر والدخان ف فمه شاف 4شباب يطلعوا من الباب الخلفي للمعسكر
استغرب مالك لحقهم وشافهم يمشوا لي جيهه بعيد
عن المعسكر  مشي وراهم شاف شباب لابسين عسكري من الكتيبة مقعمزين ويشربوا وشكلهم فاقدين الوعي يضحكوا بدي يتكلم واحد من الشباب
"حي ع امك كان يشوفنا اللواء
"وكان شافنا شن بيصير يعني
"بيقتلنا شن بيصير
"يقتل امه تبي راجل اني مايقدرش علياا
"تي وين مايقدرش عليك تي هدا معروف حربي
"اني مش خايف منه وبعدين هوا قوته بالكتيبه والباقي بوفته
مالك:من البوفته يا..........
"رفع عيونه ف مالك المعصب كان راح يوقف بس حس بتقل ف رجليه
جااه مالك نزل فيه ضرب هوا واصحابه بعد عنهم
وهوا دهش رفع تيلفونه اتصل بالكتيبه وجوهم اخذوهم....
.
.
.
فتحت الباب وخشت وهياا شارده تفكر ف سفيان وكلامه والطلب اللي يبيه راح نديره ولا لا
خشت لدار فتحت الدولاب خدت بيجامه لبستها
قعمزت  ع السرير وتغطية واني قاعده نفكر ف كلام سفيان ماحسيتش با مالك اللي خش لدار انتبهت ليه كيف كانو احوايجه دم وايديه دم شهقت شبحلي وهو يرفع ف حاجبه بمعني خيرك
أسراء:علاش احوايجك وايدك دم
مالك وهوا يرفع ف ايده ويشبحلها تكلم ببرود:حاجه بسيطه بس في شخص اغلط ونال عقابه
شهقت وحطيت ايدي ع فمي:قتلته
ضحك مالك بهزوه فتح الدولاب وخدي حوايج وجي قرب من وجهي اني خفت بعدت عنه بس هوا زاد قرب وجهه اكتر وقال:صدقيني الموت ارحم ليه من ياللي درته فيه .كمل كلامه وابتسم وقرب باسني من خدي وبعد عني خش للحمام اتنهدت واني نفكر شن راح يدير فيا لو يعرف اني ف شن نفكر بس اهم حاجه انه نتخلص منه حطيت راسي ع الوساده
وايدي تحت خدي واني شارده شهقت لما حسيت بيدين الاتنين ع خصري وهوا يقربني مني ويدفن ف وجهه في رقبتي بديت نتنفس بقوه واني خايفه
مالك تكلم وهوا قاعد وجهه ف رقبتي:اهدي ياملاكي اني مش راح ندير فيك شي
اتنهدت وغمظت عيوني وقاعدت نفكر ف سفيان وذكرت ذبلة مالك واللي مكتوب عليه بديت ننعاس بالشوي لين ارقدت
.
.
.
فتحت عيوني نوضت قعمزت شوفت لجيهة مالك فاضيه نزلت من ع السرير خشيت دوشة وطلعت لبست توته وامشيت لمطبخ افطرت وطلعت واني نسمع ف صوت من دار قربت منها كان الباب مفتوح شوي زدت فتحته كانت صالة رياضه كان مالك يرفعا ف الحديد فوق كانت عضلات بطنه واضحه وجسمه كله اميه قعدت نشبحله لين وقف وكان رح يتلفت بسرعه امشيت نجري لدار قعمزت جنب الروشن خديت كتاب اسمه (كون قويآ)بديت نقرأ فيه بعدها حطيته ع الطاوله وقفت نتفرج من الروشن انفتح الباب وفاحت ريحة عطر مالك ف الدار كلها قعدت نشبح لروشن خش للحمام يدوش واني قعدت واقفه ف مكاني بعد فتره طلع من الحمام وامشي لدولاب اخدي احوايج تلفت شبحتله كان لاف منشف ع خصره وجسمه كله مبلول رجعت نشبح للروشن ومالك خش للحمام من جديد بعدها طلع من جديد وكان لابس وريحته قويه هلبااا
لمحته وقف وراي رفع ايده وحطها ع شعري
وهوا يلمسه بخفه شد خصلات شعري بعدهم عن رقبتي ودفن وجهه ف رقبتي وانفاسه الساخنه تحرق فيا بعدها بدي  يبوس فيها لين شهقت لما عظني لين راح لونها أحمر  رجع يبوس من جديد
مالك:علاش كنت وقفه جنب غرفة الرياضه
