كابوس

                                  (20)
••
أحبّك بعدد المرّات الّتي أردتُ فيها أن يعرفَ كل أهلِ الدّنيا كم يُشرّفني، و يُعلي من قدري، ويزيد من ثقلِ عقلي و قلبي أن أُحبّك ♥️
#كابوس، #رواية_عويشه
____________
نزلت من السياره اني ومالك وخشينا لعياده وقف ع الاستعلامات
مالك :عندي موعد بي اسم اسراء عبدالوافي
شافت البنت لي السجلات اللي عندها وقالت: تفضل الدكتوره تستنى فيكم
امشينا لي الاسانسير وارقينا فوق طلعنه منه سأل مالك عن غرفة الدكتوره وقالولنا وامشينا وقفنا قدام الغرفه
نحس بروحي متوتره
مالك:هيا خشي واني نستني فيك اهني
اسراء شبحتله بصدمه:لا مالك نبيك تخش معاي داخل
مالك:مانبيش نخش أسراء خشي بروحك
اسراء:لا مالك باللهي عليك خش معااي أنت قولت انك
راح تتقبل الحمل أبدا من توا تغير
قعد مالك يشبحلي وهوا ساكت بعدها تنهد خبط ع الباب فتحت الدكتوره الباب :اتفضلوا
قعمزت اني ومالك ع الكرسي
الدكتوره:اهلين استاذ مالك ومدام اسراء
اسراء:اهلين دكتوره
الدكتوره:لازمك تحليل مدام أسراء عشان نطمنو ع البيبي
اسراء:اني عرفت اني حامل لانه درت تحليل دم وطلع البيبي ف الشهر الاول
الدكتوره:كويس توا بنبدو الفحص با جهاز السونار ويعرفوا في اي شهر تعالي معاي وانت استاذ مالك لو تحب تعالا حتي انت
شبحتله وهوا يبان ع وجهه اني متردد وشارد نزل عيونه وشبحلي ركز ع النظرت الترجي الواضحه في عيوني ناض أوقف معاي ابتسمت له بحب امشينا لي مكان الجهاز رقدت ع السرير فتحت عبايتي رميتها
مالك وقف جنبي والدكتور قعمز ع الكرسي ف جنبي
ضغطت ع الجهاز وشبحتلي مدت يدها بترفع التيشيرت من ع بطني بس نصدمة من يد مالك
اللي شدت ايدها شبحتله بصدمه تكلم بصوت حاد
مالك وهوا رافع حاجبه:شن هوا اللي تبيه ترفعي ف التيشرت فوق ااه
سكتت الدكتور بصدمه وهيا مستغربه منه استقظت من صدمتي وحطيت ايدي ع ايد مالك اللي شاد بيها دكتوره قريب كسر ايدها
اسراء:مالك اطلق ايد دكتوره حاجه طبيعيه كيف بديرلي الجهاز فوق التيشيرت لازم ترفعه فوق
شبحلي مالك واني نقوله أهدى نفخ ف الهواء ونزلت ايده من ع الدكتور
الدكتوره:استاذ مالك هادي حاجه طبيعيه الفحص لازم نديره وتيشيرت المدام مرفوع فوق ونزل السروال شوي لوطه
فنص مالك:شن تنزلي سروال لا انتي من الاول مش عجبتيني نوض اسراء هيا نوضي نشوفوا دكتوره تانيه
خدي مالك عبايتي وهوا يقرب مني
أسراء فنصت فيه واني نتكلم بصوت واطي:مالك بلا اهبال اقعد جنبي وانت ساكت درت العار خلاااص التفكير اللي تفكر فيه
مالك :تي تبي تخليها تتفرج ع جسمك
اسراء:مالك اسكت خلاص هادي دكتوره طبيعي اللس ادير فيه باللهي صكر المووضوع خلاااص هيا دكتوره تعالي كملي
