كابوس

                                              (4)
فتحت عيوني واني نحرك ف ايديا عليهم شوفت السقف لحظه لحظه اني وين وعلاش الدار ظلام غيرت شهقت لما شوفته مقعمز ع الكنبه ف جنبي وف يده دخان ويدخن ويشبحلي
مالك:صح نوم اسراء
أسراء ودموع ينزلوا:انت كيف هان عليك تقتله اااه حرام عليك وبعدين اني وين انت وين جبتني .رفعت ايدي بنمسح ادموعي لحظه لحظه حطيت يدي ع شعري اللقيت روحي بلا ويشاح
اسراء:وين ويشاحي
مالك اتنهد :اااااه يا سراء قداش تحبي تسألي بس راح نجاوبك انتي عندي بس مش ف حوشي لا ف استراحتي وكأنك ع التافه ف كان يستاهل يموت لانه حط يده ع حاجه مش ليه وبالنسبه لي وشاحك
رفع يده التانيه كان لاف الوشاح ع ايده:فاهو اهني
قربه من خشمه وشمه بقوووه:ريحته عسل زيك
اسراء:انت واحد مريض نفسي لازمك علاج انت شن تبي مني وبعدين عطيني وشاحي انت مش محرم عليا
اضحك:عن قريب بإذن الله بنصير محرم وصدقيني ماحد راح نخليه يشوف شعرك ليا اني بس
اسراء ف خاطرها:ياربي شكله مريض رسمي هدا شن بندير معاه
مالك:سريوتي الحلوه ف شن تفكر
اسراء ودموع ينزلوا :خليني نروح حرام عليك ترضه وحده من اخواتك يديرلهم ولد هكي
فجااه ناض وقعمز جنبي اني خوفت وبديت نوخر وشاده الورغان بس لف ايديه علياا وخلني نجمد ف مكاني بخاوف:اشششش اني عكس غيري اني مش ولد حرام يبي شي معين منك اني نبيك انتي
رفع يده ع شعري حاولت نبعد وجهي بس رفع ايده وحطها وراه راسي وتبته وأيده التانيه تلعب بي شعري:شعرك هدا لياا اني انتي كلك ع بعضك ليا اني حتي النفس اللي تاخدي فيه ليا اني
أسراء:انت مريض نفسي اني حتي اسمك مانعرفش
وبعدين انت من وين تعرفني انت مرتين شوفتني فيهم توا جاي تقول نحبك
اضحك:اني #كابوس ياسراء #كابوس ومستحيل تقدري تهربي منه
اسراء وهيا تشهق ومش قادره تتكلم من البكي:انيييييي نبييي نرررروح للحوش
ونزلت راسي وقعدت نبكي حسيت بيده ع وجهي ويقرب فيا دفن وجهي ع صدره:ياعمري خلاص معادش تبكي تبي تروحي حاضر راح تروحي
رفعت راسي وشبحتله واني نمسح ف دموعي بيديا الاتنين:بجديات ماتكدبش علياا
حط صبع ع فمي:اششششش عيب ملاكي الصغيرون تقولي تكذب هادي الكلمه معادش تقوليها باش مانعصبش منك وهيا نوضي نروح بيك
بعدت عنه واني ننزل من السرير وهوا يشبحلي اذكرت وشاحي :اعطيني وشاحي
شبح لي لوشاح اللي ف يده :لا ياملاكي هدا بيقعد عندي
رفعت حاجبي وضيقت عيوني:نعم واني نروح هكي
اضحك وهوا ينزل من ع السرير ويمشي قدامي ركزت ع رقبته من فوقك كان وشم اللفعه واضح
سمعته يتكلم:اكيد مش راح تروحي هكي مش قولتلك شعرك ماحد يشوفه غيري يعني ممنوع ع اي شخص يشوف
فتح الدولاب وطلع منه وشاح شكله متعود يجيب البنات اهني
قرب مني وقف قدامي وقال:هدا لي اختي ع فكره واني عمري ماجبت بنت اهني انتي اول وحده واخر وحده
