[Unicode]
"ဟဲ့ သက်ပြင်းကြီးတချချနဲ့ တစ်လမ်းလုံးဘာတွေဖြစ်နေတာလဲဟ" ပိုးခန့်ထည်မှ မှန်ပြတင်းပေါက်ကိုကြည့်ရင်းငူငိုင်နေသော သွန်းဆက်အားလှမ်းမေးလိုက်သည်။
"ဟင် မဟုတ်ပါဘူး အစ်မမေနန်းခက ဘာလို့အဲ့လောက်စိတ်ဆိုးသွားတာလဲမသိဘူးလို့ စဥ်းစားနေတာပါ သူက မိန်းကလေးချင်းချစ်တာကိုများမုန်းလ်ို့လားမသိဘူးနော်"
သွန်းဆက်က သူမ၏လက်မနှစ်ခုကို ဆော့ကစားရင်းပြောလိုက်သည်။
"မုန်းတော့လည်းဟယ် နင်ကမမုန်းအောင်လုပ်ပေးလိုက်ပေါ့ ဘာဖြစ်တာမှတ်လို့ ပျော်အောင်သာနေပါဟယ် လူ့ဘဝကတိုတိုလေး " ပိုးထည်က ထိုသို့ပြောရင်း သီချင်းဖွင့်ကာ သီချင်းသံကိုကျယ်ထားလိုက်သည်။
သွန်းဆက်ကတော့သူမသူငယ်ချင်းကိုကြည့်ကာ ခေါင်းခါလိုက်သည်။ သူမှမချစ်ဖူးဘဲကိုး..
ကိုယ့်ရဲဖြစ်တည်မှုက သူ့အတွက်အနှောင့်အယှက်ဖြစ်တာမျိုးကိုတော့ ဘယ်သူမှမလိုချင်ကြဘူးလေ..
"အင်း..ငါတော့ ဒီတစ်သက် အစ်မကိုဖွင့်ပြောခွင့်ရှိပါ့မလားနော်..ဒါမှမဟုတ် တိတ်တဆိတ်ချစ်သွားတာကပဲ ငါတို့၂ ယောက်ရဲ့ ဆက်ဆံရေးကိုပိုမြဲစေမလား ..." သူမတစ်ယောက်တည်း ခပ်တိုးတိုးရေရွတ်လိုက်သည်။
"ကဲ အစ်မ ကျွန်မမောင်းတော့မောင်းနေတာပဲ ရှင့်အစ်မအိမ်က ဘယ်နားမှာလဲ ပြောဦးလေ"ပိုးထည်က လှမ်းပြောလိုက်သည်။
"သြော် အေး ရှေ့လမ်းမကျ ညာချိုးပြီးပထမဆုံးတွေ့တဲ့လမ်းထဲဝင်လိုက် အဲ့မှာ ၅အိမ်မြောက်အိမ်မှာရပ်ပေး"
"အေးပါအေးပါ "ပိုးထည်လည်းလမ်းကြောင်းကြည့်မောင်းနေသဖြင့် သူမသူငယ်ချင်းကိုအာရုံမစိုက်နိုင်။ သွန်းဆက်ကတော့ မောနေသဖြင့်သူမ၏ဆေးဘူးကိုထုတ်ကာပါးစပ်ဖြင့်ရှူနေရသည်။
"ကဲ ရောက်ပြီ ...သွန်းဆက် အဆင်ပြေရဲ့လား သွန်းဆက် "
"ငါအဆင်ပြေတယ် ရတယ် ဆင်းတော့မယ် တာ့တာ အထဲလိုက်ဦးမလား"
"နေနေ ရတယ် ဂရုစိုက် ငါချိန်းထားတာရှိသေးတယ် သွားတော့မယ်"
"အေးအေးတာ့တာ"
ပိုးထည်၏ ကားထွက်သွားတော့မှ သူမလည်းအိမ်ထဲဝင်လာသည်။
YOU ARE READING
You are my sunshine {On Hiatus}
Romanceကံကြမ္မာဆိုတာ ယုံစားလို့ကောင်းတဲ့အရာမဟုတ်ဘူးကွယ်..
