👨💼🌧عريس من المطر 🌧👨💼
الحلقة 31:
دخلت الدار لقيتهم قاعدين كلهم فالصالة
علاء: يناسبني هكذا مدامكم كامل ملمومين نحب نعمل فيديو ولا واش قال لالة اسراء(غمزتها وحطيت التليفون وضع التسجيل وين نبانو كلنا) اسراء يوم طلعتي عندي الفوق واش قتلك،؟
زوبيدة: وين طلعتي اسراء؟
اسراء: لاااا
علاء: كنتي حاسبة بعد عملتك راح نسكت كيف ما سكتت على جيتك للسبيطار و طلعتك لعندي و ترمي في روحك عليا و بستيني بغفلة و سجلتي كلشي خليني انحي الحياء مادام لحقت لذي المواصيل...احكيلهم ولا القط كلا لسانك؟
زوبيدة: يا ويلي صح واش راه يحكي؟
اسراء: مش كيما متصورة خالتي
علاء: يا *** ما تكذبيش لخاطر نق.تل***هنا بلا ما نسأل عليك
زوبيدة: أهدى يا ولدي
علاء: واش نهدى واش حبيتي نهدى راهي تمادات
اسراء: انا حاولت نخليك تحس بحبك ليا
علاء: يلع.ن تخمامك هذا...ويل.عن الحب هذا لي علاجالو تكذبي و ترمي روحك على انسان رافضك و تحفريلو مالتحت لتحت فهميني كيفاش تخيلتي اني راح نسكتلك برك؟ ...سمر راجعة راجعة لانو مرتي مكانها معايا...اما نتي ماخممتيش فالعواقب؟ في شعور المرا لي من شهور قليلة عملت عملية وكانت تاعبة وين راح عقلك صدقيني حتى لو كنت مانحبهاش ما كنتش شفت فيك على جال الشي لي درتيه
زوبيدة: وئام جبيلي دوايا حاسة ضغطي ارتفع.
اسراء: خالتي سامحيني والله مش قصدي الشر عماني اما ما تحاسبونيش وحدي راهي وئام طول الوقت تدمر فيا والله كل ما نتخلى على الفكرة توسوسلي...
وئام: ا انا مش صحيح(شديت راصي وانا نسمع فيهم متقابضين يلومو في بعض..وامي في وسطهم وجهااحمر باش يطرشق)
علاء: طلعتو عاملين عصابة على **** جيبي الدوا ليما و غدوا نحب مرتي فالدار اذا مالقيتهاش مانلقاكمش نتوما الزوج ...و مش هنا باش تفض الحكاية مازال حسابكم قايم(طلعت يما معايا لداري باش نراقب حالتها لاني التحت مش قادر نقعد ولا نشوف وجوهم...وحتى الف.رخة لخرا راح نوريلها كيفاش تعمل هكذاك ...نعرف مش ساهل اما مش صعيب تواجهني يعني حتى انا غالط وقت ماخبرتهاش بماضيي مع اسراء ولو ماضي اما وقت ماضي وحاضري يتلاقاو كان من حقها تعرف ...حاولت نهدي روحي قدر اللازم قدام امي لي مازالت حالتها ماتعجبش وصافنة.
زوبيدة : وين كنت انا وقت صرا هذا الكل؟ علاش ماقتليش؟
علاء: محبيتش نقلقك وقلت بلاك يهديها ربي وتفيق بواش عملت و تتكاكا مع روحها..
زوبيدة: طلعت وئام بنت كرشي تدعم فيها والله ياولدي مش مصدقة حاسة كانو قاعدة نحلم ولا نتفرج في كاش فلم (تحكي وتبكي)
علاء: عمي روحك امي ما يصيرش هكذا كلشي باش يتصلح
زوبيدة: شوهولك صورتك عند نسابك رجعوك بونسويات ومرتك ولات تشوفني سكتت على الحق و انا راني مسؤولة على لي صار ياولدي والله مادريت بشي
علاء: ماتخميش هكذا صايي قتلك كلشي باش يتصلح
زوبيدة: الزوج هاذوك انا لي باش نربيهم خليهم عليا الى مانرجعهم للطريق...وانا نقول اسراء علاش ولات رفضت ترجع لراجلها لي مزال يحلل فيها وهي حاطة عينها عليك...اذا ما خليتهاش هي تطلب يجي يديها ما نتسماش زوبيدة بنت الطاوس.(.قامت من بلاصتها وقت وصلت للباب ناداتلي )علاء خلينا نمشو
علاء: وين ؟
زوبيدة: نجيبو مرتك...مانيش مرتاحة حتى نجيبها
علاء: حاب نخليها ترتاح (هزت راصها وبقات تشوف فيا باشمئزاز)
زوبيدة: رجال اخر الزمان نخليها ترتاح كانو راحت عطلة...البنت ماخذة على خاطرها تبكي ونتا ولا عبالك حاب تخليها حتى تبعثلك ورثة الطلاق هنا؟ مشي قدامي ني نقلك
علاء: لا سمح يما واش من طلاق يلاه نروحو
زوبيدة: نجوز نجيب المصفارات هاذوك هوما يحلو الموضوع ولو راني حشمانة بلي عملوه ومش قادرة اما الله غالب الحق لازم يبان ...
