كابوس

(9)🪐🌗

"قضيت عمري كله وأنا أشعر دائماً بأن علي ان أغادر"
.
.#كابوس 🪐
.
بديت نحس ف النفس ينقص مش قادره نتنفس الموت احسن ليااا بس فجااااه صورة عيلتي رتسمت قدامي كانوا وجهم حزين كأنه مش عاجبهم اللي ندير فيه فتحت عيوني وطلعت من الميه واني نشهق ونتنفس بصعوبه ونكح:اني شن كنت بندير ف روحي
نضت طلعت من الميه اخديت الديشمابر المعلق لبسته وربطه وطلعت من الحمام خليت شعري نزل ع وجهي رفعت عيوني لدار كانت حلوه هلبااا كانت كبيره كان الورد الأحمر ف كل مكان كانوا حاطين جنب الكنبة كيكه عليها الف مبروك كانت ع دورين
ضحكت عليهم وامشيت أوقفت قدام المرايه وبديت نمسح ف المكياج كملت من المسح نضت امشيت لدولاب فتحته كانوا حوايجه معلقه كان شكله كلها جديده بديت نشبح لحوايجه لين حطيت ايدي ع بدلاته العسكريه اذكرت كيف قتل الدكتور قيس قدامي بعدت يدي عنه وصكرت الدولاب بقوه اتنهدت وامشيت لجيهه التانيه فتحتها واخيرآ اللقيت احوايجي خديت بيجامه خفيفه لبستها
وخليت شعري مفتوح ورقدت ع السرير غمظت عيوني وامشيت فيهااا نومه بعد يوم طوووووويل.
.
.
"سلاماً على قلوب قتلو فيها الحنان فأصبحت لاتشتهي أحداً...🖤
..................................
#كابوس ⚘❤#رواية_عويشه

ف الصباح🪐🌅
فتحت عيوني واني نسمع ف صوت الباب نوضت نزلت من السرير واني نحك ف عيوني ونتاوب
طلعت من الدار اوصلت لي الباب فتحته
سوسن:صباحيه مباركه ياعرسان ووك عليك خيرك هكي
اني استقظت لي روحي وشكلي كيف شعري منكوش
وحالتي حاله اني بديت نساوي ف شعري ونبطم ف بطم البيجامه
سوسن وهيا تشهق :حي فمك مجروحه
اني حطيت ايدي ع فمي وقعدت نفكر شن بنقول:اءءءءء اني اءءءءء هوا اني
ضحكت سوسن :خووي هالمتوحش شن امدير .
اني ساكته ماقولتش ولا كلمه
سوسن :المهم اني جيت بنوضكم عشان الفطور
اسراء:علاش تعبتي روحك
سوسن:لا تعب لاشي تعالي وفاء حطي السفره داخل
خشت الشغاله حطته ع طاولة الاكل وطلعت
سوسن :اسمعي احني اليوم عندنا لازم تلبسي العربي تمام واكيد اماليك راح يجوو عشان هكي افطري بسرعه وراح تجي الكوافيرة اهني تمام
اسراء:تمام
نزلت سوسن وهيا تجري من الدروج ضحكت عليها وسكرت الباب امشيت اغسلت وفرشيت اسنوني وطلعت لصاله شوفت الفطور كان يجنن حطيت ايديا ع بطني واني نسمع ف صوت منها :اااه جيعااانه هلباااا
جيت قعمزت وبديت ناكل وشربت عصير اشبعت نوضت من الطاوله نبي نشوف الشقة كان فيه دار ضيوف وصاله فيه تلفزيون وصالون والمطبخ كان مفتوح ع الصالة يعني يقدر اللي ف صاله يشوفك
طلعت من المطبخ وخشيت لدار النوم اتنهدت كانت حلوه واتاتها حلوه قعمزت ع السرير واني نفكر ف حياتي وكيف راح نطلق منه سمعت صوت الباب نفتح خوفت منه نوضت نجري رقدت ع السرير تغطية باللورغان حتي وجهي سمعت صوت المفتاح اللي حطه ع الطاوله شكله قعمز يفطر تنهدت بعدها
خش لدار كمل خش للحمام سمعت صوت الباب تسكر طلعت راسي من الورغان نتنفس بقوه :يااارب اني وهدا كيف بنعيشوا معاا بعض غطيت وجهي من جديد نفتح الباب
