كابوس

                                           (5)

يومآ  ما  ستأتي رياح الحقيقة💨
  لتعصف  رماد  الكذب  الذي💥
يغطي وجوهمم #كابوس 💣
.
.
.
قعمز ع الكرسي وحط طاقيته ع الطاوله:الحمدلله اليوم الكتيبة دهامت وحده من استراحت الدعاره
قعمز ع الكرسي اللي ف جنب طاوله:ايه الحمدلله والفضل كله لي اللواء 11 والكتيبه امتاعه وحتي الرداع معاهم
النقيب:ايه صحه ليه رغم اللي صار في بوها بس قعد راجل ويعرف شن ايدير
العسكري:ايه صح بس معا هدا كله ايدير ف ياللي يبيه ف البلاد قايم دوله بروحه هوا وكتيبته
واللي زايد امحيرني كيف كتيبه كامله فيها اكتر من 300 شخص كلهم يحترموا فيه ويخافوا منه
النقيب:،ماهو قولتلك راجل انت تعرف ان انعرض عليه يكون ف منصب بوه بعد مات بس هوا رفض
العسكري:معقوله ف شخص ينعرض عليه يكون وزير ويرفض ف هالوقت خصوصآ انه مافيش من يقوله الفلوس اللي تصرفهم وين
النقيب:هوا مش مستحق الفلوس الخير اللي عندهم
لي حفيد حفيد حفيدهم يعني مش لازمه فلوس
انفتح عليهم الباب خش بي هيبته عليهم
النقيب :اووو اللواء 11 اهني .أشر لي العسكري بمعني اطلع طلع وسكر الباب وراه
مالك:اني اليوم تكرمت ودرتلك حاجه تنفعك انت
بس ف المقابل نبي منك حاجه
النقيب:اكيد قول
مالك:انت كنت تخدم معا بوي من زمان
النقيب توتر:بااه
مالك:انت تعرف كويس ان بوي مات اغتيال واللي دار فيه هكي عنده منصبه ف الدوله
النقيب:علاش تسألي فيا اني كاان منصبي اقل من بوك
مالك:بس اقوه من منصبك توا
النقيب:انت شن تبي قول من لاخير يامالك
مالك:نبي اللي قتل بوي اني نعرف انه حي لي توا وعنده منصب قوي ف الدوله نبيك تعرفه من هوا
النقيب:تي انت شن تقول بوك كان شاد ايام النظام السابق يعني اكيد اللي بيقتله واحد من أصحاب التوره
مالك:احني كلنا نعرفوا انه بوي كان ضد النظام السابق ويدعم ف التوره وحتي طاح النظام بوي قاعد ف مناصبه بس في من لاعب لعبه من وراه
بس راح نعرفه وراح نصفيهم بالواحد.
طلع وسكر الباب بالقوه ورااه
النقيب وهوا يمسح ف العرق من وجها رفع التيلفون وتصل:اسمع ولد الوزير السابق ابوبكر كان اهني
........قصدك اللواء 11
النقيب:ايه ايه يبي يعرف من قتل بووه وشكله حط حد ف باله وناوي الشر
.........خله يدير اللي يبيه
النقيب :قصدك ماندورش
.........ايه خله مش راح يعرف حاجه
النقيب:ليه 9سنين وهوا يدور ومش فاقد الأمل
........حتي لو مش راح يلقاه شي
النقيب :ايده طويله الولد خايف.....
.......متخاف من شي ايصير مايصير طلقة ف راسها نفس بوه تنهي كل شي
النقيب:تمام اني بنسكر توا
........................
وقف ع الشباب وسلم عليهم:منورين ع وقفت اليوم معااي والله انكم اسود
احمد:عيب عليك ياراجل احني مانرخوا بالناس اللي قلبها ع بلادها
يوسف:لكن مازال ف هلبا مكانات زي هادوم ف ليبيا
مالك:واحني ليهاا ماتخاف بإذن الله ليبيا راح تنظف من هالناس الوساخ وبترجع احسن من قبل اقوه من قبل
احمد:والله انك راجل ف وقت فيه الرجال نقرضوا
مالك:عيب عليك طول مانتم والرجاله الطيبه واقفه برا مستحيل ينقرضوا
يوسف:والله صدقت المهم تعالوا الكلاب اللي داخل يبوا تحقيق
مالك:اني فكني منهم بنروح
احمد:تي وين ياراجل اقعد نكسدو معا بعض
مالك:اعذرني بنروح والله الولده مشغوله اكيد عليا
احمد:كان هكي معناها يوم تاني
مالك:نشاءالله . كان بيمشي بس طلعوا بنت من بنات الدعاره تبكي اول ماشافته شدت في ايده لف شبحلها ورفع حاجبه بستحقار وهيا تتكلم:الله يستر عليك شكلك ولد حلال استر علياا حتي انتم عندكم ولايه استر عليا اعتبرني اختك
نفض يده بقوه وشبحلها بشبحه تخوف:خواتي اشرف منك  وأشرف من وحده زيك تجيب اسمهم ع لسانها وتعرفي اني لو اختي ف مكانك كنت طلقة ف نص راسها اتفكني من وساخها اتفووو ع ناس اللي زيك💦
ومشي عنها وهيا قعدت تبكي بالعبره.
