كابوس

(1)
عبق نسيمك غير،فايح أصيل الهيل ،عبق
نسمتك يبلادي محلاه،يزهر ورود اصيلا ياحلوة التبسيمه❤🖤💚
.#الكاتبة_عويشه
.
.#كابوس

ع اللاسلكي:يا اللواء 11 يضربوا بصوريخ
اللواء 11 بصوت عالي:رد بالك تضربوا بصوريخ احني هنا حي ساكني اي صاروخ ايجي ف اي حوش فيه عيله
اللاسلكي:نبوا دعم يا اللواء لحق عليناااا عددهم اكتر منه والجرحه هلباااا عندنا
اللواء 11:اني قريب نوصل فيكم
زاد سرعة السياره كانت تنذره كلها بلاك
علي:كيف تبينا برصاص بس وهما معاهم حتي الأباتشي اكيد بيقتلونا
اللواء11:تبينا نضربوا بالصورخ افرض الصاروخ ايجي ف عيله
علي :توا شن بنديرو
اللواء 11:اني بنزل بنركب ع السلاح من تالي انت تعالا سوق
علي:خطر عليك ياللواء
اللواء11:اني ماجيت اهني الا عارف انه الخطر ف كل مكان دير كيف ماقولتلك
درس السياره وقفوا ورااه الكتيبة
نزل واحد من الشباب:ف شي ياللواء
اللواء:الاموار هانيه اركبو ف سيارتكم وخليكم جاهزين .سحبوا سلاحتهم وركبو ف سيارات. نزل من السياره وركب من تالي ع سلاح وجه السلاح لقدام ولع علي السياره وبدي يجري بيها بسرعه
لين بدي صوت السلاح والضرب يوضح اكتر
الصواريخ كانت عشوائي وين مايجي
بدي اللواء يفرغ بسلاح والكتيبة بدت تفرغ حتي هيا وكان حتي الطيران يضرب معاهم
.
.
.
.
ف حوش ما ف مكان من جبهة سرت 💜
كان مقعمز وفاتح الراديو ف جنبه ويسمع ف الاخبار
كان الضي هارب وصوت الضرب قريب منهم كانوا دموعه ينزلوا وكانه حاس بيصير شي معاااه هالليله
قعمزت ف جنبه:ياراجل نوض تعود من الشيطان وادكر ربي الله غالب انت مافي شي بيدك
....كيف مافي شي بيدي واني حتي سياره ماعندي نطلع بيها اني وصغاري من هالحرب لو صار فيكم شي مش راح نسمح روحي يا سعاد
سعاد:يا عبدالوافي لو كان ربي كاتب شي لينا بيصيرلنا ف هالليله ف هدا نصيبنا انت مدخلكش وبعدين حتي لو طلعنا وين بتمشي بينا اني وصغار حتي حوش نقعدو فيه ماعندنا كان ربي كاتب لينا نموتوا ف حوشنا استر لينا
عبدالوافي:نشاءالله ربي يسامحك ياخوي قولتله وين بتطلع قولي نطلع معاك الصغار والمرأه اني نقعد قالي حاضر ياخوي نمشي نخبط ع حوشه يقولولي الجيران طلع من الصبح هوا وعيلته
سعاد:نشاءالله ربي يسامح وانت معاد تفكر خود دواك واللي مكتوب ع جبين بتشوفه العين
......................