اني فكر بي هالسرعه كمل الدوش
طلع من الدار بعدها ارجع خش للحمام صكره وصوت الميه نفتحت سمعت صوت باب الحوش حي هادي اكيد سوسن نوضت نجري فتحت الدولاب وخديت قفطان قصير لبسته بسرعه وبخيت العطر
وخلصت شعري وامشيت نجري فتحت الباب ابتسمت سلمت ع الكوافيرة ودخلتهم داخل
سوسن:هياا سريوه خلني نخشوا لدار النوم عش اتجهزك رحمه
اسراء:اءءءء مانقدرش لانه اءءءء هوا داخل
واشرت بصبعي ع الدار
سوسن:من هواا ااااهااا قصدك مالك داخل
هزيت راسي بقوه وتنهدت طلع اسمه مالك
سوسن :معناها احني نستنوك ف دار ضيوف وانتي امشي طلعي فجرتك والبدله هيااا نوضي رحمه
ناضت سوسن ورحمه قعمزو ف الدار واني نشوف لي روحي شن لابسه خبط راسي توا كيف بنخش عليه هوا قاعد ف الحمام خلني نمشي بسرعه نطلعهم
امشيت نجري لدار سمعت صوت الميه بااهي قاعد يدوش فتحت الدولاب واني ندور ف الفوجره كانوا حطينها ف الرف الفوقي لدولاب اوووف توا كيف بنوصل اني يحسابوا الناس كلهم نفس ولدهم البالو
قعدت نحول نوصل نرفع ف يدي بس ماقدرتش شهقت لما حسيت بيدين لتفوو على خصري ودفن وجهه ف رقبتي وهوا يتنفس بصوت عالي كنت راح ندوخ من ريحته القويه حطيت ايديا ع ايده واني نحاول نبعده :حاول عني معادش تلمسني
اتنهد مالك وهوا قاعد وجهه ف رقبتي:مش قااادر انتي رحتي اكسجيني ياسراء
نصدمت من كلامه معقوله هدا اللي امبارح ضربني بس لهدرجه يحبني هوا بس اني مستحيل نحبه اني قلبي لي سفيان بس سفيان عمره ماعملني بحب ولا قالي كلام حب نفس مالك
حسيت بيه يبوس فيااا ع رقبتي تخدرت منه تكلمت بصوت ناقص:مالك ___سوسن تستني فيه ف دار ضيوف
مالك وهوا يزيد يضغط ع خصري:تعرفي انه اسمي طالع من فمك عسل
بديت نحاول نبعده عني:بجديات مالك بعد عني
رفع مالك وجهه وحطه ف شعري :اشششش أسراء انتي ليااا اني وبس تسمعي فياا
خوفت نقوله لا يضربني نفس امبارح هزيت راسي:بااهي خلاص بعد عني
اتنهد مالك وهوا يلفني ويخلي وجهي ف وجهه اني شهقت من حركاته رفعت ايديا الاتنين حطيتهم ع صدره اللي كان عليه وشم من بداية كف ايده لي صدره وكان ف حتي ع بطنه وشم كان ارقم وأسماء وعلامات كان مش لابس شي من فوق ومن لوطه سروال بس كان شعره مبلول نازل ع وجهه كان بجدياات مغري كان ملامحه حلوه بس البرود طاغي عليهم كانت لحيته مرسومه ورموشه الكتيفه المبلوله زايده امحليه شكله زاد قربني ليه رفع ايده نزل بيهم الفجره والبدله واني قعده نشبح لعيونه ضحك مالك وزاد قربني وهوا يدفن وجهه ف رقبتي وقال:اااه شكله مش اني بس اللي مانبيش نبعد عنك
شهقت وفهمت كلامه انه قصده عليا دفيته عني وخديت الفوجره واني نتجاهل ف صوت ضحكته العالي رفعت لي سوسن حطيتها ورجعت لدار واني مرتبكه شوفته مطلع الزبون وحطه ع السرير واقف ع المرايه يبخ ف موزيل لي جسمه غيرت عيوني من عليه وجيت لي البدله بنطبها بس كانت رزينه قعدت نحاول بس ماقدرتش رفعت عيوني جت في عين مالك نزلتهم بسرعه
مالك:خليها توا نلبس ونطلعها
اسراء:لا صحيت نقدرها اني اصلا
