👨💼🌧عريس من المطر🌧👨💼
الحلقة 11:
سمر تحكي : راقدة نشوف فالسقف نزلت بعينيا لكل زاوية فالغرفة تاعي..كل شي فيها يذكرني بحاجة..مش مصدقة انها اخر ليلة وانا متوسدة وسادتي في وسط فرشي لي رقدت فيه سنين عمري الكل..صعيب الموقف هذا غدوا ان شاء الله راح نكون في دار خلاف نزلت مني دمعة مسحتها بطرف يدي وقت سمعت بابي دق ودخلت امي
نوال: سمر مازلتي قاعدة؟
سمر: ايه راني نسيي
نوال(قربت لعندي قعدت على طرف السرير شدت يدي ):يا بنتي جيت نوصيك كوني كيف ماربيتك ديار الناس مش لعبة..راجلك طيعيه و حطيه فوق راصك..شيخك وعجوزتك قيميهم وديريهم في مقامنا...نهار يغلط ولدهم هوما يردوه الطريق ..وكل واحد ديريلو قيمة راكي دارك وحدك ما تدي هدرة ماتجيبي هدرة...وقت تسمعي انساي ووقت تزعفي استغفري وماتحكي لحد لانو وقت تهداي تندمي لانك حطيتي...راجلك راكي تحرشيه على اهلو ولا تقوليلو امك قالت وختك قالت مهما يكونو يبقاو اهلو ومهما كان يعزك راح يغيضوه ... ادخلي بنية مليحة ربي يرزقك المليح والنية الخبيثة عمرها ماتجيب الخير لمولاها(تبسمت قربت مني باستني حضنتها)
سمر: نحبك ماما ربي يخليك ليا وان شاء الله ربي يقدرني نحمرلك وجهك..(خرجت وانا حطيت راصي عالمخدة بقيت نعاود في كلامها كاني نحفظ فيه بعدها هزني النوم )
الغد:
نشوف في بابا داخل عليا باسني من جبيني و خرجني تحت جناحو صوت البارود داير حالة...كل خطوة كنت نعملها باتجاه برا كنت نحس اني وليت ننتمي لجهة اخرى...قاومت دموعي لي قريب هبطو وركبت فالسيارة تاع العروسة....وكي العادة عريس المطر تاعي مابانش...بعد مدة حبس الكورتاج و صوت التزمير والبارود قواو لدرجة اني خفت ...دخلت و قعدت نستنى حتى جاتني مرام
مرام: سمر راح تبداي تصديرة يلاه
سمر: كنتي تتمعشقي مع حبيب قلبك ضوك جاية ليا
مرام: زوج كلمات قالهملي وراح زعمة راح مشغول واش من تمعشيق و كيما وصيتك شويا انوثة خويا جعفر ماشي جسم و صورة مرا وعقلية راجل
سمر: هييه حفظت كلامك اسيدي سلكينا بلا والو كي نتفكر اني راح نمشي في وسط هاذو الكل رجليا يفشلو(خرجت و دخلت و زدت بدلت و وليت خرجت هكذا حتى خلاصت التصديرة و خلاص جهدي معاها...نسمع في صوت الغنا نقص و الغاشي نقصو زادة )
مرام: صوت الزغاريت ما يكون غير راجلك جاي(دقات قلبي قوات مش نرمال الظاهر اليوم يحبس قلبي جملة ..ماهي غير لحظات حتى دخل عندي كان يتبسم مدلي يدو شبكت يدي فيها و خرجنا على صوت الزغاريت ..ركبنا طوموبيل رايحين للدار بحكم قاعة الحفلات مش بعيدة بزاف عليهم... وصلنا للدار فتح الباب دخلت وراه
علاء: مرحبا بيك في دارك
سمر: وبيك يعيشك..
علاء: تحبي تغيري حوايجك؟ولا تاكلي قبل؟
سمر: نحب نغير (هزلي راصو وي مشيت قدامو هزيت حوايجي و دخلت للصال دوبا كانت المفاجأة يا ربي مش وقت دورتي علاش لقيتها. ..هفففف واش ندير ؟ واش نقلو...بدلت نحيت الماكياج هذاك لخاطر ثقيل بزاف وخرجت لقيتو يستنى الظاهر باش يدوش
علاء: اذا جعتي تقدري تاكلي حتى نلحقك.
سمر: لا نستناك(دخل وانا بقيت ندور فالدار كلشي عجبني...متحوفة و دافية ..قربت مالطاولة نشوف فالماكلة هزيت حبة زيتون كليتها حتى جا قعد قعدت في جرتو
علاء،: تفضلي كولي
سمر: فالحقيقة حابة نقول حاجة.
علاء: اممم واش كاين؟
سمر: يعني انا ماعندي دخل ماوالو
علاء: خير ان شاء الله واش كاين؟
سمر: يعني هي ماشي وقتها. ..انا وتخلعت.
علاء: شبي****حكي
سمر: جات دورتي في غير موعدها ها واش بيا(خبيت وجهي بيديا لاني حسيت السخانة تطلع منو فتحت بين صوابعي نطل لقيتو يضحك نزلت يديا بلعقل)
علاء:مش مشكل يكون التعب والستراس هوما السبب الظاهر الطبيعة ضدي اليوم هههههههه(الخا..مج كيفاش اخذ راحتو بالهدرة ) كولي كولي (غطست فالطبسي قدامي مارفعت راصي غير وقت كملت قمت نهز فالصحون ديتهم للكوزينة سمعتو يمشي ناحيتي قرب لعندي حتى حسيت بانفاسو في رقبتي طيحت الصحن من يدي
سمر: مممممما نيش نكذب... ا انا مريضة، (نحكي ونتعلثم مالخوف )
علاء: شبيك؟...خايفة من؟(بلاما نحس هزيتلو راصي وي)ماتخافيش نعرف الفرق بين الحلال والحرام وقت تبراي وساهل مش هاربة منا(رجعت هزيتلو راصي وي،)هههههه شكلك يضحك هكذا(وليت نضحك معاه كالبهلولة سورتو مع غمازاتو لي ظهرو خلاوني نسرح في منظرو اكثر و نحس بالراحة بعد ماكان الجو مكهرب
