👨💼🌧عريس من المطر🌧👨💼
الحلقة الثامنة:
علاء يحكي: ضغط الخدمة و ضغط العرس..مسؤوليات مكدسة المخلوقة فالجهة الثانية لازملها شويا اهتمام لقيت روحي مضغوط ووقتي ضيق ..
زوبيدة: علاء غدوا ان شاء الله قطع الشرط لازم تروح باش تلبسلها الخاتم
علاء: علاش بدلتوها لادات ماشي كانت غير غدوا؟
زوبيدة، : الإمام لي شافو باباك قلو غدوا لي يكون قاعد
علاء: غدوا ان شاء الله نخدم مانقدرش
زوبيدة: يا ويلي ها بدل يا ولدي
علاء: يما ماكانش معامن نبدل خلي منبعد نفهمها
زوبيدة: لقيت الطفلة تحشم طحت تحقر فيها
علاء(نفخت بقلة حيلة ):يما راني نحاول جهدي نوفق بين كلشي...الله غالب منبعد نحكي معاها نفهمها ولا بدلو لادات
زوبيدة: امالا خلي غير الرجال يروحو ونروح انا و ختك ومرت خوك بلا ماندي خلاتك وعماتك
علاء: لي يساعدكم(خليتها خرجت شديت تيليفوني عيطتلهاوقبل ماتخلاص لابال كانت هزت
علاء: صباح الخير
سمر: صباح النور واش راك؟
علاء: الحمد لله ونتيا ؟
سمر: بخير يعيشك(كانت في وسط الفوضى عرفت تكون مع التحضيرات )
علاء: مانطولش عليك عيطت باش نقلك غدوا ان شاء الله مانقدرش نجي الله غالب طاحتلي نخدم مانقدرش نبدلها ولا نبيعها ماكانش...درت حسابي بعد غد الشيخ بابا بدل البروقرام
سمر: عادي ماصار شي...انا بعتها وراح ندير mise en disponibilité على الاقل عام حابة نرتاح من ضغط الخدمة
علاء: قرار مليح مش راح تندمي لانها مدة وبلخف تجوز...المهم نجدد اعتذاري ليك ديزولي سمر ان شاء الله نعوضك ماكانتش فالحساب
سمر: عادي بقلب صافي والله نعرف الخدمة كيفاش
علاء: اوكي امالا نخليك عندي ما نعمل انا
سمر: اااه اوووكي ربي يعينك بسلامة(قفلت الخط للمرة الثانية تعمل نفس الجاست اللي نكرهو اما معليش جاية ليام..الظاهر كانت حابة تحكي اكثر اما مانيش تاع قصرة خلاص
عند سمر:.
مرام: واش قلك يا الغو..لة خبريني؟
سمر: قال غدوا ان شاء الله مش جاي مايقدرش يبدل ولا يبيع المناوبة
مرام: هفففف قلت نشوف الغزال قدامي ساعة هاه ...شبيك قلبتي وجهك
سمر: مانعرفش خايفة بعد الزواج يبقى هكذا يتجاهلني هي صح زواج تقليدي و ماكنتش نعرفو بصح طمعت انو فالفترة هاذي نقدر نعرف عليه شويا(قلبت شفافي بدلال )
مرام: ديريلو هاذو ليجاست تشوفي كيفاش يولي هابل عليك(ضربتها بالمخدة قدامي )
سمر: تفكيرك منحرف
مرام: محسوب راح تتزوجو باش تقعدو خاوة التسوفيج فيها فيها و كون مانعرفكش يا بنتي حابة تعديها عليا...راكي تربيتي تموتي فالحكايات تاع الزواج وكذا
سمر: لي يسمع يقلك صح. هففف خلاص خليني نخمم فالمستقبل تاعي مابقاش للعرس
مرام: وتعيشي مع ذاك الشباب يا ويلي ههههههه
سمر: هذا واش يخمم مخك...هي صح شباب ومثقف ومايبانش متعصب ولا تافه بصح راني خايفة.
مرام: يا سمر حتى لو تزوجي انسان تعرفيه ملي خلقتي فالدنيا هاذي مارحش تضمني تعيشي معاه مليح ولا ماراحش يغبنك وصراحة انا نحسدك في شي نتي ماعرفتيهش قبل يعني اي شي يصير تقولي مكتوب ربي يصح انا كون يغلط معايا نقول انا لي قبلت على روحي
سمر: هيه عندك حق بالناحية هاذي انا خليت كلش على ربي هو لي يتولى امور حياتي..
مرام: شفتي كي وليتي شابة كي ضحكتي وضوكا خلينا نديرو قائمة باش نشرو واش يخصك( بقيت نشوف فيها بحنان و تلحت حضنتها )
سمر: يااااي يا مرام واش نحبك وتخطيني ياكلني الدود
مرام: ياويلي بعدي راكي خنقتيني ههههه