حطت ايديها الدكتوره ع تيشيرت رفعته فوق ونزلت شوي السروال خدت السائل وحطت منه ع
تحت بطني بشوي وخدت الجهاز وهيا توزع فيه ع البطن كلها وتضغط عليها بدت تشوف لي شاشة الجهاز
اني مش فهمه حاجه ومالك حتي هوا نفسي كات يشبح لدكتوره بنظرات يخوفوا بعد مده كملت خدت كلينكس
مسحت بطني ونزلت تيشيرت وناضت امشت قعمزت ع مكتبه رفعت سروالي فوق ولبست عبايتي شديت ف ايد مالك عشان ننزل من السرير امشينا قعمزنا ع الكرسي
الدكتوره: مدام أسراء انتي في نهاية الشهر تاني مازال يومين وتخشي التالت هدا علاش انتي تعاني من النووم بفتره طويله وتحس بروحك مضايقه الضعف التعب وعندك الرغبه بدخول الحمام بفتره طويله وتحسي بروحك بترجعي وطبعا
ف هالشهور بيبدا مزاجك متقلب وعشان نديرو الجهاز وتشوفوا البيبي وضعه لازم انك تاخدي المكملات الغذائية زي الحديد وحمض الفوليك اللي يقلل من احتمالات تشوهات الخلفيه ومكملات الحديد لازم تاكلي اللحوم الحمراء 'الحبوب كامله'وكتري من شرب العصير
زي البرتقال وكتري من الخضروات واني راح نشوفك ف الموعد الجاي لو اللقيت انه ماكلتك مش فايده راح نكتبلك مكملات زي الفيتامينات ومعادن وحتي المشي يعتبر كويس للحمل بدأت الحمل السليم والطبيعي، لأنه مايرفعش ف خطر الولاده المبكرة أو انخفاض وزن الجنين أو حتي الإجهاض
وينصح بالمشي  حوالي150دقيقه في الأسبوع، اي من 30دقيقه تقريبا في اليوم لمدة خمسة أيام، وتاكدي انك ماتجهديش نفسك لما تمشي وكولي قبل لا تمشي بي 30دقيقه عشان ماتتعبيش لما تمشي
حفظت كلامها كويس ومش راح نسيب ماكله كملت كلامها وكتبتلي ورقة فيتامينات اللي ناخدهم واني مصدومه معقوله ليا شهرين حامل واني مانعرفش
شبحت لي مالك اللي تكلم:وضعه هيا كويس يعني مافيش خوف عليها
الدكتوره:لا اطمئان وضعها كويسه ومافيش خوف
وبالنسبه لي نبضات البيبي راح تبدأ من السبوع جااي
عشان تكون واضحه وقفت اني ومالك اللي مركز ع كلام الدكتوره طلعنا برا حسيت بي مالك وهوا يشد في ايدي طلعنا ركبنا ف السياره شبحتله بعصبيه:مالك
مالك وهوا يسوق وعيونه ف طريق:عيونه
حسيت بروحي قريب نطير من كلمته بس سيطرت ع روحي:عيب مالك اللي درته قدام الدكتوره تحشمت منها
مالك:اني ماعجبتنيش هالفرخه
اسراء:هالفرخه دكتوره يامالك راه يعني تعالج ف الناس كلها وحاجه طبيعيه بتقولي ارفعي حوايجي
شبحلي مالك وهوا يفنص:ممنوع حد يشوف شبر واحد من جسمك غيري تفهمي فياا
اسراء:معقوله بتغار عليا من دكتوره
ابتسم مالك وهوا يقرب يقرص في شفايفي:اني نغار عليك حتي من الهواء اللي يخش ويطلع من فمك
توجعت من حركته حطيت ايدي ع ايده واني نبعد فيها عن فمي رخي ايده وهوا يضحك ع ملامحي الزعلانه
مالك شد ايدي وباسها:وتوا ياالغلا بنمشو نشرو اللي قالت عليه الدكتوره
