👨💼🌧عريس من المطر🌧👨💼
الحلقة25:
سمر تحكي: قد مانحكي فرحتي بلي سمعتو مش راح نوفي...شعور اكثر من رائع انك تحب و تتحب مالانسان لي راك متزوجو..نتفرج فيه كيفاش راقد قمت من بلاصتي اما رجعت وقت حسيت بوجيعة مش نرمال اسفل كرشي...عضيت على شفافي نكتم فالالم...ساعفت روحي وقمت من بلاصتي باش نروح للصال دوبا يادوب غسلت وجهي و رجعت لبلاصتي بطلوع الروح...والوجع ماشي ويقوا...قاومت لحد ماولا لا يطاق صرخت قاممفجوع
علاء: سمر شبيك؟
سمر: مانعرفش عندي سطر وماشي و يقوا(نحكي ونبكي...مسح على وجهو قام من بلاصتو يجري جاب ادواتو الطبية ورجع )
علاء:وين الوجع؟ (وريتلو وين ..بقا يفحص فيا منبعد جابلي دوا دارهولي يحكي) وقت يكمل السيروم نمشو للكلينيك راه حبس ولا نقس؟(هزيتلو براصي لا و كان ماشي ويقوا لدرجة اني نترت السيروم من يدي حملني بين يديه وطار بيا للكلينيك
فالكلينيك:
علاء يحكي: ندعي في ربي انو السي لي شاك فيه ما يكونش قاعد برا نستنى في كاش واحد يجي اطمني على حالتها مرو دقايق كانهم سنين ضوئية...كنى نشوف ممرضة خارجة و ليتيب تاع الدم في يدها
علاء: ا مدام من فضلك طمنيني على المريضة
الممرضة: رانا نعملو فالتحاليل اللازمة باش نفصلو في حالتها مازال خليتهم يديرولها في ايكو(هزيتلها براصي نعم و رجعت خطوات لورا قبل ما نتشجع وندخل عليهم
علاء: راني طبيب زادة(هزلي الطبيب راصو بالموافقة ..قربت لعندو هكذا في وذنو )
علاء: شديت في شي من أصل زوج يا الزائدة الدودية وهذا احتمال ضعيف لانو فحصتها فالدار ماعندهاش حمة ولا تتقيا ولا اي اعراض أخرى وحتى الألماس شويا تحت يبقى الحمل خارج الرحم)
للطبيب: معاك حق..برك لازم نتاكدو من وجود الحمل و نحددو مكان البويضة الملقحة وين لانو لقينا لابوش مي فارغة (ماتفاجأتش لاني توقعت اما حزنت لدرجة كبيرة )
علاء: وقت تحدوها تدخلوها للبلوك ديراكت؟(هزلي راصو وي...خرجت برا نشوف الممرضة راجعة بالتحليل رجعت دخلت )
الممرضة: دكتور هرمون الحمل راه مرتفع (بقيت نشوف في سمر لي راقدة وماحاسة على شي وحدت ربي و خرجت من جديد على صوت تيليفوني لي كان يصوني بديت خبرت يما واش كاين و قفلت وقت بدات تبكي وصيتها تحكي لأهل سمر بلاما تفزعهم عليها...بقيت لساعات وانا برا غرفة العمليات حتى خرج الطبيب
الطبيب: العملية نجحت حاولت قد ما نقدر اني ما نضرش الرحم من حسن الحظ كان خارجة شويا يعني إمكانية الانجاب بعدها تبقى متوفرة ولو بنسبة مش مرتفعة بزاف يكفينا انها كاينة وكلشي بيد الخالق
علاء: تهمني المريضة والباقي ربي يديرلو تاويل(هزلي براصو نعم و ربث على كتفي ومشى...بقيت مقابل الزجاج نستناها تفيق ...حسيت روحي دايخ بعد طول الوقت افتكرت اني ماكليت شي مالبارح مشيت للكافي تاع الكلينيك شريت واش نحتااج يادوب باش نقدر نكمل نوقف و رجعت..لقيتها فاقت..استأذنت و دخلت عندها تبسمت
سمر: علاء تقدر تبدا حياتك من جديد حتى هي مدة زواجنا قصيرة انا محال نسمح انو تتزوج عليا اما نتا حر في انك تطلق(قلبي وجعني عليها سورتو وقت كانت تقاوم فالدموع باش ما ينزلوش)
علاء: يا ربي هذاوين خرجتي مالبلوك واش خالتي نوال رضعاتك راديو في صغرك ..خلينا مالدراما تاعك والهدرة الضايعة )
سمر: علاء راني ممرضة نعرف انو الحمل خارج الرحم احتمال اني نزيد نحمل 10بالمية
علاء: نصححلك ولو مش وقتها وراكي تاعبة...اما يا روحي على حساب وين لقاو البويضة اذا لقاوها فقناة فالوب لي تكون النسبة لي قلتيها لانو يضطرو انهم يضرو الرحم وقتها و ضوكا امسحي دموعك و همي مخك كانت بعيدة على البلاصة هاذي
سمر: بلعاني تكلخلي
علاء: وراصك ماراني نكذب ...وضوكا حاولي ترتاحي و ماتخمي في والو نشوف لي يجي يبدلك السيروم و نرجع
سمر: اوك