انصدمت هدا كيف عرفني بي شن انفكر فتح الوشاح وحطه ع راسي وهوا يدخل ف شعري
لا هدا شكله عاش ادور يحسابنه متزوجين اني مفروض نستر شعري منك انت غير مش قادره شكلك مهبول وتمشي بالمسايره
مالك: توا تقدري تروحي هيا تعالي
شد يدي وامشي قدامي واني وراه ومستغربه من حركاته لا هدا رسمي #كابوس  ومطول مش راح نوض منه طلعنا من الدار ونزلنا من الدروج قال استراحه تي هيا قصر كانت عالم تاني
فتح الباب وطلعنا كان جيش قدام الباب كلهم شدين سلاح ومنزلين روسهم لوطه مافيش شخص رفع عيونه فينا حتي بالغلط
فتح باب السياره من قدام وركبت وصكر وراي الباب تنهدت واني نشوف فيه امشي وقف ع واحد من الشباب
أسراء:اهدي يا اسراء اهدي كملي خلي روحك هاديه معاه لين توصلي للحوش
حسيت بالباب انفتح شوفته وهوا ركب ف سياره كان شخصية بمعني الكلمة كان هيبه برغم انفصام الشخصية اللي عنده بس كان حلو حسيت بيه يشبحلي ويبتسم غيرت وجهي واني نشبح لي الروشن ولع السياره وامشي طلع دخان من جيبه وبدي يدخن
معادش قدرت نتحمل صنته:ياريت لو تفتح الروشن
مالك وهوا يشبحلي:ضايقتي منه ملاكي حاضر توا نطفيه
اسراء ف خاطري:ياربي حسني بنرجع🤮 من كلمة ملاكي هادي اللي يقول فيها بس معا هدا عمره سفيان ماقالي كلام نفسه ولا كان حنون معااي نفسه
سمعته يتكلم:خلي نغيرو جونا ونفتح اغنية
أسراء ف خاطري ايه ياريت بالك هالتوتر يهدأ شوي
ولع المسجل وكانت الاغنيه صدمه ليا:🎵✌
مشاءالله عليكم ياتوار ....ماشاءالله...ماشاءالله عليكم ياحرار ...ماشاءالله.....🇱🇾
مشاءالله عليكم ياتوار ....ماشاءالله...ماشاءالله عليكم ياحرار ...ماشاءالله.....✌🇱🇾
مشاءالله عليكم خامسة وخميس... رجاله وتريس
لاهبتو لاخفتو منه لحظه هالخسيس 🇱🇾
مشاءالله عليكم خامسة وخميس... رجاله وتريس
لاهبتو لاخفتو منه لحظه هالخسيس 🇱🇾✌.....
اسراء ف خاطري :كملت ناقص كان نشد علم ونطلع من الروشن ونبدا نهتف تي هدا من اي عهد التوره ليها  10 سنين وهوا قاعد يسمع ف الاغاني هدوم توقعت بيحط سيف نبيل بلقيس هاا محمد رمضان
سنفارا اجنبي يعني فنانين يمشوا معا شخصيته البالو
مالك:تعرفي بنغير ع الاغنيه
اسراء ف خاطري:واخيرآ
يصعقني صعقه تانيه ويفتح :يابلادي يابلادي بجهادي وجلادي ادفعي كيد الاعادي، والعوادي...🇱🇾✌
اسراء:كملت شكلي ماشيه للجبهه واني مانعرفش
مالك:قولتي حاجه
اسراء:قولت أمته بنوصل للحوش الدنيا ليل توا هلي بيفقدوني توا شن بنقول
مالك:قولي الحق
اسراء لفيت نشبحله :اي حق انك قتلت واحد
مالك :عادي وقوليلهم انه روحت بيك لاستراحه وانه نبي نتزوجك. ورفع يده اللي لاف عليها الوشاح وحطه ع خشمه وبدي يشم فيه بصوت عالي
اني تحشمت غيرت وجهي من عليه:ياااربي أمته بنوصل علاش الطريق طويله اوووف لحظه لحظه
اسراء رجعت لفيت نشبحله واني نتجاهل ف وشاحي اللي قاعد حاطه ع خشمه:شنطتي وين ااه