اسراء ارتبكت:كنت طالعه من المطبخ وسمعت صوت من الدار هادي ووقفت نشوف مني بس
مالك:علاش طولتي وانتي واقفه
أسراء:انت كيف عرفت انه اني كنت واقفه وطولت
مالك:ماتجوبيش بسؤال قولي
أسراء:قولتلك بس نبي نعرف من ف الدار هدا هيا وبعدين مشيت بسرعه
لفني ليه وهوا مركز ف عيوني نظراته وجهه هاديه مش معصب اني خايفه يكون وارء هالهدوء شي تاني تكلم وهوا يرفع ف صبعه يحط فيه عيني
مالك:كذابه واني ما نحبش الكذب اسراء عقاب الكذاب يوجع هلباا عشان هكي حوالي انك مدسي شي عني
بلعت ريقي وحبست انفاسي نبرة صوته الخبيته تخوفني اني نحاول قداش مانقدر نخفي التوتر
اني لازم نهدا لانه لو يعرف اللي بندير اكيد راح يقتلني
مالك:هيااا نطلعو ناكلوا
سحبني من يدي وطلعنا لصاله تفجاة انه الطاوله جاهزه وعليها الاكل قعمز ع الكرسي الرئيسي لطاولة وقعمزت ف جنبه اكليت وكان الجو هدوء تسمعي كان صوت الكوشيك كسر الصمت وقال
مالك:تعالي معاي نبيك ف المكتب
ناض من ع الطاوله امشي فتح باب الحوش وطلع منه اللحقته اني وصل قدام باب ع لوحة مفاتيح الإلكترونيه بدي يكتب ف رقم كان نفس الرقم اللي ع ذبلته انفتح الباب خش هوا واني وراه هادي اول مره من لما تزوجت نخش للمكتب
كان فيه وراق ع الطاوله وكمبيوتر كان المكتب مرتب بطريقه حلوه قعمز مالك ع كرسي جلد شبحلي وقال:تعالي هني
تقدمت منه بخطوت بطيئه وخوف وصلت لمكان اللي أشر عليه نحى الأوراق والكمبيوتر من ع الطاوله وبحركه سريعه شدني من خصري رفعني وقعمزني ع الطاوله شهقت وحطيت ايديا الاتنين ع كتوفه
مالك:غدوه مش راح نكون ف الحوش ياملاكي
وفي مصلحين بيجو ايصلحو اهني ف الدوار هدا مانبيكش تطلعي بكل من الشقه ونتمني انك تنفدي كلامي
أسراء:مصلحين لي شنو
مالك:لي كاميرات المراقبة ابتاع الدوار هدا خربوا
صح هيا خاربه بس مش معناها انه اني مانشوفش فيك يا ملاكي
نصدمت طلعوا في كاميرات مراقبه هني لا وخربو  وغدوه بيصلحهم يعني فرصتي غدوه قبل يتصالحو
ركزت ع  مالك اللي ناض أوقف وهوا يقرب مني اني نشبحله وساكته من دون مانتحرك عشان مايعصبش
مد يده وشد فكي وقرب يبوس فياااااا وأيده تضغط ع فكي وهوا يزيد يقربني منه اكتر ويتعمق اكتر ف البوسه رن تيلفون مالك فصل البوسه وبعد عني شوي وهوا يطلع ف تيلفونه ويرد ع علي اللي قاله انه لازم ايجي لي المقر اللي هوا المعسكر صكر منه
ولف شبحلي من جديد
مالك:هيا نطلعو
امشي مالك لباب واني نزلت من المكتب ولحقته طلعت اني وياه برا ونسمع فيه يسكر ف الباب امشينا لشقتنا خشيت داخل لدار قعمزت ع السرير ونشوف لمالك اللي يطلع ف احوايجه وخش للحمام غير بعدين طلع برا
اتنهدت واتكيت ع السرير ورقدت بالنووم فاات الوقت واني راقده حسيت بي حاجه نعامه ع خدي فتحت عيون شوفت مالك بعد عن خدي وهوا يشبحلي وأيده ع وجهي تتحرك اني نشبحله بعيونه نعاسه مازال فيهم النووم
مالك:ملاكي نووضي وقت العشي هيااا ننزلوا نتعشوا
هزيت راسي بمعني باهي أوقف مالك وطلع برا الدار
استغربت تصرفاته هالفتره يتصرف معااي بحنيه غريبه اني لازم نعرف كل شي يخص مالك وفرصتي غدوه غيرت احوايج وطلعت اللقيت مالك مقعمز يتفرج ع الاخبار لما شافني طفه التيلفزيون وناض اوقف شبحلي من فوق لي لوطه
