👨💼🌧عريس من المطر🌧👨💼
الحلقة 32:
سمر تحكي:قاعدة نتعشى بعد ما ماما حتمت عليا...مش نتعشى نلعب بالمغرفة فالصحن..سمعت صوت الباب وقت اتفتح و ماما زوبيدة تحكي نفخت بفدة
سمر: شكون فتح عليها هففف
نوال: عيب الكلام هذا واش دارتلك المرا على الاقل جات احكيلها واش كاين وخلاص
سمر: عييت وانا نعيد وماعيني نقابل حد(خرجت عينيها فيا اعرفتها قربت مع صوت الخطوات تأكدت
نوال: مرحبا بيكم اتفضلو شاركونا العشا.
زوبيدة: لا يعيشك من عرفناكم تاع واجب..اما كاين موضوع لازم نحكو فيه انا هذواين سمعت كنت مانخليكش تخرجي يا سمر
علاء: تحبي نستناكم برا؟(يعني حتى هو جا هذاك لي خص لفيت نشوف في اسراء و وئام تغزلت )
سمر: سامحوني انا تاعبة نحب نرتاح
زوبيدة: في وجهي يا بنتي خليك جيت باش نوضح الحق و بعدها اعملي لي يريحك ماعيناش نضغطو عليك.
علاء: يعني لازم تعرفو واش كاين كلكم(يحكي بلا مانشوف فيا والله مليح قلك ضربني وبكى وسبقني وشكى ..رجعت قعدت وقتها نطقت اسراء)
اسراء: انا غالطة انا لي كنت نلاحقو رغم انو كان يصدني و كلشي فالفيديو انا عملتو
زوبيدة: يخزي.ك بعملتك...ت.فييي عليك ..زيدي انتي احكي يا عر.ة البنات
وئام: انا حرضتها و مليتها جهتك وخليتها تجي تحكي معاك بعد مانحاتو من راصها(باقية نسمع فيهم وانا مش مصدقة كانو حد حفظهم الكلام بلاك خافو منو؟ اما ماما زوبيدة محال يستغبوها ولا توافقهم لو هذا تمثيل )
اسراء: وحضرتيني نطلع ونعمل فيديو...قولي كلشي مش ترميني بالواجهة انا كنت فاقدة الامل رايحة نرجع لطليقي احكييي(شفتو خرج كانو ماحبش يسمع الباقي و وئام قامت)
وئام: كانك ملاك وانا الشيطانة...عندك مخ يميز بين الصح والغلط كنتي ترفضي
اسراء: اما تحت ضغطك اكيد تقبل
زوبيدة: يكفي رانا في ديار الناس ..(لفت لعندي ) نظن لي سمعتيه يكفيك و راكي تاكدتي انو راجلك مظلوم ضوكا رجوعك ولا بقاءك في داركم يرجع ليك ...نزيد نعتذر منكم على قدومنا هكذا وعلى لي صار جملة صدقوني خجلانة لاني ما قدرتش نحمي امانتكم يا نوال اختي...ربي داري درتها كيف بنتي اما الله غالب ساعات يصيرو حاجات لا نكونو متوقعينهم ولا عاملينلهم حساب
نوال: ماتحكيش هكذا جابها الشيطان برك(بقاو يحكو وانا في بالي شي واحد علاش وئام عملت هكذا اصلا من يومي ماتحكيش معايا الا للضرورة عمري ما قربت ليها و لا وجعتها بشي....)
سمر: وئام بواش ضريتك؟ علاش عملتي هكذا؟
وئام: مانعرفش كنت نشوفها انسب ليه
زوبيدة: شوفو كيفاش مازالت تحكي اغلقي فمك لا نهدهولك (كلشي جا في بالي علاء انا كنت تحت الصدمة يعني ما نتلامش...اما نظرتو تقول شي ثاني كانو جا برك باش يبرر لي صار ماشي باش يرجعني معاه )
زوبيدة: شوفو وين تروحو الليلة
نوال: غلطو وخلاص خليك منهم يا ختي زوبيدة
زوبيدة: لا اما علاء خيرهم يا ترجع سمر يا يروحو لشي وين(فرحة بنينة اقتحمت قلبي بعد الظلام والمعاناة لي عانيتها الكل...يعني مازال حاجتو بيا و يحبني نرجع
نوال: سمر واش رايك ترجعي. سمر: حتى نحكي مع بابا الاول
زوبيدة: علاء راه يحكي معاه وقت جينا كان باباك راجع مالجامع (ماخلاولي حتى حل يعني نبقى نستنى واش يقول بابا...سمعتو وقت دخل و قال لماما تروح لعندو..استأذنت ومشات بعد لحظات رجعت
نوال: سمر باباك يقول انو مافيش داعي لبقاءك تقدري تمشي لدار راجلك وكان سوء تفاهم برك
سمر: حاضر (مشيت لبيتي طميت قشي كاني مش مصدقة لي صار كانها كانت منام خايب ووفى ...بالنسبة للزوج هاذوك مش قادرة نشوف فيهم لحد الان انا راح نتحملهم مسافة الطريق....غلقت الباب ورايا ودعت اهلي ومشيت...ركبنا فالسيارة وكلنا ساكتين...وقت لحقنا للدار نزلت ديراكت يلا مانشوف في حد لقيت باب الدار مفتوح دخلت بلا مانشوف ورايا بعد ...وبلا مانخمم فلي باش يقولو من منظرو باين مش راح يعدي لي صار اما حتى انا عندي واش نحكي المرة هاذي...و النقط اليوم تتحط الحروف اذا باش تكون علاقة مبنية على الثقة لازم نحافظو على الثقة و انموها مش نعدموها ومانعطوهاش قيمة