اسراء:ماقولتش ليها اني هالفتره معادش ناكل هلباا
مالك:باهي اللي ماقولتيش كانهدا معادش سكتت بعدين
اسراء:مالك هادي صحتي اني والبيبي كيف تقول هكي
مالك ضحك ورجع بأس ايدي:ياعمري نبصر عليك وبالنسبه لي الماكله توا كله بيتعوض وغصبن عنك
ابتسمت ع كلامه بس خطر ع بالي سؤال:مالك علاش تصرفاتك امبكري معا الدكتوره وكانه هدا اول بيبي ليك ماتفهمنيش غلط ولا تزعل بس بجدياات مالك من لما احني معا دكتوره واني نبي نسألك
اتنهد مالك وسكت شويه
اسراء:خلاص لو ماتبيش تجاوب خلي نغيرو الموضوع
مالك:لا عادي راح نجاوبك اسراء اني ف تائر ولدي معاشتش فرحت انك تكون اب لأنه اغلب شهور الحمل
كنت ف الجبهه وحتي لما ولدت مرتي كنت في الجبهه
حسيت بي نخصه في قلبي خايفه التاريخ يعيد نفسه معااي ويصير نفس الشي ومالك يمشي لجبهه
ضغط مالك ع ايدي:في شني تفكري
شبحتله بحزن :مالك
مالك:قلب مالك
اسراء :رد بالك ف يوم تفكر تسيبيني بروحي لأنه ف وقتها راح نموت
مالك وقف السياره بسرعه لين شهقت اني بخوف شبحلي بعصبيه:معادش تجيبي سيرة الموت تسمعي فياااا ربي يخليك ليااا وانشاءالله يومي قبل يومك
دموعي نزلوا وشديت في ايديه الاتنين واني نشبحله ونبكي:لا ماتقولش هكيي مالك اني معادش راح نتحمل نخسر شخص تاااني نحبه وبالذات انت
مالك وهوا يمسح ف دموعي:خلاص عاد هالهرمونات
بيبدو ف النكد علينااا
ضحكت عليه ضربته ع صدره
فنص مالك:عيب يا مراه تحشمي راجلك راهوو اني
ابتسمت واني نرفع ف ايدي ونحطها ع خده نمسح ف لحيته:انت مش راجلي أنت تاج راسي
ضحك مالك:لا هكي هلبااااا معادش نقدر اني
زدت ابتسمت:شن هوا اللي ماتقدرش
مالك :حبك
ابتسمت واني نقرب منه شديت وجهه بأيدي وبوسته ع خده وصوت ضحكت مالك اللي زاد ارتفع بعدت شويه واني نشبحله وهوا مركز ف عيوني:يا عن جد هرموناتك اللي بيهبلوني
اسراء:علاش مش عجبينك
هز راسه مالك ببتسامه وهوا يقرب مني وعيونه ف فمي:لا والله عجبتني موووت
ضحكت عليه واني نشبح لسيارات اللي نزلوا الناس وهما يخبطوا ع السياره:مالك الناس جونا
مالك:ينتحرو اني مش راح نبعد عنك لين تعطيني جرعتي
ضحكت ع كلامه:عيب مالك احني ف السياره والناس واقفه
مالك :مدخلنيش فيك توا ذكرتي احني ف السياره علاش قبل شوي كان جوك فايح توا ع حظي بتقولي عيب
زاد تخبيط الناس ع السياره وصوت عركهم بدي عالي
أسراء بخوف :مالك خلاص نتفهمو ف الحوش توا امشي درنا الشبهاء عليما
مالك :نمشي لكن بشرط
اسراء:وقت شرط هوا
مالك:واللهي انتي حره عادي نقعد لغدوه في السياره شن عندي اني غيرك
اسراء:باااهي شن هوا شرطك
ابتسم مالك وهوا يلف يشبحلي ورفع ايده واشر ع فمه:نبي جرعتي
اني نصدمة من جرئت مالك :شن الوقح اللي نزلت عليك مالك احني ف الشارع رانا