وما الهدوء با إظمئنان ،وما الضجيج
ب مخيف،ف متلما قالو ومابعد الهدوء
عاصفه،ومتلما قولنا وما بعد الضجيج
راحه🍀 .............الكاتبةعويشه ❤🌘🌘
انفتح الباب بقوه:بعدي عن الروشن
.....:خليني نبي نشوف
[ ] عفاف:الوضع خطير برا تسمعي ف صوت السلاح والضرب حاولي توا اتجيك طلقة طايشه
أسراء:خلها اتجيني الطلقة وتريحني من هالحاله اللي اوصلنا فيها لا ف النهار نقدرو نطلعوا ولا ليل نرقدو
زي البشر ياربي ع هالحاله
عفاف قعمزت ع السرير:اصلا تعودنا ع صوت السلاح والصواريخ والضرب تعرفي انه قعدنا نسمعوا فيه اكتر حتي من صوت الأذان بس شن راح نديرو بابا قال انه عمي وصغاره طلعو
أسراء:اتفو عليهم كلاب باللهي هدا اسمه خو
عفاف:حبيبتي أهم شي يضمن روحه هوا وصغاره
وبابا واحني مش مهمين
اسراء:بابا شن قال
عفاف اتنهدت :بابا مسكين مايعرفش شن ايدير من امبكري وهوا يشبحلنا ويقولوا سامحوني
اسراء:علاش بنسامحو
عفاف:لانه ماعندش سياره عشان يطلعنه بيها تعرفي عيونه كلها دموع ماما خايفه يكون الضغط مرتفع
اسراء:خدي دوا
عفاف:ماما اعطتهوله
اسراء:نشاءالله خير
فجأه سمعوا صوت ضربه قويه خافت عفاف نزلت تحت سرير اما إسراء تزيد تفتح ف الروشن وترقاء فوق الكرسي وتتفرج ف الضرب والصواريخ وين ايطيحو
عفاف بصوت عالي:يافررررخه إسراء انزززلي لوطه
الضرب قوي هلبااا وشكله قريب منه
أسراء:تعرفي شكله اليوم رسمي موتنا
عفاف:لا ياربي اني خايفه
اسراء وهيا تشهق:حي حي حي شوووووفي في حاجه جااايه اهني
عفاف وقفت:شن اتخرفي
فجاااه صوووت ضربه قويه ارتفع صوت العياط ف كل مكان الناس تجري الحوش طاح الدم ف كل مكان الناس تجررري تبي تساعد العيله
وصلوا سيارة الإسعاف والتوار والجيش ف كل مكان يبوا يطلعوا العيله
قعد يمشي وهوا يتخطه ف الجتت اللي ف كل مكان
.......العيله شكلها كلها ماتت ياللواء
اللواء:زيدو اتاكدو وحاول اتساعدو الإسعاف انكم اطلعوا الجتت
.......حاضر
حط اللاسلكي ف جيبه سمع صوت حد يتوجع ويبكي
:اااااااه اااااااااه
قعد يدور ف مصدر الصوت خش لي الدار كان كلها دمار واقف يشوف بس قال ف خاطره مستحيل يكون فيها حد لف بيطلع سمع صوت من جديد
لف وخش لدار وهوا يشوف ف دم ويشوف ف نص من السقف طايح زاد سمع صوت امشي جيهة الروشن الطايح
اللواء:ف حد هني كان تسمع فيا طلع صوت من جديد باش نعرف مكانك
:اااااااأااااه ااااااااني
قرب بسرعه ورفع الروشن وقعد يرفع ف الحايط اللي طايح لين شاف بنت واضح عليها صغيره وجهة كله دم ومرش الروشن خش ف ايديها ورجليها
اللواء:تسمعي فيااا
البنت تبكي:آآآآآآه
نزل قعمز ف جنبها وهوا يفكر كيف بيطلعها وايديها ورجليها هكي
اللواء:اسمعيني اني مانقدرش نطلع وايديك ورجليك هكي لازم نحاول هدا اللي خش فيك
البنت:ااااااااه اختي معااي وينها
اللواء:ياربي مش وقتها خليني نطلع هدا تحملي باللهي عليك
قعد يطلع ف المراش والبنت تزيد تبكي وصوت الوجع يزيد
اللواء:الحمدلله هادي اخر وحده هيا خليني نطلعك
البنت:اااااختييي وييييين
اللواء:اكيد طلعوها هيااا تعالي بسم الله