رفع حاجبه مالك:وين وشاحك
حطيت يدي ع شعري وشهقت خشيت نجري خديت الوشاح وطلعت نلف فيه ع شعري وقف مالك جنب الباب شبحلي وضحك:انتي توا عسل
وقرب مني وحط يده ع خدي وكمل كلامه :معادش تنسيه تسمعي فياااا
هزيت راسي
مالك:عندك السان تكلمي
اسراء بصوت واطي هلباا:حااضر
ابتسم وباس خدي وشد يدي واني عيوني ف يده وخايفه نحرك ايدي يضربني
مالك:هيا ننزلوا
طلع هوا واني وراه وعيوني ف ايده نزلنا لوطا واني نحاول نفك ايدي منه بس ضغط ع ايدي لين اوقفنا قدامهم كان يتعشوا مقعمزين ع الطاوله ومعاهم ليل وصغارها
مالك:السلام عليكم
الكل:وعليكم السلام
ليلي:كيف حالك يا اسراء
اسراء:الحمدلله
فتحية:هيا تعالو تعشو
بعد محاوله مالك طلق ايدي امشيت قعمزت جنب سوسن ومالك قعمز جنب معتصم وبدي ياكلو وهما ساكتين شبحتلي ليلي :اسراء وينك اليوم منزلتيش
كنت راح نتكلم بس شهقت من خبطت مالك القويه ع الطاوله :كولي وانتي ساكته بعدين هدرزي
اني رجعت شبحت لي ليلي اللي نزلت عيونها لوطه
كملنا ماكله وساعدنا وفاء في غسل  الماعين ودرنا قهوه وقعمزنا جنب عميمه فتحيه ومالك ومعتصم
مالك:غدوه بيجو ايصلحو ماحد يطلع من داره
معتصم:شن بيصلحو
مالك:بيصلحو الكاميرات اللي ف الدوار اللي فوق
ليلي:مالك بنقولك حاجه
مالك :قولي
ليلي:عزمتنا عمتي مبروكه ع عرس ولدها خالد
مالك:بااه والمطلوب
ليلي:وراس خوي الغالي خلي سوسن واسراء يمشوا معنا
مالك: انتي امشي لكن سوسن واسراء طلوع برا الحوش مافيش
ليلي:علاش يامالك
مالك:اني هكي قولت كلمه هيااا
فتحية:بااهي حاضر ياولدي خلاص غير انت متعصبش
مالك ناض أوقف وجي لي كرسي معتصم دفه وطلعو هما الاتنين برا
سوسن شبحت لي ليلي:توا شني الحل
ليلي:واني وين نعرف
فتحية:اسكتي انتي ويااها ع اساس ماتعرفوش مالك
من قبل معروف ممنوع الطلوع للمناسبات
ليلي:قولت اكيد تغير بعد تزوج لكن التعقد نفسه قاعد مابعدك ياسراء شن امديره معاه هدا
شبحولي كلهم اني سكت شدت ايدي سوسن:باللهي يا سرو حاولي معااه بالك يخلينا نمشو
اسراء:مستحيل يوافق
ليلي:انتي غير حاولي معاه مالك شكله ميت فيك اكيد مش راح يرفضلك طلب
فتحية:اركحي انتي وياااه عن المراه تبوا اديرولها مشاكل معا راجلها مالك قال لا معناها لا
وناضت فتحية خشت لدارها جوني يجرو سوسن وليلي قعمزو ف جنبي بسرعه وبدو يشبحولي بي براءه
اسراء بستغرب:علاش تشبحولي هكي
سوسن:انتي اكتر مرت خو غاليه علياا
ليلي:ع اساس عندك مرت خو تانيه
ضحكت علي كلام ليلي
سوسن:انتي سكري فمك باللهي وراس سرو حاولي معا مالك اكيد راح يوفق
اسراء:سوسن اتي تعرفي خوك تور مستحيل يوافق مني
ليلي:هوا من ناحية تور الا ديناصور
سوسن:انتي غير جربي بس وراسك ورحمة اهلك
أسراء:اووووف اني راح نجرب بس متوقعيش يوفق أمته هوا العرس
ليلي:السبوع هدا لا اللي بعده
اسراء:اوووف حاضر توا نجرب
كملناااا هدرز لين روحت ليلي وخشت سوسن بترقد واني قعدت ماقعمزه لوطه ماخطريش نمشي لي شقتي قعدت مقعمزه نتفرج سمعت صوت الباب شوفت معتصم خش وهوا يرص ع البطمه ابتاع الكرسي ويتحرك لما شافني ابتسم وقال:وين العيله
رديت الابتسامه:رقدو
معتصم:وانتي مافيش نوم
اسراء:لا مافيش وماحبيتش نمشي لشقه قولتي خلي نتفرج اهني
