كابوس

(10)
"‏الوهم نصف الداء ، والاطمئنان نصف الدواء والصبر بداية الشفاء.🌿💖
"
شهقت لما حسيت بيده يلتفوا ع خصري ويلفني ليه حطيت ايديا ع صدره اللي كان مش لابس شي عليه كان لابس سروال بس واني نشبح لعيونه رفع ايديه من خصري وبدي ينحي ف خصلات شعري من الخراصه توجعت شوي بس بعدين فتح الخراصه وطلعه من وذني وحطه ع الشكماجه بعدت عنه :خلاص نقدر نكمل بروحي
مالك شدني من ايدي وقربني ليه:لا واضح تقدري ياسرك من العناد
أسراء واني نحول نخليه يطلق ايدي:قولتلك نقدر بعد يدك
ضغط ع يدي بقوه لين توجعت:اءءءء اه
مالك:شن قولتلك اني هكي كلمه مش عشره تسمعي فيا
سكت وخليته ينحي ف الفجره معااي ونحى الرذي امتاع البدله وحطه ع السرير
اسراء:صحيت نقدر نكمل بروحي
هز راسه وطلع لصاله قعمز ع الصالون ومد رجليه حطهم ع الطاوله ولع الدخان وحطه فمه وبدي يجبد منه ورفع راسه فوق طلع الدخان من فمه وخشمه
خديت بيجامه خفيفه لبستها ومسحت المكياج فتحت شعري لانه بجد نحس ف راسي من البدله يوجع فياا نحيت الغطاء اللي ع السرير ورقدت عليه وتغطية وحطيت راسي ع الوساده كنت راح نغمض عيوني بس شوفته خش داخل لدار استغربت منه بس قولت يمكن يبي حاجه بس وقف جنب السرير وهوا ينحي ف الغطاء نضت قعمزت اني
اسراء:لحظه لحظه بترقد هني انت
شبحلي ببرود وهز راسه:امالا وين بنرقد
ضحكت بهزوه:لا انت اكيد تبصر
رفع حاجبه:شن رايك .رقد ع السرير وتغطه
نزلت من السرير:لا مستحيل نرقد اني وانت نفس المكان
مالك:حاجه تخصك
انصدمت منه مستحيل نرقد اني ويااه ع نفس السرير امشيت فتحت الدولاب طلع شرشف وكنت راح نطلع من الدار بس واقفني صوته:وين ماشيه
اسراء:بنرقد ف صالة مستحيل نرقدو ف نفس المكان
مالك بصوت يخوف:ارجعي لمكان وبلا كتر دوه
لفيت شبحتله:نعم غصب هياا قولتلك مانبيش نرقد جنبك وف نفس المكان اني وانت مستحيل
مالك:واني قولتلك ارجعي لمكانك كلمه
عصبت منه وعليت صوتي :واني قولت لا تبي تغصبني نرقد جنبك ماانبيش بش تفهم اااه فهمني
وخرت تالي لما سمعت صوته المعصب و هوا ينزل من السرير ويقرب مني بسرعه ويشدني من شعري
بقوه وتكلم وفمه قريب من فمي:اخر مره تعلي صوتك عليااا تسمعي فياا واني وقت ارجعي لمكانك
فا لازم تعرفي انه هدا امر مش طلب فهمتي ف ارقدي ف مكانك بهدوء احسن مايصير فيك شي انتي خايفه نديره فيك يااحلوه
كمل كلامه وهوا يرفع ف ايده ويحرك فيها ع فمي
ويده التاني حطهم ع بطم البيجامه شهقت ودفيته
عني حطيت ايديا ع بيجامتي واني نضغط عليه ونشبحله كيف يبتسم بخبت:كووويس انك فهمتي شن قصدي
اسراء:انت تحلم مستحيل يصير اللي ف بالك بيناا
ضحك مالك:واللهي ومن راح يمنعني
اسراء وهيا تتصنع ف القوه:اني
ضحك مالك بقوه وهوا يطيق ايديه ف بعضهم:باااللهي انتي بتمنعني صاار
رجع قرب مني واني نوخر لين وقفني الحيط اللي وراي شوفته كيف قرب مني وعيونه نارر:اني ماحد يقدر يمنعني من شي اني نبي نديره تمام وحاجه تانيه النية مازال ماجتش فيك صدقيني اول ماتجي فيك انتي ف ذاتك مش راح تقدري تنقدي روحك مني فهمتي ياملاكي
قرب مني وباسني ع خدي باستفززز تمنيت لو قتلته
بعد عني وهوا يشبحلي ويضحك رجع لسرير وتلوح عليه وهوا يحط ف ايديه تحت راسه ويغمظ ف عيونه:ارقدي ف مكانك لانه وربي لو كان ماترجعي لمكانك اللا مانوض وناخد حقي ف الشرع منك
اني نصدمة من كلامه وقاحته قعدت واقفه ونشبحله بصدمه لين نفجعت ع صوته العالي
مالك بصوت عالي:مكااانك قولت اني
امشيت نجري جنبه ونحيت الغطاء ورقدت ع السرير وتغطية واني نحاول انه مانكونش قريبه منه
لفيت ع جيهه التانيه وخليت ظهري جيهته بس شهقت لما حسيت بيده ع خصري وهوا يقربني منه صدره ويدفن ف وجهه ف رقبتي حسيت بانفاسه الساخنه ع رقبتي
اسراء بخوف :انن__انت شن ادير
مالك يتكلم ونفسه قاعد ع رقبتي:اششششش نبي نرتاح بنومي غمظي عيونك
مد يده وطفي الضي اني شهقت بخوف حاولت نحرك بس ماقدرتش من ايديه
اسراء بصوت واضح فيه البكي:علاش طفيت الضي
مالك:ارقددددي
سكت شوي بخوف ودموعي ينزلوا كانت الدار كلها ظلام مش واضحه حاجه منها بديت نحاول نغمظ عيوني حسيت بيده ع عيوني بدو شهقاتي يطلعو
مالك بصوت هادي:ملاكي تخااف من الظلام
اسراء ببكي:باللهي عليك افتح الضي الدار ظلام اني عندي فوبيا من ظلام
زاد دفن وجهه ف رقبتي:اشششش اني معااك
نتكلم والعبره خنقتني:ب__بس اني خااايفه
مالك بعصبيه:اسراء ارررقدي وانتي ساكته
غمظت عيوني بقوه واني خايفه حسيت بيه يزيد يقرب مني لين ولع ضي السهره ورجع حط خده ع خدي من جنب وفمه ع خدي:اشششش ارقدي توا نخلي الضي والع
غمظت عيوني وهوا يزيد يلف ف ايديه ع خصري بتملك ويقرب فيا اكتر منه بديت نحس ف روحي بنرقد لين امشيت فيهااااا 😴😴😴😴😴
.
.
.
كان مقعمز ويدخن ف دخان حشيش ويهز ف راسه معا الأغنية 🎵🎵
كلموني خدمة منمشيش
كلموني صحابي معينيش
خلوني هنا بعدو قيلوني
سيجارو حشيش