بعد الوشاح عنه وقال :ف الكرسي من تالي
شبحت للكرسي من تالي ومديت يدي واني بناخد الشنطه خديتها وفتحتها بناخد تيلفوني بس مش موجود قعدت نفتش عليه بس مش موجود
كان مركز معاااي :ع شني ادوري
اسراء:تيلفوني مش ف الشنطه
مالك:دوري عليه زين وين بيكون
اسراء:مانعرفش بس اخر مره كان ف شنطه
مالك وهوا يرجع يشبح قدام :بيكون طاح ف المستشفى
اسراء:اووف اكيد انشغل عليا
مالك:من هوا
اسراء بخوف :بابا
لف شبحلي شبحه تخوف:بوك صار
اسراء:ايه وياريت لو تركز ع الطريق
مالك:بس ع حد علمي بوك متوفي من سنة 2011
شهقت بخوف :وانت من وين تعرف
قرب يده وشد يدي واني نرعش من الخوف قرب ايدي من فمه وباسها:اني نعرف كل شي عنك
اسراء سحبت يدي منه بخوف بس كمل :المهم من هوا اللي بينشغل عليك
أسراء:ولد عمي واعر  ماهو اني قاعده معاهم ف الحوش  فا ممنوع حد يتأخر برا
مالك:ولد عمك صارر باااهي ع العموم اوصلنا
اني نصدمت هدا وصلني للحوش من دون مانعطيه الناعته كيف شبحتله بنساله حط يده ع فمي:قولتلك كل شي نعرفه عنك فهمتي ولا لا
هزيت راسي بمعني ايه وفتحت الباب ونزلت نجري  جيهة الحوش فتحت باب الجنان وخشيت سكرت عليا الباب:الحمدلله اوصلت وافتكيت من هالمختل
ضحك مالك عليا كيف نجري بخوف خصوصآ انه خليت باب السياره مفتوح مد يده وسكره طلع تيلفون من جيبه وهوا يشبحله خدي تيلفونه وتصل:شن صار ف الرقم اللي قولتلك عليه
علي:طلع ولد عمها ياللواء
ضغط ع تيلفون اللي ف ايده وقال:جيبهولي غدوه تسمع فيه نبيه يكون عندي
علي:اعتبره صار
نزل التليفون من ع وذنه وهوا يشبح لي ياللي ف ايده بعدين لوحه ع الكرسي اللي ف جنبه وحرك السياره بتسطريب........
.................................
خشيت لمطبخ بنشرب اميه:وين كنتي
طاحت مني الطاسه انكسرت حطيت يدي ع قلبي بخوف
سفيان:خيرك خوفتي تقول شوفتي شيطان
اسراء:لا مش هكي بس انت فجعتني بس
سفيان:وين كنتي
اسراء:ف المستشفى كان عندي عملية طولت هدا علاش اتاخرت ف المروح
سفيان:تمام باللهي حبي ديريلي حاجه ناكلها .وطلع برا المطبخ
اسراء انصدمت معقوله ماسالني حتي علاش تيلفونك مصكر ولا من روح بيك ف هالليل لهدرجه اني مش مهمه .
اتنهدت ونزلت نلم ف الطاسه المكسوره وبعدها فتحت التلاجه وطلعت  الجبنه والحاجات
.
.
.
مقعمز ع دروج ف الجنان وينظف ف السلاح
علي:اسمه سفيان وعمره 29
مالك وهوا يفك ف السلاح وينظف فيه:بااه كمل
علي:يخدم لكن فلوسه كلهم يمشوا شرب وحشيش ودعاره
مالك:أمته الأوقات اللي يطلع فيهم
علي:يمشي الساعه1 الظهر يروح 9الليل بقعد شوي ف حوشهم بعدها يطلع معا الساعة 11 يرجع 4الفجر
مالك:مية مية معناها احسن وقت معا الليل
علي:حتي اني قولت هكي راح نخلوه يطلع من الحوش وهب انشدوه
مالك ابتسم :لا وسع بالك مش راح تشدوه قدام الحوش
علي:امالا وين تبي نشاءالله غير مش ............
