👨💼🌧عريس من المطر 🌧👨💼
الحلقة 33:
علاء يحكي : يوم عديتو كيف المهبول كاش روحي في مسلسل ابطالو ناس نعرفهم...للان مش قد بعضي جرة لي صار حتى سمر مش قادر نشوف فيها ولا نحكي معاها حتى...
سمر: لازم نحكو حابة نوضح شويا امور علاء: اممم لي هي؟
سمر: انزعاجك مالوش لزوم انا لي كنت ضحية فالحكاية الكل...ونتا مديتلها الفرصة باش يصير لي صار كون خبرتني قبل كنت مانسمعش منها بصح نتا اكتفيت باش تلتزم الصمت وقتها هي تمادات.
علاء: حكاية وصارت مالماضي حسبتها راح تفهم الشي هذا
سمر: انا قصة البوسة مازال ما سامحتكش عليها(عقدت حواجبي ) ماتشوفش فيا هكذاك راني نقول فالصح علاش ما صديتهاش؟...كانو عجباتك.
علاء: تت***بيا شفتي الفيديو ولا خليني نقول الصورة لانو الفيديو الاصلي محرف ...كان لازم تفيقي انو كاين كلام قبل وكاين بعد.. يا مرتي الشاطرة لي عاملة فيها محققة كنتي تحطي البال بلي القفل غيرتو لانو جابت المفتاح من تحت كون عيني فيها كنت نخليه كيما كان
سمر: اممم فهمت اما البوسة علاه ماصديتهاش( طلعت راصي للسما للسما نفخت منبعد قربت منها خطفت بوسة من شفافها وبعد
سمر: واش درت مازلت زعفانة نحاسب فيك
علاء: علاش ماصديتينيش؟
سمر: فاجأتني ماكانش وقت باش نصدك
علاء: نفس الشي صار معايا ليلتها...كامل الشي لي جاز اكثر شي غاضني نظرة باباك ليا لي ولا يشوفني طح.ان وخنت امانتو اذا كان شي مانسامحكش عليه هو هذا وللان زعفان منك رحت بلاما تقولي وين راكي ولا تشاوري وخليتيني نخمم وينك
سمر: حتى نتا غلطت انا كنت تاثق فيك بصح نتا لي سمحتلهم يتسللو بينا
علاء: طريقة تفكيري كانت غير كنت حاسم امري على ذيك ماحبيتش نفتح الموضوع معاك لانو بالنسبة ليا موضوع فااارغ و منتهي من زمان ...اسراء بالنسبة ليا ضوكا مانقلكش كيف وئام اما امرأة عادية ماتحرك فيا شعرة
سمر: صدقني كون بقالي شك ولوبسيط كنت مارجعتش معاك.. الا الخيانة الا هي لا محال نقبلها ولو كنت نحبك ونموت عليك نعفس قلبي ولا ننتشلو كلو ومانقبلش نعيش مع انسان جسدو معايا وروحو تفكيرو مع غيري مانقبلش اني نعيش عاهة على انسان نحبو...(هزيتلها راصي وي باقي نتفحص في كل تفاصيلها لي توحشتها بصفة غريبة كاني ليا سنين مش شايفها..ضحكت في وسط الموقف هذا )
سمر: شبيك تضحك؟
علاء: نضحك على روحي مش نصدق اني كنت زعفان و مقلق ومش حاب نحكي لاني خايف نغلط فالكلام...واول ما كلمتك وليت كيف الحمل الوديع وكانو مش انا هههههههه ااااخ يا علاء على اخر عمرك طفلة قد صباعك تلعب بيك كيف ما تحب
سمر:انا قد صباعك؟ صحيت وانا نحكي بجدية ونحاول نوضحلك وجهة نظري ونتا تقيس في طولي وتكيل فيا
علاء: مش غرضي راني قاعد نقاوم فالافكار لي قاعدة تدور في مخي
سمر: انا وين ونتا وين و ديجا مازلت زعفانة منك...مرة أخرى ماتخبي عليا شي مانحبش نسمع شي يخصك من عند غيرك
علاء: راني حابك ضوكا فاللحظة هاذي(جمدت في بقعتها و عينيها تركزو في وجهي ،)،مش قلتيلي نحب نعرف كلشي يخصك هاني نخبر فيك عالمباشر واش خاصني(تكلمت وشديت الضحكة بالسيف)
سمر: قصدي بكلمة يخصك يعنيك مش قصدي شي ناقصك سي علاء (جمعت يديها وهي تشوف فيا بخبث )انا نروح نطمن على ماما زوبيدة كانت تبان تاعبة
علاء: ماتروحيش تتلتقايهم
سمر: هاذيك سمر القديمة لي تخاف عليها في بكري...اما ضوكا تبدلو المعطيات (مشات وعطاتني بظهرها ...تمديت على السرير لي كان خلفي غمضت عيوني نسترجع فلي صار نعترف انو رغم نيتي كانت مليحة اما تساهلت مع اسراء الشي لي خلاها تتمادا اما كلشي باش يتصلح ...قمت من بلاصتي توضيت وصليت قعدت في بلاصتي جاني تبليفون فالخدمة يسالو على حالة مريض تلهيت معاهم نمدلهم فالمعلومات لاني انا لي دخلتو...حطيتو يتشحن و تمديت من جديد سمعت باب برا اتغلق غمضت عيوني...حسيت بالسرير نزل فالجهة الاخرى ..ملمس شفافها على خدي خلاني نتبسم
سمر: يييي راك.قاعد
علاء: وي حاب نحكو اكثر ...سمر بعد لي صار مش حاب الثقة بيناتنا تنقص وراح نعمل على الشي هذا كوني متطمنة...وثاني شي نحبك اذا اي وحدة تعرضتلك تخبربني لانك مرتي و مرتي ولا حد يظلمها وانا فيا نفس فاهمة عليا؟ ...مش حاب نقلك انك كان لازم تواجهيني قبل ما تروحي لاني مش حاب نرجع لنفس الموضوع..سكرناه؟
سمر: امممم. سكرناه(مديت يدي ليها نمسح على شعرها اترمات في حضني بقيت نعدي في يدي على شعرها حنى هدات و انتظم نفسها عرفتها رقدت استسلمت للنوم حنى انا