معتصم:نخنقتي منها صح
اسراء:ايه اني مش متعوده نقعد ف نفس المكان من دون مانطلع
معتصم:مازال ماشوفتي شي
اسراء:كيف
معتصم ارتبك:قصدي مالك منعك من الخدمه صح
أسراء:ايه وانت من وين تعرف
معتصم:مالك هكي نظامه ممنوع كل شي ع البنت انه تطلع وانها تسوق وانها تختر اللي تبيه بروحه حتي الحلم ممنوع انها تحلم عنده
اسراء:نعم هدا شن ايحس هدا اسمه تعقد
معتصم:بالعكس عند مالك هدا تملك مايحب حد ياخد منه حاجه يحبها من لما احني صغار هكي وانتي توا هكي عنده يااسراء ليه هوا بروحه حاجه تخصه يعني لو ديري مادير
اسراء:بس هكي بيحرمني من كل شي نحبه
معتصم:انك تنحرمي من كل شخص ولا تنحرمي من روحك خليك وعيه وافهمي كويس كلامي انتي عشان تعيشي الحياة اللي تحلمي بيه وعشان تغيري مالك وافري الأشياء اللي نحرم منها هوا واستغلي
الأشياء اللي يحبها لصالحك وابتعدي عن الأشياء اللي تعصبه احسن ليك ومافيهم انك تهدرزي علياا
لانه لو شافنه وقتها عنده كلام تاني معانا وتوا تصبحي ع الخير وفكري بي كلامي كووويس
ضغط ع البطمه وامشي واني نشبحله ومش فاهمه حاجه حسيت انه يحذر فياا من شي مش قادر يقول شن هوا اتنهدت واني نشوف لي مالك اللي فتح باب الحوش وخش وهوا الدخان ف فمه ويدخن والتيلفون ف ايده بدون مايلحظني كان بيرقا الدروج بس أوقف لما سمع صوتي
اسراء:مالك
تلفت مالك وهوا يشبحلي ومصدوم انه قولت اسمه😶
واقفت نشبحله بخوف خايفه نقرب منه
مالك بحاجب مرفوع:ف حاجه
هزيت راسي بخوف :لا بس كنت بنقولك انه اني قعدت هني بس عشان نكسد لانه مليت من الشقه هدا ليش قعدت هني
حس مالك بخوفي حط التيلفون ف جيبه ومد يده جيهة واليد التانيه شد بيها الدخان وحطه ف فمه وبدي يدخن اني نشبحله ومش فاهمه قصده شني
هز راسه مالك وقرب شد ف ايدي وامشي قدامي واني وراه وأيده التانيه طلع بيها الدخان من فمه
مالك:انتي علاش عندك الفهم بطيء
اني سكت وهوا كمل يرقا ف الدروج واني وراه لين وصلنا لي شقتنا فتح الباب وخش قدامي واني وراه طفه الدخان وامشي قدامي لدارنا خش داخل طلق ايدي اني رميت وشاحي وفتحت الدولاب وخديت حوايج وكنت راح نمشي لحمام بس شد ايدي لفيت وجهي وشبحتله واني مستغربه :اسراء نبي نفهمك حاجه انتي لتو ماتعرفيهش
اني ستغربته :شن هياااا
مالك خدي الحوايج من ايدي وحطهم ع السرير وشد ايديا الاتنين وهوا يضغط عليهم قرب بأسهم
وشبحلي:اخر مره تقعدي لوطه من غيري تمام
هزيت راسي بخوف
مالك:وحاجه تانيه ف الدوار الاول ف ممر ممنوع ع الكل يخشو ليه وهدا الكلام ينطبق عليك فهمتي
اسكت ف البدايه لين سمعته عاود كلامه من جديد
هزيت راسي وقولتله :حاضر
ضحك وقرب باسني من خدي وقال:توا خشي غيري حوايجي وطلع برا الشقه
اتنهدت واني محتره مش قادره نفهم حيرني هالشخص الغموض ابتاعه بيقتلني خديت حوايجي وخشيت للحمام ................
---------------------
إني أُحمّل اللغة فوق طاقتها حين أفكر أن أكتبك،
حتى اللغة لا تستطيع وصفك... إنك ثقيل جدًا مليء بالمحاسن، أنت ثقيل على اللغة.💜
_______________
اسفه صح الحلقة قصيره بس عندي امتحانات ومش محصله وقت
#كابوس 👻☠
#الكاتبة_عويشه ❤
#رواية_عويشه 🧡🧡🧡