كابوس

                                            (12)
طيفٌ لَا يَزول . . . وذِكرى عااابِرة . . .
ليّتَني أتخلصُ مِن تِلك الذِكَرياتُ الَّتِي حاوطَتني بِهَا وَ بِكُل زَاوية مِنْ قَلْبِي أجِدها . . .
ليّتَني أَنْسَى تِلك اللَّحظات الوهميّه الَّتِي عِشتُها . . .
ليّتني لَمْ أَخُوض تِلك الحَرب الزائِفة . . .
و أبتْعدت عَنْ هَذَا الطَّرِيقِ الَّذِي جَمعني بِك . .
وليّتني لَم ألقَاك صُدفة مِن بَيّن جَميع البَشَر . .
وَلَّيْتَنِي لَم أعُدْ أُفَكر بِك فِي كُلِّ كُوب قَهوة أحتسيه وَحْدِي ، وبِكُل شُرودِ ذِهنٍ لمْ تَكن فِيه . .
فَقدْ عَلّقتَ قَلبي لَا بلْ رُوحِي بروحِك يَا مَنْ لَيسَ لهُ رَوْحٌ ، فَقَد خانتني مَشاعِري ، حاولتُ الاِبْتِعَاد لَكِن الْأَرْوَاح مَا زَالَتْ بالأحلام تَتَلَاقَى . . .
إلَّا ليّتَ الزمانُ يَدور يومًا وأنْسى ذِكراك الَّتِي عَذّبت ضَمِيرَي وَأَلَمَّت فُؤادي . . .
فَأنا العاشقةُ المتيّمة لَا بلْ المُستَهامه لِفؤادِك ورُوحِك وعَقلِك ، كَفاكَ إيلامًا لِهَذِه الروحُ الرَّقِيقَة .
💜🌸
~~~~~~~~~~~~~~~~~~~~~~~~~~~~~~#كابوس
سفيان :اسراء هدا اني
اني قعدت نشبحله بصدمه كان قريب وجهه مني
سفيان:بنزل ايدي من ع فمك لكن ماطلعيش صوت
نزل ايده تكلمت بسرعه:انت شن ادير اهني وشن تبي مني
سفيان:اسراء اني استاحشتك
ضحكت بهزوه ع كلامه جتني هستيريا من الضحك
بعدها تكلمت:شن هياااهههههههههه استاااههههههههههه
سفيان:ايه اني مانقدرش نعيش من غيرك
اسراء :احلف باش نصدقك
سفيان:واللهي الله
ضربته كف بقوه ع وجهه شبحلي وهوا مستغرب
أسراء:انت اكيد زارط حاجه وجاي صح مستحيل تكون بوعيك انت تسمع ف روحك شن تقوول اني توا متزوجه جايني توا بعد تزوجت وع ذمت شخص
توا تقولي استاحشتني وينك قبل العرس وين نترجى فيك اااه وينك توا اذكرتني ولا الفلوس كملوا
سفيان:انتي من جدك مصدقه اني نحبك عشان فلوسك انتي مصدقه اني ندير هكي
اسراء :ايه نصدق لانه تخليت عني والدليل اني متزوجه توا من غيرك
سفيان وهوا يحط ف ايديه ع خدودي :اني كنت مغصوب كان يهدد فياا بيقتل امي واختي ياسراء والا وربي يشهد ماحد راح يتزوجك غيري.
