كابوس

كَآبّـــــــوًُسًــــــــ

                                آلَحً ـلَقــــــة  ❷❷

‏لا شي يعادل قربك بجانبي ، كل الأشياء التي أود أن تستمر هي أنتَ..♥
______________
فتحت عيوني واني نشوف لي سقف الدار  اللي فوقي استغربت اني مرقدتش اهني شبحت لي جنبي مكان مالك فاضي نوضت قعمزت واني نفكر مالك وين نزلت من ع السرير طلعت برا الدار توا وين بنلقاه مالك واني منعرفش الحوش بديت نمشي شوفت الدروج قدامي نزلت منهم واني نادي :مِــــــــآلَكَ يـــــــّــآ مِــــــــآلَكَ
سكت لما انزلت لوطه ووصلت لصاله شوفت مالك مقعمز وامقبيله
عميمه فتحيه تبكي وتمسح ف دموعها وجه مالك كان مايتفسرش
لف مالك شبحلي مد ايده بمعني تعالي جيت بسرعه قعمزت في جنبه واني شده ف ايده تكلمت بصوت واطي مالك بس يسمعني
اسراء:انشغلت عليك لما نوضت واللقيتك مش ف جنبي
مالك سكت وهوا ينزل ف عيونه لوطه
اسراء واني مركزه ع عميمه فتحية:امته جت
مالك:من الصبح نوضت ع صوت الباب
كنت راح نتكلم بس تكلمت عميمه فتحيه
فتحية:ياولدي المشاكل ديما يصيرو ف ابسط عيله مش معناها في اول مشكله تصير تطلع من الحوش
مالك :علاش عندك مشكله بسيطه هادي
فتحية:اللي صار سوء تفهم يامالك يا ولدي وسع بالك وارجع انت ومرتك للحوش وخلي هالمشكله تنحل
ضحك مالك بهزوه:ههه قولتي سوء تفهم بعد كلامكم هدا كله طلعت اني اللي غالط
فتحية:مالك ياولدي هالكلام نهدرزو فيه بروحنا  مش ضروري نقولو كل شي توا
شبحلي مالك وهوا يزيد يضغط ع ايدي بتقه:قولي اللي بتقوليه ياام آًسًــــــــرآء تعرف كل شي
انصدمت فتحية وقالت:اااه تعرف كل شي
هزيت راسي بتقه :ايه نعرف كل شي واني راضيه بي ماضي مالك لانه نعرف كويس اني راح نكون الحاضر ابتاعه
ابتسم مالك وهوا يشبح لي عميمه اللي مصدومه :يام سمعتي كلام اسراء كويس اني من يوم تزوجتها قرارت نخبرها كل شي لانه مانبيش نبني حياتي اني وياها ع كدبه اني ضلمت فيها وكنت الوحيد المدنب بس الحمدالله معا انه الناس كلها كذبت كلامي وصدقت كلام خالي ومافيهم انتي يام جت اسراء وصدقتني وتقت فيااا .شبحلي مالك وكمل كلامه:نـــٌشــآءآلَلَهِ نكون قد التقه هادي
ابتسمت ع كلامه واني نشبحله بحب بس عميمه ادخلت
فتحية:اسمعني ياامالك تبي رضاي وراس وليدي روح معااي للحوش
مالك بعصبيه:مروحي للحوش انسيه بكل بنقعد اهني
فتحية:يامالك وراس ولدي روح لحوشك تعالا معااي
مالك:اني هدا حوشي راح وبعدين اللي تقولي عليه حوشي اني مش واخد حقوقي فيه والناس كلها تعامل فيا اني وحش واصلا خلاص اني قرارت بنسكن اهني وبنربي اصغاري وبنكبرهم اهني
فتحية:معقوله يا مالك بتحرمني من صغارك بتحرمني من شوفتهم يكبرو قدامي
مالك ضحك بهزوه:توا تبيهم يكبرو قدامك تي انتي امبارح تقوليلي خليها تنزل البيبي
فتحية وهيا تبكي:حرررام عليك يامالك اللي اديره فيااا تبيني نموت ااه تبيني نتقطع قداامك اااه قولي قداش مني اني ربيتكم وتحملت مسؤوليتكم بعد كبرتو وقولت بنرتاح ولادي كبرو كل واحد خش ع طريق بوك مات ومعتصم قعد مشلول وغاده وتاير ولدك ماتو ولا من يقولو قاتلهم ولدي لا ومش هكي بس ولدي يدخلوه لي مصحة امراض نفسيه شن تبي ندير اني ااااه كيف تبوني نقسم روحي وين لي معتصم اللي قاعد ع كرسي واني نشبحله كيف كل يوم يتقطع قدامي وهوا متشوق يوقف ع رجليه ولا انت اللي نشبحك شهر بس والباقي في كل جبهه خش وتحجج ببلادك وخوفك عليها فهمني تبيني نموووت اااه نوض نقتل روحي قول الله غالب كان ربي قاعد مخداش امانته ...
كملت كلامها وانهارت من البكي قرب مالك منها بسرعه وهوا يحضن فيهاااااا حسيت قلبي راح يتقطع عليهم كنت نقول اني حياتي وقفت بعد اهلي ماتو بس ف هاللحظه حسيت ربي عطاني عيله تانيه واني لازم نعرف قيمتها قربت منهم حتي اني ولفيت ايديا فوق ايدين مالك اللي حاطهم ع ضهرها شبحلي مالك وهوا مستغرب كيف شافني نبكي وجهي احمر وندفن ف وجهي ف رقبت عميمه