قعدت نحاول بس من دون فايده حسيت بي ايديه ع ايديا كان واقف قريب مني هلباا كان صدره لاصق ف ضهري حسيت بيه يتنفس ف رقبتي رفعت عيوني فيه كان جهه قريب من وجهي قعدت نشبحله عيونه ف عيوني بعدها نزل عيونه ف فمي بعدت عنه بسرعه :قولتلك نقدر انييي
ضحك بهزوه مالك:مانيش زومبي اني ع فكره
طب صندوق البدله وامشي حطه جنب باب دار الضيوف كنت نشبح لي وشم اللفعه اللي ع رقبته من تالي اول مره نشوفه زين كانت لفعه ولافه ع جمجمه 💀🐍 وكانت نهاية ظهره ف كتيبه بس مش بالعربي كانت بالانجليزي كانت صغيره مش واضحه نبي نعرف كيف انسان مسلم ويخاف ربي ويصلي ايدير ف هدا ع جسمه رجع مالك وهوا يشبحلي :قولي لي سوسن تساعدك انك دخليه داخل
بعدين غير وجهه من علياا وصكر باب الدار تنهدت وامشيت لي سوسن قولتلها تساعدني جت اطب معاي ماقدرنيش جت معانا
رحمه ودخلنه لدار الضيوف حطينه لوطه
سوسن:تي شن هدا فيه كنز علاء الدين
رحمه:واللهي صدقتي
سوسن:نبي نعرف علاش حطينها ف صندوق اااه نبي نفهم
اسراء بحزن :هدا صندوق ام ماما الحاجه الوحيده اللي قعدت ذكره من ماما مرت عمي كانت بتلوحه بس اني خديته وحطيته ف البدله
وحاجات من ماما. دموعي نزلوا
سوسن قربت مني وحضنتني:اني اسفه سريوه مش قصدي صدقيني بعدين خلاص عاد احني توا عيلتك اني اختك وماما هيا امك ومالك بوك وخوك ولا ماتبيش هكي
ضحكت وهزيت راسي:لا نبي لانه بجديات اني نسيت طعم العيله
ولمت العيله
سوسن:خلاص معناها توا احني عيلتك
رحمه:ربي يخليكم لبعض وافرحي محصل حماة طيبه زي سوسن
ضحكت عليها:ايه بجديات تهبلي سوسن
سوسن:لا عاد هكي نتحشم راهو نتغير ونريح واعره وحرفه
ضحكناااا عليها بدوا يجهزو فيااا وكملت لبس بدون مانشوف روحي كيف طالعه رحمه وسوسن نزلوا واني توقعت مالك نزل امشيت لدار فتحتها وخشيت وقفت ع المرايه كنت طالعه حاجه خيال
كنت نتمني نلبسها واني راجلي سفيان كنت حابه ف هاليوم عيلتي تكون معااي كنت نقول سفيان بيعوضني عن فقدان عيلتي بس سفيان هوا اللي نحس بشعور الفقدان من جديد
رفعت عيوني واني نشوف فيه واقف وراي ويشبحلي كان لابس الزبون كان طالع تحفه فنية بيه توقعته يقرب مني ايدير اي لقطه بس قعد واقف يشبحلي بعد فتره من النظرات لي بعض قرب مني اني خفت تنهدت بقوه ورفعت عيوني واني نستنااا شن بيدير
لفيت نشبحله أوقف قدامي وعيونه ف عيوني كانت نظراته غريبه هلبااا مني رفع يده وقربها مني غمظت عيوني بقوه بس بعدها فتحتهم شفته خدي مفتاح سيارته وتيلفونه وطلع برا الحوش اتنهدت وقعمزت ع السرير:اووووف ع هالحاله أمته بنطلق منه
بعدها جتني سوسن وساعدتني ننزل لوطه اللقيت عمتي فتحية تستنااا فيه ومعاها نساوين وبنات واللي فهمته انه عمتهم وبناتهم وخلاتهم حتي هما وبناتهم
بدت تزغرط عمتي فتحية وقربت مني حظنتني بعدت عنها بوست راسها وايدها قعمزت ع الصالون وبدأت العيله اتجي تسلم عليا ويعرفوا فيااا عليهم لين جتني خالتهم:متا الحاليم تاسلت
اسراء:نعم
(طبعآ خالة مالك تكون اخت فتحية من الاب يكونوا خولها امازيغ وهيا متزوج راجل امازيغي هدا علاش تتكلم هكي)