كنت نشبحله بصدمه بس بعدها ضربته ع صدره واني نبعد فيه عني بس زاد قرب مني
أسراء:اني معادش يمشي عليا كذبك
سفيان:اني نعرفك انك لتو مش قادره تنسيني وعيونك واضح عليهم انتي بس فكري كويس علاش ف يوم وليل وفجأه جيت وقولتلك مانحبكش انتي فكري وركزي ع الشخص اللي متزوجتي
قعدت ساكته ونشبحله خوفت نصدقه يطلع يكذب عليا
سفيان:اني راح نخليك اليوم تفكري وغدوه ردي عليا راح تلقيني نستني فيك اهني
سمعت صوت شخص يمشي بعد عن سفيان وامشيت نجري لين خشيت ف شخص بقوه حسيت بيه حط ايديه ع خصري وبعدني عنه وشبحلي
مالك بنظرته الحده : انتي شن اديري اهني
اسراء بتوتر:اني اني اني .ورفعت عيوني ف الجهه اللي كان فيها سفيان
مالك وهوا مركز علياا :فاش تشبحي
شبحتله بسرعه:ولا حاجه
مالك:متأكده
هزيت راسي بقوه بعد عني مالك وامشي لي جيهه اللي فيها سفيان:خليني اني نتأكد معناها
اني خوفت منه بدي مالك يقرب يقرب لين وقف ف نفس الجيهه اني قلبي بيوقف شبحلي مالك بنظرات
🔥
اني خوفت منه بدي يقرب ليااا واني جسمي كله يرعش شد يدي بقوه اني شهقت بخوف
مالك:انتي شن اديري اهني
أسراء:اءء انييييي
مالك بصوت عالي:انتي شني
اسراء زدت خوفت ونزلوا دموعي ونتوجع بسبب ايدي اللي شدها
مالك:تكلمييييييي
كنت بنتكلم بس سمعت صوت سوسن:اسراء وينك معليشي تأخرت عليك ماااالك روحت اني قولت لي اسراء نطلعوا نهدرزو ف الجنان اسف معليشي سامحني
عيوني ف عيون مالك اللي يشبحلي بنظرات تقتلوو
بحركه مفاجأه قربني ليه وحضني اني خوفت منه حركاته هادي تخلي فياا نخاف منه نحس بي انه مريض نفسي
سمعت صوته يكلم ف سوسن: اني شن قولت ع الطلوع ف الليل اااه هادي اخر مره مره تانيه كلام تاني معاكم فهمتوا .هزت راسها سوسن وخشت
اما اني ف قاعده ف حضنه حاولت نبعد عنه بس
ضغط بي ايده ع خصري وهوا يزيد يحضن فياا
اسراء:بعد عني خليني نمشي داخل
مالك :انتي قاعده ماقولتيش شن اديري اهني
اسراء:سمعت سوسن شن قالت طلعت اني ويااه بس بعدها خشت داخل وجت انت اللي فاهم غلط
مالك وهوا يحرك ف صبعه ويرسم ف دائره ع خصري .اممم باهي ياملاكي انتي علاش خايفه
امديره شي وخايفه منه
هزيت راسي بسرعه بمعني لا
ابتسم مالك:اممم بس انتي امديره شي ولازم تتحسبي
اسراء:اءءء شني
رفع يده داخل الوشاح وشد شعري بقوه وقربني من وجهه:اخر مره تطلعي هكي ف الجنان تسمعي فيا.
شهقت حطيت ايدي ع ايده ودموعي ينزلوا:اءءء عن اي لبس تتكلم اني لابسه وشاح
رفع ايده التانيه من ع خصري وفتح الوشاح من قدام ونزل ايده من جديد لي خصري وضغط عليه بقوه لين توجعت دفن وجهه ف رقبتي :صح لابسه الوشاح بس لبستك مش لابسه تطلعي فيها حتي قدام خوي معتصم فهمتي اخر مره تلبسي هكي من جديد اللبسي طويل واسع ع جسمك سمعتيني
هزيت راسي طلع تنهيده قويه وهوا يزيد يدفن وجهه ف رقبتي وانفاسه تحرق فيا
اني رفعت ايديه وحطيتهم ع كتفه انبعد فيه:مالك بعد عني توا يشبحنه حد
مالك وهوا يبوس ف رقبتي ويرقى بشوي :وحتي لو شافونا وبعدين حاجه تانيه لازم تعرفيها يا ملاكي انه الجيهه هادي ممنوع حد ايجيها حتي من امي
ف هادي اول مره واخر مره ليك فهمتي
هزيت راسي بمعني ايه بس هوا زاد من بوساته لي رقبتي لين شهقت لما حسيت بيه عضني توجعت منه وزدت واني نبعد فيه ونبكي :بعدددددد عنيييييي
حسيت بيه يرخي ف ايديه من عليا بعد وجهه من رقبتي ورفع عيونه فياا وهوا يتنهد ويرفع ف ايده يمسح ف دموعي:امشي خشي داخل ويويلك نلقاك مره تانيه اهني
بعدت عنه بسرعه وامشيت نجري خشيت داخل
قعد مالك يشبحلي لين اختفيت من قدامه شبح من جديد لي الجيهه اللي كان فيها سفيان وحس بي حاجه غلط ف الموضوع.