ضحك مالك وهوا يركب ف مخزن السلاح بعد مكمل تنظيف ركبه وسحبه:ايه ف الاستراحه راح تكون عندنا زياره ليهم .داخل سلاح من سرواله من تالي وحطه ع خصره وكمل :خبر الكتيبة عندنا مانديرو الليله
ابتسم علي وفهم مالك شن قصده:تم يازعيم شكله الليله ف شخص بتريح #كابوس ليه
اضحك مالك:صدقني مش شخص واحد وهيا نطلعوا
علي:هيا
لابس دجبوطي العسكري وفتح باب السياره ركب فيها ركب جنبه علي وكان مالك هوا اللي يسوق
ولع السياره وتحرك بتشليش وطلع من باب الجنان بسرعه بعد صكر الباب الامان
صكرت باب الحوش وهيا تنهد رفعت ايديها فوق:ياررب احمي اوليدي واحفظه ليه هدا ماقعدلي ياربي انصره ع كل من يعديه .
سوسن:ماما لي من تدعي لالا نعرف لي من انتي ماترفعي ايدك وتدعي الا لي شخص واحد اكيد مالك
فتحية وهيا تقعمز ع الصالون تحط ف ايديها ع رجليها:يعني اكيد مش لحضرتك
جاتها قعمزت ف جنبها:باااهي علاش هي مش حتي اني بنتك ومن لحمك ودمك عمرك مارعشتيني بي دعوه ....شدتها من وذنها وهيا تضغط عليها:انتي شن بصير لك ماهو ف خليقتك 24ساعه ف خليقتي زي خوك اللي يطلع ويمشي ويحرب ويدفع عن وطنه تحسابي زيك وانتي خميرة نوم مانفعه ف حاجه طول وعرض هكي اتهدي الحايط لكن بلا فايده تقول بنحرر بيك فلسطين...
سوسن:اءءءءءءءي ياماما بشوي وذني
طلقت وذنها:نوضي نوضي اقلبي وجهك من قدام وجهي
سوسن وقفت :نوضت اني كنت بسألك ع مالك قالتلي ليلي كلمك ع بنت
فتحية:يما منك انتي وليلي حاجه مدسوها ع بعض
سوسن:حبيبتي شكلك انسيتي انه احني تؤام twins مستحيل ادس حاجه عني وحتي لو فكرت بس يقولي قارينها 😈
فتحية:نشاءالله ربي يهديك
سوسن:أجمعين المهم بجدياات مالك بتزوج من جديد لا وهوا اللي قالك عليها بعد كل هالسنين وأخيرا لا وهوا قالك عليها كيف من وين يعرفها قصدك يحبوا بعض يعني علاقه كيف ياااماما تكلمي علاش ساكته
فتحية ويديها ع راسها:خلاااااااص اسكتي اسكتي
نفختي راسي وانتي ماتسكتي بكل اااايه قالي ع بنت مانعرفش يعرفها ولا لكن اكيد يعرفها
قعمزت سوسن ف جنبها:بااهي أمته العرس
فتحية:تي احني خلي نمشوا نشوفوها قبل
سوسن:أمته بتشميلهم نبي نمشي معااك رااه من توا نقولك
فتحية:تي باااهي توا نرفعك خلي مالك يحدد يوم قالي لين نقولك أمته تمشي
سوسن:ووك ولدك هدا كله بالنظام والتوقيت حتي النفس ف هالحوش ياخوفي يقولك مصارش منه بكل
ضربتها فتحية ع ضهرها:نوضي نوضي ياكلبه اللي متحشمي وانتي وجهك نحس نووضي وانتي كلك ع بعضك طاقة سلبيه
ناضت سوسن تجري ارقت فوق 🏃‍♀️🏃‍♀️🏃‍♀️🏃‍♀️
فتحية:حرام ماعرفت انربي لا ولد ولا بنت ربي يهديهم بيجلطوني
سكتت شوي بعدين حطت يدها ع فمها:حي كان يديرها مالك لا اني لازم نفتح معا الموضوع من جديد
..................................................