لف مالك وهوا يشبح قدامه وخدي دخان ولع وهوا يشفط منه:كيف تبي اني عجبني الجو هني
شبحت لي الروشن اللي وقفت سيارات جيش قدامنا خوفت شبحت لي مالك كيف ينفخ ف الدخان ببرود
غمضت عيوني بقوه وفتحتهم واني ننفخ ف الهوا قربت منه وحطيت ايدي ع وجهه مالك خليته يشبحلي بستغرب قربت فمي منه وبوسته حسيت بي ايد مالك اللي حطتها ع وجهي وكيف بدي يبادلني شهق وحط ايده ع فمه واني بعدت عنه وضحكت
مالك وهوا يشوف لي ايده اللي عليه شوية دم ضحك وشبحلي:واللهي غير مروح للحوش ياهبلا بتاكلي طريحه عليها
طلعتله لساني واني نحرك فيه:وريني ف الحوش شن ادير
ضحك مالك وحك لحيته :توا تشوفي
شبحت لي الروشن اللي خبط شهقت لما شوفت الشرطه واقفه
اسراء:مالك هادوم شرطه
شبح مالك لي الروشن وتنهد وهز راسه:لا هادوم الرداع غطي وجهك
شبحتله واني مستغربه شبحلي مالك وقال:اسراء غطي وجهك مانبيش يشبحولك
هزيت راسي وغطيت وجهي بالوشاح فتح مالك الروشن وهوا يشبح لي العسكري اللي واقف قدامه كان شاب صغير
مالك:ها تفضل
العسكري:تي يافندي هدا وين تفتح الروشن وبعدين علاش موقف سيارتك ف نص الطريق
مالك وهوا يشبحلي من فوق للوطه:واللهي انت قولتها سيارتي وين مانبي نوقفها في نص الشارع ف نص الزنقه وين مانبي عندك شي معاياا
العسكري بعصبيه:هيييي أنت ادوي زين احسن مانضحك عليك قداام المراااه اللي مداير روحك راجل قدامها
وخر العسكري تالي بسبب بوكس مالك القوي ع خشمه حط ايده ع خشمه وهوا يشبح لي الدم اللي ينزل
مالك:اني مش عيل زيك ادير رجولتي قداام النسوان
العسكري وهوا جي لي مالك يجري:يا ولد ___🔞🔞
فتح مالك باب السياره ضرب الولد بيه ونزل من السياره ع صوت اسراء اللي تنادي فيه:ماااااااالك ماااالك
وقف الولد وجي من جديد بيضرب مالك بس بحركه سريعه لوي ايده ع ضهره وضربه برجله ع بطنه مد مالك رجله وضرب الولد ع ركبته من تالي بقوه طاح الولد لوطه جي مالك قعمز ع بطنه وضرب الولد براسه ع خشمه نزلوا الرداع من سيارتهم ولتفو ع مالك اللي قاعد مقعمز ع الولد
أسراء بخوف :ماااااالك لا ياربي ماااالك
حاولت نفتح باب السياره بس اللقيته مسكره مالك لما نزل منها
الرداع رفعوا سلاحتهم ع مالك:أوقف فوق احسن ماتجي طلقه ف راسك تقتلك
مالك وقف ضرب الولد بس قاعد مقعمز ع بطن الولد:انتم ماتعرفوش اني من
عسكري من الرداع:ومن انت يا باشه
ناض وقف مالك وهوا يضحك :اني نقولك مني اشبح وراك باللهي عليك
عسكري:شن بديرلي سحر ولا شني
مالك:هوا من ناحية السحر ايه سحر موتك اللي توا
العسكري رفع سلاحه وجهه ع مالك
اني بديت نعيط ونادي ع مالك بخوووف ودموعي ينزلوا فجااه سمعت صوت سلاح غمضت عيوني واني نعيط باسم ماااااااااااااااااااااااااااالك
