👨💼🌧عريس من المطر🌧👨💼
الحلقة السادسة:
خليتلو ميساج وليل كامل صاحية ونحلم في احلام اليقظة..ماحسيتش كيفاش غفيت شديت تليفوني شفت الساعة لقيتها الستة .وانا يا دوب رقدت ساعة..قمت صليت ورحت نشوف في مرايتي..هففف راني ساغني تقول باندا هاه السهرة واش تدير ...عملت ماسك بالعسل في وجهي منبعد غسلت و حطيت شويا ماكياج لبست روب مع فاست قصيرة وبوت قصير ..شديت الكاس تاع العصير ترشفت منو شويا حتى صونا تيليفوني(راني عند رأس الحومة ديالكم اخرجي ) قلبي ولا يخبط فالمليار خرجت نزرب قبل ما تشوف ماما الماكياج..وقت لحقت لقيتو داخل الطومبيل مزية و فهم مالحقش للدار كنت نتبهدل...فتحت الباب وطليت عليه
علاء: صباح الخير اطلعي
سمر:اوكي
علاء: عندك مشكل مع صباح الخير(كنت ندير فلاسانتير لفيت عندو مدهوشة من كلامو)
سمر: كيفاش؟
علاء: كل ما نحكي معاك ماتقوليش صباح الخير
سمر: اي نالاحظتش نهارك زين هههه(حسيت بالتوتر وانا نشوف في عينيه...وزايد ولا مرة ركبت مع راجل ولا كنت قريبة لحد للدرجة هاذي...ركز مع الطريق وديمارا...بقيت ساكتة ومرة مرة نشوف فيه
علاء: كيفاش احوال الخدمة؟
سمر: ااه لباس لباس
علاء يحكي:
لثالث مرة تشوفها اما بانتلي ماشفاتش انو شافتني كل حركاتها تفسر انها متوترة...كيفاش تفرك في يديها وتعض في شفتها...اجوبتها لي تجاوبها نص ..ماحبيتش نزيد عليها قمت شغلت موسيقى باش نلطف الجو
علاء: تحبي تسمعي (هزت كتافها فوق ..كانت غنية الشاب فيصل نتي دعوة خير..بقات شغالة حنى وصلنا مزية البلاصة مش بعيدة بزاف...نزلنا مع بعض دخلنا اول حانوت
علاء: من فضلك وريلنا ليموديل لي ملاح تاع les bagues
البائع: مش مشكل كاين المديلات هاذو دخلونا جدد السمانة لي جازت(حطهم قدامنا )
علاء: خيري لي يعجبك(شافت فيا بقلة حيلة و ضيقت عينيها عضت شفتها وحطت صباعها على جنب خدها تخمم...)
سمر: هذا مليح؟
علاء: مش كانو رقيق شويا؟
سمر: نحب حاجة هكذا.
البايع: مش مشكل عرفت واش حبيتي ضوك نجيبلك (راح ورجع جايب زوج في يدو وقت شافتهم قاست اللول جاها كبير
البايع اذا عجبك نعدل فيه
سمر: نقدر ندي هذا؟
علاء : لي يعجبك
سمر: عيشك اما خليه يعدلو عقياسي احسن(خلصتو و جيت باش نخرج وقفتني)
سمر: دقيقة برك ضوكا دالتك
علاء: مافهمتش؟
سمر:باش نشريلك خاتم الخطوبة طبعا(رجعت نشوف في خواتم الفضة لي حطهم البايع صراحة نكره الخواتم حنى مع الخدمة مايعونونيش اما ما حبيتش نحشمها ولا نرفض )هذا عجبك؟
علاء: خليه يكون رقيق (خيرت واحد شفتها جات تجبد دراهم نزلت يدها و شفت فيها بنص عين )خلي عليك ..(خرجنا من ثما بقيت نشوف من ومن )تحبي تشوفي محل يبيع الحوايج؟ ماكياج عندي الوقت
سمر: اممم اوكي(درنا وحد الساعة شرات شويا صوالح وكل مرة تجي تجبد نشوف فيها تنزل يدها من صاكها
علاء: شبيك مع صاكك ؟
سمر:واالو (مشيت جهة مطعم جيت داخل وقفتني)لوين؟
علاء: غلبت مالدوران وجعت ما تحبيش تاكلي؟
سمر: اوكي امالا(قعدنا في طاولة وهنا حبيت نحكو براحة بعد ما بقات معايا مدة تكون تقدر تحكي وتعرف بروحها براحة اكبر
علاء: اهيه واش تحكيلي عليك.
سمر: اممم سمر نعيم ممرضة في مستشفى*** في قسم امراض القلب ماعنديش بزاف(تبسم ) عندي اخ عسكري اكبر مني ب 3سنين
علاء: الله يبارك
سمر: يبارك فيك نتا وين تخدم
علاء: علاء جابر نخدم في نفس السارفيس ماتقوليلش ماعقلتينيش ههههه(قامت من بلاصتها تضرب في يديها ببعض تصرف طفولي اما يضحك)
سمر: لااا وانا نقول وين شفتك قبل
علاء: هههههههه لا ونهار خطبة فريد وقت طحتي
سمر: ييييي نتا نشوفك غير نهار تطيح الشتا(شافت من زجاج النافذة )وهاه رجعت تطيح شتا راح نسميك عريس من مطر
علاء: هههه صحيتي علاش؟
سمر: كاش مرة تفهم المهم فهمت مابين السطور انو قصدي مش غير اني نتلاقاك وقت تطيح شتا
علاء: همم فهمتك فهمتك
