🌧👨💼عريس من المطر🌧👨💼
الحلقة الثالثة:
صباح جديد واش مخبي في ثناياه ربي وحدو لي يعلمو.. راكبة فالباص نشوف لبرا مع قطرات المطر الخفيفة لي بدات تنزل وتداعب في اوراق الشجر تخليها تميل يمين وشمال...حتى مالطرقات والارصفة ارتاحت مزحام المارة و تزمير السيارات لي كان طول الصيف..الجو هذا نعشقو و نحب الهدوء لي فيه و شعور الراحة لي يبثو داخلي..و الأمل زادة...قربت الوجهة تاعي تقدمت للباب ونزلت بعد ما حبس الباص..جريت باقصى سرعة لباب الصبيطار مزية ورجلي ارتاحت سينو كنت نبتل كامل وانا نمشي رايحة للسارفيس جاتني وحدة قاتلي تبدلت لاليست وكل واحد وين طيشوه...رحت نجري باش نقراها نلقا روحي فالسارفيس الجديد لي راح يفتحوه وليت نشوف الإدارة ظلمة باين بلي انا لي يديروني ثما لانو انا الجديدة فالخدامين وديما يضحو بالجديد هففف..خدمت اما على غير عادتي كامل فاقولي بلي زعفت..كنل دوامي خرجت بلا مانشوف في حد رجعت للدار وعلى غير العادة امي استقبلتني بالاحضان والضحك عقدت حواجبي فيها مستغربة
سمر: ماما واش صرا؟
نوال: جايك عريس يا بنتي وواش من عريييس
سمر: ماما تنفسي شبيك واش من عريس لي جاي بين ليلة ونهار جاي مالمطر مثلا؟
نوال: غدوا جايين وجدي روحك لازم نخرج نشري واش خص مع باباك..نتيا ارتاحي راكي تباني تاعبة
سمر: شكون جاي ماما خبريني؟
نوال: وليد زوبيدة الطبيب لي كان يكمل فالتخصص تاعو..مايجيش هو بعثتلو تصويرتك مع يماه شافك عجبتيه (حسيت العصب شدني من ساسي لراصي كانو انا ماعنديش راي المهم عجبتو هو )
سمر،: وانا نقبل بلا ما نشوفو؟ مافهمتش علاش كي طبيب حاسب يخلعني المهم نقلك حاجة نعرف راح تسيفي عليا ومارح نشرط والو مي اذا قلي تحبسي الخدمة مستحيل ديريها في بالك
نوال: يا بنتي اتفاءلي وزيدي جا نهار خطبة مرام تكوني شفتيه
سمر: مايهمش ياك نتي وافقتي فاش يهم شفتو ولا لالا(خليتها واقفة ومشيت لبيتي جبدت تيليفوني نعيط لمرام
سمر؛ يا ك..لبة علاش ماتخبرينيش بلي صار
مرام: اششت ضوك نبعثلك لانستا تاعو ادخلي وشوفيه السيد شباب لاباس بيه يعني ظاهريا اي وحدة مكانك تقبل و فريد قلي كان لاتي مع التخصص ما تزوجتش
سمر : كي نتي كي فريد تاعك نتي عشقي و سمر طبعوها كي تاع بكري ...جامي شفت واحد يخطب يبعث يماه وهو مايجيش بففف كشغل راني فالقرون الوسطى
مرام: سمعي جات ماما منبعد نحكو(علقت ديراكت بقيت نستنى تبعثلي لانستقرام تاعو ووالو...نعرفها يكون فريد عيطلها ونساتني جملة...يعني رانا كبار كون جا هو نفهمو بلي مانيش قابلة يا ربي باين يكون عندو شلاغم طوال كيما الطبيب لي قرانا التشريح..ولا يدير نواظر وعينيه يبانو مدورين غمضت عينيا بكفوف ايدي نحاول نطرد الأفكار هاذي هذا واش خصني الطريقة ماتعجبش و يزيدلي الراجل شويا وخلاص اصلا كان داير تخصص هو كي يكمل قرابتو كان بالتقريب 26سنة و نزيد 5سنين تاع التخصص 31 و عام تاع خدمة يعني 32 ..مانحبش راجل كبير عليا بزاف ...حسيت باليأس يتسلل لقلبي و طرافي جمدو..قعدت على حافة سريري حاطة يديا على خدودي هاذي حياة كاملة و قرار حاسم فالحياة ماشي لعبة باش وحدوخرين يخمو في بلاصتي و لا يطبعوني و يخلوني نقبل حتى لو كانت امي مش مقبول انا لي راح نعيش معاه ونتعامل معاه ...ومدام اتجاهلني و ما راهش جاي يعني حاجة من زوج :يا واثق في روحو بزاف و مطيح بيا ...يا مش مهتم بالموضوع ويماه راهي تطبع فيه كيف ما تعمل ماما...معليش نحاول نتناسى الامر و اليامات الجاية راح تجيب معاها الجواب والحل زادة...على الاقل جاتني فرصة باش نهتم بروحي بشرتي راهي ناشفة بزاف حتى شعري وراه في حالة قربت مالكوافوز جبدت واش نحتاج و دخلت للصال دوبا..عملت دوش نحيت بيه التعب تاع أسبوع كامل و صفيت ذهني من كافة الأفكار لي ممكن تجيني و تنكد عليا يومي..بعدها خرجت تمديت على فرشي ماحسيتش كيفاش هزني النوم و غرقت في عالم الأحلام المكان الوحيد٠ لي نعيش فيه كيما نحب ونكون سيدة نفسي و نتخذ قراراتي المصيرية بنفسي...