حطت السفره قدامه ناض قعمز وبدي ياكل بسرعه
اسراء:كول بشوي وانت تقول يجرو وراك
سفيان وفمه معبي:مستعجل بنطلع يستنوا فيا لأولاد
ضيقت عيوني:متأكد لأولاد سفيان اني صحابك هادوم مش عاجبيني
سفيان حط طاسة العصير بقوه:ايح علينا توا عاد معادش بتسكتي قولتلك نبصر عليك امبارح انتي مش مصدقتيني صح ماهو عيل اني بارك الله فيك
اسراء:لا ماقصديش هكي بس اني نحذر فيك منهم اني نبي مصلحتك صدقني
سفيان:واني مصلحتي نعرفها .ناض أوقف وهوا يساوي ف حويجه خدي مفتاح سيارته وتيلفونه
وكان بيطلع بس وقف ف جنبي وهوا يحك ف راسه:انتي تعرفي اني مانحبش وقت تسالي هلباا اتريحي شينه بعدين هادوم اولاد الشارع يعني مافيش حد براني
أسراء:ماهو انت من خلك هكي غير اولاد الشارع
سفيان بعصبيه:خيرني مش عاجبك فوتيني علاش تحبيني اااه فهمني كان كل مره تلوحي ف كلام علياا
اسراء:لا لا لالا متعصبش سفيان اخر مره نسألك اني نحبك وانت تعرف هالشي
سفيان:باهي علاش كل مره تقولي ف كلام هزوه علياا ااه
شديت ايده بقوه:مستحيل نقول كلام هزوه عليك اني مانقدرش نعيش من غيرك سفيان اني اسفه واللهي اخر مره سامحني
سفيان:بااهي خلاص اخر مره المره هادي  سامحتك
المره تانيه كلام تاني معادش تشوفي وجهي بكل
اسراء:لا باللهي سفيان خلاص اخر مره
سفيان وهوا يطلق ف ايدي :تمام اني بنطلع توا
اسراء:عندك فلوس
سفيان بخبت:ايه قاعد شوي من ياللي امبكري اعطيتهولي ربي يدومك ليااا
اسراء:معادش تقول هكي فلوسي فلوسك
سفيان :اكيد ياعمري المهم اني توا بنطلع راح نتأخر شوي انتي ارقدي مش تسهري عشاني تمام.
وقرص خدي وطلع صكر وراه باب الحوش
رفعت ايدي حطيتها ع خدي وابتسمت:اكيد بعد نتجوزو يتغير مش راح يقعد هكي
حاولت السفره وغسلتها وخشيت لي داري
........................
ركب ف سيارته وهوا ينفخ:ياعليك نفخ عش تي شن تحس هادي لصقه فياااا واللهي ع خاطر فلوسها كان هدا تي راهي من زمان لوحتها ف شارع اوووف دمها رزين الزززح مريضه .حرك المفتاح ولع السياره:المهم توا بنمشي نغير جو عند نورا العسل والله ماشبعت منها امبارح توا الليل بنقوللها تقعد معاي اني بس
توا نعطيها فلوس البارده توا اتكيف جوي .........
اضحك وحرك السياره وامشي بدون مايحس بالسياره اللي وراه...........
....
