👨💼🌧عريس من المطر 🌧👨💼
الحلقة 13
سمر تحكي قمت الصباح نتململ مالتعب رقدت ماحسيتش على شي...فتحت عيوني نثبت فالبلاصة هاذي مش شموبرتي زدت نزلت بعيوني للسرير هذا مش سريري والله وزوجتي يا سمر ...نزلت راصي فالمخدة خبيتو فيه..وقمت للصال دوبا عدلت روحي ولبست...خرجت للكوزينة مالقيتوش..فتحت الفريجيدار نشوف شي يتاكل رفدت حبة بابان جيت ناكلها نحاهالي من يدي
علاء: صباح الخير مش مليح تفطري على البنان وكرشك فارغة شربي حليب السع
سمر: مانحبوش.
علاء: كاين شوكولا
سمر: اوكي..ونتا فطرت؟
علاء: ايه
سمر: فقت بكري صباح؟
علاء: اممم هذاك لي صار
سمر: رقدت مليح؟
علاء: ههههههه السؤال لي كنت خايفو...يا لالة بايتة تلعبي فيا
سمر: انا؟ نلعب؟(هزلي راصو وي و اتكى على الفريجيدار )
علاء: اضطريت نخرج نرقد برا (حطيت يدي عفمي )
سمر: العادة نومي صامط و كامل مايحبوش يرقدو معايا اما مش كامل هكذا ديزولي
علاء: كنتي تقولي باش ندير حسابي هههههه (عبست وقلبت شفافي ) ماتزعفيش راني نتمسخر معاك برك...روحي وجدي لافاليز تاعك باش نروحو وانا نوجدلك الفطور
سمر: وين نسافرو ماعنديش باسبور
علاء: هههههه لا غير هنا مش بعيد اما بلاصة مليحة (قداش فرحت الظاهر حب يديرلي شهر العسل )
سمر: قلي وين؟
علاء: مفاجأة اجري نروحو قبل ما يفيقو بينا و يبداوك الاسئلة المحرجة ( رحت نجري بلا ما نشوف ورايا حطيت حوايج لي جات قدامي و زدت عمرت صاك توالات تاعي بليبرودوي لبست و رحت نجري لعندو لقيتو يعصر فالشينة نحيتلو من يدو شربت لي كان مسحت فمي بظهر يدي نحكي )
سمر: خلينا نمشو راه بدا الحس التحت
علاء: اوكي نحيب مفاتحي
سمر: حوايجك واجدين؟
علاء وهو يمشي: وي هبطت لافاليز صباح (لميت الحالة و غسلت الماعن هاذوك بالزربة اصلا قلال مسحت يديا ومشيت جهة الباب جاني صوتو ورايا
علاء: يلاه اخرجي يا لالة(نحالي الفاليز من يدي بقيت نمشي بلعقل فالدروج حتى وصلت الطوموبيل وديمارينا باش تنفست )ضوك يعيطولك فالتليفون قولبلهم كلش لباس وخليهم التفاصيل ماتهمهمش.
سمر: اوكي (سبقت بعثت ميساج لمرام خبرتها تخليلهم خبر حطيتو بجنب فتحت زجاج النافذة حسيت بالنسمة الباردة وليت غلقتها شويا ...حبيت نحكي حاجة اما ماعرفتش وخفت نبلبزها كي عوايدي
سمر: ياا ماقتليش واش تحب تاكل؟
علاء: ناكل كل شي ماعندي حاجة بصح نحب المثوم بزاااف والحلو نحب الحلويات تاع بكري
سمر: يييي ماتحبش ليكراب؟
علاء: امممم نحبهم
سمر: معمرين شوكولا كيفك هههههه(حطيت يدي على فمي و درت للزجاج ماحبيتش نشوف فيه ماقصدتش حاجة عيانة خفت يفهم انو نضحك على لون بشرتو مع انو تهبل سموريتو...ومن جهة اخرى خفت يفهمني ينغزل بيه ) مش قصدي حاجة عيانة بكلامي غير نضحك
علاء: اوك هاني صفيت مخي ههههه (شد الفران بعد ما صف بجنب ونزل نزل ليفاليز نزلت وراه...كان الجو بارد بزاف والمطر يطيح مع ريح خفيف.)ازربي معايا للدار هاذيك
سمر: اوكي هاني نمشي وراك(وصلنا عند الباب بقيت نشوف فيه )
علاء: حطي يدك في جيب سروالي تلقاي المفتاح(قربت لعندو حطيت يدي بتردد في جيبو توترت من قربي ليه...)شوفي الجيب لاخر(عديت لساني عشفافي لي حسيتهم نشفو...وعنلت كيف ما قال قربت ليه اكثر لاني حسيت بالمفتاح اما قدرتش نجبدو ثواني مرو هكذاك حتى جبدتو وفتحت الباب دخل هو بليفاليز في يدو حطهم...كانت دار صغيرة اما حلوة...)
علاء: اليوم يبدأ يطيح الثلج بالمنطقة هاذي ان شاء الله على ذيك جبتك
سمر: اااه نحب الثلج
علاء: نشفي شعرك و غيري ثيابك باش ما تمرضيش حتى الدار راهي باردة ما شي مشغلين التدفئة(مشيت الشومبرة قلبت في قشي لي جبت نصهم قصار ضربت راصي بكف يدي اااخ منك يا سمر ترعشي وحدك ضوكا ندور بالنويزات قدام الراجل هففف..خيرت اكثر وحدة مستورة و خرجت
لقيتو غير برا طلع راصو يشوف معايا
علاء: مش برد عليك؟
سمر؛ لااا جاتني سخانة
علاء: اممم اوكي حسبتك مبرادة
سمر: هاااء عادي
