👨💼🌧عريس من المطر 🌧👨💼
الحلقة 28:
في غرفتي كيف العادة ومؤام مقابلتني تشوف فيا بنص عين
سمر: شبيك راني حكيتلك واش صار باش تدليني..راني نخمم نروح لطبيب نفسي
مرام: الحل مش عندو الحل عندك تعرفي علاش ؟ الطبيب النفسي يروحلو انسان على مشكل تعبو مالقالوش حد وراه فيه مثلا بنت اغتصبوها ماتقدرش تولي بالزمن و تمنع الشي هذا وما تقدرتش ترجع الشي لي اتسلب منها اما نتي لا ناس عندك فرصة ماحبيتيش ناخذيها اصلا طوووول قلتي مانقدرش نجيب مع انو الطبيب اكدلك انك تقدري بنسبة اكثر من 50بالمية...راكي دخلتي في علم ربي ولا حبيتي حبسي العلم زادة شبيك والله مافهمت؟
سمر: اعوذ بالله واش الكلام هذا
مرام : راني نحكي على حساب تصرفاتك لي ماعندهاش منطق...متفهمة خوفك اما راه بدون سبب مقنع ...كامل عندنا مخاوف مثلا انا نخاف انو شي يوم نقوم و نلقى فريد بطل الخطبة مع انو عندو الف سبب باش يبطل ديما مهبلاتو نقتل روحي عادي ولو هكذا مارحتش انا و بطلتها لخاطر خايفة عادي راني نعيش في فرصتي معاه لانو ماعنديش معلومات الغيب لي يعلمو غير ربي يصح قارني حالتي وحالتك وماتقوليش انو موضوعك غير راكي مكبرة الحكاية نعرف نساء راهم في خمس سنين زواج و ماعندهمش ولاد لانو نحاو نصف الرحم اما هكذاك و بقاو كل شهر طامعين ربي يرزقهم...وين الخلل..اكيد فيك سمر حلك باين ماتحتاجيش لا طبيب نفسي لا غيرو اضربي الخلطات والفيتامينات كيما مسعودة جارنا ولا خلي راجلك يريح مع مرا خلاف
سمر: يييي الا ذي شبيك راجلي راهو
مرام: وكيفاش الالة راكي سمطتيها ماراكي مادتلو حقو في حتى شي
لا عطف لا حنان لا اشياء اكثر غير نكد ونديب الضحكة تاع فوق القلب محسوب مايفيقلهاش ها بركاينا
سمر: يعني قنعتيني شويا
مرام: شويا؟!منك صح وقتاش ولا مخك هكذا راكي تضيعي في حياتك اليامات لي جوزتيهم فالنديب راح تندمي وقت ربي يرزقك بيبي شباب كي باباه
سمر: زعما ؟
مرام: ربي كريم شبيك هكذا لمي قشك تروحي لدارك ديري لراجلك مفاجاة يكون كاره حياتو على البلية لي طاحت عليه ماعرفش باش اتبلى (قمت من بلاصتي نجري نلم فالحوايج مشيت تحممت ورتبت شعري ومكياجي ديت معايا عشا من دارنا بقيتهم على خير و مشيت لداري طلعت بلعقل ماحبيت يتنبهلي حد...افتحت الباب ودخلت للكوزينة حطيت من يدي و رتبت الطاولة زدت شموع و شويا ورد كان كلشي واجد مشيت لبيتي عملت نفس الشي و كملت حضرت روحي ..وبقيت نستنى بعد مدة اتفتح الباب مشيت لعندو على غير العادة وقت شافني دور وجهو مني عرفتو مازال زعفان..قربت منو حضنتو مالقيت حتى رد فعل
سمر: رجعت على جالك سامحني علاء مش قصدي لي صار
علاء: تاعب حاب نرقد(بعد عليا ومشا جهة البيت بقيت واقفة نشوف فيه وهو مبعد اتكسر خاطري زعما صح خسرتو؟ ولا ما يحبنيش كيف قبل؟ دخلت وراه للبيت لقيتو خارج مالصال دوبا بلبس النوم
سمر: ما تتعشاش
علاء: تؤ
سمر: طيب صليت ؟
علاء: وي قبل ما نجي
سمر: خليني نرقد عندك (طفاني مارجعليش مشيت تمديت جنبو كاني راقدة قدام خشبة..وليت قمت من بلاصتي رحت لميت الحالة فالكوزينة بلاما ناكل شي ...مانعرفش كيفاش كان حامل صدي لبه الوقت هذا كامل انا مرة و اتكسر خاطري رغم راتي عارفة بحالو نزلو دموعي رغما عني قعدت في بلاصتي نحاول نهدي في روحي...حسيت بيد تحطت عكتفي رفعت راصي نشوف معاه
علاء: مالقري تستهلي بصح ماهنتيش عليا قومي قدامي تاكلي خليني نروح نرقد راني تاعب صح
سمر: علاء والله مش قصدي مانعرفش علاش عملت هكذاك
علاء: اششت كلشي وفا قومي قدامي نشوف (قمت يادوب كليت باش ما نكسرش خاطرو وقت مشينا للبيت وقفت في نصها نشوف
علاء: النكد الجزء الثاني شبيك؟
سمر: مارانيش شابة علاش ماراكش تشوف فيا؟
علاء: واش لازم نعمل مثلا؟ نحاول باش نتفاجئ برد فعلك نغم على راصي ونرقد ماراكي حولتيني لمراهق فال 17 سنة(شدني الضحك من طريقة كلامو )
سمر: انا توحشتك حبيبي(بكم وبقا يشوف فيا من بعيد قربت لعندو قعدت قدامو نحيت ببطئ واش كنت لابسة وتلحت انحيلو قلبني تحتو في رمشة عين
علاء: بلاكي برك تندمي الصباح ولاترجعي تنكدي عليا هاني نوصي فيك
سمر: ههههه وضوك تبقى توصي ولا راحت كامل وحنا نستناو..قرب لشفافي باسني بوسة لخصلي فيها كامل الشوق وكل واش تعمل عليه قبل اليوم