رقدت ع السرير واني نفكر ف ياللي صار اليوم كيف قادر يقتل شخص بكل دم بارد لا وبعدها يهدرز عادي والمصيبة يقول بيتزوجني اني لازم نخبر سفيان عنه خله يديرله حل لكن هوا شكله عنده منصب ف الدوله من حوشهم ومن سيارته ومن شكله والجيش اللي واقف يحسر فيه تقول رئيس دوله لكن زعما شن دار ف جتة قيس اووف ياربي اني معادش نقدر نمشي لمستشفي شن بنقول لناس
قتله عشاني اني لكن بعد قتل قدامي اليوم نبصم عليه بالعشره🙌انه فلوسه خنبه اوو يتاجر بالسلاح
او الأعضاء ومش بعيد حتي دعاره اووف ياربي راسي بيتفجر والنوم طااير غطيت وجهي بالوساده
..................................
طاسه ف ايده ويغني ويرقص معا بنات وأولاد
وهوا يضحك كان الاغاني صوتهم عالي كانت استراحه وكلها ناس سكرانه واللي يحشش مقعمز ع طوله ياخد فيه بودره واللي يضرب فيها يبرأ ف الوريد واللي يدخن فيه دوخان واللي طاسه واللي شيشه يشرب فيها واللي امصكر عليه دار ومش معروف شن ايدير......
قعمز ع الصالون في جنب بنت:نورتي حني عليا اليوم
نورا:نوض سفيان من جنبي انت امفلس واني مانخدمش بلا تخليص
سفيان:من قالك امفلس عندي فلوس
نورا ضحكت بمايعه:احلف ترا طلع نشوفهم
داخل يده سفيان ف جيبه وطلع منهم فلوس
نورا:قداش هادوم
سفيان:كيف ماقولتي 900
نورا:اممم هوا شويه بس
سفيان  وهوا قريب يبكي:نورتي حرام عليك
نورا:اليوم بنرخص عشانك لكن غدوه الفلوس كامله
سفيان:حاضر امرك سيدي
ضحكت نورا بصوت مايع عليه وهوا ماصدق ضحكت قعد زي المهبول يضحك
فجااه انفتح باب استراحه بقوه وخش عليهم الجيش
صاحب الاستراحه طلع يجري من باب المطبخ كان بيهرب بس جتها طلقه ف رجله طاح لوطه وهوا يتوجع
مالك وهوا ينزل ف سلاحه:بتهرب ياكلب لحقك لو لي اخر الدنيا
.....اني مدخلي ف شي خليني نمشي باللهي عليك عندي صغار
مالك:توا اعرفت عندك اصغار ياكلب توا تشوف حسابك ف السجن عند الرادع يابيك تعالو يشباب اربطوه
الشباب:تم ياللواء
مشي عنهم مالك خش داخل وهوا يشوف ف الاستراحه وهوا متقزز من شكل الناس اللي فيها
وقف جنب علي:وينه
أشر علي ع سفيان اللي امقعمز لوطه يبكي وف جنبه بنت
ضحك مالك :خدوهم كلهم لسجن لكن هدا جيبهولي
كمل كلامه وطلع برا الاستراحه وركب في سيارته قعمز يدخن فيها وهوا يشوف ف الجيش يطلع ف الناس اللي كانت ف الاستراحه ع بنات ع اولاد
بعد الدخان ودفل عليهم 💦
مالك:اتفوووو عليكم الناس الوسخه اللي زيكم هيا اللي خربت البلاد لكن وين بيهربوا وراهم وراهم لين نظفوا ليبيا كلها منهم
رجع حط الدوخان ف فمه وفتح المسجل وقوه صوت الاغاني 🎵🎵: ياليبيا في حبك لاموني عليا ماتهوني❤🇱🇾
انتي نبض القلب وين ما انكون معايا اتكوني✌⚘
ياغاليا ياجنه من الرحمن يااحلي اسم نقال🌗
فيكي لقيت امال إلى طال غيابه زمان 🌘
منهو قدك شرقاوي وغرباوي يحبك❤🖤💚
عربي وامازيغي يعزك💜
وانت عندي نور عيوني 💚
........ْ........................#كابوس
نشاءالله تعجبكم الحلقة والرواية حاجه جديده ومختلفه
من الواقع #كابوس #الكاتبة_عويشه