وطبها ف حضنه وطلع يجري بيا من الحوش
.علي:حيه ولا ميته
اللواء11:شبه تقدر تقول 50 %
.علي:.بسرعه معناها حطها ف سيارة الاسعاف
اللواء 11:افتح الباب
فتح الباب حطها السرير وسكر الباب وامشت السياره بسرعه
اللواء11:اسمع اني بنلحق سيارة الاسعاف خايف عليهم من المليشيات ف الطريق
علي:تم انت امشي واني نكمل عنك
اللواء11:تم
ركب سيارته وحرك سياره بسرعه ولحق سيارة الاسعاف طلع اللاسلكي:تسمع فياا ياللواء 220
اللواء 220:نسمع فيك ياا اللواء 11
اللواء11:الطريق لتو فاضيه وامنه قول لي شباب يطلعوا العائلات النازحه
اللواء 220:امرك يا للواء
حط اللاسلكي وهوا قاعد يسوق
بعد فتره وصلت سيارة الإسعاف والدكاترة والممرضين يجرو نزلوا الجرحه من السياره ودخلوها
داخل وبدت عملية الإنقاذ
نزل من سيارته وخش داخل لي المستشفي يطمن ع الجرحه سمع الدكتور
الدكتور:تي كيف مش موجود المريضه بتموت
الممرضه :صدقني فصيلة دمها مش متوفره عندنا
قرب منهم اللواء:شن هوا فصيلة دمها
الدكتور:O- المريضه تموت
اللواء11:اني راح نتبرع
الدكتور :تعالا معااي خلي نشوفوا دمك
امشي امعاهم وشافو دمه وكان مناسب لي دمها
الدكتور :اسحبي الدم منه
الممرضة:يادكتور مافيش مكان فاضي المستشفى كلها حالات
الدكتور:داخليه جنب الحاله اللي لازمها دم
الممرضه :تفضل
خش معاهم وهوا يشوف اللي راقده ع السرير وكانت شبه جتة كان كل جسمها مجروح وجها كان كله دم بس كانت واضح عليها عمرها صغير
الممرضه:اتفضل ارقد ع السرير اللي ف جنب الحاله وياريت لو ترفع كمك
اللواء ارقد ع السرير ورفع كمه وجت الممرضه تسحب ف الدم منه وهوا عيونه ع ياللي راقد ف السرير اللي جنبه قال ف خاطره:ياربي شن ذنبها ف هالحرب شن ذنب وجها يتشوه شن ذنب جسمها يتشوه شن ذنبها حوشهم يطيح اللي ف عمرها مفروض يكون يلعب وفرحان وعايش حياته
الممرضه:خلاص كملت ياريت لو ماتنوض طول لانه احتمال ادوخ
ناض اللواء قاعمز وهوا ينزل ف كمه لوطه ويلبس ف القونطي
الممرضه:يا ستاذ ماتنوضش انت ساحب دم جسمك ضعيف
اللواء رفع عيونه فيها:الجسم هدا خش فيه رصاص ومضعفش مش يبرأ سحب دم
ناض أوقف وشبح لي ياللي راقده ع السرير:لو صار حاجه اتخصها باللهي عليك قوليلي اني برا
الممرضه هزت راسها وهوا طلع برا
.....................
رن تيلفونه طلعه من جيبه وحطه ع وذنه سمع صوتها:وينك ياوليدي انت كويس شوفت ف التلفزيون قالو صار اشتباكات ف منطقتك
اللواء:ماتخافيش يام اني كويس ما فيا شي
فتحية:تي كيف يا مالك ماتبيش نخاف وانت ربي عارف بي حالك توا
مالك:يام هدا واجبي وبعدين اني نحمي ف بلادي
توا سكري وبإذن الله توا نحاول نكلمك
فتحيه:مش تكلمني نبي نشوفك روح لي طرابلس تعالا لي حوشك والله كلنا خايفين عليك مراتك قاطعه الماكله من خوفها عليك ولدك اللي خليته ف قمطه معادش شوفته
مالك اتنهد :مانقدر ياام ...
فتحيه وهيا تبكي:مادخليش فيك ليك فوق 9شهور برا الحوش تعالا نبي نشوفك والا واللهي نغضب عليك يااامالك ولانك ولدي ولا نعرفك
مالك:تي خلاص يام حااااضر توا انروح.