مالك نزل عيونه ع عميمه وقال:ياام باللهي عليك خلاص
فتحية تبكي:روح وراس وليدي معاي اللي بيا بيك يامالك
سكت مالك وهوا يشبح لدموع فتحيه اللي ينزلو
اسراء:خلاص عميمه بنروحو معاك
شبحلي مالك بستغراب رفع حاجبه بقصد متاكده هزيت راسي
فتحية وهيا تمسح ف دموعها:حقه مالك بتروحو معااي
تنهد مالك:حاضر يام اللي تبيه اني فيه امسحي دماعتك الغاليه
ضحكت فتحية وقربت حضنت مالك بفرحه وقف مالك
مالك:اني بنوض نشوف علي برا اسراء اللبسي عبايتك بش نروحو للحوش
هزيت راسي ببتسامه لي مالك اللي تنهد بخوف من المروح
طلع مالك برا لفيت شبحت لي عهااميمه ببتسامه:شن رايك عميمه نشربو قهوه
فتحية:اسراء انتي متاكده
اسراء بستغرب:من شني
فتحيه :انتي فاهمه قصدي الحمل انك تجيبي طفل يكون مالك بوه حاجه مش ساهله مالك مش قد المسؤوليه احتمال توا في اي لحظه يجيك يقولك اني بنمشي لجبهه ومستحيل تقدري توقفي
اسراء بتقة:مستحيل مالك يفكر يمشي لجبهه ويخليني
فتحية:ماتكونيش وتقه زياده عن اللزوم ف مالك لانك راح تنصدمي
زي صدمت غاده فيه هيا حبته وتعلقت فيه اما هوا شني دار يوم معااها وعشره في الجبهه حتي لما بتجيب وتتوجع اني وابوبكر اللي رفعنها لي المستشفي انتي كبيره يا اسراء مش صغيره تعرفي صح من الغلط وتعرفي اللي يصلح بيك
اسراء تكلمت بتقه ممزوجه بخوف:مالك تغير عن قبل وبعدين هوا مظلوم واني متاكده منه هالشي وبعدين اني عكس غاده تعرفي علاش غاده تزوجها لانك انتي بي هكي لكن اني تزوجني لانه يحبني
ومستحيل يخليني في يوم
فتحية:حتي غاده مالك حبها يا آًسًــــــــرآء
وقف واني نشبح ليها:اني بنمشي نلبس عبايتي توا مالك اكيد يستني
امشيت عنها واني نفكر ف كلامها معقوله يديرها ويمشي لجبهه
#كابوس
"‏أنا أعرف أنني سيء في الحب، لكنني أحببتك بكل ما أملك من سوء"
_________________
طلع الدخان من فمه وهوا ينفخ ف الهوا وتكلم بعصبيه:تي ياراجل معقوله تجيبها اهني هدا غير قولتلك مانبي حد يعرف الحوش هدا
علي:تي حلفت معادش تكلمني وانت تعرفي اني عمتي فتحيه عندي امي وبعدين عيب عليك هيااا مشغوله عليك
مالك:حتي لو كنت تقدر تقولي انها بتجي مش هكي نفتح عيوني نلقها قدامي
ضحك علي :خربت الجو شكلهاا هههههه عادي خيرها في غيرها الحياة قدامكم مازال الجو للقدام
رفع ايده مالك بيضرب علي بس هرب بسرعه وهوا يضحك
مالك:اتفووو عليك يا كلب انت وتفكيرك المسخ زيك
لف مالك يشبح لي اسراء الليي واقفه تنادي عليه
اسراء:مِــــــــآلَكَ مِــــــــآلَكَ
مالك:هااااا شويه بس
تلفت شبح لي علي اللي ركب ف السياره شبحلي مالك من جديد وهوا مركز ع الحزن الوضح ع وجهي قرب مني وهوا يحط ف ايده ع خدي:آًسًــــــــرآء فيك حاجه انتي كويسه
هزيت راسي واني نتصنع ف الابتسامه :متخافش اني كويسه
كان راح يتكلم بس طلعت عميمه فتحيه سكت مالك وهوا يبعد ف ايده عن خدي وقال:هيااا اركبو ف السياره
فتحيه:يامالك اني بنمشي اني وعلي لسوق في حوايج بنجيبهم
مالك:انتي شن تبي وتوا نبعت الشباب يجيبهولك
فتحية:لالا لازم انيواللي نمشي
مالك :تمام براحتك هيا اسراء اركبي
ركبت ف السياره واني نشبح لعميمه اللي ركبت معا علي وامشي
قعدت نفكر في كلام عميمه نفجعت لما حسيت بي يد مالك ع ايدي
شبحتله بخوف :ها نعم
مالك:تي وين ليا ساعه نادي عليك في شني شارده
تنهدت واني نحاول نغير الموضوع:مِـــــآلَكَ افتحلنا اغنية نغيرو جونا بيها
ابتسم وهوا يشد في ايدي ويبوس فيها:حاضر انتي تؤمري ياملاكي في اغنية معينه في بالك .شد تيلفونه في ايده وهوا يشوف ف الاغاني عSpotifyヽ(⌐■_■)ノ♪♬
خديت تيلفون مالك منه واني نضحك شبحلي مالك ببتسامه
مالك:خيرك ياهبلا
اسراء:هالمره ع دوقي اني بنسمعو
ضحك مالك ورفع ايده وحطها ع شعره يرجع فيه تالي:هيااا اطربينا
بديت نختار من بين القايمه فتحت اغنية وحطت تيلفون ع رجلي واني نهز براسي ونضحك ونرقص بي ايديا الاتنين ومالك ميت عليا من الضحك بديت نغني معاا الاغنية🎵🎶🎶🔈🔈🔉