الجميع يُعاني من الجميع ، الجميع ضحية الجميع ، الجميع يعلم أنه لا ثقه في الجميع ، الجميع أشرار في نظر الجميع
فمن نحنُ ، و من هُم ..؟💔
.
.
.
قعمز ع الكرسي وهوا يضحك رفع عيونه ف ياللي جي وقعمز قدامه:ها شن صار
سفيان:خلاص يافندي اعتبر اللي تبيه صار عندك
عبدالكريم وهوا يدخن :كأنك واتق بزايده فيهاا
سفيان ضحك:مش واتق اللي متأكد اني نعرفها هادي
كلهم تقدر معاهم الا اني لو نقوللها موتي عشاني تموت
عبدالكريم:معقوله بتسيب راجلها عشانك
سفيان:بشوية كلام مني نخليها مش تسيبه الا تقتله هادي من نوعية البنات اللي تضحك عليها بسهوله
عبدالكريم وهوا ينفخ ف الدخان:اني مش مهم عندي المهم نبي الورق ايكوني عندي اهني والمكافاه بعدها تكون بين ايديك
سفيان طربق صوبعه:اعتبرهم عندك يافندي من لحظه هادي
.
.#الكاتبة_عويشه
.
سكرت باب دارها وفتحت دولاب وطلعت منه تيلفون
"الووو
علي:تي وينك انتي ساعه واني نتصل انشغلت عليك علاش سكرتي فجأه
سوسن:مالك روح هدا علاش
علي:ايه نعرف شوفته لما طلع من المعسكر
سوسن:اني خايفه ع اسراء
علي:وعلاش بتخفي عليها
سوسن :انت تعرف مالك كويس لو تغلط اسراء شن راح يدير فيها
علي:متخافيش اسراء امسيطره ع قلب مالك مستحيل يضرهاا وبعدين هيا اكيد مش راح ادير غلط يكلف روحه صح
سوسن:مانعرفش نبي نحدرها من مالك بس خايفه
علي:سوسن انتي اطلعي من الموضوع هيا مرته وتعرف اللي يعصبه شن هوا انتي ماتتدخليش
سكتت سوسن وهيا تفكر
علي:سوسن ماتسكتيش اوعديني انك تتطلعي منه الموضوع
سوسن:وعددد
________________________
فتحت الباب وخشيت واني نحي ف الوشاح بقوه ونلوح فيه ع السرير بديت نبكي خشيت بسرعه للحمام وسكرته بالمفتاح لانه نعرف انه بيخش لدار
وقفت المرايه واني نشوف لي رقبتي اللي راح لونه احمر بسبب عضته لياا زدت نبكي واني نفتح ف المياه وناخد ونصب ف المياه ع رقبتي بسرعه ونغسل فيه قاعده واضحه هزيت راسي وخديت الصابون وبديت نغيل فيها بهستريااا:لالالا لازم تتنحي مستحيل انخليه جسمي عليه علامه منه
بديت نغسل فيه نغسل ونغسل بس من دون فايده ضربت ايدي ع دولاب واني دموعي ينزلوا اذكرت
كلام سفيان معقوله هوا قاعد يحبني معقوله هدا يكون فعلا مهدده بي اخته وامه معقوله سفيان ارجعلي لانه مايقدرش يقعد من غيري زي اني مانقدرش نقعد من غيره يعني ف امل انه نطلع من هل #كابوس اللي فيه اني توا اتنهدت وهزيت راسي وطلعت لدار فتحت الدولاب خديت بيجامه لبستها
ورقدت ع السرير واني نفكر ف كلام سفيان وهل هوا يحب بجد ام يكذب سمعت صوت الباب نفتح
غمظت عيوني ع اساس راقده خش لدار
^(مالك خشيت لدار اللقيته راقده معاا انه نعرف كويس انها نايض بس تجاهلته فتحت الدولاب خديت سروال وامشيت للحمام نحيت حوايجي ولبست السروال توته وطلعت شوفتها قاعده بنفس الوضعيه راقده اتنهدت جيت رقدت ع السرير وعطيتها بظهري وامشيت فيها نومه بعد يوم كله تعب ف المعسكر ^^^)
