👨💼🌧عريس من المطر 🌧👨💼
الحلقة 21:
يوم جديد ربي الوحيد لي يعلم واش مخبي في ثناياه...مديت يدي للكاس ترشفت منو اخر رشفة وقمت حضرت الفطور حطيتو في صينية و مشيت لعندو...حطيتها بجنب و قربت ليه عديت يدي على خدو قام
سمر: صباح الخير
علاء: صباح النور ...شحال الساعة،؟
سمر: العشرة على ذيك فيقتك ان شاء الله ماتكونش زعفت مني برك
علاء: ولي يصبح على هذا الوجه عندو الحق يزعف
سمر: عيشو راجلي الباهي (ضحك وقام غسل و رجع شديتو من يدي رجعتو لبلاصتو جبت الصينية حطيتها في حضنو
علاء: والله بمعدل الدلال هذا مانزيدش نخرج مالدار جملة عزيزتي
سمر: هههههههه صحتين(قعدت جنبو سارحة في ملامحو لي وليت مدمنة على كل تفصيلة فيها...كل حركة يعملها ولا كل رد فعل وليت نقدر نتوقعو...ولا مرة تخيلت اني نحب شخص ماعرفتو ماكانت بيناتنا قصة حب قبل..طول مراهقتي نحلم اني نتلاقا بنصفي الثاني ونحبو بعض و نكملو و الزواج راه يكون نهاية المشوار..علاء كان شي غير كان الزواج بداية حبي ليه وبالرغم اني كنت رافضة راني نشوفو اكثر حاجة مليحة صرات في حياتي وجودو في حياتي غيرلي المفهوم السابق )
علاء: شبيك
سمر: نتامل في خلق ربي ههه
علاء: حاب نبقى عاقل هههههه
سمر: والله حتى انا تاعبة اليوم
علاء: شبيك؟
سمر: توحشت بابا حابة نزورهم...صحيح نعرف انو هاذي داري ولهنا انتمائي اما (قاطعني )
علاء: اكيد نعرف حضري روحك كان تحبي تمشي والعشية نعدي ليك (بقيت نلعب بصوابعي انتبهلي) شبيك زادة؟
سمر: ح حابة نبات (قلتها بصوت خافت )
علاء: اممم اوكي مش مشكل
سمر: يااا صح؟ يعني نعرف بعد غد تخدم كنت حابة نستنى ليومها ونروح بصح بلغ الشوق منتهاه كيف ما يقولو
علاء: عادي عزيزتي رانا مع بعد العمر كلو(اترميت عليه حضنتو )بلعقل يا طفلة راكي طيحتي الصينية من حضني ههههههه)
سمر: يااا ما تولهتش
علاء: روحي حضري روحك باش نديك في طريقي (جهزت روحي في دقايق معدودة و رجعت لعندو
سمر: نروح نشوف اهلك قبل مانروح ونرجعلك
علاء: لا مافيش. داعي
سمر: ييي عيب كيفاش ما نبقيهمش على خير والله (شاف فيا بنص عين قربت منو بستو من خدو) اذا سبب زعافك كي راح نبات نرجع مش مشكل اما لازم نعدي عليهم مش مليحة في حقي
علاء: لي يغلبك يحاسبني...تعلمتي تكلخي ثاني ماجاني منك
سمر: هههههه كيد النساء يا روحي
علاء: ماتطوليش (هزيتلو براصي وي ونزلت لعندهم كانت غير ماما زوبيدة و وئام اختو اسراء مانعرف وين...)
سمر: جيت نقلكم نلقاكم بخير نروح لدار بابا الليلة غدوا ان شاء الله راني نرجع
زوبيدة: سلمي عليهم يا بنتي
وئام: سلمي عليهم طريق السلامة
سمر: يسلمكم انا نخليكم تبقاو على خير(نطقو الاثنين في وقت واحد )
زوبيدة و وئام: تلقاي الخير .(لقيتو عند الباب شاد صاكي وتيليفوني في يدو شديتهم عليه و رحنا طول الطريق وهو ساكت حتى لحقنا سلم عليهم و رجع مالباب...مشيت لبيتي نعيطلو اما مارجعش خليتلو ميساج وعيطت لمرام تجي توحشت نقعد معاها ونحكو للصباح...و حبيت ناخذ رايها على اسراء لي طريقة كلامها معايا و نظرتها ليا ما ريحتني حتى طرف وحاسة انو وراها حكاية...مهما يكون راح يظهر كلش كيما يقولو ناس زمان ريحة الكتان تعيا وتبان