بعد فتره واني قاعده مغمضه عيوني ومعادش في صوت عرااك ولا سلاحه برا حسيت قلبي وقف خوفت نكون خسرت مالك سمعت صوت باب السياره نفتح ومعه صوته اللي ردلي الروح:ملااااااكي
فتحت عيوني واني نشوف فيه  يسكر في باب السياره وشبحلي ببتسامه اني تنهدت وانهارت بكي واني نقرب منه وتحضن فيه ونبكي بصوت عالي ومالك يهدي فيا:تي خيرررك ياهبلا اني ما فيااا شي صار سوء تفاهم وانحل
زدت قعدت نبكي ف حضن مالك وهو يهدي فيا لين حسين روحي ارتحت بعدت عنه واني نشبحله وعيوني منفوخات من البكي ولونهم احمر
حط مالك ايده ع خدي وقال:خلاص اسراء مش كويس ليك هدا انتي والبيبي
اسراء واني شهقت البكي عاليه:اني خوفت عليك
مالك:هااا شوفيني اني قدامك ما فياا شي
اتنهدت وقولت:شن صار
مالك:
Falsh Back ^^                                                    
ناض وقف مالك وهوا يضحك :اني نقولك مني اشبح وراك باللهي عليك
عسكري:شن بديرلي سحر ولا شني
مالك:هوا من ناحية السحر ايه سحر موتك اللي توا
العسكري رفع سلاحه وجهه ع مالك ضحك مالك
العسكري كان بيتكلم بس فجااه طاح ع الارض وهوا شاد رجله ويتوجع الرداع رفعو سلاحتهم وهوا يشبحوا
لي السيارة المصفحه بالاسلاحه التقيله ألتفت عليهم كانو السيارات فوق 90سياره
شباب الكتيبه:نزلوا سلاحكم
الرداع نصدموا من السيارات اللي وقفوا عليهم
عسكري تاني:من انت شكلك عندك منصب ف الدوله واحني متعرفوش
مالك:اني الدوله بكبره تسمع فيااا واحسن ليك تلم العويل اللي معاك وتمشي لأنه لو قعدت مش راح تروحو غير وانتم مكفنين
العسكري خااف:لا معليشي اسفين احني الغالطين
مالك:قوللهم يحاولو من قدام سيارتي
هز راسه العسكري واشر لي ياللي معااه قربوا طبوا العسكري المجروح وامشو ركبوا ف سيارتهم وامشو من قداام مالك.
مالك وهوا يشبح حس بيد عليه لف شبح لي علي
علي:انت بخير
هز راسه مالك:والله انك راجل وديما نلقاه فيك وقت الشده
علي:عيب عليك احني خوت
ضحك مالك وطبطب ع كتفه:الله يعزك يا خوي توا سامحني المراه ف سياره
ضحك علي:امشيلها احني وراك بسياره
مالك هز راسه:لا مش ضروري أنتم امشو للمعسكر وتوا نلحقكم بعدين
علي:تم يا سيدها كيف ماتبي
ضحك مالك وامشي ركب ف السياره
________________
امشينا لسوق اشرينا كل الاكل الصحي اللي قالت عليه
بعدها ركبنا ف السياره وطول الطريق مالك شاد في ايدي واني نشبحله ومركزه عليه خاايفه القدر يديرها من جديد فيااا ونجرب شعور الفقدان ف مالك
انتبهت لي مالك اللي رفع صوت الاغاني "🎵🎚📻
انت اليحبك ...... كل وكت💋💕
يتمنه بس ......….. ايكابلك💌
واني وصلت ....... المرحله💋
ابعز نومي …. وانا اشتاگلك💏
...
يمه يمه شگد حلو👌
اخر الحب .. واولو🤞
والله لو بيدي ابصراحه🙏
انا اخطفه من هلو💝
..