فتحيه:نستنااا فيك
حط التيلفون ف جيبه بعد ماسكر من امه
طلعت الممرضه جاها مالك أوقف عليها:هاطمنيني شن وضعها
الممرضه:الحمدلله وضعها كويس بس من البنج مش راح تنوض الليله
مالك:المهم وضعها كويس
الممرضه: الحمدلله وامشت
طلع تيلفونه وتصل :الووو اسمع نبي نعرف شن اسم العيله اللي حوشها طاح
...... اسمهم عيلة عبدالوافي...................
مالك:قداش مات شخص منهم
....... الام والاب وبنت وزوز ولاد
مالك:وقداش واحد حي فيهم
........البنت اللي طلعتها بس
مالك اتنهد بوجع:ربي يصبرها وين تعرف انه أهلها كلهم ماتو
.........مسكينه
مالك:اسال جيرانهم بالك يعرفوا حد من اقرابها
......تم ياللواء11
.........................
زاد رفع صوت التلفزيون وهوا يسمع ف الاخبار
اتنهد وقال :الوضع خطير ف سرت الضحايا كل يوم يزيدو ربي يستر لي وين يبوا يوصلوا بي هالحال يبوا يشدو الحكم يودي ياخدوه بلا هالحرب والقتال والسلاح وكل يوم مقتول حد جديد
ابوبكر:ياسيف هادي كلها سياسيه وتخطيط الحرب كلها والقتال كلها صايره عشان يبوا هالشي
سيف:شن هوا هالشي ياعمي
أبوبكر:مش ريدين البلاد اتريح ويستقر وضعها بعدين كيف بياخدوا فلوسها وخيرها لو تكون ف دوله وفي محاكمه وتحاكم بالعدل
سيف:واللهي صدقت ياعمي وانت شن بيصير فيك لو يشدوها التوار
ابوبكر:مش راح يصيرلي شي اني ع اي قطار نركب يا سيف مافي شي بيضرني
سيف:باهي نشاءالله شن مافيش سفرا برا
ابوبكر:انشاءالله في لكن نبي نطمن ع مالك
سيف:معادش اتصل بيكم لا سمعتوا عليه شي
ابوبكر:اني لا بالك امه
خشت عليهم تجري داهشه رفع عيونه فيها سيف :خيرك شن في
ليلي:مالك ماما كلمته
ابوبكر اتنهد براحه :شن حاله كويس
ليلي:الحمدلله وقال بنروح للحوش
سيف:الحمدلله
ابوبكر:امك وين
ليلي:داخل ف دارها خدت دواء ورقدت
سيف:باهي الحمدلله المهم طمنتوا ع مالك هيا ياليلي نروحو تأخر الوقت
ليلي:خليني نقعد الليله بالك مالك يروح غدوه
ابوبكر:روحي معا راجلك توا غدوه كان جي يجيبك سيف
ليلي تشبح لي سيف :بتجيبني
سيف ضحك:حاضر من عيوني تبي حاجه عمي
ابوبكر:سلامتك
طلعوا سيف وليلي وطفي التلفزيون وناض فتح باب وخش قعمز ع مكتبه وطلع وراق وبدي يقرأ فيهم ويشوف فيهم
جاه اتصال:الووو
المتصل:سيدي الوزير جهزنا كل شي لي سفرة أمريكا
والرئيس الأمريكي براك أوباما طلب انك تتفضل تنزل عنده ف البيت الأبيض
ابوبكر:اسمع توا فاليومين راح نسافر بس مش راح نقعد ف امريكا احجز تذكره تانيه لي البرتغال
المتصل:امرك سيدي الوزير
ابوبكر:نبي السفره تكون سريه ماحد يعرف وبالأخص مقابلتي لي براك أوباما
المتصل:انت تؤمر ياسيدي الوزير
حط تيلفونه ع الطاوله اتنهد وهوا يشوف لي الصوره اللي قدامه ع الطاوله كانت صورة زوز اولاد شدها حط يده ع الصوره
ابوبكر:الله يا بوبكر شوف حالتك السياسه خدت حياتك
حتي صغارك ولدك الكبير دخلته معاك وبدي نائب وزير
ولدك التاني طلع عن سيطرتك وخش لي الجبهات
واني مش معروف اللي ندير فيه لي وين بيوصلني لو يعرفوا
انه اني ضد النظام اكيد راح يقتلوني