.
.
.
مقعمز ع الكرسي مربوط بالحبل وفاقد الوعي
ناض مخلوع من سطل المياه البارده اللي تبزع ع وجهه
علي :تي وين وين طولت النومه شكلك اتريحت ع الكرسي
سفيان وهوا يشبح لي علي:من انت
على وهوا اياشر ع روحه:معقوله ماعرفتش اني من احوايجي
سفيان:بااه فهمت انك ف الجيش شن تبي مني بالله عليك اطلقني اكيده امي اللي قالتلكم ربي يهديك يامي ف مراه عاقله تبيع ولدها ااااه ياربي شن درت ف روحي
علي واقف معوج فمه قرب منه وضربه بوكس ع وجها
سفيان يبكي:اءءءءءءءءي علاش تضرب فيااا اني ماقولت شي غلط
علي:لا شي غير حسيت عقلك مش امعاك قولت خله يرجع لي مكانه
انفتح الباب وخش عليهم والدوخان ف فمه قعمز ع الكرسي اللي قدام سفيان رجل ع رجل وهوا يرفع ف راسه ينفخ ف الدوخان فوق
سفيان يشبحله ومستغرب:من انت
ضربه بوكس علي بقوه وجهه سفيان عايط:اءءءءء معادش تضرب ع نفس المكان
علي:المره الجايه توا نعرف وين نضربك اللواء هوا اللي يسأل انت تجاوب بس والباقي تسكر فمك
سفيان سكت وهوا يبكي .
نزل راسه مالك وهوا يشد ف دوخان ف ايده ويشبح لي سفيان:اسمك سفيان عبدالله
سفيان هز راسه
مالك:انت تعرف انه اللي درته عليه عقوبه
هز راسه وهوا يبكي:اااااايه
مالك:بس اني نقدر نساعدك ونطلعك
رفع راسه سفيان ف مالك:كيف
مالك:انت عندك حاجه تخصني اعطيهلي نطلعك من اهني
سفيان وهوا مستغرب:اني عندي حاجه تخص حضرتك شن هيااا اني واللهي مانعرفك صح صايع ضايع لكن عمري ماخنبت
ضربه علي برجله ع بطنه بقوه سفيااان:اييييي توا هادي علاش
شبح مالك  وهوا رافع حاجبه لي علي
علي هز راسه وضحك:تغيرت جو ياللواء مش معقوله انخلوه ع الناشف عندنا ضروري من مقبلات
هز راسه مالك وكمل :المهم انت تبي تطلع من اهني
سفيان  هز راسه بقوه بمعني ايه
مالك حط الدوخان ف فمه وسحب منه ونفخ ف وجهه سفيان:معناها نبي حاجتي اللي  عندك
سفيان :اللي هياااا
مالك :اللي هياا...................................
.
.
.
