👨💼🌧عريس من المطر🌧👨💼
الحلقة السابعة:
سمر تحكي: ظلمتو المخلوق هذا طلع راجل و انسان يمد للمرا قيمة ويضحك زادة...ويعرف يحسب لكل شي
علاء: مادام اتلاقينا واش رايك نحكو على العرس شويا(حط المغرفة من يدي و مسح فمو تعدل في قعدتو سند ظهرو على الكرسي )
سمر: اوك اما نحب وقت شويا مش واجدة
علاء: شحال وقت؟
سمر: عام
علاء: عام بزاف حاب نستقر في اقرب وقت ..اذا على باش نتعارفو اكثر عندنا حياة كاملة قدامنا مانضيعوش الوقت(وهو يحكي شفت واحد جاي من عندي كان يقرأ معايا ووقت اتخرجنا كل واحد وين عاد يخدم قرب من طاولتنا القى التحية قمت حكيت معاه
براء: سمر واس راكي اختي
سمر: لباس ونتا واش عامل فيها؟
براء: لباس مع الخدمة برك واش عندنا نديرو اهيه ونتيا؟
سمر: احم براء نقدملك علاء خطيبي.
براء: متشرف بيك
علاء:متشرفين (راح براء اما حسيت علاء تغيرت نبرتو )
سمر: وقتاش تحب العرس
علاء: نظن لازم نمشو (وقف وقفت في جرتو نشوف مع المطر برا لي قوات نازلة خيوط مش متقطعة مالسما درت ليه كاني نسال فيه بنظرتي
علاء: خليك هنا نجيب الطوموبيل لهنا ونروحو(اكتفيت اني نوافق بقيت نراقب فيه مالزجاج كيفاش يمشي ويزرب وحاط يديه فوق راصو ...ماتوقعتش يكون نفس الانسان...اما حاسة بالراحة والامان وانا معاه شخصيتو قوية يعرف كيفاش يمشي العلاقة ويكون هو الراجل الحاجات لي اكتشفتها فيه لحد الان كلها شدتني..حتى شكلو ورجولي بحت مع الغمازات لي يبانو تحت لحيتو وقت يضحك تبسمت وانا حاضنة روحي ..رفدت الفاست لبستها شديت صاكي و استعديت باش نخرج وقت شفت طوموبيلتو جاية من بعيد ...مر الوقت وحنا ساكتين وقت قربت نوصل حبيت نكسر الصمت
سمر:ميرسي على كلش
علاء : من غير مزية ماعملت غير واجبي.(وقفت السيارة شديت الكياس لي شريت تبسمتلو و مشيت..طول الطريق وانا نخمم كيفاش راح تكون حياتي معاه اااخ مني بدات المطر زربت في خطواتي اكثر دخلت للدار وانا ميتة بالعيا كان السكات يعم الارجاء...دخلت بيتي غسلت و تمديت انا مستحيل نقدر نتزوج ونروح للدار نخدم الشغل ونطيب هففف ..اتفتح الباب دخلت ماما
نوال:رجعتي
سمر: ماما مانقدرش نوفق بين الخدمة والدار
نوال: وقفي الخدمة شي عامين حتى ترتاحي وارجعي...لازملك لهوة للدار والراجل..مش راح تحبسي خدمتك بصح اوموا تنظمي حياتك
سمر: راني نخمم فالموضوع ممكن جدا نحط mise en disponibilité انا نص عمر ونص صحة مع التعب نموت
نوال: صحتك ودارك اولى حتى خدمتك مهمة مي لازم ترتاحي شويا.
سمر: ان شاء الله الاسبوع هذا نرقيليها(خليتها خرجت شديت تيليفوني بقيت نشوف مع نومروه نعيطلو ولا لا؟ واش فيها كون نعيط واش راح بصير حطيت صباعي كومبوزيت نيميروه وغمضت عين وانا نسمع فالصونات لحد ماتوقفت وماهزش..حسيت بخيبة امل حطيت التليفون عند راصي وحاولت نغفى...صونا التيليفون هزيت عليه .
علاء: انعم.
سمر: ااه فالحقيقة قلت نسقسي اذا لحقت للدار كان المطر غزير وقت كنا فالطريق
علاء: هممم لحقت ميرسي
)فقط يعني هذا واش يقول؟)
سمر: تصبح بخير وسامحني كان قلقتك(كوبيت بلا ما نستنى ردو اصلا برودو لي جاه بين دقيقة وختها قلقني..)
