👨💼🌧عريس من المطر🌧👨💼
الحلقة الخامسة: قمت صباح موخرة على غير عادتي كامل هذا مالتخمام..بايتة نحاجي ونفك اي ل للمحقق كونان...لبست بالزربة حطيت حوايجي و واش نحتاج في صاكي و خرجت نجري مزية لقيت الباص عند الباب ركبت ..وصلت للخدمة دخلت للسارفيس نجري لقيت روحي انا اللولة تنفست بعمق غيرت حوايجي و خرجت نجري قهوة مالماشين لي جايا في الكافيتيريا تحت شديتها في يدي طالعة للاسنسير قبل ما نضغط على الزر حبس وقت حطت يدها
منى: صباح الخير سمر رانا في ايكيب وحدة
سمر: وي شفت لا ليست
منى: الطبيب العام معطوب 24ساعة معاه والله بزاف علينا راه صامط يقتل
سمر: معليش كلش يجوز واش نديرو نخدمو خدماتنا و نروحو.(خذيت رشفة مالكاس صحصحت شويا)
منى: بلاك اليوم يجي cardiologue الجديد
سمر: منى انا خيتك جغمة قهوة وقفتيهالي خليني نشرب ا سيدي
منى: ياحاي صبحتي ماشي في مورالك خلاص (حبس المصعد خرجت نزرب في خطواتي تلاقيت الطبيب
معطوب: ليكيب المريض لي فالغرفة 2 هذاوين طلعوه الاستعجالات وضعو شويا وخلاص عندو insuffisance cardiaque خلوه تحت المراقبة و استناو رأي الطبيب المختص على 9يدخل اما البقية كامل عندهم ليفيش واش لازم يديرولهم مدولهم التخاتمو حتى نعديو عليهم
سمر: وقت يجي spécialiste
معطوب:ايوا(نحالي كاس القهوة من يدي و داه شربو )
سمر: اعق شربت منو و داه مريض هذا
منى: قتلك راني خدمت معاه قبل مش صحيح خلاص خلينا نبداو (عيدنا الوقت بين غرف لي المرضى نمدولهم فالدوا و نعملو اللازم..سمعت مشية وهدرة فالكولواغ تفتح الباب ودخل معطوب ومعاه واحد داير كمامة بابن cardiologue بقاو يحكو على المريض و معطوب راح رن تيليفونو )
الطبيب وهو يحكي مع المريض الاسئلة الروتينية: الحاج كيفاش تحس روحك؟
المريض: لباس الحمد لله برك قلبي نحسو يخبط بزاف حتى يعييني
الطبيب: ماتخافش راك معانا حاجة ما تخصك (لف لعندي جات عيني في عينو حسيتو مألوف اما ما ركزتش فيه..سورتو مع البافات لي داير حتى لو كنت نعرفو مانعقلوش )ممرضة اعمليلو تخطيط قلب من فضلك..و تحاليل دم (شد لوغدونوص يكتب و حطها في يدي و خرج )مالوقت هذاك مازدتش شفتو..
منى: بففف والله سارفيس كبير لازم 3 ولا 4 ممرضات في 24ساعة
سمر: مانهدرو والو والله يزكرو فينا خلينا نحطو راصنا شويا لازم بعد نص ساعة نطل عليهم (وهكذا عدات لاقارد و توالات الايام و ماخدمتش 2قارد بعتهم لاني كنت مشغولة مع الفيونصاي.والتحضيرات ..كنت شادة السكين نقص فالفاكية ونخمم زعما يجي؟ واش نلبس كون يجي صحة هكذا ومايجيش هففف ...اليأس تملكني مالوضع لي راني فيه شايفة روحي نغرق والما يسحب فيا للشلال وانا ساكتة خايفة نفيق وانا طايحة من قمتو و ما نلقاش حل لوضعي..من صغري والفت نخمد النار هكذا كل مشكل يجيني ما نواجهوش ماشي لانو ماعنديش شجاعة اما اهلي و ضغطهم بحجة يحبولي الافضل وانا ما زلت صغيرة وجاية الدنيا ومانفهم شي ملي يفهموه هو السبب لي يخليهم يتحكمو في حياتي وقراراتي المصيرية...دخلت امي مالباب وهي تضحك
نوال: سمر قلك يجي نسيبنا (نعرف وجهي يكون حمار لانو حسيت روحي حشمت)
سمر: اممم مليح(حطيت من يدي و مشيت لبيتي نجبد فليروب لي عندي ونخير حتى دخلني رقم جديد رفدت
سمر: انعم
علاء: سلام انا علاء اذا كان معليش ناخذ شويا من وقت اذا راكي ليبر(مام نانكونش ليبر نتليبيرا ا حبي وانا شحال نستنى تشرف )
سمر: انعم اتفضل
علاء: غدوا ان شاء الله اذا متفرغة باش نجوز عليك نشرو الخواتم(وليت نصوطي في بلاصتي مالفرحة واخيرا راح نشوفو )
سمر: نشوف مع ماما ونخليبك ميساج
علاء: اوكي براحتك نخليك ليلتك سعيدة
سمر: ليلتك اسعد(قفلت الخط وانا الحماس قاتلني ...صوتو يهبل ياويلي طلع فتقة بكلو...رجعت لخزانتي وانا نقلب فالحوايج ولي نجبدها نحسها ما تجينيش مليحة نفخت بملل و شديت تيليفوني نعيط لمرام انا مارفدتش...فتحت الباب ورحت عند ماما كانت تفرش باش ترقد)
سمر: ماما عيطلي السيد غدوا ان شاء الله باش نروحو نشرو الخاتم
نوال: اشششت يا بنتي يسمعك باباك يطلع بروحنا يابنتي ...ايه روحي في ستر ربي ان شاء الله تتفاهمو ويعجبك
سمر: ان شاء الله بصح واش نلبس؟
نوال: حاجة مستورة ماشي تروحي طالقة لاطاي يقلك هاذي مطلوقة (شفت فيها بنص عين وانا لي ناوية نغوي السيد من اول نظرة بفففف)
رقدت