الصبح 🏜
نجري خايفه الدم ف كل مكان رجليه حويجي حتي ايدياا لا ياربي شن هدا قعدت نمسح ف الدم اللي ع يدي ف حويجي علاش مايتحاولش هدا
حسيت بي نقطه نزلت ع وجهي مسحتها بي ايدي طلعت دم من وين جي هدا طلعت نجري من الدار شوفته واقف قدامي جسمه كله دم والطلقه اللي ف راسه واضحه اني شهقت وقعدت نوخر تالي بس انخبطت ف حاجه من تالي لفيت بنشوفها اللقيته واقف وسلاح ف يده ويبتسم:مش قولتلك اني #كابوس صعب تهربي منه .وبدي يضحك بصوت عالي
اني عيطت وحطيت ايديا ع وجهي نبكي لالالالالالالالا
نوضت بصوت عالي :لااااااااااااااااااااا
حركة راسي يمين ويسار اتنهدت ومسحت وجهي بايديا :اااه طلع #كابوس
قعدت نسمع ف صوت :شن هدا لحظه هدا صوت اعياط زكية مرات عمي
اسراء:نشاءالله خير
طلعت نجري ونشوف في زكية تلود ف الحوش وتبكي
اسراء:خيرك شن في
زكية:ولدي من امبارح ماروحش
اسراء:بالك معا واحد من الأولاد
زكية:كان هدا راهو قالي ولا تصل بياا اني متاكده ولدي فيه حاجه قلبي مش مطمني
اسراء شبحت لي غالية:غالية اتصلي بيه
غالية:اتصلت  من الصبح وهوا مقفل
اسراء نغزني قلبي عليه واني خايفه يكون طلعته امبارح فيها شي :اصبرو شوي توا يروح هوا ديمآ يتأخر ف المروح  للحوش
زكية:لكن عمره مرقد برا الحوش ولدي فيه شي كان مايلي ف بالي هوا
اسراء:شن هوا ياللي ف بالك
غالية:هاجمين امبارح ع استراحة دعاره واحتمال يكون سفيان غادكيا خصوصآ انه تاريخه المشرف  يدل ع انه هوا غادكيا
زكية:سكري فمك يافرخه
اسراء ودموع ف عيوني:مستحيل سفيان مش هكي
غالية:اني وانتي كويس نعرفوا سفيان فا حبيبتي مطمنيش قلبك
اتجاهلت كلامها وخشيت للمطبخ قعمزت فيه وقعدت نبكي:مستحيل سفيان يكون هكي
وذكرت ليلة روح سكران شن قال
سفيان يضحك:نورا اااااه يانورا تعرفي وين مانمشيلك ف الاستراحه تخليني نحس ف روحي بنطير }}}}}}}}
هزيت رأسي واني نبعد ف الأفكار السوده ونبكي
لين سمعت صوت باب الحوش انفتح وزكيه:سفيان ولدي
طلعت نجري واني نشوف فيه يحضن ف امه واختي كان وجهه متغير كان مضروب لين ملامحه متغيره وشكله امبهدل قربت ليه شبحلي وغير وجهه من علياا اتنهدت واني نرجع تالي ونفكر ف خاطري:معناها حقه كان غادكيا ف الاستراحه يعني
نورا موجوده مش مقلب منه امشيت نجري لداري واني نسكر ف الباب عليا معقوله الشخص اللي حبيته طلع هكي معقوله وبديت نبكي...
.
.
.
.
.
نزل من الدروج وهوا يشوف فيهم مقعمزت ع الطاوله
مالك وهوا يبوس ف راس امه:صباح الخير ست الكل
سوسن واني مافيش صباح الخير
ضحك مالك قرب وقرص خده:اكيد صباح الخير اختي السمحه
سوسن حطت يدها ع خدها :اختي السمحه لا تبصر شن بيصير ف دنيااا
مالك قعمز ع الكرسي مش مدور كلامها خدي طاسة القهوه وشرب منها
فتحية وهيا تشبحله:مالك وليدي
مالك:عيونه
فتحية ابتسمت:أمته بنمشي نشوف البنت اللي قولت عليها
ابتسم مالك:الليله ياام
شرقت سوسن بالعصير وقعدت تكح
فتحية:بسم الله اشربي اميه
قعدت تكح سوسن لين قرب مالك وضربها ع ضهرها بقوه
شهقت سوسن ورفعت يديها:موتت يا ناس قلبي هادي يد بنادم ولا حايط
مالك شبحلها برفعت حاجب:نعم قولتي حاجه
سوسن بخوف:قولت ربي يحفظك ويخليك ليا احسن خو بالدنيا كلها والكون والمريخ والفضاء
و.............
فتحية:خلاص سكري فمك وانتي تقول زرطه راديو ،يما مالك
مالك:نعم
فتحية:الناس يعرفوا انه بنمشولهم
مالك هز راسه وهوا ياكل:ايه
فتحية:معناها ياولدي اشري حاجات نخش بيهم ع الناس عيب نمشي فاضيه
مالك:حاضر .ناض أوقف وقال:الحمدلله
فتحية:شن هوا اللي اكليته ياولدي انت
مالك:اشبعت يااام الحمدلله
طلع برا الحوش وركب ف سيارته وامشي
.
.
.