ماجده:متا نانام، منيت العمريم
اني نشبحلها ومش فاهمه حاجه ضحكت فتحية:ياماجده ماتفهمش فيك راه ادوي زين زي العرب معاها
ضحكت ماجده:سامحيني معليشي مش متعوده ع لهجتكم
هزيت راسي وابتسمت
ماجده:شن اسمك ياعروسه وقداش عمرك
أسراء:اني اسمي اسراء عمري 24
ابتسمت ماجده :ربي يبارك جمال ورزانه وصغيرونه
فتحية:تي وين صغيرونه كنتي دكتوره قدا الدنيا
ماجده:مشاءالله والله مالك اعرف يختار
فتحية:ايه والله صبر وحصل
اني ابتسمت مجامله ع كلامهم
وصلوا خالاتي وبناتهم وحتي زكية وغالية معاهم
جوني سندس واميرة حضنوني ومعاهم خالاتي اما زكية وغاليه فقعمزو ع الصالون واضحه عليهم مقهورة وكان يشبحوا لي الحوش وبيموتن من القهر
اني نحضن ف سندس واميرة ونبكي بعدتهم عني خالتي نعيمه وقربت حضنتني وبعدت وهيا تمسح ف دموعي:خلاص قولنااا ياسر ابكي عشان خطري
هزيت راسي وابتسمت عليهم
بدت خالتي نعيمه تغني عليااا:🎵
دكتورة وعطاها العالي....👩‍🍳 شهادة وزفة مع الغالي
فتحية:يامبروك ع ضي عيوني...انشاءالله يدير صغار يجوني
سندس:يامبروك ع عريسك.......اصغير قيسا من قيسك
سوسن:ياغالي مرتك ريناها......بيضه والعربي واتاها
اميرة:هي زينة والزين سلاسل ....ياسعد الي بيها استاصل 💫
سوسن:زول طويل وفيه الرقه.....عطي فيه الموله حقه😉
رفعت حاجبي وقولت ف خاطري:متاااكده تتكلم ع الديناصور اللي متزوجته
سندس:حتي كان قصيره شويه....ضل الغالي يغطي فياا
ضحكت عليهن كيف بدة ف الحرب هادي تقول وهادي ترد
امشي الوقت وروحو الناس وحتي عيلتي روحت قعدتت خالت مالك الامازيغه بس تنهدت مليت من البدله
نفتح الباب وخش مالك :السلام عليكم
الكل رد :وعليكم السلام
فتحية:خش يولدي مافي حد براني خالتك ماجده اهني وبنتها يقين
خش مالك يسلم عليهم وقفت حضنته ماجده وهيا تتكلم بالامازيغه وهوا يرد عليها بنفس كلامها نصدمت معقوله يفهم شن تقول هادي
ماجده:أسد اغد جاي لحنكات(المعني تعالا اعطيني خدودك
ابتسم مالك وزاد حضنها وهيا تبوس فيه من خدوده
ماجده:يلوز مالك (المعني. جيعان يامالك
مالك:واي(بمعني.لا )
بدت تتكلم هيا وياه واني مش فاهمه حاجه كن كلامهم بس لف مالك يشبحلي هوا وخالته وبعدين كملوا يهدرزو معاا بعض
فتحية:خلاص انتي ويااه من هالكلام نفختو راسي
ضحكت ماجده:نحكو ع وسان تاكراولا وامغناس
فتحية:ووك رجعت تتكلم ف هاللهجه من جديد
ضحك مالك:يام نحنا نتكلموا ع ايام التورة وع البلاد
سوسن:هالبلاد اللي قصصها معادش حزو غيرو الموضوع
فتحية:في حد مايحبش يهدرز ع بلاده ياكلبة الكلبات
سوسن:اني مانحبش نهدرز عليها بلادي باهي هكي تي انتم من يوم التوره وانتم نفس الهدرزه تي راهي ليها 10سنين التوره رااه (طبعآ تحكي ع سنة 2020)
تي جت الكورونا وقتلت الناس وانتم قاعدين من عهد التورة
فتحية:ياريتها جتك الكورونا وقتلتك وفكتني من وجهك
ماجده:لا بنتك هادي لسانها يبي قص يافتحية
فتحية:لا يبيه لسانها القص
سوسن:توا ع تورة جابت السلاح والقتل والخنبه لي الناس تبي تقصي لساني هدا كلام حق