حسيت بيه رقد رجع تفكيري من جديد ف سفيان وكلامه بديت نفكر ساعات لين سمعت أذان الفجر توضيت صليته ورقدت
نوضت ع حركته ف الدار فتحت عيوني شوفت مش لابس حاجه من فوق ومن لوطه سروال
^^اسراء نبي نعرف بس علاش مايلبسش ف احوايج شكله يحب المخلوقات اللي ع جسمه ^^
شوفته طلع من الدار نوضت قعمزت واني نحك ف شعري نزلت من السرير خشيت للحمام غسلت وفرشيت اسنوني طلعت من الحمام واني نحس ف روحي جيعانه بنموت طلعت من الدار وكنت راح نمشي لمطبخ بس رفعت عيوني فيه كان مقعمز وحط سلاح ع الطاوله وسلاح التاني ينضف فيه اني خوفت امشيت لمطبخ افطرت وشربت نسكافي وطلعت لصاله أوقفت قدامه هوا تكلم من دون مايرفع عيونه فيا:ف حاجه
اسراء:ايه نبي نرجع لي خدمتي
مالك وهوا يضقق ف تنضيف السلاح:لا
اسراءبصوت عالي:نعمممم
مالك:صوتك
اني زدت رفعت صوتي اكتر :اني نبي نرجع لخدمتي انت تعرف كويس اني خدمتي شني
مالك بعيط:يافررخه قولتك صوتك نقصي احسن لك
زدت رفعت صوتي اكتر من قبل:مانيش منقصه صووتي اني نبي نخدمه تسمع فيااا
ماكملتش كلامي لين اني طايحه ع الارض بقوه بسبب كف منه حطيت ايدي ع وجهي
مالك وهوا يرفع ف صبعه وياشر عليا:هادي اخر مره نسمعك تعلي صوتك عليا مره تانيه نقتلك تسمعي فياا وموضوع الخدمه حوليه من راسك اللي تبيه اني نجيبهولك والباقي انسي
اني نبكي :ااانت من الاول تعرف انه اني نخدم علاااش توا لا ااه
مالك مسح ع لحيته وجي قعمز ع ركبته قدامي اني بديت نوخر بس شدني من ايدي اللي ع وجهي بعدها وهوا يشوف لي مكان ضربته وفمي اللي ينزل منه دم:انتي لو تبي  هالضربه تكون ع جسمك كله اقعدي قولي نبي نخدم كبري عقلك وفكري كويس انتي فلوس مش مستحقه ليهم والخدمه ناقصه زايده
دفيته عني بقوه وتكلمت بصوت عالي:ومن قالك اني نخدم عشان الفلوس ااااه كله ولا خدمتي اني تعبت
ع روحي هلبااا عشان رحت دكتوره وانت جاي توا تقولي ماافيش انت تحلممم لو كان نطلق منك واصلا اني نبي نطلق اني نكرررررهك الموووت ارحم بي مية مره من انه نقعد معااك .كملت كلامي واني نلاحظ ف وجهه مالك اللي تغير بدي ايبان ع وجهه مالك العصبيه راح وجهه شيطان ومعادش نحس بي شي الا وهوا يضرب فيااا بقوه وكام يضرب ف ولد مش بنت بدي يضرب فياا بوكسات ع وجهي وع بطني قعد وجهي وجسمي كله دم كنت شبه فاقده الوعي قرب من وجهي وهوا تكلم وهوا داهش: لو تموتي مش راح نطلقك وراسك هدا افتحي امه احسن وربي الكون نخليك تمني الموت.كمل كلامه وضرب الطاوله كسرها وطلع برا الحوش
اني مش قادره نتحرك نحس بحاجه ساخنه تنزل من خشمي رفعت ايدي بشوي مسيته وشوفته طلع دم
من بعدها معادش نحس بروحي الا واني فاقده للوعي .......................