انا عاشك انا هايم💘
انا طاير …. الفوگ😻
انا احبك انا صاير🙊
كلي اتنفسك شوگ🙈
…
حرفياً ابحبك .…. صرت😛
اسعد شخص ... بالدنيا😋
شكراً لأن جيت .. بوقت⏰
احتاج ……….. بي حني🥰
…
ومن تگلي … أنت هله😘
انسى كوني . وكل هله😇
ومايضل . هم ابحياتي🫂
ويحله عمري . بأكمله😍
انت عمري وانت روحي😚
وانت راحت .. البال😘
مال اعوفك … لا بعيده😛
حبك بالگلب .. ظال❤
ضحكت ع مالك اللي بدي يغني معا الأغنية ويحرك ف ايدي وأيده حسيت براحه وحب عمري ماحسيت بيها معا شخص معقوله هدا نفسه مالك اللي كنت نقول عليه قاتل ومجرم طلع صاحب أطيب قلب وحنيته وحبه ليا في حياتي كلها ماحد حبني نفس مانحس بحب مالك
اتجاهي ربي يخليك ليا ومايحرمني منك ماااااااالك❤
_________________
وصلنا للحوش نزلت من السياره ونزل حتي مالك قرب مني مالك وشد ف ايدي شبحتله ببتسامه حب وهوا شبحلي بنفس النظره
مالك:هيا تعالي نخشوا داخل اكيد كلهم مشغول بالهم علينا
اسراء:والكياس اللي ف السياره
مالك:توا نقول لي وفاء وسوسن يدخلوهم
ابتسمت واني نمشي وراه مالك وهوا قدامي وشاد في ايدي وخبط ع الباب حسيت بيه السند الوحيد اللي عندي ف هالدنيا
فتحت وفاء الباب :اهلن بابا
مالك :اطلعي دخلي الكياس من السياره ونادي سوسن تساعدك
خشينا داخل وكانت عميمه فتحيه ومعتصم مقعمزين ف الصاله حاولت نفك ايدي من مالك بس هوا ضغط عليها وزاد شبك صوبعه في صوابعي شبحتله بصدمه وهوا يشبح لي امه ببتسامه
فتحية وهيا مستغربه من حركت مالك :مالك ولدي ف حاجه وينكم مختفين انتم من الصبح
مالك :كنا عند الدكتوره
فتحيه بخوف:باااه خيرها الدكتوره لاباس من مريض فيكم
ضحك مالك:مش مراض يام
فتحية زاد الخوف:شن بااهي يولدي خوفتني
شبحلي مالك وهوا يبتسم واني نشبحله ونفنص بمعني متقولش ضحك مالك وقال:اني بيجيني بيبي
شهقت فتحية ومعتصم طاحت الطاسه من ايده لفيت شبحتلهم بستغرب
فتحية:شن كيف فهمني زين شن تقول
مالك بتقه وهوا يضغط ع ايدي:اسراء حامل ياام ولدك بيجيك حفيد ياام
نصدمت فتحية ولفيت وجهي لي سوسن اللي شهقت وهيا واقفه وراي
فتحية:انت اكيد تبصر عليااا
ضحك مالك وقال:لا والله ولو مش مصدقه اهم ورق التحليل شوفيهم باش  تصدقي
سكتت فتحيه اللي واضح عليها الصدمه والخوف ومعتصم وسوسن كانوا نفس حالتها شبحلي مالك وهوا يبتسم :هيا نرقوا فوق لحوشنا
هزيت راسي بمعني ايه واني قاعده مركزه ع ملامح اوجوهم اللي تغيرت لما سمعوا رقيت فوق لحوشنا اني ومالك خشيت للحوش
واني نشوف لي مالك اللي طلق ايدي ويفتح ف بطم قميصه
تنهدت رميت عبايتي وشاحي وخشيت داخل لدار وخليت مالك
خش لمطبخ فتحت الدولاب وخديت قفطان قصير بديت نرتاح ف القفطان اكتر من السروال لبسته واني نفكر علاش مافرحوش معقوله بسبب نفس القصه كنت نفكر وشارده حسيت بيدين لتفو ع خصري وجهه ع كتفي وهوا يدفن ف وجهه ف رقبتي وانفاسه تحرق فيا:في شني شارده
اسراء لفيت ايديا ع ايدين مالك:علاش اهلك مافرحوش بالخبر
مالك بعد وجهه عن رقبتي وهوا يحرك ف ايديه ع خصري ولفني ليه
وهوا مركز ع عيوني تكلم وقال:علاش لمعت الحزن واضحه ف عيونك اااه
اسراء:_____________في الحلقة القادمة
_____________________
نشاءالله تعجبكم الحلقة والرواية حاجه جديده ومختلفه
#كابوس، #رواية_عويشه ❤❤❤❤❤❤