عيط مالك بصوت عالي لين اني نفجعت منه وشبحتله:سوووووسن فمك صكري ولا نوضلك رااه
وبعدين اللي تقولي التورة جابتلنا ودرتلنا التورة مادرت شي الكلاب والخوانه والناس الطامعه هي اللي خربت البلاد وتلوح ف وساخه ع التورة اللي دروها الناس الشريفه اللي نصهم ماتوا وقعد شوي منهم اللي مقطوعه رجله واللي ايده واللي قاعد ع الكرسي مشلول وانتي تعرفي كلامي كويس صح
ساكته سوسن ومنزله راسها لين شهقت لما سمعت كلامه:صح ولا لا
هزت راسه وقالت:صح كلامك
وقف مالك وخدي تيلفونه ودخانه:معناها معادش تقولي كلام انتي متعرفيش شن معناااه
فتحية:قعمز ياولدي وين ماشي
مالك:بنرقاا فوق بنرقد تعبان
سوسن:اني اسفه يامالك مش قصدي
سكت مالك وشبحلها شبحه تخوف
ماجده:معناها ياسراء نوضي حتي انتي ارقي معا راجلك وارمي هالبدله اكيد عيتي منها
اني ف خاطري:بااهي اللي ذكرت اني شن لابسه ياعليك حاله وخلاص
فتحية:ايه حقه نوضي وتوا نبعتلك سوسن تساعدك
أسراء:لا عميمه صحيتي مش ضروري خلي نرميها وننزل نساعد سوسن ف تنضيف الحوش
فتحية:لا والله ماتنزلي انتي عروس اليوم تاني يوم ليك عندنا وتبي تنزلي ضمي شن يقولوا عليااا الناس لا حبيبتي سوسن معاها وفاء انتي ارتاحي يابنتي
اني ابتسمت ع كلمة بنتي حسيتها من قلبها طالعه :حاضر عميمه
ماجده:خودي راحتك توا ياعروسه بعدين تقولي ياريتني ماقولت نساعدها.ضحكت
فتحية ضربت ماجده ع ضهرها :حشاني ماندير ف كنتي الشين بعدين اسراء بنتي نفسها نفس ليلي وسوسن مستحيل انزعلها
زدت ابتسمت ع كلام فتحية قداش هالمراه طيبه
مالك:توا بنقعد اني وقف هكي نستنى أمته تكملوا كلامكم
اني شبحتله برفعت حاجب قداش مستفزز هالبارد
فتحية:لا ياوليدي امشي انت وعروستك
قرب مالك بأس راس فتحية وماجده :تيمنسيوين(المعني تصبحو ع خير )
ماجده:اتافم الخير (المعني تلاقو الخير)
قربت حتي اني سلمت عليهم وبوست راس عميمه بصعوبه بسبب هالبلوه اللي لابستها
مالك:هيا اللحقيني
اني ف خاطري هدا صدق روحه وبدي يتأمر علياااا
فتحية:هكي تقولي لي خوك ياحقيره توا نوريك
سوسن:شن قولت اني نتكلم عادي هوا اللي نفعل
ماجده:لا رسمي بنتك لازمها تربيه من جديد ايوه
فتحية:ايه والله نعرف وتوا بنوريها وجهي الجديد
سوسن:باللهي يااماما انتي من لما احني صغار وانتي بتوريني الوجهه الجديده بس للاسف قاعده ع نفس الوجهه من لما احني صغار
فتحية:ياافرخه شكلي بنوضلك توا
سوسن بااهي باللهي عليك شن قولت اني كلامي عادي غير انتم عصبتوا
فتحية:انتي تعرفي كويس احني مش عيله عاديه واللي صارلنا احني مصار لي حد وبدأت ولدي مالك شاف هلبااا وعانه هلبااا وتعرفي انه مالك وطني حر
وعمره كله مشي وهوا من جبهه لجبهه عشان ليبيا تجي تقولي هكي
سوسن:اايه حقه ماما بنسالك سوال
فتحية:واخيرآ فهمتي شن اسألي
سوسن:شن معناااه وطني حر
فتحية وهيا بتنوض:تي امشيييي درقي وجهك
امشت تجري سوسن ولحقته يقين
ماجده هزت راسها :بنتك هادي سعده طايح اللي بياخدها
فتحية وهيا ترجع تقعمز:غير طايح الا امه داعيه عليه يوم عرفه
.