بعد اسبوع
مقعمزه جنب الروشن نتفرج ع العصفور رفعت صبعي وحطيته ع الزجاج ياريت لو نقدر نطير نفسك  كنت هربت من هدا كله ومن هال#كابوس اللي اني فيه من يوم ضربني معادش شوفته حتي لما نوضت اللقيت جروحي متعالجه بس هوا مش موجود حبسني ف الحوش  مسكر عليا الباب بالمفتاح حتي عميمه فتحية وسوسن ممنوع انهم يشوفوني صوت الأذان كان المغرب نوضت توضيت وصليت وسجدت ندعي لي ربي يفرج همي ويفكني من هالظالم خوفت لما سمعت صوت باب الدار ينفتح وريحته اللي فاحت ف الدار كلها رميت المصليه وقعمزت ع السرير ونشبحله وقف رمي ساعته وخاتمه ومعاه دبله وخش للحمام سكر عليه الباب حسيت بالفضول نضت خديت خاتمه ونشبحله
كان فضه وكان كبير وحلو بعدها حطيته وخديت دبلته كانت فضه حتي هيا بديت نركز ع المكتوب عليها من داخل كان أول حرف غ كنت رح نكمل نقرأ بس خدي الدبله مني رفعت عيوني ليه شوفته واقف يشبحلي بنظرات برود
مالك:من قالك حطي يدك عليها
اسراء بخوف:اءءاني كنت___شهقت لما شد وجهه بيده وضغط عليا بقوه
مالك:اخر مره تحطي يدك ع حاجه مش ليك مره تانيه راح نتفهمو بكلام تاني فهمتي
هزيت راسي ودموعي ينزلوا
مالك بعصبيه:تكلمي
اسراء:فهممممت
بعد يده عن وجهي وخدي خاتمه وساعته وامشي افتح الدولاب خدي احوايج حطهم ع السرير بدي يفتح ف بطم القميص لوحه ع السرير وبدي ينحي ف حزم سرواله غيرت وجهي من عليه نزلت عيوني لوطه سمعته تكلم
مالك:غيري احوايجك باش تنزلي لي امي تهدرزي عليها ليلي بتجي اليوم
سكت واني نحرك ايديا ف بعض لين شهقت لما سمعت صوته العالي :نوووووضيييي
وقفت بخوف امشيت نجري للحمام سكرته علياا دوشت وطلعت واني نربط ف روب الحمام رفعت البرنوص حطيته ع شعري فتحت الدولاب طلعت قفطان حطيته ع السرير سمعته يتكلم ف الصاله طلعت وقفت جنب الباب واني نسمع فيه يتكلم ف التيلفون
مالك:حطه ف المخزن مادير فيه شي لين نجيك
...............
مالك :اني نعرف نتفهم معااه رصاصه وحده تحل كل شي
.............
مالك:توا صكر واني الليله اكيد انجيكم عندي منوبه الليله تم معناها
...............