.
.
عند اسراء ومالك(ابطالناااا اللي شوي غجرين 😍🥰))***
مشي قدامي واني ورااه بس مرقش من الدروج اني ستغربت
اسراء:وين ماشي اهم الدروج
مالك شبحلي بهزوه:ترا أحلفي تصدقي ماشوفتهمش
اسراء:🤨
مالك وهوا يأشر بايده :تعالي بنرقو بالاسنساير صعب ترقي من الدروج بي هالدبابه اللي لبستهم ف رجليك بش تطولي يادريه
مشي عني فتح الاسنساير وخش وقعد واقف يشبحلي:ماتبيش ترقي يادريه
واني وقفه مصدومه من كلامه بعدين فهمت انه يتسهوك ع طوولي لحقته واني معصبه وقفت جنبه ف الاسنساير:احترم نفسك ايووه وبعدين انت من تكون عشانك تقول علياا دريه يا بلو
ضغط ع البطمه وهوا يشبحلي من فوق للوطه:والله وصار بديتي يادريه تعالي ف صوتك
شبحتله بتحديدي وبرفعت حاجبه:وبالك مش عجبك اني نعلي صوتي أمته مانبي ونقصه أمته مانبي
انفجعت لما دفني ع مراية الاسنساير وهوا لصق فياا وأيده ع وجهي ويضغط عليه لين رقبتي نجرحت من الفجره:لا ياحلوه هدا مش عليااا اني وقت توقفي قدامي صوتك ماتعليشي علياا والشبحات هادي معادش تشبحهلي لانه بعدين عيونك هادوم نطلعهم من مكانهم تسمعي فياااا عشان هكي كلامي اني ياللي يتنفد فهمتي
اني ساكته ونشبحله ودموعي ينزلوا قرب مني وهوا يبوس ف دموعي اني زدت خوفت من حركاته شكله عنده انفصاام
بعد عني وباس خدي التاني ع مكان الدموع وهوا يمسح فيهم وصبعه بتحرك ع وجهي وأيده يضغط بيها ع خصري:اششش اششششش خلاص ياملاكي دموعك هادي خليهم لايام الجايه لانه بتشوفي شي عمرك ماشوفتيه
اني ساكته ومصدومه من كلامه سمعت صوت الاسنساير وصلنا انفتح الباب بعد عني وطلع قدامي واني قاعده ف صدمتي لين سمعته :بااالك تبي نجي نطلعك
طلعت من الاسنساير واني نمشي قدامه للشقة وصلت الباب وقفت واني نستنى فيه يفتح الباب شهقت لما حسيت بانفاسه الساخنه ع رقبتي وصدره لصق ف ضهري من تالي وهوا يزيد يقرب مني
اني بدي جسمي كله يرعش شوفته يمد في يده ويفتح فالباب بالفتح وهوا قاعد واقف وراي اول مافتح الباب خشيت نجري داخل وهوا خش بعدين وصكر الباب امشيت نجري لدار وهوا وراي فتح الدولاب طلع منه توته وامشي للحمام صكر عليه الباب اتنهدت اني وبديت نحي ف الذهب والفجره
حطيت يدي ع خراصة بنحيها بس توجعت لأنه معقوده ف شعري بديت نحاول كنت نتوجع منها
اتنهدت واني نزل ف ايديا لوطه:اوووف خلك يا اسراء مش تقدري بروحك خلك تستاهلي توا من بيساعدك اووف
شهقت لما حسيت بيده يلتفوا ع خصري ويلفني ليه حطيت ايديا ع صدره اللي كان مش لابس شي عليه كان لابس سروال بس واني نشبح لعيونه رفع ايديه من خصري وبدي ينحي ف خصلات شعري من الخراصه من.............ف الحلقه القادمة
.
.
.#كابوس ❤⚘#رواية_عويشه
نشاءالله تعجبكم الحلقة والرواية حاجه جديده ومختلفه
نبي تفاعل قوي عليهاااا عشان نكمل 💫❤🥰ياحلوين
نحبكم هلبااات💫❤
2022'6'10 🌘