لما سمعته بيسكر خشيت نجري الدار سكرت عليا الباب واني نفكر ف سفيان كيف راح نوصل فيه لأمه هوا الحل الوحيد ليااااا نخلعت لما سمعته يتكلم من وراه الباب
مالك:هاااااااااا مطوله
امشيت نجري لبست القفطان وخديت السشور انجفف ف شعري كملت تجفيف شعري وبديت نشبح لوجهي كيف الكدمات ف كل مكان تحت عيني وجنب فمي زعما ندير مكياج نخفي اللي ف وجهي ولا لا هوا اخر مره قالي معادش نحط شي ع وجهي
رفعت عيوني ف المرايه شوفته واقف وراي شقهت ولفيت بسرعه نشبحله قرب مني ورفع ايديه يحرك فيها ع وجهي:ديري حاجه تخفي الاتار اللي ع وجهك
اسراء:😶
قرب وشد فمي بيده:احسن ليك اللي صار يقعد سر بينا لانه لو يطلع لسانك راح نقصه .زاد ضغط ع فمي
مالك :فهمتي
هزيت راسي بمعني ايه
بعد يده عني وهوا يقرب يبوسني قريب من فمي اني نصدمت منه بعد عني وهوا يبتسم بخبت
مالك:شطوره حطي وشاح ع راسك لانه صدقيني لو شفتك بلاه كلام تاني بعدين
اسراء:حااضرر
مالك:هيا تعالي ننزلوا معا بعض
أسراء :خلي نحط كريم تخفي الاتار قبل
مالك:تمام اني ف الصاله نستنى فيك
طلع مالك واني جسمي كله يرعش منه ومن تصرفاته اللي مش طبيعيه خديت الكريم وحطيت منه درت مكياج خفيف وخديت وشاح وطلعت اللقيته يقرأ ف أوراق ف ايده لما شافني أوقف خدي سلاحه حطه ع كتف وامشي قدامي فتح الباب واني لحقته سكرت الباب ونزلنا من الدروج شوفت سوسن طلعه من المطبخ جتني تجري وهيا تحضن فيااا
ونظرات مالك مش مفرقتنا
سوسن:انتي كويسه علاش معادش نزلتي
سكت واني نشبح لي مالك اللي تكلم هوا :خليه تسلم ع امي قبل وانتي ستلمتيها
بعدت عني سوسن بخوف وامشي قدامي مالك خش لصاله اللقي امه مقعمزه تتفرج ع الاخبار لما شافتنا وقفت وهيا تشبحلي من فوق للوطه قرب منها مالك باسها ع راسها بس عيونها كانوا معااي
فتحية:كيف حالك يا اسراء انتي كويسه فيك حاجه
مالك:علاش مافيها شي امورها ميه ف الميه
سكت قربت من عميمه سلمت عليها وبوست ع راسها
وقعمزت ف جنبها ومالك طلع .
فتحية وعيونها ف مالك لما طلع شبحتلي وقالت:اسراء يابنتي فيكم حاجه صاير شي معاكم علاش معادش نزلتي وحتي لما نخبط عليك ماترديش مالك دار فيك حاجه
(اسراء علاش تسأل فيا هكي هيا تعرف انه ولدها يمد في يده عليااا مانعرفش علاش بس حسه انهم يعرفوا حاجه اني منعرفهش)حسيت بيها تهز ف كتفي شبحتله:نعم
فتحية:اسراء خيرك ليا ساعه نسأل فيك
اسراء:لا مافي شي غير كنت مريضه شويه هدا علاش قعدت ف الحوش
سوسن جت قعمزت ف جنبي تشبحلي ومركزه ف وجهي سألتهم ع معتصم قالو انه علي رفعه للعلاج الطبيعي
فات الوقت وهدرزت معاهم نضت خشيت لمطبخ بنشرب شبحت للباب المطبخ فتحته واني نشوف لو في حد برا طلعت للجنان واني نشوف فيه فاضي شوفت الجيهه اللي شوفت فيها سفيان امشيتلها واني نشوف لو فيها حد واني متوقعه نلقاه اهني
بس اتنهد لما اللقيته فاضي لفيت كنت راح نمشي بس حسيت بي يد شدتني..... في الحلقة القادمة
.
.
.
"‏إذا ضاقت عليك الأمور وأُغلقت الأبواب في وجهك .. فمفتاح ذلك كله حسن الظن بالله واليقين بأن الأمر كله بيد لله 🍀💙
"#كابوس
___________________
انشاءالله تعجبكم الحلقة والرواية حاجه جديده ومختلفه
2022,6,26❤👻